قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جاڭاشا شارۋالارعا ءۇمىت ۇشقىنىن باعىشتايىق

جاڭا داۋىردەگى تىڭ باستاما (4)

2018.02.02 16:02 كەلۋ قاينارى : شينجياڭ گازەتىنەن

  ادامداردى اۋىل - قىستاقتاردا تياناقتاتىپ، اۋىل - قىستاققا باۋراۋ ءۇشىن اۋىل - قىستاقتى، اۋىل شارۋاشىلعىن وسىزامانداندىرۋ، شارۋالاردى وسىزامانداندىرۋ قاجەت
  قۇلتەمىر قياردى يكەمدىلىكپەن ءۇزىپ الدى، ۇشقىشسىز ۇشاق اۋىل شارۋاشىلىق دارىلەرىن شاشتى، قۋاتتى سۋارۋ ماشيناسى اتىز سۋاردى، قول تەلەفون بۇلتى ارقىلى باعىمشىلىق جاعدايىن كەز كەلگەن ۋاقىتتا بىلۋگە بولادى... بۇگىنگى جۇڭگونىڭ اۋىل - قىستاقتارىنداعى اۋىل شارۋاشىلىعىن وسىزامانداندىرۋ كورىنىستەرى ادامدى ەرىكسىز قايران قالدىرادى. جاڭاشا ديقانداردىڭ جاڭا تەحنيكامەن بىرىگۋى اۋىل - قىستاق بايتاق دالاسىنا ءۇمىتتىڭ تۇقىمىن شاشتى.
  دوڭگەلەك داۋلەتكە جەتكەن - جەتپەگەنىن اۋىلداستىڭ جاعدايىنا قاراپ ءبىل دەگەن ءسوز بار. 30 جىلدىڭ الدىندا، پارتيانىڭ حۇجاتتارى اۋىل - قىستاقتى «نەگىزىنەن ءالى دە قولونەر قۇرال - سايماندارىنا سۇيەنىپ كۇن كورەدى» دەپ سۋرەتتەيىن. بۇل كۇندەرى، جۇڭگو قوعامىنداعى باستى قايشىلىقتىڭ ىشكەرىلەي وزگەرۋىنە بايلانىستى، شارۋالاردىڭ ءىشىپ - جەم، توقتىق ماسەلەسى شەشىلدى، اۋىل شارۋاشىلىعىندا اسپانعا قاراپ كۇن كورەتىن جاعداي كورنەكتى وزگەردى. دەسەدە، سونىمەن بىرگە، اۋىل شارۋاشىلىق وندىرىسىندە «مۇراگەردىڭ جوق بولۋى»، بايلىق ورتاسىنىڭ بۇعاۋلاۋ قىسىمىنىڭ زورايۋى، اۋىل شارۋاشىلىق ونىمدەرى ساپاسىنىڭ قاجەتتى قاناعاتتاندىرا الماۋى سياقتى ماسەلەلەر اۋىل شارۋاشىلىعىنىڭ، اۋىل - قىستاقتىڭ وسىزاماندانۋ اياق الىسىن نەداۋىر باياۋلاتتى. «جەردى كىم ەگەدى، قالاي ەگەدى» دەگەن ماسەلە ءبىر مەزگىل ادامداردىڭ باسىن قاتىرعان ماسەلەگە اينالدى. ءدال وسىنداي جاعدايعا مەڭزەس، پارتيا 19 - قۇرىلتايى اۋىل - قىستاقتاردى گۇلدەندىرۋ ستراتەگياسىن اتقارۋدى، اۋىل شارۋاشىلىعىنىڭ، اۋىل - قىستاقتاردىڭ وسىزاماندانۋىن جەدەل ىلگەرىلەتۋدى تالاپ ەتتى.
  باس شۋجي شي جينپيڭ: قالىڭ شارۋالاردىڭ باقىتتى دا تاماشا تۇرمىس وتكىزۋىنە مۇمكىندىك جاساۋ، بىرەۋىن دە، ءبىر وتباسىن دا قالدىرماۋ كەرەك، - دەپ باسا دارىپتەدى. «قوس 100 جىلدىق» كۇرەس نىساناسىن ىسكە اسىرۋ تاريحي توعىسۋ كەزەڭىندە، پارتيا 19 - قۇرىلتايى «اۋىل - قىستاقتاردى گۇلدەندىرۋدى» ەل باسقارۋدىڭ ماڭىزدى ستراتەگياسىنا كوتەردى. اۋىل شارۋاشىلىعىنىڭ وسىزاماندانۋىن ىلگەرىلەتۋدەن «اۋىل شارۋاشىلىعىنىڭ وسىزامانداۋىن ىلگەرىلەتۋدى تەزدەتۋگە ويىستى، قالا اۋىلدى جەتەكتەۋ، قالا مەن اۋىلدىڭ ءبىر تۇتاستىعىنان «قالا مەن اۋىلدى توعىستىرا دامىتۋ ءتۇزىلىس مەحانيزمىن جانە ساياسات جۇيەسىن ورناتۋعا» ويىستى، اۋىل شارۋاشىلىعىن، اۋىل - قىستاقتاردى الدىمەن دامىتۋعا تاباندى بولىپ، اۋىل - قىستاقتاردىڭ نەگىزگى شارۋاشىلىق ءتۇزىمىن بەكەمدەدى جانە كەمەلدەندىردى... 19 - قۇرىلتاي بايانداماسى اۋىل شارۋاشىلىعىنىڭ، اۋىل - قىستاقتاردىڭ، ديقاندارداردىڭ دامۋىنىڭ بىركەلكىسىز، جەتكىلىكسىز بولۋ ماسەلەسىن شىعار ءتۇيىن ەتىپ، نەگىزدى كۇشەيتۋگە، ولقىلىقتاردى تولىقتاۋعا، ومىرشەڭدىكتى ارتتىرۋعا كۇش سالىپ، شارۋالاردى كۇشەيتۋدىڭ، شارۋالاردى بايىتۋدىڭ تۇتقاسىن مىقتى ۇستادى. وسى يدەيانىڭ جەتەكشىلىگىندە، اۋىل شارۋاشىلىعىن كۇشەيتۋدىڭ، كوركەم اۋىل - قىستاق قۇرۋدىڭ، شارۋالاردى بايىتۋدىڭ باعىت - باعدارى ونان ارى ايقىندالا ءتۇستى.
  ادامداردى اۋىل - قىستاقتاردا قالدىرىپ، اۋىل - قىستاققا باۋراۋ ءۇشىن اۋىل - قىستاقتى، اۋىل شارۋاشىلىعىن وسىزامانداندىرۋ، شارۋالاردى وسىزامانداندىرۋ قاجەت. قالىڭ شارۋالار اۋىل - قىستاقتاردى گۇلدەندىرۋدىڭ نەگىزگى تۇلعاسى، ولاردىڭ بەلسەندىلىگىن، ىرىقتىلىعىن، جاسامپازدىعىن قوزعاۋ كەرەك، ەگىنشى ازاماتتاردى ءوندىرىس تەحنيكاسىن تۇسىنەتىن، باسقارۋ تاجىريبەسى بار، بازارعا قانىق «جاڭاشا شارۋالارعا» اينالدىرۋ كەرەك. بۇل كۇندەرى كوپتەگەن شارۋالار ءبىلىم مەن تەحنيكانىڭ ماڭىزدىلىعىن تۇسىنە باستادى. شارۋالار مەكتەپ قاقپاسىنا كىرىپ، اۋىل شارۋاشىلىق تەحنيكالارىن ۇيرەنىپ، وزدەرىن بىلىممەن الۋەتتەندىردى؛ ۋنيۆەرسيتەتتەن شىققان ستۋدەنتتەر اۋىل - قىستاقتارعا بارىپ شارۋاشىلىق قۇرۋدى تاڭداپ، جەر انادان ءناپاقالارىن الدى؛ «جەردەن ازىق ىزدەۋدەن» «جەردەن التىن قازۋعا» ويىسىپ، قاراپايىم عانا جەردەن اۋقاتتانۋدىڭ ءۇمىت ۇشقىنى جالىندادى؛ جاسىل تاۋ، تۇنىق سۋ باعا جەتپەس بايلىققا اينالىپ، ەكولوگيالىق قىستاق قۇرۋدىڭ، جاسىل دامۋدىڭ جولدارى بارعان سايىن كەڭەيە ءتۇستى... جاڭا ۇستانىمدار، جاڭا بىلىمدەر، جاڭا تەحنيكالار جاڭا داۋىردەگى جۇڭگونىڭ قىستاقتارىن شىت جاڭا تۇسكە بولەدى.
  شارۋالاردىڭ ورەسىنىڭ قانداي بولۋى اۋىل شارۋاشىلىعىن وسىزامانداندىرۋدىڭ بولاشاعىن بەلگىلەيدى، سوندىقتان اناعۇلىم كوپ «جاڭاشا شارۋالاردى» باۋلۋ قاجەت. ۇعىسۋعا قاراعاندا، بۇكىل ەل بويىنشا جاڭاشا كاسىپتىك شارۋالاردىڭ سانى 14 ميلليوننان اسقان، بەلگىلى دارەجەدەگى عىلمي مادەنيەت ساۋياسى بار، وسى زامانعى اۋىل شارۋاشىلىق ءوندىرىس تەحنيكالارىن يگەرگەن، وزىندىك تيجارات ەتۋ، باسقارۋ قابىلەتى بار شارۋالار اۋىل شارۋاشىلىعىن وسىزامانداندىرۋ قۇرىلىسىنىڭ جەتەكشى كۇشىنە اينالدى. بولاشاقتا قاتىستى تاراۋلار تەبىندى كۇشەيتىپ، جاڭاشا كاسىپتىك شارۋالاردى باۋلۋعا ءتيىمدى شارت - جاعداي جاراتىپ، ينفورماتسيالىق اقىل - كەڭەس بەرۋ، تەحنيكالىق جەتەكشىلىك ەتۋ، تيجارات كۋرسى، قارجىلىق دەمەۋ سياقتى جاقتاردان جەتەكشىلىك ەتىپ، شارۋالاردىڭ بازاردى تۇسىنۋىنە، بازاردى اشۋىنا، بازارعا سايكەسۋىنە كومەكتەسۋى كەرەك.
  «اۋىل - قىستاقتاردى قالاي گۇلدەندىرەمىز؟»، «اۋىل - قىستاقتاردى كىم ءۇشىن گۇلدەندىرەمىز؟» دەگەن سۇراققا پارتيا 19 - قۇرىلتايى ناقتىلى ورنالاستىرۋلار جاسادى. اۋىل - قىستاق جەر ءتۇزىمى رەفورماسىن تەرەڭدەتۋ، وسى زامانعى اۋىل شارۋاشىلىعىنىڭ شارۋاشىلىق جۇيەسىن، ءوندىرىس جۇيەسىن، تيجارات جۇيەسىن قالىپتاستىرۋ، اۋىل - قىستاقتا 1 - ،2 - ، 3 - كاسىپتەردىڭ توعىسا دامۋىن جەبەۋ... وسىنداي جوعارى ورەدەگى جوبالار اۋىل - قىستاقتاردى گۇلدەندىرۋدىڭ ىرگە تاسىن قالاۋدا. سونىمەن قوسا، اۋىل - قىستاقتاردى گۇلدەندىرۋ اۋىل شارۋاشىلىعىن تۇسىنەتىن، اۋىل - قىستاقتى، شارۋالاردى سۇيەتىن اۋىل شارۋاشىلىعى، اۋىل - قىستاق، شارۋالار قىزمەت قوسىنىنان ايىرىلا المايدى. «تايحاڭشانداعى جاڭا يۇي گۇڭ» لي باۋگو، حالىقتىڭ قالاۋلى ۋاكىلى ماۋ فىڭمەي، يەل ۋنيۆەرسيتەتىنەن شىققان قىستاق كادرى چين يۋەفي، مىنە وسىنداي ىستىق ىقلاستى، قابىلەتتى دارىندىلار اۋىل شارۋاشىلىعىنىڭ دامۋى، اۋىل - قىستاقتاردىڭ العا باسۋى ءۇشىن ومىرشەڭدىك كۇش سيلادى. اۋىل - قىستاقتارعا تامىر تارتىپ، اۋىل - قىستاقتاردىڭ دامۋىن جەتەكتەيتىن كوشباسشىلاردى ويداعىداي باۋلىپ، قولداۋ كورسەتسە، كەڭ - بايتاق اۋىل - قىستاقتىڭ ەرتەڭى اناعۇرلىم جارقىن بولادى.
  حالىق − مەملەكەتتىڭ نەگىزى، حالىق تىنىش تىرشىلىك ەتسە مەملەكەت ورنىقتى بولادى. جۇڭگونىڭ ەل باسقارۋداعى اۋىل - قىستاقتى، شارۋالاردى ءتۇيىن ەتۋ سىندى ۇزاق تاريحي ءداستۇرى بار. بۇل كۇندەرى، جۇڭگونىڭ اۋىل - قىستاقتاردىڭ جاپپاي دامۋىن، گۇلدەنۋىن جەدەلدەتۋگە، اۋىل - قىستاقتاردى گۇلدەندىرۋگە ءارقانداي كەزدەگىدەن دە بەرىك سەنىمى، قاپتال قابىلەتى بار. رەفورمانىڭ تياناقتانۋىنا ىلەسە، جاڭا داۋىردەگى اۋىل - قىستاقتاردىڭ بولاشاعىنىڭ اناعۇرلىم جارقىن، اۋىل - قىستاقتاردىڭ اناعۇرلىم تارتىمدى، شارۋالاردىڭ اناعۇرلىم مول قۇرمەت سەزىمىنە بولەنەتىنىنە سەنەمىز.
  («حالىق گازەتىنەن الىندى»)
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ