قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

وتباسىنىڭ وركەنيەتتىلىگى ارقىلى وتاننىڭ باقىتىن قورعايىق

لي جيڭ

2018.02.02 16:00 كەلۋ قاينارى : شينجياڭ گازەتىنەن

  پارتيا 19 - قۇرىلتايىنىڭ بايانداماسىندا: سوتسياليستىك وزەكتى قۇن كوزقاراسىن قوعامدىق دامۋدىڭ ءارقايسى جاقتارىمەن توعىستىرىپ، حالىقتىڭ سەزىمدىك تانىمى مەن ارەكەت داعدىسىنا اينالدىرۋ كەرەك. جالپى حالىقتىق قيمىلعا، كادرلار باستاماشى بولۋعا، وتباسىنان باستاۋعا، بالا كەزدەن مىقتى ۇستاۋعا تاباندى بولۋ كەرەك، - دەپ اتاپ كورسەتىلدى. مۇنان ءبىز جۇڭگو ارمانىن جۇزەگە اسىرۋ بارىسىندا، وتباسىندىق ءمورال قۇرىلىسىنىڭ ورنى كەم بولسا بولمايتىندىعىن بايقايمىز.
  ولار قاتارداعى قاراپايىم وتباسى بولسا دا، كوپشىلىكتىڭ ۇيرەنەتىن جانە قۇرمەتتەيتىن وبيەكتسىنە اينالدى؛ ولار قاتارداعى قاراپايىم جاندار بولسا دا، وزدەرىنىڭ ءىس جۇزىندىك ارەكەتتەرى ارقىلى وتباسى جانە مەملەكەت باقىتىنىڭ ناعىز ءمانىن ۇعىندىردى. جۋىقتا، اقپارات قۇرالدارىنىڭ ۇگىتتەۋىمەن، ولاردىڭ اڭگىمەسى شينجياڭنىڭ بايتاق دالاسىنا جاپپاي تارادى.
  ولار، ءبىزدىڭ قاسىمىزدا جۇرگەن، اۆتونوميالى رايوندىق وركەنيەتتى وتباسى اتاعىنا يە بولعان − وتاندى، پارتيانى ءسۇيۋدىڭ ۇلگىسى توقتىحان قۇرباننىڭ وتباسى، مۇگەدەكتەرگە كومەكتەسۋ ىسىندە بەرىك تۇرعان مىلقاۋ جان مامەتنۇر قىدىرقۇل وتباسى، اكە - شەشەسى دۇنيەدەن وزعاننان كەيىن، تۋادا كەم اقىل اعاسى مەن ءىنىسىن قامقورلىعىنا العان شۇي يۇڭحۇي وتباسى، وتباسىنىڭ تىرەگى، وتاننىڭ قورعاۋشىسى بولعان حالىق ساقشىسى داي نا وتباسى... ولار، نە تۋىسقانىنا قايرىمدى بولىپ، ۇلكەندەرىن قۇرمەتتەپ، وپالىلىق جولىنا مۇراگەرلىك ەتتى، ياكي الەۋمەتتىك يگىلىك ىستەرىنە دەن قويىپ، وزگەلەرگە بەلسەنە كومەكتەستى، نە قىزمەت ورنىن قاستەرلەپ، كاسىبىنە ادال بولىپ، بەلسەنە ۇلەس قوستى، ياكي كورشى - قولاڭدارىمەن تاتۋ - ءتاتتى بولىپ، كىرشىكسىز ءمورالدى ساقتادى... وسىناۋ وركەنيەتتى وتباسىلاردىڭ ىزگى ىستەرى ءوزارا ۇقساپ عانا قالماستان، تاعى ورتاقتىقتارى دا بار، ياعني، ولار ىزگى ىستەرى ارقىلى سوتسياليستىك وزەكتى قۇن كوزقاراسى مەن جۇڭحۋا ۇلتىنىڭ ءداستۇرلى اسىل ءمورالىن جاندى تۇسىندىرگەن.
  وتباسىنداعى باۋىرمالدىلىق پەن وركەنيەتتىلىك، ەجەلدەن بەرى ءبىر قوعامنىڭ جاقسى - جاماندىعىن ساراپتاۋداعى ماڭىزدى بەلگى بولىپ كەلەدى. وتباسى مەن وتان ءبىر تۇتاس تۇلعا، ەجەلدەن بەرى جۇڭحۋا ۇلتىنىڭ تۇپكى رۋحاني تۇعىرى سانالىپ كەلەدى. وتباسىندىق وركەنيەت قۇرىلىسى وتاننىڭ باقىتى نەگىزىندە قۇرىلادى، تەڭدەسسىز قۋات سيلايدى. مۇنداي قۋات كەي كەزدەرى كوزگە كورىنبەگەنىمەن، ءبىراق ناعىندا وبيەكتيۆ ءومىر سۇرەدى. وتباسى سىندى شاعىن «مەملەكەت» ارقىلى ءبىز توقتىحان قۇربان سىندى توڭكەرىستىك وتباسىنىڭ باستان - اقىر اۋەلگى ماقساتتى ەستە بەرىك ساقتاپ، پارتيانى، وتاندى سۇيگەندىگىن بايقاي الامىز، ال شۇي يۇڭحۇيدىڭ اعاسىمەن ىنىسىنە دەگەن تۋىسقاندىق قامقورلىعىنان ەرەكشە اسەرلەنەمىز. ونەگە دەگەنىمىز بەينە شام - شىراق سياقتى، ادامدارعا باعدار سىلتەپ، العا باسۋعا شابىتتاندىرىپ تۇرادى. وسىناۋ وركەنيەتتى وتباسىلارى بەينە قوعامدىق وركەنيەت سالتىنىڭ تۋى ىسپەتتى، ۇيرەنەتىن ۇلگىمىز، ىستەرىمىزدىڭ ولشەمى بولىپ، تيانشاننىڭ تۇستىگى مەن تەرىستىگىنەن اسقاق مورالمەن ىزگى نيەتتىڭ قۋاتتى وڭ ەنەرگياسىن تاراتتى.
  گەرمانيا فيلوسوفى كارل تەودور جاسپەرن: «ناعىز تاربيە دەگەنىمىز ءبىر ءتۇپ اعاش ارقىلى جانە ءبىر ءتۇپ اعاشتى قوزعالتۋ، ءبىر شوعىر بۇلت ارقىلى تاعى ءبىر شوعىر بۇلتتى ىلگەرىلەتۋ، ءبىر جان ارقىلى تاعى ءبىر جاندى وياتۋ» دەگەن بولاتىن. وتباسى مۇشەلەرىنىڭ ءبىر - بىرىنە ىقپالى دا ءدال وسىنداي. بەلگىلى ءبىر ماعىنادان العاندا، قانداي قۇن كوزقاراسىندا بولساڭ، سونداي وتباسىندىق داعدى، سونداي وتباسىندىق ءمورال قالىپتاستىراسىڭ. ءبىر وتباسىنىڭ وركەنيەتتى بولۋ - بولماۋى سوتسياليستىك وزەكتى قۇن كوزقاراسىن ۇستانۋ - ۇستانباۋى، سول شاڭىراقتىڭ جاقسى نە جامان، وزىق نە توزىق بولۋىنا، باقىتتى - باقىتسىزدىعىنا بايلانىسىپ عانا قالماستان، تاعى ازاماتتاردىڭ مادەنيەت ساپاسى مەن قوعامدىق وركەنيەتتىڭ دارەجەسىنەدە تىكە بايلانىستى بولادى. سوندىقتان دا، مەملەكەتتىڭ تىرەگى وتباسىنداعى ورەننەن شىعادى دەيمىز، سان مىڭداعان وتباسى وركەنيەتتى، باقىتتى بولعاندا عانا، قوعامدا تاماشا نەگىز بولادى، سوندا عانا مەملەكەتتىڭ كوركەيىپ، العا باسۋىندا ءبىرىنىڭ ءىزىن ءبىرى باساتىن ىلگەرىلەتۋشىلەر مەن قۇرۋشىلار بولادى. ال، مۇنىڭ ءوزى بۇگىن ءبىزدىڭ وسىناۋ وركەنيەتتى وتباسىلاردى اسپەتتەپ تانىستىرىپ وتىرۋىمىزدىڭ سەبەبى بولىپ تابىلادى.
  پارتيا 18 - قۇرىلتايىنان بەرى قاراي، شي جينپيڭ باس شۋجي تالاي رەت «وتباسىنا، وتباسىلىق تاربيەگە، وتباسىلىق داعدىعا ايرىقشا نازار اۋدارۋدى» تىلگە الىپ: «وتباسىنىڭ بولاشاق تاعدىرى مەملەكەت پەن ۇلتتىڭ بولاشاق تاعدىرىمەن بىتە قايناسىپ جاتادى» دەپ باسا دارىپتەدى. پارتيا 19 - قۇرىلتايىنىڭ بايانداماسىندا: سوتسياليستىك وزەكتى قۇن كوزقاراسىن قوعامدىق دامۋدىڭ ءارقايسى جاقتارىمەن توعىستىرىپ، حالىقتىڭ سەزىمدىك تانىمى مەن ارەكەت داعدىسىنا اينالدىرۋ كەرەك. جالپى حالىقتىق قيمىلعا، كادرلار باستاماشى بولۋعا، وتباسىنان باستاۋعا، بالا كەزدەن مىقتى ۇستاۋعا تاباندى بولۋ كەرەك، - دەپ اتاپ كورسەتىلدى. مۇنان ءبىز جۇڭگو ارمانىن جۇزەگە اسىرۋ بارىسىندا، وتباسىندىق ءمورال قۇرىلىسىنىڭ ورنى كەم بولسا بولمايتىندىعىن بايقايمىز. پارتيا 19 - قۇرىلتايىنىڭ رۋحىن مۇقيات دايەكتى تياناقتاندىرۋدا، ءبىز وتباسىندىق وركەنيەت قۇرىلىسىن تاباندىلىقپەن ورىستەتۋىمىز، وتباسىمىزدا سوتسياليستىك وزەكتى قۇن كوزقاراسىن باۋلىپ جانە ساۋلەلەندىرىپ، كۇندەلىكتى ۇنەمىلىك، باياندى داعدىعا اينالدىرىپ، ىشكەرىلەي، سارالاپ، ناقتى ىستەپ، وتباسىنىڭ «شاعىن اتموسفەراسىمەن» قوعامنىڭ ۇلكەن اتموسفەراسىن قۋاتتاندىرۋىمىز كەرەك.
  سوتسياليستىك وزەكتى قۇن كوزقاراسىن وركەنيەتتى وتباسى قۇرىلىسىنىڭ رۋحاني قۋاتىنا اينالدىرىپ، وتباسىنىڭ وركەنيەتتىلىگى ارقىلى وتاننىڭ باقىتىن قورعاساق، وتان مەن وتباسى باقىتىنىڭ جان سۇيىنتەر بەينەسى كوز الدىمىزدا مەنمۇندالاپ تۇرارى حاق.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ