قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

كەدەيلىكتەن قۇتىلعاننان كەيىن قايتا كەدەيلەسپەسە، ناعىز كەدەيلىكتەن قۇتىلعاندىق بولادى

فان حۇڭيى

2017.09.29 14:45 كەلۋ قاينارى : شينجياڭ گازەتىنەن

كەدەيلىكتەن قۇتىلعاننان كەيىن قايتا كەدەيلەسپەۋ ماسەلەسىن ويداعىداي شەشۋدە اراسان اۋدانىنىڭ تاجىريبەسى تاماشا ۇلگى. بۇل −ءوندىرىستى ءوز جەرىنىڭ جاعدايىنا قاراي ورنىقتى دامىتۋ جولى، سونىمەن بىرگە، اۋدان كەدەيلەردى سۇيەمەلدەۋدە ءونىمدى دە باياندى مەحانيزم ورناتىپ، كەدەي قىستاقتاردىڭ، كەدەي وتباسىلاردىڭ كەدەيلىكتەن قۇتىلعاننان كەيىن ءۇرتىس دامۋىنا كەپىلدىك ەتتى.
 18 - قىركۇيەك «شينجياڭ گازەتىنىڭ» 1 - بەتىندە )حانزۋشا باسىلىمى( اراسان اۋدانىنىڭ ەكولوگيالىق تولەم ارقىلى ءبىر توبىن سۇيەمەلدەۋ، كاسىپ سالاسى ارقىلى ءبىر توبىنا كومەكتەسۋ، تاربيەلەۋ ارقىلى ءبىر توبىن سۇيەمەلدەۋ قاتارلى شارالار قولدانىپ، كەدەيلىكتەن قۇتىلدىرۋ جەتىستىگىن بەكەمدەپ، كەدەيلىكتەن قۇتىلعان 3000نان استام وتباسىنىڭ قايتادان كەدەيلەسپەۋىن كەپىلدەندىرگەنى، اسىرەسە، وسى اۋداننىڭ زالمۇتى اۋىلى بۋرا قىستاعى سۋىق سۋدا وسەتىن بالىق باعۋ كاسىبىن دامىتۋ ارقىلى كەدەيلەردى سۇيەمەلدەۋ، كاسىپ شەبەرلەرىنىڭ كەدەيلەردى كەدەيلىكتەن قۇتىلۋعا باستاۋىنا قولداۋ كورسەتۋى سىندى شارالار قولدانىپ، قىستاق تۇرعىندارىنىڭ اۋقاتتانىپ، دوڭگەلەك داۋلەتتى تۇرمىسقا جەتۋ سەنىمىن ارتتىرعاندىعى جونىندەگى حابار جاريالاندى.
  كەدەي بۇقارانى كەدەيلىكتەن قۇتىلدىرۋ − جاپپاي دوڭگەلەك داۋلەتتى قوعامعا قادام تاستاۋدىڭ تەتىگى، ال قايتادان كەدەيلەسۋ قۇبىلىسى كەدەيلەردى سۇيەمەلدەۋدە قول جەتكىزگەن ناتيجەنى جويىپ، كەدەيلىكتەن قۇتىلدىرۋداعى سەنىم مەن جىگەردى مۇقالتادى. ونىمەن قويماي، پارتكوم مەن ۇكىمەت كەدەيلەردى سۇيەمەلدەۋگە زور مولشەردە ادام كۇشىن جانە قارجى شىعارعانمەن، قايتادان كەدەيلەسۋ جاعدايى جارىققا شىقسا، الدىنداعى ۇسىنىلىمدار ءمالىم مولشەردە زايا بولىپ، بايلىق ىسىراپ بولادى. مۇندا جاپپاي دوڭگەلەك داۋلەتتى قوعام قۇرۋدا ەڭ جاپالى مىندەت − كەدەيلىكتەن قۇتىلدىرۋدان قامال الۋ، ال كەدەيلىكتەن قۇتىلدىرۋدان قامال الۋداعى قيىن ءتۇيىن − كەدەيلىكتەن قۇتىلعاننان كەيىن قايتا كەدەيلەسپەۋدى كەپىلدەندىرۋ.
  اۋىزعا الۋعا تاتيتىنى، اراسان اۋدانىنىڭ كەدەيلىكتەن قۇتىلعاننان كەيىن قايتا كەدەيلەسپەۋگە كەپىلدىك ەتۋدەگى ناتيجەسى كورنەكتى بولعان. 2016 - جىلى اۆتونوميالى رايوندىق كەدەيلەردى سۇيەمەلدەۋ، وركەندەتۋ كەڭسەسىنىڭ تەكسەرىپ - وتكىزىپ الۋىندا، سونداي - اق اۆتونوميالى رايوننىڭ 3 - جاقتىڭ باعالاپ تەكسەرۋىندە اراسان اۋدانىنىڭ 7 اۋىلىنداعى (قالاشىق، فەرما) 3225 وتباسى، 8148 ادام ورنىقتى تۇردە كەدەيلىكتەن قۇتىلعان، مۇنىڭ ىشىندە 8 قىستاق كەدەيلىك قالپاعىن لاقتىرعان. اراسان اۋداندىق كەدەيلەردى سۇيەمەلدەۋ، وركەندەتۋ كەڭسەسىنىڭ مەڭگەرۋشىسى: بيىل اراسان اۋدانى كەدەيلەردى سۇيەمەلدەۋدە بىردە - ءبىر ادامدى قاعىس قالدىرمايدى، كەدەيلىكتەن قۇتىلعانداردى نىعايتۋ −- قولداۋ قىزمەتىن ونان ارى جاقسى ىستەپ، ولاردى دوڭگەلەك داۋلەتتى قوعامعا ۇمتىلۋ بارىسىندا قاتاردان تاستامايدى، قايتا كەدەيلەستىرمەيدى، - دەدى. ونىڭ مۇنداي سەنىمىنىڭ نەگىزى نەدە؟ نەگىزى ءوندىرىس ماسەلەسىن ءىس جۇزىندىكتى شىعار ءتۇيىن ەتىپ ۇيلەسىمدى شەشكەندىگىندە.
  كەدەيلىك ماسەلەسى، ناقتى ماننەن العاندا، دامۋ ماسەلەسى، دامۋ ارقىلى كەدەيلىكتەن قۇتىلدىرۋ − تۇبەگەيلى وڭاۋ شاراسى. «دامۋ − كەدەيلىك قالپاعىن لاقتىرۋداعى جالپى شارا، كەدەي رايوندار ءىس جۇزىندىك جاعدايدى شىعار ءتۇيىن ەتىپ، ءوز جەرىنىڭ جاعدايىنا قاراي، نەنى ەگۋدى، نەنى باعۋدى، قايتكەندە كىرىستى ارتتىرۋعا بولاتىندىعىن ءبىلىپ، اۋىلداستاردىڭ كەدەيلىكتەن قۇتىلىپ اۋقاتتانۋداي تاماشا جولعا تۇسۋىنە كومەكتەسۋ ءتيىس». كەدەيلىكتەن قۇتىلعاننان كەيىن قايتا كەدەيلەسپەۋدىڭ كىلتى كاسىپ سالاسىندا. كەدەيلەردى كەدەيلىكتەن شىنايى قۇتىلدىرۋ ءۇشىن، باستىسى، كەدەي رايونداردىڭ وندىرگىش كۇشتەرىن دامىتىپ، ءتۇرلى فورما جانە ارنا ارقىلى جالپى بەتتىك جاناما شارالار قولدانىپ، تومەن كىرىستى شارۋالاردى ەگىمشىلىك، باعىمشىلىقپەن شۇعىلدانۋعا، ەكولوگيالىق ساياحات سياقتى كاسىپتەردى دامىتىپ كەدەيلىكتەن قۇتىلۋعا شابىتتاندىرۋ قاجەت. اراسان اۋدانى كەدەيلەردى سۇيەمەلدەۋ ءتۇرلى قارجىسىنان جانە ءتۇرلى نىسان قارجىسىنان ءبىر ميلليون 870 مىڭ يۋان ءبولىپ، ونىمەن سۋىق سۋ بالىعىن باعاتىن 20 كولشىك جاساپ، ونى بۋرا قىستاعىنداعى كەدەيلىكتەن قۇتىلعان 19 وتباسىنا تەگىن كوتەرمەگە بەرگەن. اۋقاتتانۋدىڭ باستاماشىسى يمانالى دولدا ۇلىنىڭ بالىق باعۋ تاجىريبەسى مول، ول: كەلەر جىلى تامىز ايىندا باققان بالىقتار بازارعا شىعارىلادى، كىرىسىمىز 150 مىڭ يۋانعا جەتەدى، - دەدى. كەدەيلەردى سۇيەمەلدەۋ قارجىسى ءبىر رەت بەرىلەدى، ال كاسىپ سالاسى ۇزاق ۋاقىت قۇن جاراتادى، بۇل «قان قۇيۋدى» «قان جاساۋعا» اينالدىرعاندىق، قارجىنى ءدال ورنىنا جۇمساعاندىق.
  اراسان اۋدانى ءوندىرىستى دامىتىپ، كەدەيلىكتەن قۇتىلدىرۋ قىزمەتىندە العاشقى جەتىستىكتەرگە قول جەتكىزدى، دەسەدە ءتىپتى دە الىسقا نازار سالۋ قاجەت. كاسىپ سالاسىنىڭ ءوزىن دامىتۋ قۋاتىن كۇشەيتۋ جاعىنداعى تەتىك ەرەكشە باسىمدىعى بار كاسىپ سالاسىن بار كۇشپەن دامىتىپ، كاسىپ سالاسى تىزبەگىن كەمەلدەندىرىپ، كاسىپ سالاسىنىڭ باسەكەلىك قۋاتىن ارتتىرۋدا. ءبىرىنشى، ەرەكشەلىككە ءمان بەرۋ. جەرگىلىكتى ورىننىڭ باسىم بايلىعى مەن قازىرگى بار كاسىپ سالاسى نەگىزىنە ۇشتاستىرا «ەرەكشەلىك ارقىلى قۇن ارتتىرۋ، ەرەكشەلىك ارقىلى باسىم ورىنعا ءوتۋ» جولىنا ءتۇسۋ كەرەك؛ ەكىنشى، شوعىرلاندىرا دامىتۋ. كولەمدەنگەن شارۋاشىلىق، شوعىرلى شارۋاشىلىق، ءورىستى شارۋاشىلىقتار ارقىلى كاسىپ سالاسىنىڭ باسەكەلىك قۋاتىن جوعارىلاتۋ كەرەك؛ ءۇشىنشى، «ىشكى جاقتا رەتتەپ، سىرتپەن بايلانىستىرۋ». وڭىرلەر ىشىندەگى بايلىقتى رەتتەپ، سىرتقى بازارلارعا بەلسەنە ۇشتاستىرىپ، ەكونوميكالىق ءىرى اينالىممەن توعىسۋ كەرەك؛ ءتورتىنشى، كەدەيلەردى عىلىم - تەحنيكا ارقىلى سۇيەمەلدەۋ تەبىنىن ارتتىرۋ. ەگىمشىلىك، باعىمشىلىق كاسىبىندە دەرت - دەربەزدەن، ىندەتتەن ساقتانۋ، جويۋ تەحنيكاسىن جالپىلاستىرۋدى، ەكولوگيالىق جەمىس اعاشتارىن، ورماندارىن ەگۋ، باسقارۋدى توڭىرەكتەي وتىرىپ، ءبىر قىدىرۋ قولدانىلمالى تەحنيكانى جالپىلاستىرىپ، اناعۇرلىم مول كەدەي وتباسىلارىن ۇزاق ۋاقىت پايدالانۋعا بولاتىن اۋقاتتانۋ تەحنيكاسىنا جانە اۋقاتتانۋ ارناسىنا كەنەلدىرىپ، كەدەيلىك ماسەلەسىن تۇبىرىنەن شەشۋ كەرەك.
  كەدەيلىكتەن قۇتىلعاننان كەيىن قايتا كەدەيلەسپەۋ ماسەلەسىن ويداعىداي شەشۋدە اراسان اۋدانىنىڭ تاجىريبەسى تاماشا ۇلگى. بۇل −ءوندىرىستى ءوز جەرىنىڭ جاعدايىنا قاراي ورنىقتى دامىتۋ جولى، سونىمەن بىرگە، اۋدان كەدەيلەردى سۇيەمەلدەۋدە ءونىمدى دە باياندى مەحانيزم ورناتىپ، كەدەي قىستاقتاردىڭ، كەدەي وتباسىلاردىڭ كەدەيلىكتەن قۇتىلعاننان كەيىن ءۇرتىس دامۋىنا كەپىلدىك ەتتى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ