قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

نەگىزى مىقتى، باياندى بولادى(2)

ارىپ زۇرعانبەك ۇلى

2017.09.29 14:43 كەلۋ قاينارى : شينجياڭ گازەتىنەن


2
  قازىرگى كەزدە پارتيامىز العا قويىپ وتىرعان كەدەيلىك قالپاعىن الىپ تاستاۋدىڭ ەڭ ءبىرىنشى شاراسى ءوندىرىستى وركەندەتۋ شاراسى. ول كەدەيلىكتەن قۇتىلۋدىڭ ەڭ ءتۇبىرلى ءارى ءوزى «قان جاساۋ» بولىپ، كەدەيلىكتەن تۇبەگەيلى قۇتىلۋ شاراسى. وسى مانىنەن ايتقاندا، كەزەكتە مال شارۋاشىلىعىندا كەدەيلىكتەن قۇتىلىپ، دوڭگەلەك داۋلەتتى ورەگە جەتۋگە كەدەرگى بولىپ تۇرعان ماسەلەنىڭ ۇلكەنى تاعى دا سۋ تاپشىلىعى ماسەلەسى. بۇل تۋرالى جوعارىدا ايتىلدى، قايتالاۋ قاجەتسىز. ال مال شارۋاشىلىعىنىڭ دامۋىنا ءتيىمسىز بولىپ وتىرعان تاعى ءبىر باستى ماسەلە − مال شارۋاشىلىعىنداعى ءوندىرىس ءتاسىلى ماسەلەسى. ءبىزدىڭ قازىرگى مال شارۋاشىلىعى ءتاسىلىمىز، ءالى دە جەكە - جەكە بىتىراپ ءجۇرىپ مال باعۋ فورماسىندا بولىپ كەلەدى. كولەمدەنگەن، الۋەتتى، وسىزاماندانعان، ۇلاسپالى، بازاردى بەتكە العان ءوندىرىس فورماسىنا جەتە العامىز جوق. بۇل ءبىزدىڭ مال شارۋاشىلىعى ەڭبەككۇشتەرىن تولىق ازات ەتۋ، مال شارۋاشىلىق ونىمدەرىن مانەرلەۋ، بازارعا بەت الدىرۋ، ايگىلى ونىمدەر ءوندىرۋ، ت.ب لاردىڭ بارىنە دە ءتيىمسىز بولىپ وتىر.
  سوندىقتان قازىرگى مال شارۋاشىلىعى ءتاسىلى (فورماسى) جونىنەن تەرەڭ تولعانباي بولمايدى، مەنىڭشە، قازىرگى بىتىراندى مال باعۋ تاسىلىنەن گورى مال شارۋاشىلىعى كووپەراتيۆتەرىنە ويىسىپ مال باعۋ ءبىرشاما ۇتىمدى شارا. دەسەدە، قازىرگى مال شارۋاشىلىق كووپەراتيۆتەرىنىڭ كۇيى ءماز ەمەس. قازىر ونى ءبىرتالايلار ءتۇرلى سەبەپتەرمەن قۇرا الماي جاتسا، ەندى ءبىرتالايلار قۇرىپ الىپ جۇرگىزە الماي وتىر، ونداعى سەبەپ − باستىسى ەكەۋ. ءبىرى، قابىلەتتىلەر از، تاجىريبەلەر تاپشى، ەندى ءبىرى، قارجى تاپشى، ال نەگىزگى ساتى ۇكىمەت ورىندارىمىز ولاردى تەك سىرتتاي عانا دەمەپ وتىر، ەگەر وسى بەتى كەتە بەرسە، كوپ ساندى مال شارۋاشىلىق كووپەراتيۆتەرىنىڭ بولاشاعى ايتارلىقتاي بولۋى ەكىتالاي. ىلگەرى قۇرىلعان كەيبىر مال شارۋاشىلىق كووپەراتيۆتەرىنىڭ وسى كۇننىڭ وزىندە - اق اتى بار، زاتى جوق بولىپ قالعانى بايقالىپ وتىر. سوندىقتان ەگەر ءبىز مال شارۋاشىلىعىندا كەدەيلىكتەن باياندى قۇتىلىپ، دوڭگەلەك داۋلەتتى ورەگە جەتەمىز دەيدى ەكەنبىز، مال شارۋاشىلىق كووپەراتيۆتەرىن، ءسوزسىز، شىنايى قولداۋىمىز كەرەك، ءار دارەجەلى پارتيا، ۇكىمەت ورىندارى ولاردى بەلگىلى ادىستەرمەن جەتەكتەۋ، ولاردىڭ ادامدارىن تاربيەلەۋ، ولارعا تاجىريبەلى ادامدار جىبەرۋ، ولاردى تاجىريبەلى، قابىلەتتى ادامدارمەن جاعىستىرۋ، ينفورماتسيالارمەن قامداۋ، نىسان قارجىلارمەن سۇيەمەلدەۋ، بازار ەكونوميكاسىنا باستاۋ، ت.ب كەرەك. قازىر كەيبىر ادامداردا «مال سوڭىندا ءجۇرىپ ماندىمايسىڭ، ونان دا وزگە ءبىر كاسىپتىڭ سوڭىنا ءتۇسۋ كەرەك» دەيتىن كوزقاراس بار كورىنەدى، بۇل كوزقاراس كەيبىر باسشى كادرلاردا دا جوق ەمەس سەكىلدى، وسىنىڭ سالدارىنان مال شارۋاشىلىعى دەسە، نەمقۇرايدىلاۋ قارايتىن، ول تۋرالى شىنداپ زەرتتەۋ جۇرگىزىپ، تەرەڭگە بويلاپ، ونىڭ زاڭدىلىقتارىن، ناقتىلى امالياتىن تولىق يگەرە وتىرىپ شەشىم جاسامايتىن، سول ارادا تالاي جىل نەگىزگى باسشى بولا تۇرا، مال شارۋاشىلىعىنىڭ جاعدايىن ارنايى ۇعىسىپ، وعان شىنايى ءبىر ءۇڭىلىپ كورمەگەن، ءتىپتى، مال شارۋاشىلىق رايوندارىنا، مالشىلار اراسىنا ات ءىزىن دە سالماعان باسشىلار دا بار دەسەدى جۇرت. مۇنداي بولعاندا مال شارۋاشىلىعىنىڭ بايىبىنا شىن بارىپ، ماسەلەسىن ۇتىمدى شەشۋگە بولار ما؟!
  كوپكە ايان، مال شارۋاشىلىعىمەن شۇعىلدانۋدىڭ وزىندىك قيىندىعى بار، وزگە كاسىپ تۇرلەرىنە ۇقسامايدى. دەسەدە، ءبىز مىنانى ايقىن ۇعىنۋعا ءتيىسپىز: بىرىنشىدەن، قازىر ءبىزدىڭ ەلىمىزدە، جۇيەدەن، شينجياڭدا مال شارۋاشىلىعىمەن ەجەلدەن شۇعىلدانىپ كەلە جاتقان حالىقتاردىڭ ءالى دە %60 − 50ى مال شارۋاشىلىعىمەن شۇعىلدانىپ وتىر. ءبىزدىڭ ولاردى وسى كاسىپتى ءبىر جولا تاستاتىپ، وزگە كاسىپكە اۋدارىپ اكەتۋىمىز، اتاپ ايتقاندا، مال شارۋاشىلىعىنان ات كەكىلىن كەسىسىپ كەتۋىمىز استە مۇمكىن ەمەس! ەكىنشىدەن، كەڭ - بايتاق دالا جايلىمىن قالدىرىپ، مالدى جىل ون ەكى اي قورادا باعۋ مۇمكىن ەمەس ءارى ول تابيعات سيلاعان دالا جايلىم بايلىعىن يگىلىكتەنە بىلمەگەندىك بولادى. ۇشىنشىدەن، مالدى عىلمي جولمەن باعۋ باعىتىن تىڭعىلىقتى، دايەكتى اتقاراتىن بولساق، مال شارۋاشىلىعىمەن دە بايۋعا بولادى. مۇنىڭ مىسالدارى ەل ىشىنەن دە، حالىقارادان دا مىنە مەن دەپ شىعادى. تورتىنشىدەن، مال شارۋاشىلىعىن كەنجە قالدىرىپ كەدەيلىكتەن قۇتىلۋ مۇمكىن ەمەس، ياعني ول كەدەيلىكتەن تولىق قۇتىلۋ ەسەپتەلمەيدى. ەندەشە، كەدەيلىكتەن قۇتىلىپ، دوڭگەلەك داۋلەتتى ورەگە جەتۋدەگى ماڭىزدى ءارى نەگىزدىك تىرلىك ءتۇرى بولىپ وتىرعان مال شارۋاشىلىعىن دامىتۋعا شىنايى قۇلشىنۋ كەرەك.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ