قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

شينجياڭ ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساعان 10 تيپتىك دەلونى حابارلاندىردى

2017.09.22 21:14 كەلۋ قاينارى : شينجياڭ گازەتىنەن

 ءوز حابارىمىز. جۋىقتا اۆتونوميالى رايوندىق ءتارتىپ تەكسەرۋ كوميتەتى ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساعان 10 تيپتىك دەلونى حابارلاندىردى، بۇل 10 تيپتىك دەلو مىنالار:
  1. ىلە قازاق اۆتونوميالى وبلىستىق دامۋ جانە رەفورما كوميتەتى پارتيا باسشىلىق گرۋپپاسىنىڭ بۇرىنعى ورىنباسار شۋجيى، بۇرىنعى ورىنباسار مەڭگەرۋشىسى ليۋ يانۇڭنىڭ بەلگىلەمەگە قايشى تارتۋ - تارالعى جانە تارتۋ اقشا قابىلداۋ ماسەلەسى. ليۋ يانۇڭ وبلىستىق حالىق ۇكىمەتىنىڭ ورىنباسار باس حاتشىسى، قورعاس ەكونوميكالىق اشۋ رايونى پارتيا قىزمەت كوميتەتىنىڭ مۇشەسى، ۇنەمىلىك ىستەرگە جاۋاپتى ورىنباسار مەڭگەرۋشىسى مىندەتىن اتقارعان تۇستا، بەلگىلەمەگە قايشى تۇردە ءوزى باسقاراتىن جانە قىزمەت كورسەتەتىن وبيەكتىلەرمەن بايلانىسىن جاقسارتۋ ءۇشىن، قۇنى 85 مىڭ يۋاندىق زات ساتىپ الۋ كارتچكاسىن، نيكون فوتو اپپاراتى كوزى سىندى زاتتاردى قابىلداعان. مۇنان سىرت، ليۋ يانۇڭنىڭ تارتىپكە، زاڭعا قايشى مۇنان باسقا دا ماسەلەلەرى بار. 2017 - جىلى تامىز ايىندا ليۋ يانۇڭعا پارتيادان شىعارۋ، ۇكىمەت قىزمەتىنەن ايداۋ جازاسى بەرىلىپ، ءادىليا ورگانىنىڭ ءبىر جاقتى ەتۋىنە تاپسىرىلدى.
  2. اتۇش قالاسى اۋىل شارۋاشىلىق تەحنيكالارىن جالپىلاستىرۋ ورتالىعىنىڭ بۇرىنعى مەڭگەرۋشسى مىجيت ابىلىميتتىڭ قىزمەت كەڭسەسىنىڭ ولشەمنەن اسىپ كەتۋ ماسەلەسى. مىجيت ابىلىميت قىزمەت كەڭسەسىن اداقتاۋ جونىندەگى ءتارتىپ تالاپتارىن ەلەڭ قۇرلى كورمەي، پايدالانعان قىزمەت كەڭسەسىنىڭ كولەمى 29.36 شارشى مەتر بولىپ، بەلگىلەنگەن ولشەمنەن ءبىر ەسە اسىپ كەتكەن. مۇنان سىرت، مىجيت ابىلىميتتىڭ تارتىپكە، زاڭعا قايشى مۇنان باسقا دا ماسەلەلەرى بار. 2017 - جىلى تامىز ايىندا مىجيت ابىلىميتكە پارتيادان شىعارۋ، ۇكىمەت قىزمەتىنەن ايداۋ جازاسى بەرىلىپ، ءادىليا ورگانىنىڭ ءبىر جاقتى ەتۋىنە تاپسىرىلدى.
  3. ياركەن اۋدانى باشكەنت قالاشىعىنىڭ بۇرىنعى ورىنباسار باستىعى تۇرسىنجان ءتالىپتىڭ ءوزى باسقاراتىن جانە قىزمەت كورسەتەتىن وبيەكتىلەرگە جەكە باسىنىڭ شىعىنىن تولەۋدى ورنالاستىرۋ سىندى ماسەلەسى. 2016 - جىلى تۇرسىنجان ءتالىپ قىزمەت قولايلىلىعىنان پايدالانىپ، ءوزىنىڭ ءىشىپ - جەگەن، كوڭىل اشقان، جەكە اۆتوكولىگىنە ماي قۇيعان سياقتى ىستەرىنە جۇمساعان 27 مىڭ 600 يۋان قاراجاتتى بەيقۇت ءۇي سالاتىن ساۋداگەرلەرگە تولەتكەن؛ تۋىستارى توي جاساعان كەزدە، ءوزى باسقاراتىن جانە قىزمەت كورسەتەتىن وبيەكتىلەردى شاقىرىپ، 3500 يۋان شاشۋ قابىلداعان. مۇنان سىرت، تۇرسىنجان ءتالىپتىڭ تارتىپكە، زاڭعا قايشى مۇنان باسقا دا ماسەلەلەرى بار. 2017 - جىلى تامىز ايىندا تۇرسىنجان تالىپكە پارتيادان شىعارۋ، ۇكىمەت قىزمەتىنەن ايداۋ جازاسى بەرىلدى.
  4. باعراش اۋداندىق حالىق ىستەرى مەكەمەسى پارتيا باسشىلىق گرۋپپاسىنىڭ بۇرىنعى ورىنباسار شۋجيى، مەكەمەنىڭ بۇرىنعى باستىعى، قارتتار قىزمەت كەڭسەسىنىڭ بۇرىنعى مەڭگەرۋشىسى باۋ لۋدۋدىڭ ۇكىمەت قاراجاتىمەن تارتۋ ۇسىنۋ سياقتى ماسەلەسى. 2013 - جىلدان 2015 - جىلعا دەيىن باۋ لۋدۋ جوعارى ورىنمەن بايلانىسىن جاقسارتۋ ءۇشىن، ۇكىمەت قارجىسىنان 153 مىڭ 200 يۋان قارجى جۇمساپ بەزەنۋ بۇيىمدارى، جەرگىلىكتى ەرەكشە ءونىم سياقتىلاردى ساتىپ الىپ تارتۋ ۇسىنادى؛ اۆتونوميالى رايوننىڭ «پارتيا، ۇكىمەت ورىندارىنداعى، ءىسورىندارىنداعى ۇكىمەت قىزمەتىنە اۆتوكولىك پايدالانۋدى باسقارۋ ادىسىنە» قايشىلىق جاساپ، جوسپاردان ارتىق ءبىر دالا اۆتوكولىگىن ساتىپ العان. 2017 - جىلى شىلدەدە باۋ لۋدۋعا پارتيا ىشىندەگى مىندەتىنەن الىپ تاستاۋ، اكىمشىلىك مىندەتىنەن الىپ تاستاۋ جازاسى بەرىلدى.
  5. ماناس اۋداندىق مادەنيەت، ساياحات، راديو - تەلەۆيزيا، اقپارات مەكەمەسى پارتيا باسشىلىق گرۋپپاسىنىڭ بۇرىنعى شۋجيى، مەكەمەنىڭ بۇرىنعى ورىنباسار باستىعى حي شياۋحۇڭنىڭ بەلگىلەمەگە قايشى تارتۋ - تارالعى جانە تارتۋ اقشا قابىلداۋ سىندى ماسەلەسى. 2014 - جىلدان 2017 - جىلعا دەيىن حي شياۋحۇڭ قىزمەت قولايلىلىعىنان پايدالانىپ، ءوزى باسقاراتىن جانە قىزمەت كورسەتەتىن وبيەكتىلەرىمەن بايلانىسىن جاقسارتۋ ءۇشىن بەرگەن تارتۋ اقشا، تۇتىنۋ كارتچكاسى سىندى قۇنى 43 مىڭ 800 يۋان تارتۋدى قابىلداعان؛ بەلگىلەمەگە قايشى ءىسساپار قاراجاتىنان 8600 يۋاندى ۇكىمەت ەسەبىنەن كوتەرتكەن. 2017 - جىلى تامىزدا حي شياۋحۇڭعا پارتيا ىشىندەگى مىندەتىنەن الىپ تاستاۋ، اكىمشىلىك مىندەتىنەن الىپ تاستاۋ جازاسى بەرىلدى.
  6. ءۇرىمجى اۋداندىق ەكونوميكانى دامىتۋ كوميتەتى پارتكومىنىڭ بۇرىنعى مۇشەسى ساۋ جىنچۇننىڭ ولشەمنەن ارتىق ۇكىمەت قاراجاتىمەن قوناق كۇتۋ سىندى ماسەلەسى. 2015 - جىلدان 2017 - جىلعا دەيىن ساۋ جىنچۇن «پارتيا، ۇكىمەت ورگاندارىنىڭ ەلىمىز ىشىندە ۇكىمەت قاراجاتىمەن قوناق كۇتۋدى باسقارۋ بەلگىلەمەسىنە» قايشى كەلىپ، كوپ رەت ۇكىمەت قاراجاتىمەن قوناق كۇتكەن كەزىندە، جۇمساق قاپتى «جۇڭحۋا» ماركالى قىمبات تەمەكى جانە شاندۇڭ جاۋ جۇمىرى، سازان سىندى قىمبات تاماقتار شىعارعان؛ قىزمەت قولايلىلىعىنان پايدالانىپ، ۇكىمەت قاراجاتىنان 33 مىڭ 700 يۋان جۇمساپ قىمبات تەمەكى - اراق الىپ تارتۋعا ۇسىنعان. 2017 - جىلى تامىزدا ساۋ جىنچۇنعا پارتيا ىشىندەگى مىندەتىنەن الىپ تاستاۋ، اكىمشىلىك مىندەتىنەن الىپ تاستاۋ جازاسى بەرىلدى.
  7. قۇمىل قالالىق حالىقتىق اۋە شابۋىلىنان قورعانۋ كەڭسەسى پارتيا باسشىلىق گرۋپپاسىنىڭ بۇرىنعى ورىنباسار شۋجيى، بۇرىنعى مەڭگەرۋشىسى ياۋ ۋىنگاڭنىڭ ۇكىمەت قاراجاتىنان ساياحات قاراجاتىن ۇكىمەت ەسەبىنەن كوتەرتۋ سىندى ماسەلەسى. 2013 - جىلدان 2014 - جىلعا دەيىن ياۋ ۋىنگاڭ بەلگىلەمەگە قايشى تۇردە ۇكىمەت قاراجاتىنان ءوز مەكەمەسىندەگى 6 كادردىڭ جەكەلەي تولەۋگە ءتيىستى ىشكى ولكەلەرگە ساياحاتتاۋ اقىسىنان 15 مىڭ يۋاندى ۇكىمەت ەسەبىنەن كوتەرتكەن؛ ۇكىمەت قاراجاتىنان 56 مىڭ 900 يۋاندى تەمەكى، اراق الۋ سياقتىلارعا جۇمساپ، ۇكىمەت قاراجاتىن قوناق كۇتۋگە ىستەتكەن. 2017 - جىلى تامىزدا ياۋ ۋىنگاڭعا پارتيا ىشىندە قاتاڭ ەسكەرتۋ جازاسى بەرىلدى.
  8. تارباعاتاي ايماقتىق جۇڭگوشا ەمدەۋ شيپاحاناسى پارتيا باسشىلىق گرۋپپاسىنىڭ شۋجيى، ورىنباسار شيپاحانا باستىعى باقتىباي مايقادىر ۇلىنىڭ ۇكىمەت قاراجاتىنان جەكە قاتىناس قاراجاتىن كوتەرتۋ ماسەلەسى. 2015 - جىلى باقتىباي مايقادىر ۇلى ءۇرىمجى قالاسىنا، جىڭجوۋ قالاسىنا كاسىپتىك ۇيرەنۋگە بارعان ورايىنان پايدالانىپ، بەيجيڭ قالاسى سياقتى جەرلەرگە دوس - جاراندارىن ىزدەپ بارىپ قايتقاننان كەيىن بەلگىلەمەگە قايشى تۇردە ۇكىمەت قاراجاتىنان جەكەلەي تولەيتىن 10 مىڭ يۋان قاتىناس قاراجاتىن كوتەرتەدى. 2017 - جىلى تامىزدا باقتىباي مايقادىر ۇلىنا پارتيا ىشىندە قاتاڭ ەسكەرتۋ جازاسى بەرىلدى.
  9. تۇرپان قالاسى يدىقۇت رايونى قوعام حاۋىپسىزدىگى مەكەمەسىنىڭ حالىق ساقشىسى كوۋ ۋيدىڭ بەلگىلەمەگە قايشى ۇكىمەت اۆتوكولىگىن پايدالانۋ ماسەلەسى. 2017 - جىلى شىلدەدە كوۋ ۋي مەكەمەنىڭ ساقشى اۆتوكولىگىن ەرەجەگە قايشى ىستەتىپ، دوستارىن تاماققا اپارۋمەن بىرگە، اۆتوكولىكتى جۇرگىزۋ بارىسىندا ەرەجەگە قايشىلىق جاساپ ساقشى سيگنالىن ىستەتكەن. 2017 - جىلى شىلدەدە كوۋ ۋيعا ۇلكەن اعاتتىق وتكىزۋ جازاسى بەرىلدى.
  10. بۋىرشىن اۋداندىق استىق مەكەمەسى اسكەري استىقپەن قامداۋ پۋنكتىنىڭ باستىعى ۋاڭ چياڭنىڭ ۇكىمەت قاراجاتىمەن ءىشىپ - جەۋ ماسەلەسى. 2016 - جىلى ۋاڭ چياڭ قىزمەت قولايلىلىعىنان پايدالانىپ، 2 رەتتە ۇكىمەت قاراجاتىنان 1300 يۋاندى ءىشىپ - جەۋگە جۇمساعان، سونىمەن بىرگە «پارتيا، ۇكىمەت ورگاندارىنىڭ ەلىمىز ىشىندە ۇكىمەت قاراجاتىمەن قوناق كۇتۋدى باسقارۋ بەلگىلەمەسىنە» قايشى تۇردە ۇكىمەت قاراجاتىمەن تەمەكى ساتىپ العان. 2017 - جىلى تامىزدا ۋاڭ چياڭعا اعاتتىق وتكىزۋ جازاسى بەرىلدى.
  جىل باسىنان بەرى اۆتونوميالى رايونىمىزداعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارى ساياسي تۇرعىنى ۇزدىكسىز جوعارىلاتىپ، ورتالىقتىڭ «8 ءتۇرلى بەلگىلەمەسىنىڭ» رۋحىن دايەكتى تياناقتاندىرۋدى ماڭىزدى ساياسي مىندەت ەتىپ، تەمىردەي تەگەۋرىنمەن بەلدى بەكەم بۋىپ، ءاربىر بۋىندى مىقتى يگەرىپ، ماسەلەنى ءبىر - بىرلەپ شەشىپ، كىشكەنە ىستەردەن باستاپ ەرتە يگەرىپ، بايقالعان ساتتە - اق ءبىر جايلى ەتىپ، پارتيا ستيلىن، ۇكىمەت ستيلىن ۇزدىكسىز جاقسارتىپ، بۇقارانىڭ رازى بولۋ كورسەتكىشىن ۇزدىكسىز جوعارىلاتتى. دەسەدە از ساندى پارتيالى كادرلاردىڭ «4 بۇرىس ستيلدى» جونگە سالۋدىڭ ماڭىزدىلىعى مەن كوكەي تەستىلىگى جونىندەگى تانىمدارى كەمشىل بولىپ وتىر، راقاتقۇمارلىق پەن ءسان - سالتاناتقا بەرىلۋ جاعدايى اۋىر، سالىم سىناپ، تارتىپكە قاسارىسا قايشىلىق جاساپ، ءتارتىپتىڭ قىزىل سىزىعىنا سوقتىعۋ جايتى ورىن تەبۋدە.
  مەملەكەت مەرەكەسى، ورتاڭعى كۇز مەرەكەسى كەلۋ قارساڭىندا، اۆتونوميالى رايونىمىزداعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارى ساياسي تانىمدى ۇزدىكسىز جوعارىلاتىپ، جاۋاپكەرلىكتى باتىل ارقالاپ، ورتالىقتىڭ «8 ءتۇرلى بەلگىلەمەسىنىڭ» رۋحى مەن اۆتونوميالى رايوندىق پارتكومنىڭ «10 تارماقتى بەلگىلەمەسىن» «10 تارماقتى شارتتى» تياناقتاندىرۋدى قاتاڭ ساياسي مىندەت ەتىپ، ستيل قۇرىلىسىن كۇشەيتۋدى اناعۇرلىم كورنەكتى ورىنعا قويىپ، ۇدايى مىقتى ۇستاۋ تەبىنىن، قاجىرىن ساقتاپ، ستيل قۇرىلىسىن سوڭىنا دەيىن مىقتى ۇستاۋى كەرەك. بەلگىلەمەگە قايشى تارتۋ ۇسىنۋ، بەلگىلەمەگە قايشى قوناعاسى بەرۋ، ۇكىمەت اۆتوكولىگىن جەكەگە پايدالانۋ، ۇكىمەت قاراجاتىمەن زات ساتىپ الۋ، ۇكىمەت قاراجاتىمەن ساياحاتتاۋ سىندى وڭاي، ۇنەمى تۋىلاتىن ماسەلەلەردى قاتاڭ قاداعالاپ، «شەشۋسى از ساندىلاردى» مىقتى ۇستاپ، الدىن الا ورنالاستىرۋلار جاساپ، قاتىستى فۋنكتسيالىق تاراۋلارىن ۇيىمداستىرىپ، اشىق تەكسەرۋدى، جاسىرىن جاعداي ۇعىسۋدى كۇشەيتىپ، باقىلاۋ ارنالارىن كەڭەيتىپ، ءتارتىپ تەكسەرۋ، باقىلاۋ - تەكسەرۋدى ۇزدىكسىز ورىستەتۋ كەرەك. بەلگىلەمەگە قايشى كەلگەندەردى «ءبىر دەلونى ەكى جاقتى تەكسەرۋ» مەن «ءبىر دارەجە جوعارىلاپ قۋزاستىرۋعا»، اتىن اتاپ تۇرىپ اشىق اشكەرەلەۋگە تاباندى بولىپ، تارتىپكە قايشى كەلگەندەردى، ءسوزسىز، قۋزاستىرۋ، ءتارتىپتى اتقارۋدا قاتاڭ بولۋ، بارعان سايىن قاتاڭ بولۋداي كۇشتى سيگنالدى تاراتىپ، باتىلى بارماۋ، ءوزىن تەجەي بىلۋدەي اۋقىمدى كۇشەيتىپ، بايقاستاۋ مەن دامەلەنۋدەن تۇبەگەيلى ارىلىپ، قاتاڭ سوققى بەرۋدىڭ تەگەۋرىندى كۇيىن ۇزدىكسىز ساقتاپ، «4 بۇرىس ستيلدى» جونگە سالۋدى ىشكەرىلەي تەرەڭدەتىپ، شىنايى ىستەپ، پارتيا 19 - قۇرىلتايىنا تولىمدى جاۋاپ بەرۋ كەرەك.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ