قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

ءدىن قىزمەتى زاڭمەن جونگە سالۋ ارناسىمەن ىلگەرىلەتىلدى

− مەملەكەتتىك كەڭەس زاڭ - ءتۇزىم كەڭسەسىنىڭ جاۋاپتىسى «ءدىن ىستەرى ەرەجەسىنە»  وزگەرىس ەنگىزۋ جونىندە تىلشىلەردىڭ سۇراۋىنا جاۋاپ بەردى

2017.09.22 21:13 كەلۋ قاينارى : شينجياڭ گازەتىنەن

 شينحۋا اگەنتتىگىنىڭ 7 - قىركۇيەكتە بەيجيڭنەن بەرگەن حابارى. 2017 - جىلى 26 - تامىزدا مەملەكەتتىك كەڭەستىڭ زۇڭليى لي كىچياڭنىڭ مەملەكەتتىك كەڭەستىڭ بۇيرىعىنا قول قويۋىمەن وزگەرىس ەنگىزىلگەننەن كەيىنگى «ءدىن ىستەرى ەرەجەسى» جاريالاندى، بۇل ەرەجە 2018 - جىلى 1 - اقپاننان باستاپ اتقارىلادى. جۋىقتا مەملەكەتتىك كەڭەس زاڭ - ءتۇزىم كەڭسەسىنىڭ جاۋاپتىسى بۇل «ەرەجەگە» قاتىستى ماسەلەلەر جونىندە تىلشىلەردىڭ سۇراۋىنا جاۋاپ بەردى.
  سۇراۋ: «ەرەجەگە» وزگەرىس ەنگىزۋدىڭ ارتقى كورىنىسى مەن جاسالۋ بارىسىن قىسقاشا تانىستىرا كەتسەڭىز؟
  جاۋاپ: «ءدىن ىستەرى ەرەجەسى» 2005 - جىلى 1 - ناۋرىزدان باستاپ اتقارىلعان. بۇرىنعى «ەرەجە» اتقارىلعان 12 جىلدان بەرى، ءدىن ىستەرىن باسقارۋ ارناعا ءتۇستى، ءدىن سالاسىنىڭ زاڭدى ۇقىق - مۇددەسى قورعالدى، ول رەفورما جاساپ، ەسىك اشۋعا جانە سوتسياليستىك وسىزامانداندىرۋ قۇرىلىسىنا قىزمەت ەتۋ جاعىندا ماڭىزدى رول اتقارىپ كەلدى. سوڭعى جىلداردان بەرى، حالىقارالىق، ەل ءىشى جاعدايىنىڭ تەرەڭدەي وزگەرۋىنە بايلانىستى ءدىن سالاسىندا كەيبىر جاڭا جاعدايلار، جاڭا ماسەلەلەر جارىققا شىعىپ، ءدىن ىستەرىن باسقارۋعا تىڭ تاقىرىپتاردى جانە تالاپتاردى قويدى.
  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ءدىن قىزمەتىنە وسكەلەڭ ءمان بەرىپ، ءدىن ىستەرىن زاڭ بويىنشا باسقارۋدى باسا دارىپتەپ كەلەدى. 2016 - جىلى باس شۋجي شي جينپيڭ ءدىن قىزمەتى جونىندەگى مەملەكەتتىك ماجىلىستە «ءدىن قىزمەتىن زاڭمەن جونگە سالۋ ورەسىن جوعارىلاتىپ، ءدىن سالاسىنىڭ اڭىسى كۇشتى بولعان، قوعام جاپپاي نازار اۋدارىپ وتىرعان، قىزمەت بارىسىندا شەشۋدى شۇعىل قاجەت ەتەتىن ماسەلەلەر جونىندە ايقىن بەلگىلەمە شىعارۋ كەرەك» دەپ اتاپ كورسەتتى. مىنە بۇل بۇرىنعى ەرەجەگە ىشكەرىلەي وزگەرىس ەنگىزىپ جانە ونى كەمەلدەندىرىپ، ءدىن ىستەرىن باسقارۋعا قاتىستى تۇزىمدەردى اناعۇرلىم كەمەلدەندىرۋدى شۇعىل قاجەت ەتەدى.
  مەملەكەتتىك ءدىن ىستەرى مەكەمەسى 2016 - جىلى ماۋسىم ايىندا مەملەكەتتىك كەڭەسكە «ءدىن ىستەرى ەرەجەسىن (وزگەرىس ەنگىزىلگەن جوباسىن) (قاراۋعا ۇسىنعان نۇسقا)» تاپسىردى. مەملەكەتتىك كەڭەستىڭ زاڭ - ءتۇزىم كەڭسەسى قاراۋعا ۇسىنىلعان نۇسقانى تاپسىرىپ العاننان كەيىن، قاتىستى تاراۋلاردان، ءارقايسى ولكە دارەجەلى ۇكىمەتتەردەن، ءارقايسى مەملەكەتتىك ءدىني ۇيىمداردان جانە مامان، وقىمىستىلاردان تالاي رەت پىكىر الدى ءارى قوعامنان اشىق پىكىر قابىلداپ، مەملەكەتتىك ءدىن ىستەرى مەكەمەسىمەن بىرگە جەرگىلىكتى ورىندارعا بارىپ تەكسەرۋ - زەرتتەۋ جۇرگىزدى. وسى نەگىزدە مەملەكەتتىك كەڭەستىڭ زاڭ - ءتۇزىم كەڭسەسى مەملەكەتتىك ءدىن ىستەرى مەكەمەسى سياقتى تاراۋلارمەن بىرگە قاراۋعا ۇسىنعان جوبانى قايتا - قايتا زەرتتەپ، وزگەرىس ەنگىزىپ، «ءدىن ىستەرى ەرەجەسىن (وزگەرىس ەنگىزىلگەن نۇسقاسى)» دايىندادى. 2017 - جىلى 14 - ماۋسىم كۇنى مەملەكەتتىك كەڭەستىڭ ۇنەمىلىك ىستەر ءماجىلىسى وزگەرىس ەنگىزىلگەن جوبانى قاراپ ماقۇلدادى، 2017 - جىلى 26 - تامىزدا لي كىچياڭ زۇڭليدىڭ مەملەكەتتىك كەڭەستىڭ بۇيرىعىنا قول قويۋىمەن «ەرەجە» جاريالاندى، بۇل «ەرەجە» 2018 - جىلى 1 - اقپاننان باستاپ اتقارىلادى.
  سۇراۋ: «ەرەجەدە» وزگەرىس ەنگىزىلگەن تۇيىندەر قايسى؟
  جاۋاپ: «ەرەجەدە»، باستىسى، 6 جاققا وزگەرىس ەنگىزىلدى، ناقتىلاپ ايتقاندا، «ەكىنى قورعاۋ»، «ەكىنى ايقىنداۋ»، «ەكىنى جۇيەگە ءتۇسىرۋ». ەكىنى قورعاۋ دەگەنىمىز ازاماتتاردىڭ ءدىني سەنىم ەركىندىگى مەن ءدىن سالاسىنىڭ زاڭدى ۇقىق - مۇددەسىن قورعاۋ، مەملەكەت حاۋىپسىزدىگى مەن قوعامنىڭ جاراسىمدىلىعىن قورعاۋ. ەكىنى ايقىنداۋ دەگەنىمىز ءدىني قيمىل ورىندارىنىڭ زاڭدى يەسىنىڭ تولىمدىلىعى مەن ءدىني مال - مۇلىك ۇقىعىنىڭ قاراستىلىعىن ايقىنداۋ، ءدىندى ساۋدالاندىرۋ پيعىلىنا تيىم سالۋدى ايقىنداۋ. ەكىنى جۇيەگە ءتۇسىرۋ دەگەنىمىز ءدىن سالاسىنىڭ مال - مۇلكىن باسقارۋدى جۇيەگە ءتۇسىرۋ، ينتەرنەتتە دىنگە قاتىستى ينفورماتسيالىق قىزمەت كورسەتۋدى جۇيەگە ءتۇسىرۋ.
  سۇراۋ: «ەرەجەدە» ازاماتتاردىڭ ءدىني سەنىم ەركىندىگى ۇقىعى مەن ءدىن سالاسىنىڭ زاڭدى ۇقىق - مۇددەسى جاعىندا نەندەي بەلگىلەمەلەر شىعارىلدى؟
  جاۋاپ: «ەرەجەنىڭ» 6 - تارماعىندا: ءار دارەجەلى حالىق ۇكىمەتتەرى ءدىني توپتاردى، ءدىني مەكتەپتەردى جانە ءدىني قيمىل ورىندارىن الەۋمەتتىك قىزمەت كورسەتۋمەن قامتاماسىز ەتۋ كەرەك، - دەپ بەلگىلەندى؛ 14 - تارماعىندا، 23 - تارماعىندا ءدىني مەكتەپتەر مەن ءدىني قيمىل ورىندارىنىڭ زاڭدى يەلەرىنىڭ تولىمدىلىعى ايقىندالدى؛ 16 - تارماعىندا ءدىني مەكتەپتەردىڭ وقىتۋشىلارىنىڭ كاسىپتىك اتاق الۋى مەن وقۋشىلاردىڭ عىلمي دارەجە الۋ ءتۇزىمى ايقىندالدى؛ 32 - تارماعىندا: جەرگىلىكتى ءار دارەجەلى حالىق ۇكىمەتتەرى ءدىني قيمىل ورىندارىنىڭ قۇرىلىسىن جەردەن پايدالانۋدىڭ جالپى تۇلعالىق جوباسى مەن قالا، اۋىل جوباسىنا ەنگىزۋى كەرەك، - دەپ بەلگىلەندى؛ 34 - تارماعىنا كورىنىس رايوندارىنىڭ ىشىندەگى ءدىني قيمىل ورىندارىن جانە دىنگە سەنەتىن بۇقارانىڭ زاڭدى ۇقىق - مۇددەسىن قورعاۋ مازمۇنى قوسىلدى؛ 38 - تارماعىندا ءدىني قىزمەتكەرلەر الەۋمەتتىك يگىلىك، قايىرىمدىلىق قيمىلدارىن ورىستەتسە، زاڭ جاعىنان قورعاۋعا الىناتىندىعى ايقىندالدى؛ 39 - تارماعىندا ءدىني قىزمەتكەرلەردىڭ قوعامدىق قامتاماسىزداندىرۋ ۇقىعىنان زاڭ بويىنشا يگىلىكتەنەتىندىگى بەلگىلەندى؛ 49 - تارماعىندا، 50 - تارماعىندا ءدىني توپتاردىڭ، ءدىني مەكتەپتەردىڭ جانە ءدىني قيمىل ورىندارىنىڭ مال - مۇلىك ۇقىق قاراستىلىعى بەلگىلەندى؛ 52 - تارماعىندا ءدىني مال - مۇلىك كىرىسىنىڭ پايدالانۋ ماقساتى ايقىندالدى؛ 53 - تارماعىندا ءارقانداي ۇيىمنىڭ نەمەسە جەكەنىڭ قاراجات شىعارىپ سالعان ءدىني قيمىل ورىندارىنىڭ مەنشىك ۇقىعىنان، پايدالانۋ ۇقىعىنان يگىلىكتەنۋىنە بولمايتىندىعى، وسى ءدىني قيمىل ورنىنان ەكونوميكالىق پايدا الۋىنا بولمايتىندىعى، ءدىن اتىنان پايدالانىپ، ساۋدالىق ۇگىت جاساۋىنا تيىم سالىناتىندىعى بەلگىلەندى؛ 55 - تارماعىندا ءدىني توپتاردىڭ، ءدىني مەكتەپتەردىڭ جانە ءدىني قيمىل ورىندارىنىڭ ۇيلەرى قايتارىپ الىنعاندا، اقشالاي تولەم الۋ، ءۇي مۇلىك ۇقىعىن اۋىستىرۋ نەمەسە قايتادان سالۋ، ت. ب لاردى تاڭداۋىنا بولاتىندىعى بەلگىلەندى.
  سۇراۋ: «ەرەجەدە» مەملەكەتتىڭ حاۋىپسىزدىگى مەن قوعام جاراسىمدىلىعىن قورعاۋ جاعىندا نەندەي بەلگىلەمە شىعارىلدى؟
  جاۋاپ: ەرەجەنىڭ 3 - تارماعىندا ءدىن ىستەرىن باسقارۋدا زاڭدىلارىن قورعاۋ، زاڭسىزدارىنا تيىم سالۋ، ۇشقارىلىقتى الاستاۋ، جالبىزبالاپ كىرۋگە قارسى تۇرۋ، قىلمىستىلارعا سوققى بەرۋ پرينسيبى بەلگىلەندى؛ 4 - تارماعىندا ءارقانداي ۇيىمنىڭ نەمەسە جەكەنىڭ دىننەن پايدالانىپ مەملەكەتتىڭ حاۋىپسىزدىگىنە زيان جەتكىزەتىن ارەكەتتەرمەن شۇعىلدانۋىنا، ءدىني ۇشقارىلىقتى كوككە كوتەرۋىنە، قولداۋىنا جانە وعان قارجىلاي كومەك بەرۋگە بولمايتىندىعى، دىننەن پايدالانىپ ۇلتتار ىنتىماعىن بۇلدىرۋگە، مەملەكەتتى بولشەكتەۋگە جانە لاڭكەستىك قيمىلدارمەن شۇعىلدانۋعا جول قويىلمايتىندىعى بەلگىلەندى؛ 41 - تارماعىندا ءدىني ەمەس توپتاردىڭ، ءدىني ەمەس مەكتەپتەردىڭ، ءدىني ەمەس قيمىل ورىندارىنىڭ ءدىني وقىتۋ، ءتالىم - تاربيە جۇرگىزۋىنە، ازاماتتاردى شەكارادان شىعىپ ءدىني كۋرستارعا، جيىندارعا، قيمىلدارعا قاتىناسۋعا، ت، ب ۇيىمداستىرۋعا بولمايتىندىعى بەلگىلەندى؛ 44 - تارماعىندا ءدىني مەكتەپتەردەن باسقا مەكتەپتەردە جانە باسقا دا وقۋ - اعارتۋ قۇرىلىمدارىندا ءدىن تاراتۋعا، ءدىني قيمىلدار وتكىزۋگە، ءدىني ۇيىمدار قۇرۋعا، ءدىني قيمىل ورىندارىن دايىنداۋعا تيىم سالىناتىندىعى بەلگىلەندى؛ 48 - تارماعىندا ينتەرنەتتە دىنگە قاتىستى ينفورماتسيالىق قىزمەت كورسەتۋگە تيىم سالۋ مازمۇنى ايقىندالدى؛ 56 - تارماعىندا الەۋمەتتىك قايىرىمدىلىق قيمىلداردان پايدالانىپ ءدىن تاراتۋعا بولمايتىندىعى بەلگىلەندى؛ 57 - تارماعىندا ءدىني توپتاردىڭ، ءدىني مەكتەپتەردىڭ، ءدىني قيمىل ورىندارىنىڭ شەكارا سىرتىنداعى ۇيىمدار مەن جەكەلەردىڭ شارتتى جىلۋلارىن قابىلداۋىنا بولمايتىندىعى بەلگىلەندى؛ مۇنان تىس، مەملەكەتتىڭ حاۋىپسىزدىگىنە زالال جەتكىزۋ سياقتى ارەكەتتەردى جازالاۋ مازمۇنى قوسىلدى.
  سۇراۋ: «ەرەجەدە» ءدىني قيمىل ورىندارىنىڭ زاڭدى يەلەرىنىڭ تولىمدىلىعى جانە ءدىني مال - مۇلىك ۇقىق قاراستىلىعى جونىندە قانداي بەلگىلەمەلەر جاسالدى؟
  جاۋاپ: ءدىن سالاسى كوڭىل ءبولىپ وتىرعان ءدىني قيمىل ورىندارىنىڭ زاڭدى يەلەرىنىڭ تولىمدىلىعى مەن ءدىني مال - مۇلىكتىڭ ۇقىق قاراستىلىعى ماسەلەسىن شەشۋ ءۇشىن، «ەرەجەنىڭ» 23 - تارماعىندا: ءدىني قيمىل ورىندارىنىڭ زاڭدى يەلەرى شارتىنا تولاتىندار سول جەردەگى ءدىني ۇيىمداردىڭ ماقۇلدىعىنان وتەدى ءارى اۋدان دارەجەلى حالىق ۇكىمەتىنىڭ ءدىن ىستەرى تاراۋىنا مالىمدەلىپ، تەكسەرىپ ماقۇلدىعىن العاننان كەيىن، حالىق ىستەرى تاراۋىنا بارىپ زاڭدى يە دەگەن تىركەۋگە الۋ راسمياتىن وتەيدى، - دەپ بەلگىلەندى؛ 49 - تارماعىندا: ءدىني توپتاردىڭ، ءدىني مەكتەپتەردىڭ، ءدىني قيمىل ورىندارىنىڭ زاڭ بويىنشا يەلەگەن مەملەكەتكە تاۋەلدى، كوللەكتيۆ مەنشىگىندەگى مال - مۇلىكتەر زاڭ جانە مەملەكەتتىڭ قاتىستى بەلگىلەمەسى بويىنشا باسقارىلادى جانە پايدالانىلادى، باسقا دا زاڭدى مال - مۇلىكتەردى مەنشىك ۇقىعى نەمەسە باسقا دا مال - مۇلىك ۇقىعىنا ساي زاڭ بويىنشا يگىلىكتەنەدى، - دەپ بەلگىلەندى.
  سۇراۋ: «ەرەجەدە» ءدىندى ساۋدالاندىرۋ نىسايىن تەجەۋ، ءدىن سالاسىنىڭ مال - مۇلكىن باسقارۋدى جۇيەگە ءتۇسىرۋ جونىندە نەندەي بەلگىلەمە شىعارىلدى؟
  جاۋاپ: ءدىندى ساۋدالاندىرۋ ماسەلەسى ءدىننىڭ وبرازىن زيانداپ قانا قالماي، قوعامدىق سالتقا ىقپال جەتكىزەدى، ونى تۋ باستان جونگە سالۋ شۇعىل قاجەت بولىپ وتىر. «ەرەجەدە» كوپتەگەن شارا قولدانىلىپ، دىننەن پايدالانىپ، پايدا تابۋعا قاتاڭ تيىم سالىندى. 52 - تارماقتا: ءدىني توپتار، ءدىني مەكتەپتەر، ءدىني قيمىل ورىندارى پايدا تابۋعا جاتپايتىن ۇيىم، ونىڭ مال - مۇلكى مەن كىرىسى ونىڭ ماقساتىنا ساي كەلەتىن قيمىلدارعا جانە الەۋمەتتىك يگىلىك قايىرىمدىلىق ىستەرىنە جۇمسالۋى كەرەك، ونى بولىسكە سالۋعا بولمايدى، - دەپ بەلگىلەندى. 53 - تارماقتا: ءارقانداي ۇيىم نەمەسە جەكە قارجى جۇمساپ ءدىني قيمىل ورىندارىن سالسا، سول ءدىني قيمىل ورنىنىڭ مەنشىك ۇقىعىنان، پايدالانۋ ۇقىعىنان يگىلىكتەنۋىنە بولمايدى، سول ءدىني قيمىل ورنىنان ەكونوميكالىق پايدا الۋىنا بولمايدى، قارجى قوسۋىنا، ءدىني قيمىل ورىندارىن كوتەرمەگە الۋعا نەمەسە ءىرى تيپتەگى اشىق ءمۇسىن جاساۋىنا تيىم سالىنادى، ءدىن اتىنان پايدالانىپ، ساۋدالىق ۇگىت جاساۋىنا تيىم سالىنادى، - دەپ بەلگىلەندى. 58 - تارماقتا: ءدىني توپتار، ءدىني مەكتەپتەر، ءدىني قيمىل ورىندارى مەملەكەتتىڭ قاتىستى قازىنا، بۇعالتىرلىق ءتۇزىمى بويىنشا بۇعالتىرلىق ەسەپ - قيساپ، قازىنالىق مالىمەت، قازىنالىق ىستەردەگى جاريالىلىق سياقتى تۇزىمدەردى ورناتۋى جانە ونى اقاۋسىزداندىرۋى، قازىنا ىستەرىن باسقارۋ قۇرىلىمدارىن قۇرىپ جانە ونى اقاۋسىزداندىرىپ، قاجەتتى قازىنالىق بۇعالتىر قىزمەتكەرلەرىن سەپتەپ، قازىنا ىستەرىن باسقارۋدى كۇشەيتۋى كەرەك، ۇكىمەتتىڭ قاتىستى تاراۋلارىنىڭ ءدىني توپتاردا، ءدىني مەكتەپتەردە، ءدىني قيمىل ورىندارىندا قازىنانى، مال - مۇلىكتى تەكسەرۋگە جانە قازىنالىق باقىلاۋ جۇرگىزۋىنە ۇيىمداستىرۋىنا بولادى، - دەپ بەلگىلەندى. 59 - تارماقتا: ءدىني توپتار، ءدىني مەكتەپتەر، ءدىني قيمىل ورىندارى جانە ءدىني قىزمەتكەرلەر باجى ىستەرىن تىركەۋگە الۋ جانە باجى الۋدى ءوتىنىش ەتۋ راسمياتىن زاڭ بويىنشا ءبىتىرۋى كەرەك، - دەپ بەلگىلەندى. سونىمەن بىرگە، سايكەستى زاڭدىق جاۋاپكەرشىلىك بەلگىلەندى.
  سۇراۋ: «ەرەجەدە» ينتەرنەتتە دىنگە قاتىستى ينفورماتسيالىق قىزمەت كورسەتۋدى جۇيەگە ءتۇسىرۋ جونىندە نەندەي بەلگىلەمە شىعارىلدى؟
  جاۋاپ: ينتەرنەت زاڭنان تىسقارى ەمەس. سوڭعى جىلداردان بەرى ينتەرنەت ءدىندى تاراتۋدىڭ باستى ارناسىنا اينالدى، جەلىدە دىنگە ساياتىن ءتۇرلى - ءتۇستى قالىپسىز جايتتەر مەن زاڭعا قايشى قيمىلدار دا كوبەيدى، اسىرەسە، ءدىني ۇشقارى يدەيا ينتەرنەت ارقىلى تارالىپ، مەملەكەت حاۋىپسىزدىگىنە، قوعام ورنىقتىلىعىنا جانە ازاماتتاردىڭ باس اماندىعىنا اۋىر قاتەر ءتوندىردى، ينتەرنەتتە دىنگە قاتىستى ينفورماتسيالىق قىزمەت وتەۋدى، ءسوز جوق، زاڭ بويىنشا باسقارۋ كەرەك.
  «ەرەجەنىڭ» 47 - تارماعىندا: ينتەرنەتتە دىنگە قاتىستى ينفورماتسيالىق قىزمەت كورسەتۋمەن شۇعىلدانۋدى ولكە دارەجەلىدەن جوعارى حالىق ۇكىمەتىنىڭ ءدىن ىستەرىن باسقارۋ تاراۋلارىنىڭ تەكسەرىپ ماقۇلدىعىنان وتكەننەن كەيىن، مەملەكەتتىڭ ينتەرنەتتە ينفورماتسيالىق قىزمەت كورسەتۋدى باسقارۋ جونىندەگى قاتىستى بەلگىلەمەلەرىنە ساي ىستەۋى كەرەك، - دەپ بەلگىلەندى؛ 48 - تارماعىندا: ينتەرنەتتە دىنگە قاتىستى ينفورماتسيالىق قىزمەت كورسەتۋدىڭ مازمۇنى مەملەكەتتىڭ قاتىستى زاڭدارىنىڭ، زاڭ - ەرەجەلەرىنىڭ، ەرەجە - قاعيدالارىنىڭ جانە ءدىن ىستەرىن باسقارۋدىڭ قاتىستى بەلگىلەمەلەرىنە ۇيلەسۋى كەرەك، - دەپ بەلگىلەندى؛ 68 - تارماعىندا ينتەرنەتتە دىنگە قاتىستى ينفورماتسيالىق قىزمەت كورسەتۋدەگى زاڭعا قايشى ارەكەتتەردى جازالاۋ بەلگىلەندى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ