Mongolئۇيغۇرچە中文
شاعانتوعاي: جايلىم ەكولوگياسىن قورعاۋ سيلىق قاراجاتىن تاراتتى   ساۋان: جاساندى سەرىك ارقىلى تەلە سيگنالىن قابىلداۋ جابدىعىن ورناتتى    شاعانتوعاي: سۋلياۋ پلاستيماسالى دەنە تاربيە الاڭى سالىندى   بۋرىلتوعاي: نەگىزگى ساتى كادرلارىنىڭ ەلەۋلى ەڭبەگى   شىڭگىل: اۋىل شارۋاشىلىق ماشينالارىنا بەرىلەتىن قوسىمشا قاراجات شارۋالارعا ءتيىمدى بولدى   باركول: وڭىرلىك ەرەكشەلىك ساياحاتشىلاردى باۋرادى  

جاڭ چۇنشيان

<<
  جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى

نۇر باكىر

<<
  نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى

زاڭ بۇزعان ۇكىمەت قىزمەتكەرى نەگە زاڭ قورىعىنا ىلىنبەيدى

ياڭ تاۋ\ەرلان مازان ۇلى

2014.01.26 19:37     كەلۋ قاينارى : شينجياڭ گازەتى

  بەيجيڭ شۋانتاڭ ليچين مادەنيەت سەرىكتەستىگى 1102 - جىلى حۋنان ولكەسى چاڭشا قالاسىنىڭ تيانشين رايوندىق حالىق ۇكىمەتىمەن تيانشين مادەنيەت ونەركاسىپتىك باقشاسىن قۇرۋ تۋرالى كەلىسىمشارتقا قول قويىسادى. ءبىراق ولاردىڭ سەلبەستىگى باياندى بولماي، شۋانتاڭ سەرىكتەستىگىنە جۇمىستى توقتاتۋ تالابى قويىلادى. 3102 - جىلى 92 - قاراشا كەشتە تيانشين رايوندىق ۇكىمەتتىڭ ءبىر قىزمەتكەرى كىلەڭ تاياق كوتەرگەن 002 نەشە «ساقشىنى» باستاپ كەلىپ، شۋانتاڭ سەرىكتەستىگىنە قاراستى كەڭسە باسقارماسىن بىقپىرت تيگەندەي قيراتىپ كەتەدى («جيڭحۋا گازەتىنىڭ» 31 - قاڭتارداعى حابارى).
  ۇستىنە ساقشى كيىمىن كيگەن ورىمدەي جاستار، انىعىندا، وقۋشىلار ەكەن. ال «قول باستاپ» كەلىپ، شۋلى وقيعاعا مۇرىندىق بولعان تيانشين رايوندىق حالىق ۇكىمەتى كەڭسەسىنىڭ ورىنباسار مەڭگەرۋشىسى، تيانشين مادەنيەت قارجىگەرلىك سەرىكتەستىگىنىڭ باس مەڭگەرۋشىسى شياۋ سىجۇننىڭ ءالى كۇنگە تايراڭداپ جۇرگەنىنە تاڭبىز. ونان بەرى دە ءبىر ايدان اسا ۋاقىت ءوتتى، ءبىراق شياۋ سىجۇنگە ساقشىلاردىڭ ءتىسى باتار ەمەس. شياۋ سىجۇن تىلشىلەرگە بەرگەن سۇحپاتىندا بەت - اۋزى بۇلك ەتپەستەن «بۇل ەكى كاسىپورىن ورتاسىنداعى تالاس - تارتىس، قازىر زاڭدى جولدارمەن شەشىلىپ جاتىر، تيانشين مادەنيەت قارجىگەرلىك سەرىكتەستىگى ازاماتتىق ىستەر زاڭىنىڭ جالپى ەرەجەسىنە، توقتام زاڭىنىڭ قاتىستى تارماقتارىنا سايكەس، زياندى جەڭىلدەتۋ ءۇشىن سايكەستى شارا قولداندى. وعان قارسى جاقتىڭ پىكىرى بولسا، سەرىكتەستىگىمىزدىڭ ادۆوكاتىمەن حابارلاسسىن نەمەسە زاڭ بويىنشا ارىزدانسىن» دەگەن.
  الايدا شياۋ سىجۇن نە ءۇشىن 2 اي بۇرىن ءسوي دەپ اشىعىن ايتپاعان؟ ەكى جاقتىڭ داۋىن سوت مەكەمەسى باياعىدا - اق تىركەۋگە الىپ، ءتيىستى تەرگەۋ امالدەرىن جۇرگىزىپ جاتىر ەكەن، ەندەشە، شياۋ سىجۇندەر ءوز مۇددەسىن سوت ۇستىندە قورعاماي، نە ءۇشىن ساقشى بولىپ جاسانعان وقۋشىلاردى باستاپ كەلىپ، كاسىپورىننىڭ كەڭسەسىن قيراتىپ كەتەدى؟ قىلمىستىق ىستەر زاڭىندا الەۋمەتتىك مۇلىكتى ءبۇلدىرۋ قىلمىسى تۋرالى اشىق ايتىلعان. زاڭ بويىنشا، ادەتتەگى جاعدايدا، 0005 يۋاننان ارتىق زيان تۋدىرسا، قولما - قول تىركەۋگە الىپ، قىلمىستىق ىستەر جاۋاپكەرشىلىگى شارتسىز قۋزالادى، قىلمىس كۇماندىسىنا 3 جىلدان تومەن مەرزىمدى قاماۋ جازاسى بەرىلەدى. ال اۋىر زارداپ تۋدىرسا، 3 جىلدان جوعارى، 7 جىلدان تومەن مەرزىمدى قاماۋ جازاسى بەرۋگە دە بولادى. شياۋ سىجۇندەر زاڭ اتقارۋشىلاردىڭ اتىن جامىلىپ، «الدىمەن عيماراتتىڭ 1 - ، 2 - قاباتتارىنىڭ بەلگىلەرىن قيراتىپ، ىزىنشە كەڭسە جابدىقتارىن، قابىرعاعا ىلىنگەن سۋرەتتەردى، ۇستەلگە قويىلعان قولونەر بۇيىمدارىن تالاپايعا سالعان، ۇلكەن زالدىڭ استاڭ - كەستەڭىن شىعارعان»، بۇنىڭ زيانى 0005 يۋاننان از بولسىن با؟ ونىڭ ۇستىنە وقۋشىلاردىڭ ساقشى بولىپ جاسانعانى تاعى بار، بۇل ارەكەتتىڭ سيپاتى جيرەنىشتى ەمەس دەپ قالاي ايتا الاسىز؟ سويتە تۇرا شياۋ سىجۇننىڭ قالايشا زاڭ قۇرىعىنا ىلىنبەي جۇرگەنىنە قايرانبىز.
  بىرىنشىدەن، نەگىزگى زاڭ بويىنشا، زاڭ الدىندا بار ادامنىڭ تەرەزەسى تەڭ. ۇكىمەت قىزمەتكەرى زاڭ بۇزسا، ول دا قاتارداعى ازامات سەكىلدى زاڭدىق جاۋاپقا تارتىلۋعا ءتيىس، شياۋ سىجۇنگە زاڭنان بولەك توتەنشە ۇقىق بەرىلمەگەن شىعار؟ ەكىنشىدەن، مەملەكەتىمىز «ۇكىمەتتى زاڭمەن باسقارامىز» دەپ وتىر، ول ءۇشىن ۇكىمەت پەن ۇكىمەت قىزمەتكەرلەرى الدىمەن زاڭعا باعىنۋى شارت ەمەس پە. ۇشىنشىدەن، شۋانتاڭ سەرىكتەستىگى تيانشينگە ءوز اياعىمەن ەمەس، جەرگىلىكتى ۇكىمەتتىڭ قولقاسىمەن قارجى سالۋعا بارعان، الايدا ۇكىمەت ايتقان سوزىندە تۇرماي، كەلىسىمشارتتى كەز كەلگەن ۋاقىتتا لاقتىرىپ تاستاپ، كاسىپورىندى كۇشپەن قۋىپ شىقسا جانە جاساعان زاڭسىزدىقتارى ءۇشىن زاڭ الدىندا جاۋاپ بەرمەسە، وندا جەرگىلىكتى ۇكىمەتتە بەت قالا ما؟ تورتىنشىدەن، قىلمىستىق ىستەر قىلمىسىنا ساياتىن بۇنداي وسپادار ارەكەتكە جەرگىلىكتى ساقشى ورگاندارى مەن زاڭ تاراۋلارى تەكتەۋ قويماسا، ولاردىڭ ادىلەتتىلىگىنەن كۇماندانىپ، «قارعا قارعانىڭ كوزىن شۇقىمايدى دەگەن وسى ەكەن - اۋ» دەگەن ويعا كەلەمىز. دەمەك، زاڭنىڭ الەۋمەتتىك سەنىمدىلىگىنە دە كىر كەلىپ تۇر.
  سوندىقتان ازاماتتىق ءىس ءوز الدىنا، قىلمىستىق ءىس ءوز الدىنا بولۋعا ءتيىس. ۇكىمەت پەن شۋانتاڭ ليچين مادەنيەت سەرىكتەستىگى اراسىنداعى ەكونوميكالىق داۋ - شار سوت مەكەمەسىنىڭ كولەمىندە شەشىلۋى؛ ال ۇكىمەت قىزمەتكەرىنىڭ جالعان ساقشىلاردى باستاپ بارىپ الەۋمەتتىك مۇلىكتى ءبۇلدىرۋ ارەكەتىنە قاتىستى تاراۋلار تىزگىن ۇشىندا قىلمىستىق ىستەر بويىنشا تەكسەرۋ جۇرگىزىپ، ءتيىستى ادامداردىڭ جاۋاپكەرشىلىگىن قۋزاۋى قاجەت.
جاۋاپتى رەداكتورى : قۇلقايتەكتى نۇرلان جانايقان ۇلى