Mongolئۇيغۇرچە中文
شاعانتوعاي: جايلىم ەكولوگياسىن قورعاۋ سيلىق قاراجاتىن تاراتتى   ساۋان: جاساندى سەرىك ارقىلى تەلە سيگنالىن قابىلداۋ جابدىعىن ورناتتى    شاعانتوعاي: سۋلياۋ پلاستيماسالى دەنە تاربيە الاڭى سالىندى   بۋرىلتوعاي: نەگىزگى ساتى كادرلارىنىڭ ەلەۋلى ەڭبەگى   شىڭگىل: اۋىل شارۋاشىلىق ماشينالارىنا بەرىلەتىن قوسىمشا قاراجات شارۋالارعا ءتيىمدى بولدى   باركول: وڭىرلىك ەرەكشەلىك ساياحاتشىلاردى باۋرادى  

جاڭ چۇنشيان

<<
  جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى

نۇر باكىر

<<
  نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى

اۋانىڭ لاستانۋى ادام ومىرىنە قانشالىق حاۋىپتى

جاڭ تيانكان\ەرلان مازان ۇلى

2014.01.26 19:37     كەلۋ قاينارى : شينجياڭ گازەتى

  جۇڭحۋا مەديتسينا قوعامىنىڭ ءتوراعاسى، جۇڭگو عىلىم اكادەمياسىنىڭ اكادەميگى چىن جۋ مەن قورشاعان ورتانى قورعاۋ مينيسترلىگى قورشاعان ورتا جوباسىن زەرتتەۋ ورتالىعىنىڭ ورىنباسار باستىعى، باس ينجەنەرى، اعا زەرتتەۋشى ۋاڭ جينناننىڭ «جۇڭگو اۋا لاستانۋىنىڭ ادام دەنساۋلىعىنا جاسايتىن ىقپالىنا بەلسەندىلىكپەن توتەپ بەرۋدە» دەگەن ماقالاسى حالىقارالىق مەديتسينا سالاسىنداعى تانىمال جۋرنال −− «قانداۋىردىڭ» 3102 - جىلى 41 - اقپان كۇنگى سانىندا جارىق كورگەن بولاتىن. اتالعان ماقالادا اۋانىڭ لاستانۋى سالدارىنان جۇڭگودا جىلىنا 053 مىڭنان 005 مىڭعا دەيىن ادام مەزگىلسىز ولەدى دەپ بولجانعان. سودان ءبىر جىل ىلگەرى، تاعى دا وسى «قانداۋىر» جۋرنالىندا «الەمدىك اۋرۋ اۋىرتپالىعى جونىندەگى بايانداما −−0102» دەگەن ماقالا باسىلعان، 05 مەملەكەتتىڭ 303 قۇرىلىمىنداعى 884 زەرتتەۋشى 5 جىل ۋاقىتپەن دايىنداعان وسى باياندامادا 0102 - جىلى اۋانىڭ لاستانۋى سالدارىنان جۇڭگودا ءبىر ميلليون 002 مىڭ ادامنىڭ مەزگىلسىز كوز جۇمعانى تۋرالى دايەكتەر كورسەتىلگەن.
  اۋانىڭ لاستانۋى سالدارىنان كوز جۇمعان ادامنىڭ سانى تۋرالى 2 ماقالادا 2 ءتۇرلى دەرەك كەلتىرىلگەنمەن، انىقتاپ قارار بولساق، پارىق زور ەمەس. ولاي بولاتىنى، «الەمدىك اۋرۋ اۋىرتپالىعى جونىندەگى بايانداما −− 0102 » دەگەن ەڭبەكتە 01MP عانا ەمەس، 5.2MPتىڭ ىقپالى دا ساراپتالعان، ال «جۇڭگو اۋا لاستانۋىنىڭ ادام دەنساۋلىعىنا جاسايتىن ىقپالىنا بەلسەندىلىكپەن توتەپ بەرۋدە» دەگەن ماقالا نەگىزىنەن 01MPتىڭ دەنساۋلىققا جاسايتىن ىقپالى تۋرالى ءسوز قوزعايدى.
  الايدا اتالعان ەڭبەكتەردە پاش ەتىلگەن وتكىر ماسەلەلەرگە وتانداستارىمىز ءالى كۇنگە نازار اۋدارماي وتىر، بۇنىڭ سەبەبى نە؟
  ءبىز الدىمەن تەمەكىنىڭ زيانى تۋرالى توقتالايىق. الەمدىك دەنساۋلىق ساقتاۋ ۇيىمىنىڭ ساناق دەرەكتەرىنە قاراعاندا، تەمەكىنىڭ زاردابىنان دۇنيە ءجۇزى بويىنشا جىل سايىن 6 ميلليون ادام ولەدى ەكەن، دەمەك، ايدس، تۋبەركۋلەز، بەزگەك دەرتتەرىنەن ولگەندەردىڭ جالپى سانى «تەمەكى قۇرباندارىنىڭ» ماڭقاراسىن كورمەيدى، ال جۇڭگودا تەمەكىگە قاتىستى اۋرۋلار جىل سايىن ءبىر ميلليوننان اسا ادامنىڭ جانىن الادى. بۇل قارالى سان دا وتانداستارىمىزدىڭ كوڭىلىن الاڭ ەتە المادى، بۇنىڭ باستى سەبەپتەرىنىڭ ءبىرى، تەمەكى جۇڭگودا نەگىزگى باجى كوزدەرىنىڭ ءبىرى بولىپ سانالادى. ايتالىق، 2102 - جىلى جۇڭگونىڭ تەمەكى كاسىپورىندارى كاسىپكەرلىك سالا بويىنشا 468 ميلليارد 939 ميلليون يۋان باجى تولەپ، مەملەكەت قازىناسىنا 617 ميلليارد 266 ميلليون يۋان كىرىس كىرگىزگەن.
  اۋانىڭ لاستانۋىنىڭ كولەڭكەسىندە دە كولەمى وراسان زور PDG كورسەتكىشتەرى تۇر. ەكونوميكالىق ارتۋعا باسا ءمان بەرىلىپ، PDG كورسەتكىشتەرى جۇمىس ناتيجەسىن باعالاۋدىڭ جالعىز ولشەمىنە اينالعان قازىرگى تاڭدا، قاتىستى تاراۋلار PDG دى ورگە سۇيرەۋگە عانا باس قاتىرادى، اۋانىڭ لاستانۋىنان قانشا ادامنىڭ مەزگىلسىز قازا بولىپ جاتقانى قايدان كاپەرىنە كىرسىن.
  اۋانىڭ لاستانۋىنىڭ مەزگىلسىز ولىمگە سەبەپ بولۋى، تەمەكىنىڭ زاردابى سەكىلدى الەۋمەتتىك تراگەديا قاتارىنا جاتادى. ادامزات ەكونوميكانى گۇلدەندىرىپ، پايدانى كۇرەپ العانمەن، ەسەسىنە اۋانى دا اياۋسىز لاستاپ وتىر، ءبىراق ونىڭ زاردابىنا جاۋاپتى بولاتىن ءتىرى پەندە جوق. اۋانى لاستاعان كەيبىر كاسىپورىنداردىڭ تولەگەن ايىپ اقشاسى تاپقان پايداسىنىڭ قاسىندا تۇككە تۇرعىسىز. قازىرگى كۇندە مۇنار مەن تۇمان قالاي پايدا بولادى دەگەن سۇراۋدىڭ دا جاۋابىن تاپپاي، جاق - جاق بولىپ قىرقىسىپ جاتىرمىز، ونەركاسىپ، قالا قۇرىلىستارى، كولىك، قىسقى جىلۋ كوزدەرى جانە تۇرعىندار تۇرمىسى، ت.ب فاكتورلاردىڭ تۇمان مەن مۇنارعا قوسقان ۇلەسى قانشالىق؟ بۇعان كوزىمىز ءالى جەتپەدى. سەبەبىن ءداپ باسىپ تاپقان كۇننىڭ وزىندە، كىمنىڭ موينىنا تاۋ تەسىپ ىلەمىز؟ ويتكەنى ناقتىلى جاۋاپكەردى انىقتاۋعا ەشقانداي مۇمكىندىك جوق. مۇمكىن بىرەۋلەر اۋانىڭ لاستانۋىنا ۇكىمەت جاۋاپتى بولۋعا ءتيىس دەيتىن شىعار، ءبىراق بۇل دا دايەكسىز، ءدۇدامال پىكىر.
  اۋانىڭ لاستانۋى مەزگىلسىز ولىمگە سەبەپ بولادى دەگەن تۇجىرىمنىڭ كاپەرگە الىنباۋىنىڭ تاعى ءبىر سەبەبى، ول تەمەكى مەن ءولىم ورتاسىنداعى سەبەپ - سالدار قاتىناسىنداي اشىق كورىنىپ تۇرعان جوق، اۋانىڭ لاستانۋى مەن مەزگىلسىز ءولىمنىڭ بايلانىسى تەك جانامالاي عانا. مىسالى، اۋانىڭ لاستانۋى تىنىس الۋ جۇيەسى مەن جۇرەك، قان تامىر جۇيەسى اۋرۋلارىن، راك اۋرۋىن تۋدىرادى. ونىڭ ۇستىنە اۋانىڭ لاستانۋى مەن مەزگىلسىز ءولىمنىڭ اراسىنداعى بايلانىس وتە باياۋ جۇرەدى، زاردابى جايشىلىقتا ايقىن بىلىنبەيدى. سوندىقتان جۇرت ونان تيىسىنشە سەكەم الىپ، قاتەر ويلاپ وتىرعان جوق. اۋانىڭ لاستانۋى سالدارىنان ادامنىڭ جۇرەك، قان تامىر جۇيەسىندە كىلتيپان شىعىپ، ول مەزگىلسىز ولىمگە سەبەپ بولعانعا دەيىن از دەگەندە بىرەر جىل ۋاقىت كەتەدى، بۇل ۇدەرىس 01 نەشە جىلعا، ءتىپتى، نەشە 01 جىلعا سوزىلۋى دا مۇمكىن. مىسالى، اۋانىڭ لاستانۋى وبا دەرتى سەكىلدى ينفەكسيالانعان ادامدى بىرنەشە كۇننىڭ ىشىندە الىپ ۇراتىن بولسا، ادام بالاسى ونان ساقتانۋعا بارىن سالىپ، باتىل شارالار قولدانار ەدى عوي.
  اۋانىڭ لاستانۋىنىڭ زاردابىنا جۇرت بىتكەننىڭ كوزىن جەتكىزىپ، ولاردى ءوز دەنساۋلىعى مەن ءومىرىن قورعاپ قالۋعا جۇمىلدىرۋدىڭ قانداي جولى بار؟ البەتتە، «لاستانۋدان ساقتانۋ −− امبەگە ورتاق بورىش» دەپ جار سالىپ، جالپى جۇرتتى يگىلىكتى ىسكە جاپپاي جۇمىلدىرۋ ماسەلەنى شەشۋدىڭ ەڭ ۇتىمدى امالى بولار ەدى. دەگەنمەن، قازىرگى كەزەڭدە، شەشىم قابىلداۋشىلاردىڭ نازارىن اتالعان ماسەلەگە اۋدارماي تۇرىپ، جالپى حالىققا اتتانداۋدىڭ پايداسى شامالى سەكىلدى.
  بۇل جاعىندا ناقتى ارەكەتتەردىڭ ازدىعىنا قاراماستان، ءسۇيىنىشتى باستامالار دا جوق ەمەس. مەملەكەتتىك كەڭەس 3102 - جىلى قىركۇيەكتە شىعارعان «اۋانىڭ لاستانۋىنان ساقتانۋ جونىندەگى ارەكەت باعدارلاماسىندا» بۇكىل قوعام «ورتاق كۇرەسكە» شاقىرىلىپ، الداعى 5 جىلدا اۋانىڭ لاستانۋىنان ساقتانۋعا 772 ميلليارد 005 ميلليون دوللار قارجى ءبولۋ جوسپارلاندى. قورشاعان ورتانى قورعاۋ مينيسترلىگى دە 7 - قاڭتار كۇنى 13 ولكە، اۆتونوميالى رايون، قالامەن «اۋانىڭ لاستانۋىنان ساقتانۋ نىساناسى جونىندەگى جاۋاپكەرشىلىك حاتىنا» قول قويىسىپ، جەر - جەردىڭ اتموسفەرا ساپاسىن جاقسارتۋعا بايلانىستى نىسانالىق مىندەتتەرىن انىقتاپ، ءتۇيىندى قىزمەتتەرگە ءبىر تۇتاس ورنالاستىرۋ جاسادى. مەملەكەتتىك كەڭەس بۇدان بىلاي ولكە، اۆتونوميالى رايون، قالالاردىڭ قورشاعان ورتا مەن اۋا ساپاسىن جاقسارتۋ جونىندەگى نىسانالارىنىڭ ورىندالۋ جاعدايىنا تەكسەرۋ - سارالاۋ جۇرگىزىپ وتىراتىن بولدى.
  وسى شارالاردىڭ كوزەۋلى ناتيجە بەرۋىنە تىلەكتەسپىز. جۇڭگو قازىر جول ايىرىعىندا تۇر، كوز جۇمبايعا سالىپ، اۋانىڭ لاستانۋىنا جول بەرە بەرەمىز بە، الدە بەلدى بەكەم بايلاپ، جاسىل، زارداپسىز دامۋدى ماقسات تۇتامىز با، بۇنىڭ جاۋابى اركىمگە ايان بولسا كەرەك.
جاۋاپتى رەداكتورى : قۇلقايتەكتى نۇرلان جانايقان ۇلى