Mongolئۇيغۇرچە中文
شاعانتوعاي: جايلىم ەكولوگياسىن قورعاۋ سيلىق قاراجاتىن تاراتتى   ساۋان: جاساندى سەرىك ارقىلى تەلە سيگنالىن قابىلداۋ جابدىعىن ورناتتى    شاعانتوعاي: سۋلياۋ پلاستيماسالى دەنە تاربيە الاڭى سالىندى   بۋرىلتوعاي: نەگىزگى ساتى كادرلارىنىڭ ەلەۋلى ەڭبەگى   شىڭگىل: اۋىل شارۋاشىلىق ماشينالارىنا بەرىلەتىن قوسىمشا قاراجات شارۋالارعا ءتيىمدى بولدى   باركول: وڭىرلىك ەرەكشەلىك ساياحاتشىلاردى باۋرادى  

جاڭ چۇنشيان

<<
  جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى

نۇر باكىر

<<
  نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى

تەلەبايلانىس الاقتىعىنا تەكتەۋ جوق پا

حۋ شيڭ\ەرلان مازان ۇلى

2014.01.26 19:35     كەلۋ قاينارى : شينجياڭ گازەتى

  بەلگىلى اكتەر تاڭ ۋيدىڭ تەلەبايلانىس الاياقتارىنا 002 مىڭ يۋان اقشاسىن الدىرىپ قويعانى تۋرالى اقپارات ەل قۇلاعىن ەلەڭ ەتكىزدى. ونەر جۇلدىزىنىڭ الدانۋىنا توراپ تۇتىنۋشىلارىنىڭ ءبىرازى «تاڭ قالىپ» جاتتى، ءبىراق ءبىزدى جۇلدىزدىڭ اڭقاۋلىعى ەمەس، تەلەبايلانىس الاياقتىعىنىڭ كۇن سايىن اسقىنا تۇسكەنى الاڭداتادى. الاياقتىققا قات - قابات توسقاۋىل قويىلىپ، قاتاڭ سوققى بەرىلمەسە، كەز كەلگەن ادامنىڭ الدانۋى مۇمكىن ەكەنىنە كوزىمىز جەتكەن جوق پا.
  تەلەبايلانىس الاياقتىعى قوعامدىق دەرتكە اينالىپ، جۇرتشىلىقتىڭ كوڭىلىنە ۋايىم سالىپ وتىر. تەك بەيجيڭ مەن شاڭحايدىڭ وزىندە 3102 - جىلى قاراشا ايىنىڭ اياعىنا دەيىن تەكسەرىپ انىقتالعان تەلەبايلانىس الاياقتىعىنا قاتىستى دەلولار 2102 - جىلعى سايكەس مەزگىلدەگىدەن %42.23 جانە %6.44 كوبەيىپتى. زياندالۋشىلاردىڭ الدى ءومىر بويى جيعان - تەرگەنىن تۇگەل بەرىپ، ارتى نەشە ايلىق تابىسىنان ايرىلىپ قالعان. قىلمىستىڭ وسىنشا قاعىنۋى جۇرەككە ينەدەي قادالىپ، جۇرتشىلىقتىڭ اۋىر شىعىنعا ۇشىراۋى قابىرعانى قايىستىرادى.
  قاتىستى تاراۋلار تەلەبايلانىس الاياقتىعىنا ۇنەمى سوققى بەرىپ كەلگەنمەن، قىلمىس تيىلار ەمەس. ءتۇبىن قۋساق، زياندالۋشىلاردىڭ بەيعامدىعىنان جانە الاياقتاردىڭ اككىلىك تاسىلدەرىنىڭ مىڭ قۇبىلۋىنان باسقا، قات - قابات كەدەرگىلەردىڭ كادەگە جاراماي قالۋى دا نەگىزگى سەبەپتەردىڭ ءبىرى ەكەنىن بايقايمىز. كەيبىر تەلەبايلانىس وپەراتورلارى تەك پايدانىڭ كولەمىن كوزدەپ، الدامشى ينفورماتسيالار تاراتۋشىلارعا تيىسىنشە توسقاۋىل قويماي وتىر؛ بانكەلەر ەسكەرتۋ بەرۋ، ساقتاندىرۋ بورىشىن ويداعىداي وتەدى دەپ ايتا المايمىز؛ تەلەبايلانىس الاياقتىعىنا سوققى بەرۋ اسا زور شىعىن تالاپ ەتەتىندىكتەن، قوعام حاۋىپسىزدىگى تاراۋلارى دا ارقاسىنا ەر باتقان اتتاي قايقاڭداپ كەلەدى.
  جۇرتشىلىقتىڭ اماندىعىن قورعاۋ −− جۇيەلى ينجەنەريا، وعان قوعام مۇشەلەرى جابال ات سالىسۋعا ءتيىس، اسىرەسە، كوپتىڭ مۇددەسىنە ساياتىن كۇردەلى تەلەبايلانىس الاياقتىعىنا كوپ تاراۋ بىرىگە سوققى بەرۋى قاجەت. الاياقتىقتان ساقتانۋ مەن وعان سوققى بەرۋ جونىندەگى جاۋاپكەرشىلىك پەن ىرىقتىلىقتى كۇشەيتىپ، مۇددەسى زيانعا ۇشىراعان بۇقارانىڭ سۇرانىس - تىلەگىنە نەمكەتتى قاراماۋ ەڭ نەگىزگى تالاپ بولۋى كەرەك.
  كەي جەرلەردىڭ تەلەبايلانىس الاياقتىعىنا توسقاۋىل قويۋدى تەرەزەلىك ورىنداردىڭ قىزمەت جاۋاپكەرشىلىگىنە ەنگىزگەنىن ەستىپ، كوڭىلىمىز جىلىپ قالدى. مىسالى، گۇيياڭ، بۇعىتى، شاڭحاي سياقتى قالالاردىڭ بانكەلەرى الدانۋى مۇمكىن كليەنتتەرگە ەسكەرتۋ جاساپ، ورىنسىز شىعىننىڭ الدىن العان قىزمەتكەرلەردى اقشالاي سيلاۋدى ۇيعارعان، سونىڭ ەسەبىنەن تالاي الاياقتىڭ ەسەك دامەسى ەڭ سوڭعى ساتتە جەر قاپقان.
  قازىر تەلەبايلانىس الاياقتىعى ۇجىمداسۋ، ارنايىلانۋ، ينتەللەكتۋالدانۋ باعىتىنا قاراي دامىپ كەلەدى، بۇرىنعىداي ەمەس، ولار ءتىپتى وڭاي جەر سوقتىرىپ كەتەدى. دەمەك، وعان قارسى تۇرۋ ءۇشىن بىزدە دە مول پاراسات، مۇلتىكسىز جۇيە بولۋى شارت. سونىمەن قاتار، قاتىستى تاراۋلاردىڭ تەلەبايلانىس الاياقتىعىمەن كۇرەستە ارقالايتىن مىندەتتەرىن اشالاپ، جاۋاپكەرشىلىكتى قۋزاۋ مەحانيزمىن كۇشەيتۋگە تۋرا كەلەدى. زاڭنىڭ الاياقتىققا قولداناتىن جازاسىن قاتايتىپ، قوعام حاۋىپسىزدىگى تاراۋلارىنىڭ ولكەلەر، ءتىپتى، مەملەكەتتەر ارا ءىز قۋۋ قابىلەتىن كوتەرۋ دە كەزەك كۇتتىرمەيدى.
  كوكتەم مەرەكەسى قارساڭىندا تەلەبايلانىس الاياقتىعىنىڭ قاعىنا قالاتىنى بار. قات - قابات توسقاۋىلداردىڭ ءونىمدى تۇردە جۇمىس جۇرگىزىپ، ءوز بورىشىن تولىق وتەۋىن، الەۋمەتتىك اۋماق، ءمالى باسقارماسى، قىستاقتاردىڭ كوبىرەك ۇگىت - ءناسيحات جۇرگىزۋىن، قوعام حاۋىپسىزدىگى، تەلەكوم جانە بانكە سياقتى تاراۋلاردىڭ ءتيىستى شارالار قولدانىپ، جۇرتتى مەرەكە كەزىندە تەلەبايلانىس الاياقتىعىنىڭ تۇزاعىنا ىلىنۋدەن مۇمكىندىگىنشە ساقتاندىرۋىن ءۇمىت ەتەمىز.
جاۋاپتى رەداكتورى : قۇلقايتەكتى نۇرلان جانايقان ۇلى