Mongolئۇيغۇرچە中文
شاعانتوعاي: جايلىم ەكولوگياسىن قورعاۋ سيلىق قاراجاتىن تاراتتى   ساۋان: جاساندى سەرىك ارقىلى تەلە سيگنالىن قابىلداۋ جابدىعىن ورناتتى    شاعانتوعاي: سۋلياۋ پلاستيماسالى دەنە تاربيە الاڭى سالىندى   بۋرىلتوعاي: نەگىزگى ساتى كادرلارىنىڭ ەلەۋلى ەڭبەگى   شىڭگىل: اۋىل شارۋاشىلىق ماشينالارىنا بەرىلەتىن قوسىمشا قاراجات شارۋالارعا ءتيىمدى بولدى   باركول: وڭىرلىك ەرەكشەلىك ساياحاتشىلاردى باۋرادى  

جاڭ چۇنشيان

<<
  جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى

نۇر باكىر

<<
  نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى

ولار قاشانعى قاشىپ - پىسىپ جۇرەدى

حۋ يىڭبين\ەرلان مازان ۇلى

2014.01.26 19:34     كەلۋ قاينارى : شينجياڭ گازەتى

  حىبەي ولكەسى يۇڭنيڭ اۋدانى گۋاڭفۋ قالاشىعى لۇيتي قىستاعىنىڭ تۇرعىنى ۋ شۋەليدىڭ «قاشىپ - پىسىپ» جۇرگەنىنە 9 كۇن بولدى. جەرگىلىكتى ۇكىمەت ۇيىمداستىرعان، نەشە ءجۇز ادامنان جاساقتالعان جۇمىس توبى (ولاردىڭ ءبىرتالايى ساقشى ەكەن) 4 - قاڭتار كۇنى ولاردىڭ قىستاعىنا بارىپ، مەكتەپ پەن اۋرۋحانا قۇرىلىسى ءۇشىن 005 مۋ جەر الماق بولادى. ولار قىستاق تۇرعىندارىنا «بالالارىڭدى وقۋدان شىعارامىز»، «تۋىس - تۋعاندارىڭدى قىزمەتتەن قۋامىز» دەپ سەس كورسەتەدى. ءبىرتالاي قىستاق تۇرعىندارى سىرتقا قاشىپ، قازىرگە دەيىن قايتا الماي ءجۇر («جۇڭگو جاستارى گازەتىنىڭ» 31 - قاڭتارداعى حابارى).
  حابارعا قاراعاندا، جۇمىس توبى ءۇي - ءۇيدى ارالاپ، قىستاق تۇرعىندارىنان كەلىسىمشارتقا قول قويىپ، بارماق باسۋدى سۇراعان، «ءلاپپاي» دەمەسە، الدىمەن جىلى - جىلى سويلەپ، سوڭىنان وكتەمدىك جاساعان، قىستاق تۇرعىندارىنىڭ قولىن قايىرىپ، بارماعىن قاعازعا كۇشپەن باسقان، وعان دا كونبەسە، «تۋىس - تۋعاندارىڭدى قىزمەتتەن قۋامىز»، «بالالارىڭدى وقۋدان شىعارامىز» دەپ قوقان - لوقى كورسەتكەن. دەمەك، جەر الۋعا بايلانىستى وسىنداي جان - جاقتى جوسپارلانعان «شابۋىلدا» قىستاق تۇرعىندارىنىڭ «جوق» دەۋگە قاۋقارى قايدان جەتسىن. ءتىپتى، ەبىن تاۋىپ، سىتىلىپ كەتكەن كۇننىڭ وزىندە، ولار ەندى قايدا بارادى؟ قاشانعى قاشىپ - پىسىپ جۇرەدى؟
  بەرسە قولىنان، بەرمەسە جولىنان الاتىن، بەيبىت جۇرتتى ۇركىتىپ - قورقىتاتىن بۇنداي «ءىرى ينجەنەريانىڭ» قاراشا حالىقتىڭ تىلەگىنە قايشى ەكەنى ايدان انىق. جەرگىلىكتى ۇكىمەت «ادام تەڭىزى» تاكتيكاسىن قولدانىپ، «قالا - قالاشىقتاندىرۋدى» تاباندا ىسكە اسىرا قويماق بولعانمەن، بۇنداي وكتەمدىك قالايدا الەۋمەتتىڭ نارازىلىعىن تۋدىرىپ، قارسىلىعىنا تاپ بولادى، بۇعان داۋ جوق.
  جەرگىلىكتى ۇكىمەت گۋاڭفۋ ەسكى قونىسىنىڭ ماڭىنان مەكتەپ جانە اۋرۋحانا سالدىرىپ، اتالعان ءوڭىردى جاڭا ورتالىققا اينالدىرۋدى، ءسويتىپ، جۇرتتىڭ ءبىلىم الۋ، اۋرۋ كورسەتۋ جاعىنداعى قاجەتىن شەشپەك بولعان، البەتتە، جوبادا ءمىن جوق، الەۋمەتتىڭ مۇددەسىنە ۇيلەسىپ - اق تۇر. الايدا، وسى تەكتەس «ىزگى شارالاردى» اكىمشىلىكتىڭ كۇشىمەن عانا ىلگەرىلەتۋگە استە بولمايدى، جۇمىستان ناتيجە شىعارۋعا دىلگىر بولىپ، زاڭسىز تاسىلدەر قولدانۋعا تىپتەن جول بەرىلمەۋى ءتيىس.
  ءبىرى، جەرگىلىكتى ۇكىمەت الەۋمەتكە جۇمىستىڭ ءمانىن جۇيەلى تۇردە تاپتىشتەي ءتۇسىندىرىپ، جوبانىڭ مازمۇنىن اشىق جاريالاپ، ەل - جۇرتتان ىقتياتپەن پىكىر الۋى كەرەك ەدى. سىرتتاي قاراعاندا، بۇنىڭ اۋرەسى مەن الەگى كوپ سياقتى كورىنگەنمەن، انىعىندا، جاڭاعىنداي كۇش كورسەتكەننەن الدەقايدا ءتيىمدى. الدىن الا حابار بەرمەي، كوكتەن تۇسكەندەي ساۋ ەتىپ جەتىپ بارىپ، ومىراۋعا العانمەن، تەزدىككە بوي ۇرىپ، اكىمشىلىك الىمجەتتىلىككە كوزسىز سەنىم ارتقانمەن، ونىڭ پايداسىنان زيانى كوپ، بۇنداي جەڭىلتەك ءتاسىل جۇرتشىلىقتى تىعىرىققا تىرەپ، جۇمىسقا ورالعى بولادى، ۇكىمەتتىڭ دە بەت - بەدەلىنە كىر كەلتىرەدى.
  ەندى ءبىرى، جەرگىلىكتى ۇكىمەت ەگىنشىلەردىڭ جەرىن الماق بولسا، تىپتەن الەۋمەتتىڭ يگىلىگىنە قاجەت دەگەن كۇننىڭ وزىندە، ولاردى رازى ەتەتىندەي تولەم جوباسىن دايىنداۋى، بۇعان ەكى جاق بىردەي قاتىسىپ، ورتاق مامىلەگە كەلۋى كەرەك ەدى. ۇكىمەتتىڭ بۇل ماسەلەدە سىڭار ەزۋلەپ، تولەم جوباسىن ءوز بەتىنشە جاساۋى، ەگىنشىلەرگە «كونسەڭ دە وسى، كونبەسەڭ دە وسى» دەپ زورلىق كورسەتۋى دۇرىس ەمەس. يۇڭنيڭ اۋدانىنىڭ ۋ سارىمساعى بۇكىل ەلگە ايگىلى، ەگىنشىلەردىڭ ءار جىلى جەردەن الاتىن تابىسى ۇكىمەتتىڭ تولەمىنەن الدەقايدا كوپ. اراداعى زور پارىق كوزگە بادىرايىپ كورىنىپ تۇرعاندا، بۇلايشا زورلىق جاساۋعا قايدان بولسىن. بىزشە، ماسەلەنى شەشۋدىڭ ەكى جولى بار، ءبىرى، الىناتىن جەردىڭ مولشەرىن مۇمكىندىگىنشە ازايتۋ كەرەك، قىمسەتسە نەشە ءجۇز مۋ جەردى جامباسقا باسۋعا بولمايدى؛ ەندى ءبىرى، بەرىلەتىن تولەمنىڭ توپانىن مولايتىپ، ەگىنشىلەردىڭ زيان تارتپاۋىنا كەپىلدىك ەتۋ قاجەت.
  «قالا - قالاشىقتانۋدىڭ قادامىن ىلگەرىلەتەمىز» دەگەن سىلتاۋمەن ەگىنشىلەردىڭ جان باعىپ وتىرعان جەرىنە كوزدىڭ سۇعىن قاداي بەرۋگە بولماس، قايتا جەرگىلىكتى ۇكىمەتتەر جان - جاقتى، ەگجەي - تەگجەيلى جوبا جاساپ، ءار جاقتىڭ مۇددە تالابىنا بىردەي ۇيلەسەتىن ۇتىمدى شارالار شىعارۋعا ءتيىس. كەي جەرلەردىڭ بۇعان دەيىنگى تاجىريبە - ساباقتارى بۇكىلدەي جەرگە يەك ارتقان دامۋ ۇلگىسىنىڭ قايىرلى بولمايتىنىن دالەلدەدى. ويتكەنى، جەردى كۇشپەن العانمەن، جەرىنەن ايرىلىپ، كۇن كورىسى قيىنداعان ەگىنشىلەر، ءتۇپتىڭ - تۇبىندە ءبارىبىر ۇلكەن قوعامدىق ماسەلەگە تۇرتكى بولادى.
جاۋاپتى رەداكتورى : قۇلقايتەكتى نۇرلان جانايقان ۇلى