Mongolئۇيغۇرچە中文
شاعانتوعاي: جايلىم ەكولوگياسىن قورعاۋ سيلىق قاراجاتىن تاراتتى   ساۋان: جاساندى سەرىك ارقىلى تەلە سيگنالىن قابىلداۋ جابدىعىن ورناتتى    شاعانتوعاي: سۋلياۋ پلاستيماسالى دەنە تاربيە الاڭى سالىندى   بۋرىلتوعاي: نەگىزگى ساتى كادرلارىنىڭ ەلەۋلى ەڭبەگى   شىڭگىل: اۋىل شارۋاشىلىق ماشينالارىنا بەرىلەتىن قوسىمشا قاراجات شارۋالارعا ءتيىمدى بولدى   باركول: وڭىرلىك ەرەكشەلىك ساياحاتشىلاردى باۋرادى  

جاڭ چۇنشيان

<<
  جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى

نۇر باكىر

<<
  نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى

اتاق الۋعا اعىلشىن ءتىلىنىڭ كەرەگى بار ما

جاڭ گوشىڭ

2014.01.13 13:16     كەلۋ قاينارى : شينجياڭ گازەتى

  قانشاما جىلدان بەرى اعىلشىن تىلىنە قاجەتى تۇسپەگەن الدەكىمنىڭ اياق استىنان كەرە قارىس پىسىقتاۋ ماتەريالىن قولتىقتاپ، دايىن جاۋاپتاردى سۋدىراتا جاتتاپ نەمەسە اپتالاپ - ايلاپ سىناۋ الدى كۋرسىنان قالماي جۇرگەنىن كورسەڭىز، كاسىپتىك اتاق الۋعا دايىندالىپ جاتىر - اۋ دەپ ىشتەي بولجاي بەرىڭىز، استە قاتە كەتپەيدى.
  «كاسىپتىك - تەحنيكالىق اتاق» دەگەن نە؟ بەدەلدى باسىلىمدارداعى انىقتامالار بويىنشا، «اتاق» دەگەنىمىز كاسىپتىك - تەحنيكالىق قىزمەتكەرلەردىڭ ارناۋلى تەحنيكالىق دەڭگەيىن، قابىلەتىن جانە ناتيجەسىن كورسەتەتىن دارەجە اتاعى ەكەن. ەندەشە، كاسىپتىك اتاق كاسىپتىك - تەحنيكالىق قىزمەتكەرلەردىڭ ارناۋلى تەحنيكالىق دەڭگەيىنىڭ، قابىلەتىنىڭ، ناتيجەسىنىڭ كورسەتكىشى بولسا، كاسىپتىك اتاق الۋعا ءوتىنىش بەرگەن كاسىپتىك - تەحنيكالىق قىزمەتكەرلەر اتاق باعالاۋعا از ۋاقىت قالعاندا ءوز «ماماندىقتارىن» جان - جاقتى جەتىلدىرۋگە كۇش سالعاننىڭ ورنىنا، نە ءۇشىن اياق استىنان شالا ءبۇلىنىپ، اقشانى سۋشا شاشىپ، اعىلشىن ءتىلىن ۇيرەنۋگە جانىن سالادى؟ بۇنىڭ جاۋابى دايىن − وعان «كاسىپتىك اتاق بويىنشا اعىلشىن ءتىلى ەمتيحانى» دەگەن پالەنىڭ سەبەپ بولعانى ايدان انىق.
  كەيبىر ارنايى ماماندىقتار ءۇشىن اعىلشىن ءتىلى شىنىمەن ماڭىزدى شىعار، ءبىراق مەن سياقتى ۇزاق جىل ەل ىشىندە جۇرگەن قاتارداعى قىزمەتكەر ءۇشىن ايتقاندا، اعىلشىن ءتىلى مىقتاعاندا ءبىر كومەكى قۇرال عانا. كەيبىرەۋلەر جۇمىستاعى ۇزاق جىلدارىندا شەتەل تىلىنە ەش مۇقتاجدىعى تۇسپەۋى مۇمكىن، ءتىپتى اندا - ساندا كەرەگى بولادى دەگەن كۇننىڭ وزىندە، سوزدىكتەردىڭ نەمەسە اۋدارماشىلاردىڭ كومەگىنە جۇگىنۋىنە ابدەن بولادى. سوندىقتان كەز كەلگەن كاسىپتىك - تەحنيكالىق قىزمەتكەردەن «شەتەل ءتىلىنىڭ مامانى» بولۋدى تالاپ ەتۋدىڭ ءوزى ارتىق.
  انىعىندا، اتالعان ەمتيحاننىڭ اعىلشىن ءتىلىن جالپىلاستىرۋعا نەمەسە تەحنيكالىق قىزمەتكەرلەردىڭ اع−ىلشىن ءتىلى دەڭگەيىن كوتەرۋگە تيگىزگەن سەپتىگى دە بەلگىلى. جۋرناليستىك سالاداعى دوستارىمنىڭ ءبىرى اعىلشىن تىلىنەن تولىق كۋرس بىتىرگەن ەدى، جۇمىس بابىمەن قانشاما جىل شەتەلدەردە ءجۇرىپ، تالاي ايتۋلى وقيعانىڭ كۋاگەرى بولعان، سويلەۋگە دە، جازۋعا دا مۇدىرمەيدى. وسىدان بىرنەشە جىل بۇرىن ول كاسىپتىك اتاق بويىنشا اعىلشىن تىلىنەن ەمتيحان تاپسىرادى، ءبىراق قىزىق بولعاندا، العان ءنومىرى 20 نەشە جىلدان بەرى اعىلشىنشا كىتاپتاردىڭ بەتىن اشپاعان ءبىر كوكەمىزدىڭ ماڭعاراسىن كورمەيدى. بۇنىڭ سىرىن سۇراسا، الگى كوكەمىز جەرگىلىكتى كادرلار تاراۋى ۇيىمداستىرعان «سۇرىنبەس كۋرستان» وقىعان ەكەن. كەزىندە بەلگىلى جەردەگى كادرلار تاراۋىنىڭ كاسىپتىك اتاق بويىنشا اعىلشىن ءتىلى ەمتيحانىنا ارناپ اشقان كۋرسىنا تىزىمدەلۋ كەستەسىن مەن دە كورگەنمىن. 1188 يۋان اقى الىناتىنى ەسكەرتىلگەن وسى كەستەنىڭ قوسىمشا بەتىنە «ەمتيحاننان وتە الماساڭىز وقۋ قاراجاتىڭىزدىڭ %60ىن قايتارىپ بەرەمىز» دەپ بادىرايتىپ جازىپ قويىپتى. ينتەرنەتتەن «كاسىپتىك اتاق بويىنشا اعىلشىن ءتىلى ەمتيحانى» تۋرالى ىزدەۋ سالعان ەدىم، ءبىرى، كاسىپتىك، اتاق بويىنشا اعىلشىن ءتىلى ەمتيحانىنا، ەندى ءبىرى سىناۋ الدى كۋرستارىنا تىزىمدەلۋ جونىندەگى جارنامالار ەڭ كوپ بولىپ شىقتى. «ەمتيحاننان سۇرىنبەي وتۋگە كەپىلدىك بەرەمىز» دەپ كەۋدە قاققان بەلگىلى قۇرىلىمنىڭ ۆەب - سايتىنىڭ مۇقابا بەتىندەگى كوزگە كورنەكتى ورىنعا «نە ءۇشىن كۋرسانتتارىمىز ەمتيحاننان سۇرىنبەي وتەدى؟ سەبەبى، ەمتيحان سۇراقتارىن بولجاي بىلۋمەن بىرگە، ەڭ نەگىزگىسى، ءبىزدىڭ وقىتۋشىلارىمىز ەمتيحانعا قاتىستى سوزدىكتەر مەن وقۋلىقتاردى قۇراستىرۋ القاسىنىڭ مۇشەلەرى» دەپ بادىرايتىپ جازىپ قويىپتى. ولاردىڭ بۇل ايتقانى راس بولسا، وندا قوعامدىق پىكىردىڭ كۇدىگىن راستاي تۇسكەنى − كاسىپتىك اتاق بويىنشا اعىلشىن ءتىلى ەمتيحانى الدەقاشان بەلگىلى بىرەۋلەردىڭ پايدانى كۇرەپ تاباتىن قۇرالىنا اينالىپ كەتتى دەپ ءبىراز كىسىلەر بۇعان دەيىن - اق دابىل قاققان ەدى.
  ستۋدەنت شاعىمدا جۇڭگونىڭ ەرتە زامان فيلوسوفياسىنان ساباق بەرەتىن قارت ۇستازدىڭ قولىنان ءدارىس الدىم. ۇستازىم تەگىندە ورىس ءتىلىن وقىعان ەكەن، ول كەزدە «كاسىپتىك اتاق بويىنشا ورىس ءتىلى ەمتيحانى» اتىمەن جوق ەدى، جالعاندىققا جانى قارسى جارىقتىق اعىلشىن تىلىنەن ەمتيحان تاپسىرۋعا كونبەي، اقىرى «لەكتور» اتاعىمەن زەينەتكە شىقتى. قازىر كاسىپتىك اتاق بويىنشا شەتەل ءتىلى ەمتيحانىنىڭ ءتۇرى كوبەيدى، ءبىراق ادامنىڭ تاعدىرىن ەمتيحانمەن بەلگىلەيتىن ەسكى كوزقاراس وزگەرىسسىز قالىپ وتىر. جۇمىس بابىندا شەتەل تىلىنە ەشقاشان كۇنى تۇسپەيتىن قاتارداعى قىزمەتكەرلەر ءۇشىن ايتقاندا، بۇل ۋاقىت، جىگەر، اقشا تالاپ ەتەتىن، ءبىراق كوك تيندىق پايداسى جوق بوس اۋرە بولىپ تۇر. جوعارى مەكتەپ ەمتيحانى اياسىندا اعىلشىن تىلىنە قويىلاتىن تالاپ بۇرىنعىدان كوپ جۇمسارتىلدى، ەندەشە، كاسىپتىك اتاق بويىنشا شەتەل ءتىلى ەمتيحانىنا وزگەرىس ەنگىزۋگە بولماس پا؟
  البەتتە، بىرەۋلەر شەتەل ءتىلىن يگەرۋدىڭ جۇمىسىمىزعا كوپ كومەگى تيەدى دەپ داۋ ايتۋى مۇمكىن. بۇعان قارسى ەمەسپىن. الايدا كاسىپتىك اتاق بويىنشا اعىلشىن ءتىلى ەمتيحانى شىنىمەن جۇرتتىڭ شەتەل تىلىنە ىقىلاسىن تۋدىرا الا ما؟ جۇمىسقا «كومەگى تيەتىن» دۇنيەنىڭ بارلىعىن ەمتيحانمەن سىناۋعا بولا ما؟ مىسالى، قازىر ۇيالى تەلەفون جۇمىسىمىزعا كوپ سەپتىگىن تيگىزىپ ءجۇر، ءتىپتى، جۇمىس ۇستىندە ۇيالى تەلەفون بولماۋدىڭ قانداي قولايسىزدىقتار تۋدىراتىنىن كوزگە ەلەستەتۋدىڭ ءوزى قيىن، كۇندەردىڭ ءبىر كۇنىندە «كاسىپتىك اتاق بويىنشا ۇيالى تەلەفون ەمتيحانىنا» دايىندالىپ جۇرەمىز بە، كىم بىلەدى؟!
جاۋاپتى رەداكتورى : قۇلقايتەكتى نۇرلان جانايقان ۇلى