قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

ەسكەرسەڭ ەس قاتار

2018.01.07 11:49 كەلۋ قاينارى : شينجياڭ گازەتىنەن

 1. كورگەن ءىسىڭدى جايىپ سالما. كوپتەگەن ىستەردى ىشتەي سەزىنىپ عانا قويساڭ بولدى، ونى، ءسوزسىز، ايتۋدىڭ كەرەگى جوق.
  2. قۋانىشىڭدى باسقالارعا سەزدىرىپ، مۇڭايعاندا تۇك بولماعانداي ءجۇرۋدى ۇيرەن.
  3. پرينسيپكە قايشى كەلمەگەن جاعدايدا باسقالارعا قولدان كەلگەن كومەگىڭدى اياما، وزگەلەردى تىعىرىققا تىرەي بەرمەي، ولارعا دا مۇمكىندىك قالدىرا ءبىل.
  4. كوڭىلدىلىك ادام ءۇشىن اسا ماڭىزدى. كوڭىلسىز ىستەردەن بويىڭدى اۋلاققا سال.
  5. وزگەلەردىڭ الدىندا قيىنشىلىعىڭدى ايتا بەرىپ، السىزدىگىڭدى كورسەتىپ الما.
  6. مۇلتىكسىز زات، ءمىنسىز ادام جوق، نە ىستەۋ كەرەكتىگىن ءبىلۋ ەڭ ماڭىزدى. ويىڭداعىعا قول جەتكىزگەندە، باسقا بىردەمەڭنەن ايرىلۋىڭ مۇمكىن. ەگەر بارىنە يە بولام دەسەڭ، وندا بارىنەن دە قۇرالاقان قالارىڭ داۋسىز.
  7. ۇمىتشاقتىقتىڭ دا كەيدە اسا پايدالى ەكەنىن ەسكەرە ءبىل.
  8. ەكى ادام بىردەي قاتەلىك وتكىزگەندە، قاتەلىگىن مويىنداعان كەڭ پەيىل كورىنەدى، مويىنداماعان ادام ادامگەرشىلىككە قارىزدار بولادى.
  9. ءوزىڭ جەك كورەتىن ادامعا زورلانساڭ دا كۇلىمسىرەپ قوي، ال ۇناتاتىن ادامىڭا نە ىستەسەڭ دە جاراسىپ تۇرادى. ويتكەنى وعان دەگەن سۇيىسپەنشىلىكتى قالاي جاسىرساڭ دا ءبارىبىر سەزىلەدى.
  10. كىرپىشە تىجىرىنعاننان ساقتان. كوپ ءىستى كوڭىلىڭە بۇگىپ، ەلمەن ارازاشتى بولۋدىڭ كەرەگى جوق.
  11. باسقالاردىڭ پىكىرىن قابىلدا، ءوز كوزقاراسىڭدا قالۋدى دا ۇيرەن.
  12. مەيلى نە ۇيرەنسەڭ دە ۇيرەنۋدى استە توقتاتپا.
  13. اقشا تۇرمىس ءۇشىن قاجەتتى، الايدا باسقالارعا يەك ارتا بەرمەي اقشا تابۋعا قۇلشىنا ءبىل.
  14. توپ ورتاسىنداعى قابىلەتىڭدى اسا جوعارى باعالاپ الۋدان ساقتان. ويتكەنى سەن جوق بولساڭ دا قالعان جۇمىستىڭ قالىپتى جۇرىلە بەرەتىنىن كوپ ۇزاماي بايقايسىڭ.
  15. وتكەن ءىستى ۇمىتا الماساڭ، ونى ءبىر جاققا قايىرا تۇرۋدى ءبىل.
  16. بارىنەن ايرىلساڭ دا جىميا الاتىن بەينەڭنەن ايرىلما.
  17. نە ىستەسەڭ دە وكىنبە. وكىنگەنمەن ءبارىبىر ەشتەڭە ورنىنا كەلمەيدى.
  18. قىزبالىققا سالىنىپ، الباتى سويلەۋدەن ساقتان.
  19. ويلانباي جاتىپ ءسوز ۇستاتۋدان ساقتان. ورىنداي الماعان ۋادە ماقۇلدىق بەرمەگەننەن قيىن.
  20. نە ايتساڭ دا توتەسىن ايتۋدى ۇيرەن، بۇل جاساندىلىقتان الدەقايدا جاقسى.
  21. كوڭىل كۇيىڭ ناشار كەزدە ەشتەڭەنى ويلاماي، قارنىڭدى تويدىرىپ دەمال، استە اراق - شاراپقا جولاۋشى بولما.
  اۋدارعان: قاۋسىلقان قاسىمقان ۇلى
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ