قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

الدىمەن ءوزىمىز ىستەي الاتىن ىستەردەن باستاپ كىرىسەيىك

2018.01.07 11:48 كەلۋ قاينارى : شينجياڭ گازەتىنەن

 ءبىر جاس ازامات مازاسىزدىقتارى مەن كوڭىلسىزدىكتەرىن قالاي رەتكە سالارىن بىلمەي، ءبىر اقىلگوي قارتقا كوڭىلىندەگى مازاسىزدىقتارىن بايان ەتىپ، ءوزىنىڭ ۋنيۆەرسيتەتتى تابىسپەن اياقتاتىپ، الداعى ءومىر ساپارىنا كوپتەگەن اسقاق ارماندار ورناتقانىن، الايدا بىرنەشە جىل وتسە دە تابىستىڭ تالعارىنا شىعا الماعانىن ايتىپ، اقىل سۇرايدى. قارت كۇلىمسىرەي ءتىل قاتىپ: بالام، سەن الدىمەن جارىم ساعات ىشىندە ماعان مىنا ءبىر شولمەكپەن سۋ قايناتىپ بەرشى، - دەپ تامنىڭ بۇرىشىنداعى ءبىر ۇلكەن شولمەكتى جانە ونىڭ قاسىنداعى كىشكەنتاي پەشتى نۇسقايدى، پەشتىڭ ماڭايىندا وتقا جاعاتىنداي ءبىر تال شىرپى دا جوق ەدى. «ماقۇل اتا» دەپ ورنىنان ۇشىپ تۇرعان ازامات سىرتتان ءبىر قۇشاق وتىن اكەلەدى دە، شولمەككە سۋ تولتىرىپ كىشكەنتاي پەشكە قويىپ، اكەلگەن وتىنىن تۇتاندىرا باستايدى، ءبىراق شولمەكتىڭ ىشىندەگى سۋ كوپ بولعاندىعى سەبەپتى، اكەلگەن ءبىر قۇشاق وتىندى تۇگەل جاقسا دا سۋ قاينامايدى، سونىمەن ول تاعى دا وتىن ىزدەپ سىرتقا شىعادى، الايدا قايتا اينالىپ كەلگەندە قايناماعان سۋ تىپتەن سۋىپ تا قالعان ەدى، ول بۇل جولى دەرەۋ وت جاقپايدى، سىرتتان سۋ قايناتۋعا جەتەرلىك بىرنەشە قۇشاق وتىن اكەلىپ، وتتى مازداتىپ جاعادى، سۋ ساقىلداپ قاينايدى، ايتسە دە قارتتىڭ ايتقان مەجەلى ۋاقىتىنان جارىم ساعات ءوتىپ كەتكەنىن بىلگەن جىگىت قاتتى قىنجىلادى. قارت ونان: بالام، ەگەر جەتكىلىكتى وتىنىڭ بولماعاندا مىنا سۋدى قايتىپ قايناتار ەدىڭ؟ - دەپ سۇرايدى، جىگىت ءۇنسىز باسىن شايقايدى. قارت ءسوزىن جالعاپ: سەن العاشىندا وزىڭە كوپ نىسانا ورناتتىڭ، بەينە شولمەكتىڭ ىشىنە كوپ سۋ قۇيعانىڭ سياقتى، سونان كەيىن وتىنىڭنىڭ جەتكىلىكسىز بولۋى سەبەپتى سۋ قايناماي قالدى، بۇل سەنىڭ سول كوپ نىساناعا قول جەتكىزۋگە قاجەتتى ءبىلىم جيناپ ۇلگىرە الماعانىڭ سياقتى، ءاسىلى سۋدى مەجەلى ۋاقىتقا دەيىن قايناتۋ ءۇشىن، شولمەكتىڭ ىشىندەگى سۋدىڭ ءبىر ءبولىمىن توگىپ تاستاۋىڭ نەمەسە، اۋەلى، جەتەرلىك وتىن دايىنداۋىڭ قاجەت ەدى، ساعان بۇلايشا جارىم ساعات ۋاقىت كەسىپ، سۋ قايناتۋعا جۇمساعانىم ۋاقىتتى دۇرىس پايدالانۋدى ۇعىنسىن دەگەنىم ەدى، - دەيدى.
  جىگىت ءوزىنىڭ تابىسقا جەتە الماي ءجۇرۋىنىڭ سەبەبىن ەندى بىلگەندەي بولىپ، قارتقا العىسىن جاۋدىرىپ قايتىپ كەتەدى. ول ءوزىنىڭ العاش ۋنيۆەرسيتەت بىتىرگەن كەزدەگى قۇرعان كوپ جوسپارلارىنان شىندىققا ۇيلەسپەيتىنىن الىپ تاستاپ، شىندىققا جاناسىمدىلارىن ساقتاپ قالادى ءارى سول كۇننەن باستاپ بوس ۋاقىتىنان پايدالانىپ، كوزدەۋلى نىسانالارىنا قاتىستى بىلىمدەردى قۇلشىنا ۇيرەنەدى، سول نىسانالارعا قاتىستى ءوزى ىستەي الاتىن ىستەردەن باستاپ كىرىسەدى. ءسويتىپ، بىرنەشە جىلدا تىنباي تەر توگۋىنىڭ ارقاسىندا كوزدەگەن ماقساتتارىنا قول جەتكىزەدى.
  ءيا، ءوزىمىز ىستەي الاتىن ىستەردەن باستاپ قۇلشىنا قىزمەت ىستەۋ − ءوز ءومىرىمىزدىڭ ءماندى دە قىزىقتى بولىپ باستالۋىنىڭ العاشقى قادامى. ويتكەنى، ءبىز ءومىردىڭ ۇزىن - قىسقالىعىن بەلگىلەي المايمىز، ءبىراق تال بەسىكتەن جەر بەسىككە دەيىنگى ارالىقتا قالاي ءومىر كەشىرۋ ءوز قولىمىزدا، بارلىق ءىستى ءساتتى باستاي الۋىمىز مۇمكىن ەمەس، ءبىراق ءبىز مينۋت، سەكۋندتارىمىزدى قولدان جىبەرمەي، ءوزىمىز ىستەي الاتىن ىستەردەن باستاپ ىستەپ، تاباندىلىقپەن قۇلشىنساق، تابىس بىزگە ءتان!
   اۋدارعان: بۇلبۇل احىمەت قىزى
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ