قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جاڭا ءداۋىر جاستىق جالىنىڭدى كۇتەدى

لي چاڭيۇي

2018.01.07 11:46 كەلۋ قاينارى : شينجياڭ گازەتىنەن

  بۇل ءداۋىر ماقتان ەتەر سانسىز تابىسقا، باتىل بەتپە - بەت كەلەتىن تالاي سايىسقا جۇكتى
  پارتيا 19 - قۇرىلتايى كەزىندە، 90 - جىلدارى تۋعان جاستاردىڭ تورتەۋى كەسكىن ولەڭ فورماسىمەن «وتانعا ارنالعان حاتتى» شىرقادى. ولار «حاتىندا» بۇرىنعى ۋايىمدارى مەن ارقالاعان جاۋاپكەرلىكتەرىن: قازىرگىنىڭ كەمەلىنە كەلمەۋى، ءبىزدى قايتا قۇلشىنۋعا جەبەدى؛ وتان جۇگىن بىرگە ارقالاپ، اتويلاي العا ىلگەرىلەپ، وتەيمىز تيەسىلى بورىشتى، - دەپ جىرلادى. شىنايى سەزىمدەرىن قاراپايىم تىلمەن جەتكىزگەنى انىق، كوپ وتپەي بۇل توراپتا كەڭىنەن تارالدى.
  جۇڭگونىڭ دامۋى جاڭا داۋىرگە قادام تاستادى، قىرۋار جاس تەبىرەنۋگە ەرىك بەرۋمەن قاتار، «قايتكەندە وسى ۇلى ءداۋىردىڭ ۇددەسىنەن شىعامىز؟» دەپ وزدەرىنە سۇراۋ قويارى حاق.
  جاستاردىڭ بويىنان ىڭكارلىك ەسىپ تۇرادى. ولاردىڭ ءاربىر ءىس - ارەكەتى قاشاندا بۇكىل قوعامنىڭ جۇيكەسىن سوقپاي وتپەيدى. 80 - جىلدارى تۋعانداردىڭ «وپاسىزدىعىن» تالقىلاۋدان 90 - جىلدارى تۋعانداردىڭ «وزىمشىلدىگىنە» نازار اۋدارۋعا دەيىن، جان كۇيەر دە كىنامشىل قوعامنىڭ جاس بۋىندارعا دەگەن كۇمانى ەش سەيىلگەن ەمەس. الايدا جۇڭگونىڭ جاستار ستيلىن الەمگە پاش ەتكەن «قۇس ۇياسى» اتالعان ءبىر ۇرپاق بولسىن، الدە باتىسقا ەندىگارى كوزسىز تابىنباي، عالامتوردا وتان ءۇشىن سوزگە شىققان «سەنىمشىل ءبىر ۇرپاق» بولسىن، ءار بۋىن جاستار اقىرى وزدەرىنىڭ جۇرەكتى ارەكەتتەرى ارقىلى اتاۋلى كۇماندارعا ءبىر - بىردەن جاۋاپ قايتارىپ، جۇرتتى وسى كۇنگى جۇڭگو جاستارىنا تولىق سەنىم ارتۋعا جەتەلەدى.
  اناعۇرلىم جىراققا كوز جىبەرىپ، 100 جىلدان بەرگىنى ەسكە الساق، جاستار تاعدىرى مەملەكەتتىڭ، ۇلتتىڭ تاعدىرىمەن باستان - اياق تىعىز توعىسقان تاريحي كورىنىس ەلەستەيدى. ءار ۇرپاق جاستار توڭكەرىس پەن قۇرىلىسقا، رەفورما اۋقىمىنا ەرلىكپەن ات سالىسىپ، ۇلت تاۋەلسىزدىگىن جۇزەگە اسىرۋ، مەملەكەتتى قۇدىرەتتەندىرۋ، حالىقتى باقىتقا كەنەلتۋ جولىندا جاس عۇمىرىن ارناپ، ايبىندى جاستىق جىرىن جازدى.
  جۇڭگو جاستارى سەنىمدى! ولار ەجەلدەن ءۇمىتتى سەلگە كەتىرگەن ەمەس.
  زامانا جەتەگى العا زىمىراپ، جاڭا ءداۋىردىڭ لەبى ەسەدى. بۇل ءبىر جايناعان شۇعىلالى ءداۋىر: جۇڭگونىڭ مەملەكەت قۋاتى نىق قاداممەن ارتىپ، «جاڭا ءتورت ۇلكەن تاپقىرلىعى» بۇكىل الەمدى تامساندىردى؛ بۇل ەندى ءبىراز كەمەلسىز ءداۋىر، دامۋدىڭ بىركەلكى، تولىق بولماۋى كوزگە شالىنىپ كەلەدى. بۇل ءداۋىر ارمان مەن سەزىمنەن كەندە ەمەس، جاڭالىق اشۋ، يگىلىك جاراتۋ دابىرالى ءجۇرىلىپ، سانسىز ادام ايانباي كۇرەسىپ، كىسىلىك ءومىردىڭ قۇنىن جۇزەگە اسىرۋدا؛ بۇل ءداۋىردىڭ بۇلىڭعىر، بۇلتاق تۇستارى جوق ەمەس، تۇتىنىم دارىپتەمەسى كەڭىنەن ەتەك الدى، كوڭىل اشۋعا جەلىگۋدىڭ قاتەرى جويىلمادى...
  بۇل داۋىردە سانسىز تابىس ماقتان ەتۋىمىزگە تاتيدى، تالاي سايىس باتىل توتەپ بەرۋىمىزدى تىلەيدى. وراي مەن سايىس قاتار تۇرادى، جاپا پەن ءۇمىت بىرگە جاسايدى. ءداۋىر جاستاردى ىلگەرىلەي الدا ءجۇرىپ، تيەسىلى مىندەت ارقالاپ، وزىندىك بولمىستارىن ايگىلەۋگە شاقىرادى.
  ءىس جۇزىندە، جاستار ىسكە كىرىسىپ تە كەتكەن. بۇگىنگى وركەندەپ كەلە جاتقان جاڭا تەحنيكا توڭكەرىسىنىڭ تولقىنىندا ءبىر ۇرپاق جاستار اتويلاپ الدا جۇرەتىن ەكپىندى داۋىلپازعا اينالىپ ۇلگىردى؛ جاپپاي دوڭگەلەك داۋلەتتى قوعام قۇرۋ شەشۋشى شايقاسىنىڭ ءبىرىنشى شەبىندە جاستاردىڭ قاراسى ءار جەردەن مەن مۇندالادى. جاس بۋىندار جالىندى جىگەرگە باي، ولار رەفورما دامۋىنداعى كەدەرگىلەردى تىڭ كوزقاراس، جاڭا تەحنيكا ارقىلى تىنباي الاستاپ كەلەدى. جاستاردىڭ جىگەرىن جانىپ، ومىرشەڭدىك، جاڭاشىلدىق قۋاتىن تاسقىنداتۋ ءۇشىن، بورىش ارقالاۋدى عانا تالاپ ەتپەي، ولارعا بۇكىل قوعام ويداعىداي ءتۇزىلىس - مەحانيزم ورتاسىن ازىرلەپ، ءۇرتىس وراي مەن شارت جاراتۋ قاجەت.
  جاستار كوركەيسە، ەل كوركەيەر، جاستار قۇدىرەتتەنسە، ەل قۇدىرەتتەنەر. جاس بۋىن مۇراتتى، قابىلەتتى بولسا، بورىش ارقالاي بىلسە، مەملەكەتتە جارقىن بولاشاق، ۇلتتا ءۇمىت بولادى. پارتيا 19 - قۇرىلتايى جاستارعا رياسىز مىندەت جۇكتەپ، ۇلكەن ءۇمىت ارتىپ وتىر. تالاي جىلدان كەيىن تاريحقا قايىرىلا قاراعاندا: «شىركىن، سول ءداۋىردىڭ ارمانى اسقاق، داۋرەنى ۇستەم جاستارى - اي!» دەپ تاڭداي قاعار بولساق دەيمىز.
  حالىق گازەتىنەن اۋدارعان: وركەن اقبەردى ۇلى
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ