قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

قازىرگى جاستار جۇڭگو ارمانىن جۇزەگە اسىرۋعا سايلاۋلى(2)

كوۋ حۇڭجياڭ، سۇن جۇنچاڭ

2017.09.08 17:48 كەلۋ قاينارى : شينجياڭ گازەتىنەن

  بەلگىلى زەرتتەۋ، كەڭەس بەرۋ توبى جۇرگىزگەن «90 - جىلداردىڭ تۋمالارىن تەكسەرۋدە» سۇحبات قابىلداۋشىلاردىڭ %85ى مەملەكەت حالقىنىڭ تۇرمىس ورەسى دۇنيە ءجۇزىنىڭ ورتاشا ورەسىمەن بىردەي نەمەسە ودان جوعارى دەپ ساناعان، %79ى جۇڭگونى الۋەتتى ەل دەپ ساناعان، 90 - جىلداردىڭ تۋمالارى جۇڭگو مەن حالىقارانىڭ قاتىناسىن تەپە - تەڭ، قادامداس، كەمىندە، ەكونوميكالىق جاقتان وسىنداي دەپ تۇراقتاندىرعان؛ 90 - جىلداردىڭ تۋمالارى وتانشىلدىق جونىنەن «مەملەكەتىمىز وزگە ەلدەردەن قالىسپايدى» دەگەندى نەگىزگى اۋەن ەتكەن، سۇحبات قابىلداۋشىلاردىڭ %93ى «جۇڭگولىق بولعانىن ايرىقشا ماقتانىش سەزىنەتىنىن» ايتقان، %81ى «باسقا ەلدە ەمەس، جۇڭگودا تۇراقتاۋعا پەيىل ەكەنىن» بىلدىرگەن. سۇحبات قابىلداعان 90 - جىلداردىڭ تۋمالارى جۇڭگونىڭ دامىعان ەلدەرمەن قورشاعان ورتانى قورعاۋ، باي مەن كەدەيدىڭ جىكتەلۋى، ازىق - تۇلىك حاۋىپسىزدىگى، قوعامدىق قامتاماسىزداندىرۋ، ت.ب قىرۋار جاقتان الشاقتىعى بار ەكەنىن مويىنداعان، دەي تۇرعانمەن، ولار جۇڭگو وسى ماسەلەلەردى ءوزى شەشە الادى، شەشۋگە قۋاتى دا جەتەدى دەپ قاراعان. 90 - جىلداردىڭ تۋمالارى جۇڭگوعا قاراتىلعان سۇرقيا كەكەسىنگە جاپپاي قارسى، ولار قىرۋار ۇنامسىز ماسەلەلەر شەتەلدە دە ورىن تەۋىپ وتىر دەپ قارايدى. باسقالار جۇڭگونى جات نيەتپەن مىنەگەندە 90 - جىلداردىڭ تۋمالارى باتىل وتانشىلعا اناعۇرلىم وڭاي اينالا الادى.
  90 - جىلداردىڭ تۋمالارىنا ات قويىپ، ايدار تاقپاڭىز
  كەيبىرەۋلەر 90 - جىلداردىڭ تۋمالارىن «جەكە مۇددەنى اسىرە كۇيتتەيدى»، «كوللەكتيۆشىلدىك ءمورال كوزقاراسى ءالسىز»، «زاتتىق ءلاززاتقا بوي ۇرعان، تۇرلاۋسىز قۇن كوزقاراسىن ۇستانعان، ەڭبەك كوزقاراسى كەمشىل»، «پايداكوستىك پيعىلى كۇشتى»، ءتىپتى «ماقتانشاق»، «تۇرلاۋسىز» دەپ قارايدى.
  جاسىرماي ايتار بولساق، 90 - جىلدارى تۋعان ءبىراز ستۋدەنتتىڭ وزىندىك قۇنىن جۇزەگە اسىرۋ جاعىندا تۇرلىشە دارەجەدە مۇددەشىلدىك، جەكەشىلدىك، ت.ب پيعىلى جوق ەمەس، بىرەن - ساراندارى، ءتىپتى، «اقشا قۇن اتاۋلىنىڭ ىشىندەگى وزەكتى قۇن» دەگەنگە تابىنادى، مۇددەشىلدىك كوزقاراسى 90 - جىلداردىڭ تۋمالارىنىڭ يدەياسى مەن ارەكەتىنە قاشاندا بولسىن ىقپال ەتپەي قويمايدى.
  ءمالىم قۇرىلىمنىڭ 2015 - جىلى جۇرگىزگەن ءبىر رەتكى تەكسەرۋىنشە، 90 - جىلداردىڭ تۋمالارى جۇمىس ىزدەگەندە نەبارى ٪4.1ى جۇمىس ۋاقىتىنا، %9.1ى قوعامدىق ورنىنا نازار اۋدارعان، رەتىمەن جالاقى مامىلەسى، دامۋ بولاشاعى، اۋەسى مەن قىزىعۋى سىندى ءۇش ىقپالدىق فاكتور الدىڭعى ورىندى يەلەگەن. سونىمەن بىرگە، 90 - جىلداردىڭ تۋمالارىنىڭ اناعۇرلىم بەلسەندى تالعامىن كورە بىلۋگە ءتيىسپىز، ماسەلەن، نانجيڭ جاراتىلىستىق عىلىمدار ۋنيۆەرسيتەتىنىڭ 90 - جىلدارى تۋعان ءبىر توپ ستۋدەنتىنەن ۇيىمداسقان «سەرىككەر» اترەتى سالماعى نەبارى 2. 2 كيلوگرام كەلەتىن جاساندى سەرىكتى دەربەس زەرتتەپ جاساپ، تەڭىز - مۇحيت، اتموسفەرا، ۇشپا دەنە سياقتىلارعا باقىلاۋ جانە ولشەۋ جۇرگىزدى، جۋىردا جيۋچۋان جاساندى سەرىك ۇشىرۋ ورتالىعىندا ءساتتى ۇشىرىلۋمەن بىرگە، عارىشتان سيفرلى مالىمەت تاراتتى جانە قابىلدادى، ولاردىڭ ورتاشا جاسى 23تە عانا بولاتىن.
  تاعى ءبىرتالاي ادام 90 - جىلداردىڭ تۋمالارىنا «شولپانپاز»، «ينتەرنەت قۇمار»، «لاقپا مىنەز»، «سەزىمتال دا ءوزىمشىل»، «الۋعا دايىن، ارناۋعا جوق»، «سىرت اينالعىش»، «رۋحسىز، سالبوكسە» دەگەندەي ات قويىپ، ايدار تاعادى.
  ارينە، 90 - جىلداردىڭ تۋمالارى ەسەيۋ بارىسىندا، ءسابي كەزىنەن باستاپ ءبىر ءۇيلى جاننىڭ الپەشتەۋىندە ءوستى، ىشكەنى الدىندا، ىشپەگەنى ارتىندا، ەشتەمەدەن كەمقور بولمادى، ۋاقىت وتە كەلە «جاقسى نارسەنىڭ» بارىنەن يگىلىكتەنۋدى ورىندى سانايتىن بولدى؛ ولاردىڭ رەال مۇددەگە باسا ءمان بەرەتىن قوعامدا جاساپ جاتقانى شىن. الايدا ولار قابىلداعان مەكتەپ تاربيەسى مەن وتباسى تاربيەسى جۇڭحۋا ءداستۇرلى ءمورالىن ارداقتايتىن ادال، پاك، تۋراشىل ادام بولۋدى ءۇمىت ەتىپ كەلەدى. ولار بالا باقشا، باستاۋىش مەكتەپ كەزەڭىندە ءداستۇرلى مادەنيەتتىڭ تاڭداۋلى ۇزىندىلەرىن دە جاپپاي جاتتاپ، ۇيرەنىپ ءوستى، ۇيلەسىمدى شارت - جاعداي، ورتا جانە وراي ازىرلەنسە بولعانى، ۇلكەندەردى سيلاۋ، قۇرمەتتەۋ جانە ەلگە العىس ايتۋ ارەكەتتەرى ولاردا وتە كىرشىكسىز، كۇشتى بەينەلەنەدى.
  مىسالى، حىبەي باۋديڭ ينستيتۋتىنان وقۋ تاۋىسىپ، باتىس بولەك رايوندارىنىڭ وقۋ - اعارتۋ ىستەرىنە كومەكتەسۋگە بارعان ستۋدەنتتەر توبى شارت - جاعدايى ناشار باتىس بولەك پەن شەكارا وڭىرلەردە نەگىزگى ساتىعا تەرەڭ تامىر تارتىپ، 10 نەشە جىل تاپجىلماي بالا وقىتىپ، ۇرپاق تاربيەلەدى. باس شۋجي شي جينپيڭ 2014 - جىلى «4 - مامىر» جاستار مەرەكەسى قارساڭىندا، باتىس بولەك پەن شەكارا ءوڭىردىڭ وقۋ - اعارتۋ ىستەرىنە كومەككە بارعان ۇيىرمە ۋاكىلىنىڭ حاتىنا جاۋاپ جازىپ، جاستاردى نەگىزگى ساتى مەن حالىق اراسىنا بارىپ ەڭبەك سىڭىرۋگە، جۇڭگو ارمانىن جۇزەگە اسىرۋ ۇلى امالياتى بارىسىندا بوگەنايى بولەك ساليقالى ومىرلەرىن داستان ەتىپ جازۋعا جىگەرلەندىردى. مۇنداي مىسالدار ساناپ تاۋىسقىسىز.
  ءالقيسا، 90 - جىلداردىڭ تۋمالارى «سەنىمسىز» ۇرپاق ەمەس، كوپ ساندىسىنىڭ مۇراتى ۇستەم، سەنىمى بەكەم، ولار ارمانى اسقاق ۇرپاق؛ وتانعا دەگەن سۇيىسپەنشىلىگى قويۋ، ۇلتتىق ماقتانىش سەزىمى كۇشتى، ارمان - تىلەگى بار ۇرپاق؛ قوعامدىق جاۋاپكەرلىگى كۇشتى، شىنشىل، تۋراشىل، جاۋاپكەرلىك ارقالاپ، ادىلەتتى ايگىلەي الاتىن ۇرپاق؛ قارتتاردى قادىرلەپ، ۇلكەندەردى سيلايتىن، اتا - اناسىن قالتقىسىز اقتايتىن وپالى، قايىرىمدى ۇرپاق؛ بەلسەندى، ەر جۇرەك، ءوز كۇشىنە سۇيەنەتىن، قۇن ايگىلەۋگە ءمان بەرەتىن، ناقتى ىستەپ، جايدارى جۇرگىسى كەلەتىن ۇرپاق. شەشۋشى ءتۇيىن ولاردى جان - جاقتى، وبيەكتيۆ، سانالى تۇردە تانىپ، بەلسەندىلىكپەن جەتەكتەۋ.
  جۇڭگو ارمانىن جۇزەگە اسىرۋ 90 - جىلداردىڭ تۋمالارىنا مۇقتاج!
  «جۇڭگو جاستارى گازەتىنەن» اۋدارعان: وركەن اقبەردى ۇلى
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ