قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

قالاي بولسىن سىناۋدا العان ءنومىرىڭ،
ونىمەنەن ولشەنبەيدى ءومىرىڭ

2017.08.08 15:25

 ورتا مەكتەپتە وقىپ جۇرگەن كەزدەگى وقىتۋشىمنىڭ: «جوعارى مەكتەپ ەمتيحانى تاعدىرىڭدى وزگەرتەدى، ءبىر ەمتيحان ءومىرىڭدى بەلگىلەيدى» دەگەن ءبىر اۋىز سوزىنەن كەزىندە توتەنشە قورىققان جانە تورىققان ەدىم. ءيا، كوپتەگەن ادام «جوعارى مەكتەپ ەمتيحانىن جاقسى بەرسەڭ، بولاشاعىڭ نۇرلى بولادى» دەپ قارايدى.
  تاعى ءبىر جىلعى جوعارى مەكتەپ ەمتيحانى ەندى عانا اقىرلاستى.
  شىنىن ايتقاندا، جوعارى مەكتەپ ەمتيحانى ادام ومىرىندەگى ءبىر مۇراسىم عانا، ول قاعاز جۇزىندەگى ەمتيحان فورماسىندا وتكەن 10 نەشە جىلداعى ءبىلىم قۋىپ، جاپا - ماشاقات تارتا ءجۇرىپ وقىعان كەزىڭە نۇكتە قويىلىپ، ناعىز ءومىر ساپارىڭنىڭ ەندى باستالعانىنان دەرەك بەرەدى. ال جوعارى مەكتەپ ەمتيحانىندا العان ءنومىرىڭ الداعى 3 جىلدا نەمەسە 4 جىلدا قاي جەرگە بارىپ، قانداي تۇرمىس كەشىرەتىنىڭدى بەلگىلەيدى.
  3 − 4 جىلدان كەيىن قايدا باراتىنىڭدى، قانداي ورىنعا وتىراتىنىڭدى، قانداي تابىسقا جەتەتىنىڭدى نەمەسە قانداي ساتسىزدىككە جولىعاتىنىڭدى وسى رەتكى ەمتيحان ناتيجەڭ بەلگىلەي المايدى.
  جوعارى مەكتەپ ەمتيحانى تاعدىرىڭدى بەلگىلەي المايدى، جوعارى مەكتەپ ەمتيحانىنىڭ اقىرلاسقانى ناعىز ءومىر ساپارىڭنىڭ ەندى باستالعانى بولماق.
  جوعارى مەكتەپ ەمتيحانىنان كەيىن ءبىرىنشى ۇيرەنەتىن ءىسىڭ: دەربەس تۇرمىس كەشىرۋ.
  وتكەندە ءبىر وقىرمان ماعان: «وسىدان 4 جىلدىڭ الدىندا جوعارى مەكتەپ ەمتيحانىنا قاتىناسقانىم، ءبىرىنشى كۇنگى ەمتيحان اياقتاعان سوڭ جالعىز ءوزىم كوشە ارالاعانىم ءالى ەسىمدە. سول كەزدەگى وزىمە ەرەن ءتانتىمىن، دەربەس كىتاپ وقىپ ۇيرەنەتىنمىن، ەش قۇلازىمايتىنمىن، قايتا جوعارى مەكتەپكە تۇسكەن سوڭ قۇلازيتىن بولدىم. كۇش سالا قۇلشىناتىن، ەشتەمەنى ويلامايتىن، ءوز نىساناسى بار سول كەزدەگى ءوزىمدى قايتا تاۋىپ العىم كەلەدى»، - دەگەن ەدى.
  جوعارى مەكتەپ ەمتيحانىنان بۇرىنعى بىزدە ناقتى نىسانا بار بولاتىن، ورتاق نىسانا ءۇشىن بىرگە قۇلشىناتىن ءبىر شوعىر ادام ءار كۇنىمىزدى شات - شادىمان وتكىزۋشى ەدىك. الايدا جوعارى مەكتەپ ەمتيحانىنان سوڭ مۇنداي نىسانادان كوز جازىپ قالدىق، بىزگە ەندى نىسانا بەلگىلەيتىن، العا باسۋىمىزدى جەبەيتىن ەشكىمنىڭ بولماعانىنا بىردەن كوندىگە الماي، قالاي دەربەس تۇرمىس كەشىرۋدى بىلە الماي داعداردىق.
  دەربەس تۇرمىس كەشىرۋ دەگەن نە؟ دەربەس تۇرمىس كەشىرۋ دەگەنىمىز ءوز تۇرمىسىن ءوزى ىڭعايلاۋ، دەربەس ويلاي الۋ، ەكونوميكادا ەركىن بولۋ دەگەن ءسوز.
  اتا - انانىڭ ىستىق قۇشاعىنان اجىراعان سوڭ، دەربەس ءوزىڭ سىرتتا بوران - شاشىندى باسىڭنان وتكەرىپ، الداعى كۇندە قالاي تۇرمىس كەشىرۋدى ۇيرەنەسىڭ، مىنە بۇلار جوعارى مەكتەپ ەمتيحانىنان كەيىن يگەرۋگە ءتيىستى شەبەرلىگىڭ.
  ويلاۋداعى دەربەستىك دەگەنىمىز رۋحاني دۇنيەسىن ۇزدىكسىز بايىتىپ، قۇلازۋ مەن زەرىگۋدى جەڭىپ، وزىندە رۋحاني تالعام بولۋ، ادامدار ورتاسىندا وزىندىك ەرەكشەلىگىن ايگىلەي الۋ دەگەندىك.
  جوعارى مەكتەپ ەمتيحانىنان كەيىن سەن ەرەسەك ادام قاتارىنا ءوتتىڭ، ەندى «ومىراۋدان» شىعۋىڭ، ىلعي دا اتا - اناڭدى سۇلىكتەي سورا بەرمەي، بولاشاق ءۇشىن ەسەپ سوعۋىڭ، قايتكەندە ەكونوميكادا ەركىن بولۋدى ۇيرەنۋىڭ، اتا - اناڭنىڭ اۋىرتپالىعىن جەڭىلدەتۋىڭ كەرەك.
  ەمتيحان ءنومىرىڭنىڭ جوعارى بولۋى تۇرمىس كەشىرۋگە شەبەر ەكەنىڭە، ءنومىردىڭ تومەن بولۋى تۇرمىس كەشىرۋگە ولاق ەكەنىڭە ۋاكىلدىك ەتپەيدى. ءومىر ساپاسى قالاي تۇرمىس كەشىرگەنىڭە قارايدى، ال مۇنى العان ءنومىرىڭ بەلگىلەي المايدى.
  جوعارى مەكتەپ ەمتيحانىنان كەيىن ۇيرەنەتىن ەكىنشى ءىسىڭ: ادامدارمەن بارىس - كەلىس جاساۋ.
  جوعارى مەكتەپ ەمتيحانىنان بۇرىن سەن جاساعان ورتادا ءنومىر سەنىڭ ورنىڭدى، ياعني ۇلكەندەر نازارىنداعى «جاقسى بالا» نەمەسە «جامان بالا» ەكەنىڭدى بەلگىلەدى. جوعارى مەكتەپ ەمتيحانىنان كەيىن سەن باسقا ءبىر دۇنيەگە قادام تاستادىڭ، بۇل دۇنيە جالاڭ ءنومىر ارقىلى ساعان باعا بەرمەيدى.
  وسى جاڭا دۇنيەدە باسقالار سەنىڭ ادامدارمەن بولعان بارىس - كەلىسىڭە قاراپ، سەنىڭ ءوز كوكەيىندەگى ورنىن ولشەيدى. ادامدارعا قالاي مامىلە جاسايسىڭ، ءىستى قالاي جونگە سالاسىڭ، سەنىڭ دۇنيەگە، قۇنعا، ومىرگە ۇستاعان كوزقاراسىڭ قالاي، وسىنىڭ ءبارىن قامتيدى، سونداي - اق دۇنيەگە، قۇنعا، ومىرگە كوزقاراسى ۇقسامايتىن ادامدارمەن بولعان بارىس - كەلىستە قولدانعان ادىسىڭمەن دە بايلانىسىپ جاتادى.
  ءىستى جونگە سالۋ ادىسىڭە كوڭىلى تولسا، باسقالار سەنى كوكەيىندە ساقتايدى، ءىستى جونگە سالۋ ادىسىڭە كوڭىلى تولماسا، باسقالار سەنەن الشاقتايدى.
  ادامدارمەن بارىس - كەلىس جاساۋدا، اۋەلى، باسقالاردىڭ سۇراۋىنا قالاي جاۋاپ بەرۋ، ونان سوڭ، جايسىز ىستەردى قالاي جونگە سالۋىڭا قارايدى، مىنە مۇنىڭ ءبارى اقىل - پاراساتقا سايادى.
  ادامدارمەن قالاي بارىس - كەلىس جاساۋ ءادىسى ءبىز سانالى تۇردە ۇيرەنۋگە، ءتىپتى، ءومىر بويى ۇيرەنۋگە ءتيىستى ساباق.
  جوعارى مەكتەپ ەمتيحانىنان كەيىن ۇيرەنەتىن ءۇشىنشى ءىسىڭ: ءوزىڭ ءۇشىن كىتاپ وقۋ.
  جوعارى مەكتەپ ەمتيحانىنان بۇرىن ءبىز جوعارى مەكتەپكە ەمتيحان بەرۋ ءۇشىن كىتاپ وقىدىق. جوعارى مەكتەپ ەمتيحانىنان كەيىن، كوپتەگەن ادام ءوزىنىڭ كىتاپ وقۋ ازابىنان ءبىر جولاتا قۇتىلعانىن قۋانىش ساناپ، بويىن كىتاپتان اۋلاققا سالىپ، كۇندەرىن ويىنمەن وتكىزەدى.
  جوعارى مەكتەپ ەمتيحانىنان بۇرىن سەن كىتاپ وقۋ ءۇشىن كىتاپ وقىدىڭ، ال جوعارى مەكتەپ ەمتيحانىنان كەيىنگى كۇندەر ناعىز ءوزىڭ ءۇشىن كىتاپ وقۋ ەكەنىن اركىم بىلە بەرمەسە كەرەك.
  جوعارى مەكتەپ ەمتيحانىنىڭ اياقتاۋى ءبىز ءۇشىن ونان دا كەڭ كەڭىستىك ازىرلەدى، ياعني ءبىز بالىق باعاتىن ءبىر كۇبىدەن ەكىنشى ءبىر كۇبىگە ءتۇسىپ، جالعاستى جان ساقتاۋ ءۇشىن، ءتىپتى دە كەڭ كەڭىستىككە جانە ءبىلىمنىڭ بال شىرىنىنا ءزارۋ بولدىق. مىنە بۇل ءبىزدىڭ كوز ايامىزعا، ويلاۋ تاسىلىمىزگە جانە اقىل - پاراساتىمىزعا سايادى.
  كوز ايانىڭ كەڭەيۋى، ويلاۋ ءتاسىلىنىڭ كەمەلدەنۋى جانە اقىل - پاراساتتىڭ مولايۋى كۇندەلىكتى كىتاپ وقۋدان كەلەتىنىن ەسىڭدە مىقتى ساقتاعايسىڭ. ادام ءومىر بويى ۇيرەنۋى كەرەك، جوعارى مەكتەپ ەمتيحانىنىڭ اقىرلاسۋىمەن ۇيرەنۋدى توقتاتۋعا استە بولمايدى.
  جوعارى مەكتەپ ەمتيحانىنان كەيىن ۇيرەنەتىن ءتورتىنشى ءىسىڭ: دوس تابۋ نەمەسە دوستاسۋ.
  ومىردەگى ەڭ باعالى نارسە 2 − 3 دوسىڭ بار بولىپ، ولارمەن ءوزارا كومەكتەسىپ، ءوزارا دەم بەرىسىپ، بىرلىكتە ەسەيىپ - ەرجەتۋ. كەيبىرەۋدىڭ كوپ دوسى ونى اينالىپ ۇيىرىلەدى، ال كەيبىرەۋ قاشاندا قۇلازىپ جالعىز جۇرەدى، ونىڭ بىردە - ءبىر دوسى جوق. كەيبىرەۋ بۇكىل ىنتا - پەيىلىمەن دوستارىنا كۇيىنەدى، دوستارىنا كومەكتەسەدى؛ ال كەيبىرەۋ قاشاندا دوستارىنان جەم تۇسىرگىسى كەلەدى.
  كەيبىرەۋ دوستارىمەن بىرگە ءوسىپ - وركەندەۋدى ويلايدى، كەيبىرەۋ قانداي جاقسى دوسى بولسا دا ونى ەش ۇناتپايدى.
  ۇقساماعان دوستاسۋ ءتاسىلى تۇرلىشە جىكتەگى دوس تابۋدى بەلگىلەيدى. قايتكەندە دوسىڭمەن تەڭ تۇرعىدا تۇرا الۋدى، قايتكەندە دوسىڭنىڭ جۇرەگىنەن وزگەلەر باسا المايتىن ورىن الۋدى جانە قايتكەندە دوسىڭمەن تاۋسىلمايتىن تاقىرىپ جونىندە اڭگىمەلەسۋگە بولاتىنىن ويلاستىرۋىڭ كەرەك.
  دوس تابۋدىڭ، دوستاسۋدىڭ ءوزى ءبىر ونەر، ول بارىس - كەلىسكە، ادامگەرشىلىككە جانە ءىستى جونگە سالۋ تاسىلىڭە سايادى، مىنە مۇنىڭ ءبارى ءبىز يگەرەتىن شەبەرلىك.
  ەش ابىرجىما، جوعارى مەكتەپ ەمتيحانىنىڭ ناتيجەسى تاعدىرىڭدى بەلگىلەي المايدى، ول وتكەن 10 نەشە جىلداعى جوقشىلىق قۇرساۋىندا ءبىلىم قۋىپ، جاپا - ماشاقات تارتا ءجۇرىپ وقىعان كەزىڭە نۇكتە قويىلعانى.
  جوعارى مەكتەپ ەمتيحانىنىڭ اياقتاعانى ناعىز ءومىر ساپارىڭنىڭ ەندى باستالعانى بولماق.
  «حالىق گازەتىنىڭ» ءۇنحات تۇعىرىنان اۋدارعان: ساعىنبەك رابات ۇلى
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ