قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

ايشانىڭ سوڭعى ارمانى ءۇشىن

2017.12.29 11:36 كەلۋ قاينارى : شينجياڭ گازەتىنەن

 8 جاستاعى ايشانىڭ شەشەسىمەن بىرگە ۇشاقتا وتىرعان سۋرەتى ءۇرىمجى قالاسى ەكونوميكالىق - تەحنيكالىق اشۋ رايونى (تۋتۇنحى رايونى) گاڭچىڭ رايونىن باسقارۋ كوميتەتى لوكىلۇن كوشەسى الەۋمەتتىك اۋماعىنىڭ ماتەريالدار ىشكابىندا قازىرگە دەيىن ساقتاۋلى تۇر.
  الەۋمەتتىك اۋماق قىزمەتكەرى لۋ شياۋيىڭ وسى ءبىر وتباسىنىڭ سۋرەتىن ارنايى جۋدىرىپ، سۋرەتپەن بىرگە ايشاعا ءبىر پار كويلەك دايىنداپ قويعان - دى.
  لۋ شياۋيىڭ: ونىڭ ناۋقاسى ساۋىققان سوڭ بەرەيىن دەپ وتىرمىن. بالانىڭ ارمانىن جۇزەگە اسىرۋعا كومەكتەسۋ قانشاما باقىتتى ءىس بولعانمەن، بىزگە قالدىرعان وكىنىشى دە سونشاما اۋىر بولدى، - دەدى.
  ايشا مەن لوكىلۇن كوشەسى الەۋمەتتىك اۋماعىنىڭ بارىس - كەلىسى ءۇرىمجى قالاسى سۋ ىستەرى مەكەمەسى «ۇعىسۋ، تيىمدىلىك جاساۋ، توعىستىرۋ» بويىنشا الەۋمەتتىك اۋماعىندا تۇراتىن قىزمەت اترەتىنىڭ مۇشەسى ۋ شياۋچياڭنىڭ دانەكەر بولۋىندا باستالعان. بيىل ناۋرىز ايىندا ۋ شياۋچياڭ الەۋمەتتىك اۋماققا كەلىپ ۇزاق بولماي، وتباسىن ارالاپ جاعداي ۇعىسۋ بارىسىندا، وسى وتباسى ونىڭ نازارىن اۋدارعان - دى. ءۇيدىڭ ىشىندە ءبىر توسەك، بىرنەشە ىدىس - اياق قانا بار ەدى. ءار رەت وتباسىن ارالاپ جاعداي ۇعىسقاندا، 8 جاستاعى ايشا ەگىز باۋىرى مەن قارىنداسىن قاراپ جۇرەتىنىن بايقايدى.
  ۋ شياۋچياڭ ولاردىڭ شەشەسى اسحانادا جالدانىپ جۇمىس ىستەپ، ءار كۇنى كەشكى ساعات 23تە جۇمىستان ارەڭ تۇسەتىندىگىن بىلەدى.
  وتباسىندا وسىنشاما قيىنشىلىعى بار بولسا دا، شەشەسى نەلىكتەن الەۋمەتتىك اۋماققا بارىپ جاعدايىن ايتپايدى؟ كەلەسى كۇنى، ۋ شياۋچياڭ الەۋمەتتىك اۋماق قىزمەتكەرلەرىمەن بىرگە ايشانىڭ شەشەسى ىستەيتىن اسحاناسىنا بارىپ جاعداي ۇعىسىپ، وعان: قانداي قيىنشىلىعىڭ بولسا دا الەۋمەتتىك اۋماققا بارىپ ايت، - دەيدى.
  سودان باستاپ، ۋ شياۋچياڭ 3 بالانى ۇنەمى بارىپ كورىپ تۇرادى.
  بيىل ماۋسىم ايىنىڭ سوڭىندا، ۋ شياۋچياڭ ايشانىڭ ۇيىندە ادام جوق ەكەنىن بايقاپ، بالالاردىڭ شەشەسىنە كەلتە حات جولداپ جاعداي ۇعىسادى. 22 - ماۋسىم كۇنى تاڭەرتەڭ، ايشانىڭ شەشەسى ۋ شياۋچياڭعا تەلەفون بەرىپ: ءبىزدىڭ ايشا اۋىرىپ قالدى، وكپە راگى ەكەن، سوڭعى مەزگىلىنە ءوتىپتى، - دەيدى.
  قارشاداي بالا نەگە وسىنشالىق سالماقتى ناۋقاسقا شالدىقتى ەكەن، ەندى بۇل وتباسىنىڭ كۇيى قالاي بولماق؟ جاعدايدان حابار تاپقان سوڭ، ۋ شياۋچياڭ ولارعا 50 مىڭ يۋان وپەراتسيا جاساۋ قاراجاتىن قالاي جيىپ بەرسەم بولار ەكەن دەپ ويلادى. ول وسى جاعدايدى بارلىق الەۋمەتتىك اۋماق ءۇنحات توبىنا جولدايدى، سونىمەن الەۋمەتتىك اۋماق قىزمەتكەرلەرىنىڭ نازارىن اۋدارىپ، كوپشىلىك وزدەرىنىڭ ءۇنحات توبىنا، دوستىق شەڭبەرلەرىنە شىعارىپ تاراتادى.
  «ەرتەڭ الەۋمەتتىك اۋماقتا جىلۋ اتاۋ قيمىلىن وتكىزەمىز».
  «وزگە الەۋمەتتىك اۋماقتار دا كومەكتەسىپ قالار».
  « قىزمەت اترەتىمىز جىلۋ اتاۋ تۋرالى مەكەمەدەن كەڭەس سۇراپ كورسىن».
  «الەۋمەتتىك يگىلىك قارجى جيناۋ تۇعىرىن بىزگە جولداپ بەرسەڭدەر، ءبىز دە وزگە ءۇنحات توراپتارىنا جولداپ قويايىق»... تاڭ اتقانشا، ءۇنحات توراپتارى قىزىپ كەتتى، قىزمەتكەرلەر جىلۋ اتاۋ ينفورماتسياسىن تاراتتى. وسىنىڭ ناتيجەسىندە، تاڭ اتقانعا دەيىن 36 مىڭ يۋاننان استام اقشا جينالادى.
  وسىدان كەيىن، لوكىلۇن كوشەسى الەۋمەتتىك اۋماعىنىڭ قىزمەتكەرلەرى، «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى ارت - ارتىنان 2 رەت جىلۋ جيناۋ قيمىلىن ۇيىمداستىردى، گاڭچىڭ رايونى باسقارۋ كوميتەتى بيڭحى الەۋمەتتىك رايونى جانە لوكىلۇن كوشەسى الەۋمەتتىك اۋماعىنا قاراستى رايوندار مەيىر باعىشتاۋ قيمىلىن ۇيىمداستىرىپ، 3000 يۋانعا جۋىق جىلۋ جينايدى. ۋ شياۋچىڭ مەن لۋ شياۋيىڭ كوپشىلىك اتىندا كوپ رەت شيپاحاناعا بارىپ ايشانىڭ كوڭىلىن سۇرادى. 8 جاستاعى ايشا ءوزىنىڭ نە ناۋقاسقا شالدىققانىن بىلمەي، كوڭىلدى تۇردە قايتا - قايتا «ۋ اعاي، ۋ اعاي» دەپ قولىن سوزىپ، اعاسىنىڭ قۇشاعىنا ۇمتىلادى.
  الايدا، شيپاگەر ولاردى جەكەلەي شاقىرىپ: كىشكەنتاي بالانىڭ كۇنى از قالدى، بالكىم ءبىر جىلعا جەتەر - جەتپەس عۇمىرى قالعان بولۋى مۇمكىن، - دەيدى. مۇنى ەستىگەن ۋ شياۋچياڭ مەن لۋ شياۋيىڭ سىلەيىپ تۇرىپ قالادى.
  6 - قازان تۇستەن كەيىن ايشانىڭ شەشەسى ءۇنحاتتا ۋ شياۋچياڭعا: بالام ۇشاققا وتىرىپ، تۋعان جەرى قاشقارعا بارعىسى كەلەدى، مەن بالامنىڭ ارمانىن ورىنداعىم كەلەدى، ءبىراق...، - دەيدى.
  ۋ شياۋچياڭ ۇشاققا وتىرۋ ايشانىڭ وتباسى جونىنەن الىپ ايتقاندا قانشالىقتى قيىن ەكەنىن، بايقۇس شەشەسىنىڭ ەش امالى قالماعان سوڭ ايتىپ تۇرعانىن بىردەن اڭعارادى. ۋ شياۋچياڭ بۇل جاعدايدى الەۋمەتتىك اۋماق پارتيا ياچەيكاسىنىڭ شۋجيى ۋاڭ جاۋپىڭعا ايتادى.
  ۋاڭ جاۋپىڭ الەۋمەتتىك اۋماق قىزمەتكەرلەرىنە دەرەۋ جيىن اشادى.
  − 2 ادامنىڭ ۇشاقپەن بارىپ - كەلۋىنە 3600 يۋان كەتەدى ەكەن، كوپشىلىك بۇل بالاعا تاعى ءبىر رەت كومەكتەسۋدى قالايسىزدار ما؟
  − كومەكتەسەمىز!
  جيىن اشىلىپ بولماستان، ۋ شياۋچياڭ الەۋمەتتىك اۋماق قىزمەتكەرلەرى اتىنان ايشانىڭ شەشەسىنە تەلەفون بەرىپ: بالانىڭ ارمانىن، ءسوزسىز، ورىندايمىز، الاڭسىز بولىڭىز، ءبىز بارمىز! - دەيدى.
  سول كۇنى كەشتە ايشا شەشەسىمەن بىرگە قاشقارعا باراتىن ۇشاققا وتىرادى، ۇشاق ۇشار الدىندا، ايشانىڭ شەشەسى بالاسى ەكەۋىنىڭ قۋانعان بەينەدە تۇسكەن سۋرەتىن ءۇنحات ارقىلى جولدايدى. ۋ شياۋچياڭ سۋرەتتى الەۋمەتتىك اۋماق قىزمەت ءۇنحاتىنا جولدايدى. «كوپشىلىك ايشانىڭ قۋانعان بەينەسىن كورىپ، قۋانشىمىزدى جاسىرا المادىق»، - دەيدى ۋاڭ جاۋپىڭ.
  10 - قازان كۇنى ايشا قاشقاردان ۇرىمجىگە قايتىپ كەلەدى. ۋاڭ جاۋپىڭ: ءبىز بالاعا قىزىل شاپان جانە ويىنشىق ساتىپ الدىق، بۇنىڭ بارلىعى ايشانى قۋانتۋ ءۇشىن ەدى، - دەيدى.
  ۋ شياۋچياڭ، لۋ شياۋيىڭ جانە الەۋمەتتىك اۋماقتىڭ 4 قىزمەتكەرى 2 ماشينامەن، ايشانىڭ باۋىرى مەن قارىنداستارىن ەرتىپ اۋە - جايعا بارىپ، ايشانى قارسى الا شىعادى. اۆتوموبيلگە وتىراردا، ايشا شەشەسىنىڭ قولىن قويا بەرە سالىپ، ۋ شياۋچياڭنىڭ قۇشاعىنا ۇمتىلادى.
  ۋ شياۋچياڭ ايشانىڭ قولىن ءوز بالاسىنىڭ قولىن سيپاعانداي مەيىرلەنە سيپاپ تۇرىپ:
  − ايشا، سەنىڭ تاعى قانداي ارمانىڭ بار؟ - دەيدى.
  − مەن سۋ ءۇستى باقشاسىنا بارعىم كەلەدى. بارسام بولا ما؟
  − ارينە بولادى، ءبىراق، ول جەردى جوندەپ جاتىر، جوندەپ بولعان سوڭ اعاي - اپايىڭ سەنى ەرتىپ اپارسىن، - دەيدى.
  ايشا ۇيىندە كۇتىنىپ جاتقان كەزدە، الەۋمەتتىك اۋماق قىزمەتكەرلەرى كەزەك - كەزەك كەلىپ كوڭىلىن سۇراپ تۇردى. بالانىڭ سوڭعى كۇندەرىندە، ولار كەلىپ بالاعا از دا بولسا قۋانىش سيلاپ تۇرۋعا قۇلشىنادى.
  26 - قازان تۇنگى ساعات ءبىر مولشەرىندە، ۇيىقتاپ قالعان ۋ شياۋچياڭ ايشانىڭ شەشەسىنەن كەلگەن تەلەفوننىڭ شىرىلداعان داۋىسىنان ويانىپ كەتەدى.
 «بالامنىڭ تىنىس الۋى قيىنداپ كەتتى»، - دەپ بارىپ وكسىپ جىلاپ جىبەرەدى.
  ۋ شياۋچياڭ اياق كيىمىن كيە سالىپ، ايشانىڭ ۇيىنە قاراي جۇگىرەدى. ايشانىڭ شەشەسى نە ىستەرىن بىلمەي جىلاپ جۇرگەن - دى، ۋ شياۋچياڭ جەدەل جاردەمگە تەلەفون بەرەدى. شيپاگەر كەلگەن كەزدە، ايشا شيپاگەردىڭ كوتەرگەنىنە قاراماي، ۋ شياۋچياڭعا قاراي قولىن سوزادى. ۋ شياۋچياڭ جانارىنا ىركىلگەن جاستىڭ قالاي شىعىپ كەتكەنىن دە سەزبەي قالادى. كوز جاسىن كولدەتە ءجۇرىپ، ايشامەن بىرگە شيپاحاناعا بارادى.
  28 - قازان كۇنى ۋ شياۋچياڭعا: بالام قايتىس بولدى! - دەگەن كەلتە حات كەلەدى.
  «باسىندا قىزىل تاقياسى، تاقياسىنىڭ ەكى شەتىندە ءورىمى بار، كوك پوپايكا كيگەن، پوپايكاسىنىڭ جاعاسىندا تاققان مارجانى بار، ادەمى اق كويلەك كيگەن ول كىشكەنە سۇلۋ حانىشاعا ۇقسايدى، اۋىرعان بالاعا مۇلدەم ۇقسامايدى، الىس جەرگە دەمالىسقا باراتىن جانداي بەينەدە ەدى»، ۋاڭ جاۋپىڭنىڭ اۋەجايدان ايشانىڭ الدىنان شىققاندا كورگەن وسى بەينەسى قازىرگە دەيىن كوز الدىنان كەتەر ەمەس.
  ايشا الىستاپ كەتتى، ءبىراق الەۋمەتتىك اۋماق كادرلارى مەن «ۇعىسۋ، تيىمدىلىك جاساۋ، توعىستىرۋ» بويىنشا الەۋمەتتىك اۋماقتا تۇراتىن قىزمەت اترەتىندەگىلەر وسى وتباسىنا قارايلاسىپ كەلەدى، ۋ شياۋچياڭ جانە ۋاڭ جاۋپىڭ ەكەۋى ۋاقىت شىقسا بولعانى ايشانىڭ ۇيىنە كەلىپ - كەتىپ تۇرادى، ولارعا ايشا ءالى وسى ۇيدە جۇرگەندەي سەزىلەدى.
  ۋاڭ جاۋپىڭ: اۋرۋ مەيىرىمسىز بولعانىمەن، ادامدار مەيىرىمدى. ءبىزدىڭ قولىمىزدان كەلەرى شەكتى بولعانىمەن، ءبىراق ءبىز قارشاداي ايشامەن بىرگە اۋرۋمەن كۇرەس جاساعان ساتتەرىمىز ءبىزدىڭ قالاداعى ەڭ مەيىرگە تولى كەزدەرىمىز بولدى، - دەيدى.
  ايشانىڭ شەشەسى جىلاپ وتىرىپ: باۋىر ەتىم بالامنان ايرىلۋ ەڭ ۇلكەن قاسىرەت بولدى، ەگەر «ۇعىسۋ، تيىمدىلىك جاساۋ، توعىستىرۋ» بويىنشا الەۋمەتتىك اۋماقتا تۇراتىن قىزمەت اترەتى مەن الەۋمەتتىك اۋماقتىڭ كادرلارى بولماسا، بىزگە بۇنداي كوپ ىزگى نيەتتى جاندار كومەكتەسپەگەن بولار ەدى، ايشانىڭ سوڭعى كۇندەرى دە كوڭىلدى بولماس ەدى. بۇل جاقسىلىقتارىن ءبىزدىڭ وتباسىمىز ماڭگى ەستەن شىعارمايدى، - دەدى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ