قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

ءومىرىم − وتانىم ءۇشىن ورايىم

جاناي باري ۇلى

2018.04.29 12:13 كەلۋ قاينارى : شينجياڭ گازەتىنەن

  ويلاپ تۇرسام، ءومىردىڭ ءوزى ادام بالاسىنا بەرىلگەن ءبىر ۇلكەن وراي ىسپەتتى. ال وسى ورايدى كىمگە ارناۋدى، كىم ءۇشىن قىزمەت ەتتىرۋدى ءار ادامنىڭ ءوزىنىڭ تالعارلى تالعامى بىلەر - اۋ، تەگى. ايتەۋىر، ءوزىم وسى ءبىر گۇلمەن كومكەرىلىپ، نۇرمەن اپتالعان جارىق دۇنيەنىڭ ماعان سيلاعان ءومىر ەنشىسىن وسىناۋ قاسيەتتى وتانىمنىڭ كەرەكتى ءبىر كەرپىشى بولۋىما بەرىلگەن تاپتىرماس وراي دەپ بىلەمىن. بۇعان ءتىپتى ەشقانداي ءبىر سەبەپ - سالداردىڭ دا قاجەتى جوق شىعار - اۋ، ءسىرا. ال سەبەپ - سالدار كەرەك دەسەك، وندا مەن مىنانى ايتار ەدىم:
  ۋا، وتان، وتان انام مەنىڭ، سەنىڭ وسى ءبىر وتان دەگەن شاراپاتتى ەسىمىڭنىڭ مەنىڭ قۇلاعىما ەستىلگەن ساتتەگى دىبىس تەربەلىستەرى الپىس ەكى تامىرىمدى ەلەكتردەي ارالاپ، جۇرەك سوعۋىمدى ەسەلەپ جيىلەتىپ، بۇكىل ءون - بويىمدا بەلگىسىز ءبىر كۇش اعىسى پايدا بولادى دا، كوڭىل تۇكپىرىمدە وزىڭە دەگەن شەكسىز ماحاببات پەن ۇلى سۇيىسپەنشىلىكتىڭ وشپەس وتى مازدايدى.
  ءيا، وتان، مەنىڭ مىناۋ قۋانىشقا تولى جۇرەك ءلۇپىلىم، تىرشىلىك تىنىسىم، ۇزىلمەس ءۇمىتىم مەن بولاشاق سەنىمىمنىڭ ءبارى - ءبارىن ءوزىڭ سيلاپ، ءوزىڭ بەرگەنسىڭ. انىعىراق ايتار بولسام، مەن ءوزىڭنىڭ مەيىرىم مەن ىزگىلىك كەرنەگەن ىستىق قۇشاعىڭدا قام - قايعىسىز بالعىن بالالىعىمدى وتكىزىپ، نارداي بولىپ ەرجەتتىم. مىنە قازىر، ءتىپتى، ماڭعاز ماحابباتتىڭ ماقپال سيىنا بولەنىپ، باسىما ءۇي، باۋىرىما قازان اسىپ، ەكى بالانىڭ اكەسى بولىپ تا ۇلگىردىم. وسى بارىستا دا وتان سەنىڭ وتتاي ىستىق مەيىرىڭە بولەنىپ، باقىتتىڭ بال شۋاعىمەن تەربەلىپ كەلدىم. ويتكەنى، مەن مىناۋ زاڭعار ءومىردىڭ ايدىنىندا ارمان قۋىپ، اۋىلدان اۋدانعا العاش كەلگەنىمدە، وتان انام ماعان تارتۋىم دەگەندەي قالا ورتاسىنداعى بەيقۇت ءۇي قاباتتان ارزان باعالى ءۇي بەرىپ، شاڭىراعىما قۋانىش كۇلكىسىن سيلاسا؛ ال سۇيگەنىم قاتىگەز تاعدىردىڭ سايقى - مازاعىنا ۇشىراپ، شۇعىل قۇتقارۋ توسەگىنە تاڭىلعاندا، وتان انام مەنىڭ سەميالىق جاعدايىمدى ەسكەرىپ، جۇمساعان قاراجاتتىڭ نەگىزىنەن دەرلىگىن كوتەرىپ، تىرلىگىمنىڭ دەمەۋشىسى، كۇندەرىمنىڭ گۇلى بولعان جان جارىما جاڭا ءبىر ءومىر ەسىگىن سيلادى.
  مىنە سودان بەرى دە ۋاقىت جەلدەي ەسىپ، ەكى - ءۇش جىلدىڭ ءجۇزى بولدى. ال قازىر، سۇيىكتى ۇلى وتانىم، ءوزىڭنىڭ كوكتەم شۋاعىنداي ابزال ساياساتىڭنىڭ جەتەكتەۋىندە، قاراپايىم جۇمىسكەردەن ەل القاعان اجەپتاۋىر قوجايىنعا اينالىپ، بەرەكەلى دە مەرەكەلى باقىتتى ءبىر جانۇيانىڭ سايالى بايتەرەگى بولىپ كەلەمىن. ءومىرىمنىڭ نۇرى، كوڭىلىمنىڭ گۇلى بولعان بالاۋسا بالالارىم دا وتان سەنىڭ اقىسىز وقىتۋداي ىستىق ىقىلاسىڭا بولەنىپ، توبەسى كوك تىرەگەن مەكتەپ عيماراتتارىندا ءبىلىمنىڭ كاۋسار بۇلاعىنان سۋسىنداۋدا. ۋا، وتانىم، سوندىقتان دا سەن مەنىڭ ءومىرىمنىڭ شىراعى، وركەنىمنىڭ شۋاعىسىڭ.
  سەن تەك مەنىڭ عانا ەمەس - اۋ، بايتاق جۇڭحۋاداعى ءبىر ميلليارد ءۇش ءجۇز ميلليون حالىقتىڭ قورعانى دا، قورمالىسىڭ. ويتكەنى، وسىناۋ كەڭ كوسىلگەن كەرىم مەكەندە جاساپ جاتقان ەلىمىزدەگى ءار ۇلت حالقى وتان سەنىڭ قۇت ۇيىعان قويناۋىڭنان ىرىس الىپ، قوي ۇستىنە بوزتورعاي جۇمىرتقالاعان باي - باقىتتى بەرەكەلى زاماننىڭ شۇلەن شۋاعىمەن سۋارىلىپ، قام - قايعىسىز تىرشىلىك تەڭىزىندە سايران سالۋدا؛ پارتيا كورسەتكەن نۇرلى جولمەن ۇدەرە العا تارتۋدا؛ جۇڭحۋا ۇلتىنىڭ ۇلى گۇلدەنۋىندەي ۇلى ارمانعا بىرگە قانات قاعۋدا.
  و، كۇن مەيىرلى وتانىم مەنىڭ، قادام سايىن اسقار اسۋلار اسىپ، نە ءبىر قيىن - قىستاۋ بۇرالاڭ جولداردى باسىپ، الەم تاريحىنداعى ەڭ ءبىر شىڭدالىپ، پىسىپ - جەتىلگەن ۇلى تۇلعاسىڭ سەن. سوندىقتان دا وسىناۋ قۇتتى توپىراق، كەنىشتى مەكەندەگى ءبىر ميلليارد ءۇش ءجۇز ميلليون حالىقتىڭ قۇرىش قورعانى، جان اشىر قورمالى تەك ءوزىڭسىڭ.
  ءيا، وتان، سەن تەك جۇڭگو حالقىنىڭ عانا ەمەس - اۋ، بۇگىنگى تاڭدا، كۇللى دۇنيە حالقىنىڭ دا بولاشاق ءۇمىتى بولىپ وتىرمايسىڭ با؟ ويتكەنى، وتان، سەن دۇنيەنىڭ قاي جەرىندە قيىنشىلىق بولسا، اپات بولسا، سول جەرگە ءوزىڭنىڭ الاپات اتاۋلىنى جوعالتۋشى پەرىشتەدەي بولعان قۇتقارۋ اترەتتەرىڭدى تىزگىن ۇشىمەن جىبەرىپ، باقىتسىزدىق جايلاعان حالىقتىڭ جوقتاۋشىسى، دەمەۋشىسى بولىپ كەلدىڭ. ول - ول ما، وزىڭدەگى اسىل قاسيەت، اسقاق ارماننىڭ ايناسى بولعان «ءبىر بەلدەۋ، ءبىر جول» قۇرىلىسى الىپ جۇڭحۋانىڭ شۇلەن شۇعىلاسىن بەينە شىعىستان الاۋلاپ كوتەرىلگەن التىن كۇندەي بۇكىل دۇنيەنىڭ تۇكپىر - تۇكپىرىنە جەتكىزىپ، ءار ەل حالقىن ۇلى گۇلدەنۋگە باستاسا؛ «ادامزاتتىڭ تاعدىرلاس ورتاق تۇلعاسى» قۇرىلىسىن جاپپاي دامىتۋدى وزىڭە وزگەرمەس بورىش ەتۋىڭ دۇنيە حالقىنا تىلەكتەس، تاعدىرلاس، تىنىستاس، جۇرەكتەس بولۋداي ورتاق دامۋ ۇرانىن جەتكىزىپ، ىنتىماق پەن بەيبىتشىلىكتىڭ بال باقىتىن سيلاپ وتىرماي ما!
  ءيا، مەنىڭ عانا ەمەس - اۋ، كۇللى دۇنيەنىڭ ماقتانىشى، قۋانىشى بولعان ۇلى وتان، ۇلى انام، ايتا بەرسەم، ءوزىڭنىڭ ۇلى قاسيەت، اسىل مەيىرىڭنىڭ دارقاندىعى مەن شەكسىزدىگىنە ءتىل قۇدىرەتى جەتپەيتىن شىعار - اۋ، ءسىرا. سوندىقتان دا ءوز ءومىرىمدى ءوزىڭ ءۇشىن ۇلەس قوسۋدىڭ تاپتىرماس ورايى دەپ ءبىلىپ، كەرەكتى ءبىر كەرپىشىڭ بولا السام، شىركىن! مەنىڭ كوكىرەگىمدە بۇدان باسقا اسىل ارمان جوق. بۇل دۇنيەدەگى ارمان اتاۋلىنىڭ ەڭ اسىلى دا، ەڭ اسقاعى دا وسى شىعار تەگى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ