قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جىلدار بىزدە اقجولتاي

(شالقىما)

وجان قىزىرقان ۇلى

2018.01.28 13:14 كەلۋ قاينارى : شينجياڭ گازەتىنەن

  ادام بالاسى قاشاندا بولماسىن وتكەنىمەن ەمەس تەك عانا ەرتەڭىمەن ەسەيىپ - ەرجەتەدى دە ءومىرلى دە كوڭىلدى بولماق! مۇنان سىرت، قازىنالى حالقىمىزدىڭ ەرتەدەن ايتىلىپ كەلە جاتقان «بەرەكەلى ەلدىڭ مەرەكەسى كوپ» دەگەن قاناتتى ءسوزى تاعى بار. قاراپ وتىرساڭىز مىنە وسىلاردىڭ ءبار - ءبارى جايشىلىقتا ايتىلا سالعان كوپ ارزان ءسوز ەمەستىگىنە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تىندىرىمدى جۇمىستار ىستەگەن پارتيامىزدىڭ 18 - قۇرىلتايىنان بەرگى بەسەنەدەن بەلگىلى 5 جىلى ايقىن ايعاق، اۋەلى، ءبىزدىڭ دە شابىتتانىپ جازعان وسى ءبىر شاعىن شالقىمامىزعا «جىلدار بىزدە اقجولتاي» دەپ تاقىرىپ قويىپ وتىرۋىمىز دا قۋانىشىمىزدىڭ قورىتىندىسى ىسپەتتى، مىنە ەندى ءبىز ءوزىمىزدى عانا ەمەس، بۇكىل الەمدى اسەرلەندىرگەن پارتيا 19 - قۇرىلتايىنىڭ جەڭىسپەن اشىلىپ، جەر - جەردە قۇرىلتاي رۋحىن ۇيرەنۋ، ۇگىتتەۋ، تياناقتاندىرۋ ورىستەتىلىپ وتىرعان تاماشا شاقتا 2018 - جىلعى اقجولتاي جاڭا جىلىمىزدى قۇس بوپ اسپانعا ۇشارداي قۋانىش قۇشاعىندا تاۋسىلماس جىرمەن دە، سىباعالى سيمەن دە قارسى الىپ وتىرمىز. وسى ءبىز نەدەگەن باقىتتى ەدىك دەسەڭىزشى!
  ايتپاقشى، مۇندايدا «بۇرىنعىنى ايتپايىنشا بۇگىنگى ەسكە تۇسپەيدى» دەگەن تاعى بار ەمەس پە ەدى. باياعىدا بابالار باستارىنان وتكەن كۇن - اي، جىلدارىنا جىلايدى ەكەن - اۋ جارىقتىقتار. ال بۇگىن ءبىز شى! جىلاعانى نەسى، جىل كەلسە جاقسىلىق كەلدى، جاڭالىق كەلدى دەپ شاتتانىپ قارسى الامىز. ويتەتىنىمىز دانا حالقىمىز: «بيىك توبەگە شىقساڭ كوزىڭ اشىلادى، جاقسىمەن كەزدەسسەڭ كوڭىلىڭ اشىلادى» دەمەي مە شىركىن! سول سياقتى كەشەگى شىققان بيىگىمىز بۇگىن الاساراتىنى شىندىق. سوندىقتان ءبىز ارايلاپ جاڭا جىل كەلگەن سايىن ءبىر بەلەسكە كوتەرىلگەندەي، جاقسىمەن كەزىگىپ كوڭىلىمىز اشىلعانداي كۇيدە بولامىز.
  كەشەگى «ەلۋ جىلدا ەل جاڭا» دەيتىن ماقال ەسكىرگەلى قاشان! بۇل كۇندە ەلىمىزدە كۇندى ەمەس ساعاتتى بىلاي قويىپ، مينۋت - سەكۋندتاردا نە - نە كەرەمەت مۇعجيزالار جاراتىلىپ جاتادى. جۇيەدەن ەلدىڭ ەلدىگى، ەردىڭ ەرلىگى كورىلىپ، جەردىڭ كەلبەتى ءار كۇنى جاڭا كوركىمەن كوز تارتادى. بۇل وزگەرىسكە جاسىرارى جوق، كوزىڭ تۇگىل جۇيرىك كوڭىل دە جەتىپ ۇلگىرە المايدى. ويتەتىنى ءبىز جىل وتكەن سايىن كونەرۋ ورنىنا جاڭارىپ، قارتايۋ ورنىنا جاسارىپ كەلەمىز ەمەس پە! سوندىقتان بۇل كۇندە قارىشتاعان قادام، جالىنداعان ادام دەيمىز. وسى ءبىر جىلدا شينجياڭدا التىن تاۋ اتالاتىن التايدان تارتىپ، ءۇستىرت مەرۋەرتى اتالاتىن پاميرعا دەيىن، تۇرپان ويپاتىنان ىلە اڭعارىنا دەيىن ءبار - ءبار جەردە وسى زامانعى نىسان قۇرىلىسىنا سان ميللياردتاپ قارجى جۇمسالعانى بۇل سوزىمىزگە ايعاق. وسىلايشا جىل سايىن ىرىستى تىرلىكتە، تىنىستى بىرلىكتە جاساپ كەلەمىز، قىسقاسى، حالقىمىزدىڭ بۇگىنگى تاڭداعى جاراسىمدىلىقتى الاۋى، ىنتىماقتى قالاۋى ەتكەن قاسيەتىن تىلمەن جىرلاپ تا، سىر - سيپاتىن كوكىرەك ساندىعىمىزعا سيعىزىپ جەتكىزىپ ايتا دا المايتىندايمىز. سايىپ كەلگەندە، مۇنى تەك شي جينپيڭ جولداستىڭ پارتيا 19 - قۇرىلتايىندا جاساعان 3 بولىمنەن تۇراتىن 32 مىڭ ارىپتەن اساتىن بايانداماسىنىڭ رۋحىن وقىپ - ۇيرەنسەك عانا ابدەن بىلەمىز، اعايىن!
  ءيا، بىزدە جىلدار مىنە وسىنداي اقجولتاي!
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ