قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

تۋىس كەلدى

سارسەن اقانبەك ۇلى

2018.01.14 14:15 كەلۋ قاينارى : شينجياڭ گازەتىنەن

كۇلىمدەپ كۇن سۇيگەندە كۇمىس بەلدى،
تىنبايتىن، تىندىراتىن ءىرى ىستەردى.
ءديدارى جايراڭداعان جاز ايىنداي،
ۇيىمە زامان بەرگەن تۋىس كەلدى.

ۇيىمە زامان بەرگەن تۋىس كەلدى،
اقشانى تيىنداماي ۋىس بەردى.
زاۋلايدى قول - اياعى جەرگە تيمەي،
كورمەپپىن ءدال وسىنداي جۇمىسكەردى.

ويىم جوق جاسىراتىن، تاعى بوتەن،
ازىرشە، ءجون سۇراماي سابىر ەتەم.
كەلگەلى سۋ تاسىدى، قوي دا باقتى،
ايتپەسە ۇكىمەتتىڭ كادرى ەكەن!

تاڭ اتسا ءبارى دايىن، تالقان، توساپ،
اقىلىن بارىمىزگە قالقام، قوساد.
بىتپەيتىن كوپ كۇيبەڭنىڭ الەگىنەن،
ايتەۋىر قالعاندايمىن ارقام بوساپ.

شىركىن - اي، بالا ەكەن ول جان قيناعان،
ايتادى كوپ ساياسات، «داۋلي» ماعان.
اي سايىن، اپتا سايىن ات وكسىتىپ،
تۇرادى شاۋىپ كەلىپ شياۋلي بالام.

جاينايدى ەلەكتر شام، زاتى جارىق،
گۇلدەندى، زامانداندى اتىز - ارىق.
تۇنىق سۋ تۋلاپ اققان ترۋبادان،
ايىزىن قاندىرادى جاتىپ الىپ.

جاڭبىرى جاقسىلىقتىڭ توككەن سىرەپ،
بۇل كۇندى تابا المايسىڭ كوكتەن تىلەپ.
كورگەندە اۆتوماتتى ماشينانى،
بۇرىشتا تۇر ۇيالىپ كەتپەن - كۇرەك.

ەتىگىم جۇرتتا قالدى توپتىق كۇيدە،
باسامىن «قارا جورعا»!
ءسويتىپ بيگە.
سايرايدى تەلەۆيزور ساندۋعاشتاي،
جاراسقان بەرەكەسى بەيقۇت ۇيدە.

وركەندەپ ءوسىپ جاتىر ۇساعىمىز،
تۇلىپتاي ساۋلىق بولدى تۇساعىمىز.
مەرەيلى مەرۋەرتتەي مەكەنىمدى،
جارقىن جاز، شۇلەن كوكتەم، قۇشادى كۇز.

جارقىن جاز، شۇلەن كوكتەم، قۇشادى كۇز،
كەسىلدى كەر كەدەيلىك تۇساۋىمىز.
قاي - قاشان قامقورلىعىن اياماعان،
تۋىستان ايىرىلمايدى قۇشاعىمىز.

ۇلتتىڭ، ىنتىماعى ۇلىستاردىڭ،
نىعايدى كۇننەن كۇنگە −
تۋىستاردىڭ.
بويىما كومپارتيا قۋات بەرىپ،
قولىما جىعىلمايتىن تۋ ۇستادىم!

تۋىسىم، تۋعاندارىم، قيىستارىم،
كوردىڭ بە ءبىر اراعا ۇيىسقانىن.
ءبارى دە قيماي وتىر، شياۋلي، سەنى،
تۇرعاندا كوتەرىلىپ قۇيىسقانىڭ.

ارقاڭدا العا باسىپ جۇمىستارىم،
ءومىردىڭ ارالادىم ىرىس - باعىن.
ءداۋىردىڭ اسپانىنان تۇسە قالعان،
امان بول، قايدا جۇرسەڭ، تۋىسقانىم!
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ