قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

ايبىنىمسىڭ، انا وتان

جاپار بايدوللين

2018.01.14 14:13 كەلۋ قاينارى : شينجياڭ گازەتىنەن

اسقار بەلىم اسقاقتاعان ايبىنىڭ،
كوك تەڭىزدەي شىمىرلاعان ايدىنىڭ.
قاسيەتتى انا وتانىم اياۋلى،
سەن بار جەردە بولمايدى استە قايعى - مۇڭ.

باسقالاردىڭ ۇجىماعىنان ارتىقتاۋ،
مەنىڭ وتكەن ءار ساعاتىم، ءار كۇنىم.
تەڭدىك بىزدە، ەرلىك بىزدە ءبارى بار،
ەلدىك بىزدە، كەڭدىك بىزدە تانىپ ال.

56 ۇلتپىز، باۋىرلاسپىز جانى ءبىر،
كۇندىزى نۇر، ءتۇنى ماقپال، تاڭى بال.
الپىس ەكى تامىردايمىز تۇتاسقان،
جۇڭحۋا دەيتىن بويىندا ىستىق قانى بار.

ارحۋ، قوبىز، دومبىرا مەن تامبۇرى،
وركەستر بوپ اسقاقتايدى ءان - جىرى.
ۇلاعاتتى تاريحىمەن جالعاسقان،
كەنەرەلى سوتسياليزم داڭعىلى.

گيمالايدىڭ شوقىسىنداي ايبىنى،
اسقار بەلىم − ۇلى وتانىم ماڭگى ۇلى.
كوسەم ۇلى ەلدىڭ جۇگىن ارقالاپ،
تىنىش ورتا، بەيبىت - تەڭدىك شار تاراپ.

ەل نامىسىن جۇرەگىنە ساقتاعان،
ۇلى بالۋان، قىزى باتىر مارحابات.
ەلى جايساڭ، جەرى جاقۇت بۇل ەلدىڭ،
كورگەنى جوق باقىت - بايلىق ورتالاپ.

ال قىزىل تۋ اسپانىندا جەلبىرەپ،
كۇللى الەمگە كۇلە قارايد كولبىرەپ.
رەفورما، دامۋ دەيتىن جوباعا،
تورتكىل الەم تامسانادى ەلجىرەپ.

توقسان جىلدىق توعاناقتى تابىسقا،
الاقايلاپ قول سوعادى توڭىرەك.
دالاسى تۇر نار كەۋدەسىن تىك ۇستاپ،
قويىنى تولى لىقسىپ جاتقان ىرىس باق.

ءار ۇلت حالقى قول ۇستاسىپ تارتتى العا،
تەڭدىك دەيتىن اۋامەنەن تىنىستاپ.
زاماندانۋ ساپارىنا اتتاندىق،
كومپارتيا نىسانانى دۇرىستاپ.
ءجون سىلتەيدى ۇلى قوسىن مارشالى،
دۇنيەنىڭ جوتاسىندا تۋ ۇستاپ.

ميلليارد داۋىس كوكتى تەسىپ ساڭقىلداپ،
ميلليارد قادام العا تارتتى ارشىنداپ.
ميلليارد جۇرەك ۇلى وتان دەپ دۇرسىلدەپ،
ميلليارد قولمەن داڭعىل جولدار ارشىلماق.

مىنە وسىنداي ميلليارد ۇرپاق وسىرگەن،
جاسا، جاسا! داڭقتى وتان التىن باق.
التىن ۇندەي شۇعىلاڭدى شاشا بەر،
دۇنيەنىڭ شىعىسىندا جارقىراپ!

جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ