قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

مەن كوممۋنيستپىن

(تولعاۋ)

قاسىمقان ۋاتقان ۇلى

2018.06.03 15:59 كەلۋ قاينارى : شينجياڭ گازەتىنەن

اڭقىلداق بىرەۋى ەدىم كوپشىل باستىڭ،
ءبىر مەزگىل جۇدەۋ تارتىپ وشكىن تارتتىم.
اڭداۋسىز اساتىنان ناۋقاستانىپ،
تاپجىلماي توسەك تارتىپ ءتورت جىل جاتتىم.

بارىنەن بولىپ ءۇمىت - كوڭىل ءۇستىن،
كەلمەدى تىرشىلىكتەن بولىنىسكىم.a
كونبەيمىن اۋرۋ - ازاپ مازاعىنا،
ويتكەنى مەن كۇرەسكەر كوممۋنيستپىن.

بولسا دا مىناۋ ءومىر تولعان ەگەس،
كەلەدى كەسىمدى ۇلكەن ويعا كەڭەس.
جۇڭگولىق مەن جاۋىنگەر كوممۋنيستپىن،
ولارمەن جول - جورام ءبىر بولعان ەمەس.

ءبىر كەزدە تومەندە ەدىم، اۋىلدا ەدىم،
قول سوقتى مەنى قولداپ قاۋىمدى ەلىم.
«ءۇش ءتۇرلى كۇش»، «ەكىبەتكەي» سۇرقيالار،
ولىسپەي - بەرىسپەيتىن جاۋىم مەنىڭ.

كوڭىلگە كومپارتيام شاشقاندا اراي،
وتانىم الدىمنان كەڭ اشقان ساراي.
كۇرەسىپ «ەكىبەتكەي» مالعۇندارمەن،
تالقانداپ بەت مونشاعىن شاققام تالاي.

دۇشپاندار قويمادى ءالى قىرىستىعىن،
باستالدى تاعى دا ءبىر ءىرى ءىس بۇگىن.
سوندىقتان ورنىمنان تۇرەگەلىپ،
بارۋعا العى شەپكە ءتيىستىمىن.

شۋاعىن ۇلى وتانىم شاشىپ نۇرلى،
ىرگەدەن باقىت - بايلىق تاسىپ كىردى.
كوممۋنيستىك بورىشىم مەنى سولاي،
كۇرەسكە تەز شىعۋعا اسىقتىردى.

ءاردايىم جەلپي سوعىپ ءۇمىت جەلى،
تورىعۋ كەتە المادى بۇرىپ مەنى.
ىشىمنەن تۇردى مىعىم دەمەپ - جەبەپ،
پارمەندى كوممۋنيستىك رۋح مەنى.

بىردە اسىپ - بىردە جاسىپ كوڭىل بەينە،
قۇبىلىپ تۇرساداعى ءومىر كەيدە.
پارتيا ءبىزدى باۋلىپ جەتىلدىرگەن،
جاپامەنەن قورىقپاس قىپ ولىمنەن دە.

دەسەم دە جان دۇنيەم وياۋ ءبارى،
ۋايىم بارعان سايىن مولاڭدادى.
سەرىگىم مەنىڭ جەڭىل راديو،
جاتامىن قۇلاعىما قويام داعى.

راديو حابار بەرىپ مول تاريحتان،
ءوسىرىپ اقىلىمدى وي تانىتقان.
جەرلەردى اناۋ - مىناۋ قويا تۇرىپ،
تىڭدايمىن كۇندە حابار ورتالىقتان.

ءمالىم بوپ ءار باسپالداق، ايالداما،
ايتىلسا جاي ۇعىنىپ، جاي اڭداما.
ەستىرتىپ دۇنيەگە وكتەم ۇنمەن،
شي جينپيڭ جاسادى ۇلى بايانداما.

مەن بۇگىن بۇرىنعىدان ءنارلى كۇلەم،
كوسەمنىڭ گۇلگە تولدى الدى كىلەڭ.
جاسالعان بايانداما سالماعىنان،
سولىق ەتىپ جەر بىلىگى قالدى بىلەم.

ەجەلدەن ءومىر قۋناپ وسۋگە باي،
جاندانىپ اياعىمنىڭ كوسىلگەنى - اي.
«جاڭا ءداۋىر، جاڭا بەينە، جاڭا تەبىن»،
دەگەندە كوڭىلىمنىڭ لەپىرگەنى - اي.

كەتكەندەي كوكىرەگىمە تولىپ ولەڭ،
جانىمنىڭ بولا ءتۇستى ويى بەرەن.
شي جينپيڭ جاڭا داۋىرگە باستاپ كىردى،
جۇڭگوشا سوتسياليزم جولىمەنەن.

ورنىم كەتكەندەي بوپ بيىكتەپ تىم،
اشىلىپ گۇلدەي جايناپ كۇلىپ كەتتىم.
كۇش بەرىپ قۇرىلتايدىڭ رۋحى ماعان،
ورنىمنان تۇرەگەلىپ ءجۇرىپ كەتتىم.

جارقىلداپ تۇرسا التىن كۇن، كۇمىس ايىم،
مەن قالاي بۇل باقىتتى ۇمىتايىن.
قۇرىلتاي پارتيامنىڭ قۇرىلتايى،
جۇيەدەن مەنىڭ داعى قۇرىلتايىم.

گۇل جايناپ ۇلى وتاننىڭ قاۋىم جەرى،
نۇرلاندى قالا مەنەن اۋىل كوگى.
ەگدەلەپ جەتپىس جاسقا كەلسەم داعى،
مەن دە ءبىر پارتيانىڭ جاۋىنگەرى.

بار ءىستىڭ ايتقان ءبارىن كەزەكتەگى،
شي جينپيڭ دانىشپانىم زەرەك تەگى.
قۇدىرەتتى وتاندى قۇرۋمەن ءبىر،
قۇدىرەتتى ارميا كەرەك دەدى.

جۇڭگو حالقى جاسامپاز حالىق دەدى،
كۇرەسكەر تاۋ كوشىرگەن الىپ دەدى.
ەجەلدەن قاستەرلەگەن ىنتىماقتى،
ارمان تۇر كوكىرەگىندە جانىپ دەدى.

وتاندى بارلىق جاقتان ىرىلەندىرۋ،
ايتقانىن كەرەك بىزگە بىردەن ءبىلۋ.
جانعان ارمان − كادىمگى جۇڭگو ارمانى،
جۇڭحۋانى جايناتىپ گۇلدەندىرۋ.

قاشاندا سەرگەك ۇستاپ اقىل - ەسىن،
داعدىمىز اقيقاتقا باس يەتىن.
شي جينپيڭ وسىلاي دەپ ايتىپ بەردى،
ءتورت ۇلى حالقىمىزدىڭ قاسيەتىن.

وتانعا بولام دەسەڭ قىزمەتكەر،
مىندەتتى اۋىرسىنباي كۇلىپ وتكەر.
جۇڭگوشا سوتسياليزم جولىمەنەن،
شي جينپيڭ قۇرىپ شىقتى قۇدىرەتتى ەل.

ويى جوق حالىق دەسە الا بوتەن،
باسشىلىق عىلمي دانا باعالى ەكەن.
جەتكىزگەن قولىمىزدى زور باقىتقا،
جاسا، ۇلى پارتيام، جاسا، كوسەم!

ادامدار ءبىر - بىرىڭە تۋىسسىڭ دەپ،
قۇرۋعا جاعىمدى ورتا تىرىستىق كوپ.
«ءۇش ءتۇرلى كۇش»، «ەكىبەتكەي» جوعالماسا،
قوعامعا ماڭگى اماندىق، تىنىشتىق جوق.

استىندا سوناۋ كەزدە بار سالماقتىڭ،
تالشىق قىپ جۇڭگو ارمانىن تاۋساپ جاتتىم.
قۇرىلتاي رۋحى ولشەۋسىز قۋات بەرىپ،
ساۋىعىپ ەندى مىنە الشاڭ باستىم.

تەڭدەسسىز بۇل جاقسىلىق باعالاسام،
بولا ما جان - جاعىما قاراماسام.
جەتپىسكە كەلسەم داعى جىگەرلەنىپ،
كۇرەسكە بارىپ باتىل ارالاسام.

جاس ەدىم ءبىر كەزدەردە ارىندى ەدىم،
ىستەردىڭ جاقسى - جامان ءبارىن كوردىم.
جاۋلارعا تيتتەي وراي بەرە المايمىن،
ويتكەنى مەن كوممۋنيست، جاۋىنگەرمىن.

جايناتىپ قوسا ءوسىرىپ گۇلىن گۇلگە،
وتاننىڭ بارلىق جەرى ۋىلجۋدە.
دۇنيەنىڭ شىعىسىنان كوز تارتادى،
نۇرلانىپ ايداي ارۋ سۇلۋ جۇڭگو.

بيىكپەن مەن قاشاندا ورەلەسپىن،
بىلمەسەم ۇلىلىقتى ەر ەمەسپىن.
تابىسىڭ شاناعىنان اسقان شالقىپ،
وتانىم، سەن، شىنىندا، كەرەمەتسىڭ.

بىرىنەن - ءبىرى زەرەك ۇلان شىعار،
بۇگىننەن تاعى تۋعان كۇن ارتىلار.
زىمىران جىلدامدىقتان تايمايمىز ءبىز،
شي جينپيڭ دانا كوسەم رولشى بار.

شالقىعان شىعىسىمدا ەركە تەڭىز،
ادىر - تاۋ باتىسىمدا ولكە سەمىز.
بۇدان دا وركەن جايىپ دۇنيەگە،
ايبىنىن قۇدىرەتتىڭ كورسەتەمىز.

ەجەلدەن قۇمار كوپشىل اققا جانىم،
كۇرەسكە ايالداماي اتتانامىن.
ۇلى جۇڭگو كوممۋنيستىك پارتيانىڭ،
بولعانعا ءبىر مۇشەسى ماقتانامىن.

جاسالىپ جاتقان تابىس عالاماتى،
ارتۋدا وتانعا جان ماحابباتى.
قارايمىن دۇنيەگە ماقتانىشپەن،
جۇڭگونىڭ مەن تولاعاي ازاماتى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ