قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

تۋ الدىندا تۋعان وي

(تولعاۋ)

جەڭىس تولەۋباي ۇلى 

2018.04.29 12:16

وتان انا، سەندە وسكەن ءبىر شىنارمىن،
پارتيام كۇن، سىمىرگەم نۇر - شۋاعىن.
جانىمدى جالىندى وي، سەزىم بيلەپ،
جەلبىرەتىپ زەڭگىرگە تۋ شىعاردىم.

نارت قىزىل تۋ اسپانعا كوتەرىلدى،
ەكپىنىنەن ەرلىكتىڭ وتى ءورىلدى.
سەرت بەردىم بويىما كۇش جيىپ تۇرىپ،
ءسۇيىپ تۇرىپ گۇل ولكە، مەكەنىمدى.

تۋ − ايبىنىم، ماقتانىش، تۋ − ەلدىگىم،
ايگىلەگەن جۇڭحۋامنىڭ ۇلى ەرلىگىن.
بايراعى جەلبىرەگەن بايتاق ەلگە،
شاشۋىن شاشىپ نۇردان كۇلەدى كۇن.

تۋ − سەنىمىم، تۋ − رۋحىم، تۋ − ۇرانىم،
تۋ سامعاتقان بيىكتە ءجۇر قىرانىم.
تۋ استىندا بىلەكتى بىرىكتىرىپ،
تىڭ جورىقتىڭ كورىگىن قىزدىرامىن.

دامۋمەن سيلاپ دارقان ەلگە ۇلەسىن،
تۋىمىز ماڭگى اسقاق جەلبىرەسىن.
كەلەر ۇرپاق كوكەيگە توقي ءبىلسىن،
«بەس جۇلدىزدى قىزىل تۋ شەجىرەسىن».

باق زاماندا تۋىپپىن، قايعى - مۇڭ جوق،
ۇستازدار تالىمىنەن وي العام كوپ.
تۋ تۋرالى شەرتەتىن اسەرلى سىر،
«قاھارماندار قانىنا بويالعان» دەپ.
شىرقاعان «قوزعال حالقىم» ءانىن اسقاق،
ايبىنى الاسۇرعان جاۋىن جاسقاپ.
شاعىن قايىق ۇستىنەن كومپارتيا،
اتويلاپ ازات تاڭعا ەلىن باستاپ.

«قارا تۇنەك قوعامعا بولمايمىز قۇل»
ويان! - دەدى، - رۋحى بار وتانشىل ۇل!
ۇزاق جورىق باسقاندا قىزىل اسكەر،
وق وتىندە كوتەرگەن قىزىل تۋ بۇل.

اسقاق ءۇن ءتۇرىپ تاستاپ تۇنەك ءتۇندى،
جۇڭحۋا ۇلتى بىرلەسىپ بىلەك ءتۇردى.
ەڭسە باسقان «ءۇش ۇلكەن تاۋدى» اۋدارىپ،
ۇلى وتان الابىن نۇر ءوپتىردى.

شات حابار شار تاراپتى ارالادى،
شاتتىققا شومىپ تيانشان بار الابى.
كۇلىپ اقتى حۋاڭحى، چاڭجياڭ، ىلە، ەرتىس،
جادىراپ گيمالايدىڭ نار قاباعى.

جاقسى زامان نۇر قۇيىپ جانىمىزعا،
ارداقتاپ اسىن تارتتى الدىمىزعا.
تۇڭعىش رەت قىزىل تۋ جەلبىرەدى،
جاڭا ۇكىمەت قۇرىلىپ اۋىلىمىزدا.

ەڭبەكپەن دۇرسىلدەگەن جەر جۇرەگى،
ول دا ءبىر ۇمىتىلمايتىن ءور جىل ەدى.
سوتسياليستىك قۇرىلىستىڭ شەبى قىزىپ،
مايداندا قىزىل تۋلار جەلبىرەدى.
قىزىل ءتۇس توڭكەرىستىڭ سيمۆولى ول،
بۇكىل ەلگە نۇسقاعان شۇعىلا جول.
ۇيتقى ەتكەن پارتيانى ەل بىرلىگى،
تۋ بەتىنىڭ ماڭىزدى مازمۇنى مول.

ەلىتىپ ەستىپ وسكەم ەت قۇلاعىم،
اعىتىپ اسىل ءسوزدىڭ اق بۇلاعىن.
ءسوز سوڭىن ماقالدايتىن، «سۋ ىشكەندە،
ۇمىتپاڭدار قۇدىقتى» دەپ مۇعالىم.

ويلانتىپ نارقى بيىك ناقتى ۇعىم،
وڭاي قولعا كەلمەپتى شاتتى كۇنىم.
جۇڭگوشا سوتسياليزم تۋىن ۇستاپ،
جاڭا ءداۋىر دابىلىن قاقتى بۇگىن.

عالاماتىن كورسەتتى عاسىر اۋناپ،
باقىتتى ەل جايناعان جاسىل اۋماق.
اۋىلدا دا جاڭالىق، قالادا دا،
ءداۋىرىمنىڭ تارتۋى وسىناۋ باق.

«وتكەنىمدى ۇمىتپاي» ەتەم ۇلگى،
باقىت ساناپ جۇڭگولىق ەكەنىمدى.
تابىسىما تامسانتىپ كۇللى الەمدى،
عارىشقا دا قىزىل تۋىم كوتەرىلدى.

دەگەندەي «زامانىڭ شات، كۇل، شىراعىم»،
توگىپ تۇر مەيىرلەنە كۇن شۋاعىن.
ءبارىمىز «وتان ءانىن» شىرقاپ تۇرىپ،
بۇگىن تاعى زەڭگىرگە تۋ شىعاردىم.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ