قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

وتان دەپ سوققان جۇرەگىم

جاپار بايدوللين

2018.01.28 13:16

الىپ جۇڭحۋا ۇلى ەلىم
كەۋدەدە سوققان ءبىر جۇرەك،
الىپ جۇڭحۋا قانى بار،
كىرشىكسىز تازا ءبىر تىلەك،
شىعاندار ەلدىڭ ءانى بار.
ارماندى ورتاق ءبىر تىلەپ،
ارايلاپ اتقان تاڭى بار.
ءوز ەلىم مەنىڭ وزەگىم،
وسىلار باردا ءبارى بار.

سەن بەرگەن ءماز بوپ سەزىمگە،
ارنايدى جىرىن تەنتەگىڭ.
سەن بەرگەن نۇر بار كوزىمدە،
تۇسىنەم سىرىن ەرتەڭنىڭ.
شىڭدادى مەنى توزىمگە،
باتىرلىق بەرگەن ەرتەگىڭ.
جەرىمنىڭ ويلاپ ەرتەڭىن،
ەلىمنىڭ كۇيىن شەرتەمىن.
سەن ءۇشىن جۇتسام جۇتايىن،
قايعىنىڭ مۇڭىن، زەرتەڭىن.

قۇلديعا كەتىپ قۇلاسام،
سەن ەدىڭ بەرگەن قول ۇشىن.
ءبارىن - ءبارىن ويلاسام،
قارىزدارمىن سول ءۇشىن.
موينىمدا مىندەت وراسان،
وتەلمەي جاتىر بورىشىم.
تاڭمەنەن بىرگە تالاسام،
ارقالاپ ارمان سەن ءۇشىن.

الىپ جۇڭحۋا تۇعىرىم،
توپشىمدى ءار كەز باپتادىڭ.
بايلانعان ساعان عۇمىرىم،
سامعايتىن سەنسىڭ اسپانىم.
كاۋسارىم، بالزام تۇنىعىم،
مولدىرىڭمەن اپتادىڭ.
بۇلبۇلدىڭ بەرىپ جىر ءۇنىن،
سيلادىڭ تالماس اسقاق ءۇن.
ءدۇلدۇلدىڭ بەردىڭ ءدۇبىرىن،
بايگەنىڭ جاز دەپ داستانىن.

سەن بار جەردە جاڭىلماس،
مەنىڭ كىرسىز تىلەگىم.
وزىڭمەنەن تاعدىرلاس،
مەنىڭ مىناۋ جۇرەگىم.
مۇڭىڭمەنەن تامىرلاس،
سەن جۇدەسەڭ جۇدەدىم.
سەن قامالسىڭ الىنباس،
كەرەمەتسىڭ گۇل ەلىم.
سەنسىز مۇلدە سابىلماس،
مەنىڭ جىگىت جۇرەگىم.
مەنىڭ ايتار تىلەگىم،
امان بولشى، امان بول،
الىپ جۇڭحۋا ۇلى ەلىم!

حانزۋ دوسىم
حانزۋ دوسىم امانسىڭ با، حاۋمىسىڭ،
قايداسىڭ سەن، كەزىكپەدىك، بارمىسىڭ.
ۇمىتپايتىن دوستىعىمىز ماڭگىلىك،
ءبولىپ جەگەن ءبىر ءبيدايدىڭ جارمىسىن.

بولەك - بولەك بولساداعى ءتىلىمىز،
تاتۋ - ءتاتتى ءوتىپ جاتىر كۇنىمىز.
جۇڭحۋا دەيتىن سەميانىڭ مۇشەسى،
شىعاندايدى ورتاق ءبىزدىڭ ءۇنىمىز.

شاراپ ءىشىپ كەيدە شالقىپ كەتەمىز،
قىمىزدى دا سىمىرەمىز ەكەۋىمىز.
ءبىز عانا ەمەس بۇل دوستىقتى ورناتقان،
دوس بوپتى ەكەن كەزىندە،
ەكەۋىمىزدىڭ اكەمىز.

ءبىر قورجادا ەڭبەك ىستەپ جان باعىپ،
ءومىر جۇگىن سۇيرەتىپتى پارلانىپ.
ءبىرى ۇستاپ اق قايلاسىن ەگىن ساپ،
اتىن ءمىنىپ، ەندى ءبىرى مال باعىپ.

عاسىر ءوتتى، دوستىعىمىز ارىدا،
باس يەمىز وسىعان ءبىز تابىنا.
ءبىر اۋلادا شۇرقىراسىپ جۇرەدى،
ەكەۋىمىزدىڭ ۇل - قىزىمىز تاعى دا.

ءبىز كەلەمىز قۇشاعىمىز جازىلماي،
كول بەتىنىڭ ۇيرەگى مەن قازىنداي.
دوستىعىمىز وركەستر بوپ كەلەدى،
ارحۋ مەنەن دومبىرانىڭ سازىنداي.

بىرلىكپەنەن كوڭىلدەردى قوستىق تا،
بوي بەرمەدىك جىك بۇزاتىن قوقسىققا.
قاي داۋىردە، قاي زاماندا شىندىق سول،
شەكارا جوق ماحابباتتا، دوستىقتا.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ