قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

قوس داۋىس

جاڭاتاي قابدىكەرىم

2018.01.07 12:00 كەلۋ قاينارى : شينجياڭ گازەتىنەن

جىرلايدى جىلدار

قىزىلدى - جاسىل قىزىق ارباعان،
قىزىعى بىتسە ءىزى قالماعان؛
ءوتتى دە كەتتى، وتكىنشى جاڭبىر،
زۋلاعان ۋاقىت، زىمىران زامان.

تايادىق تاعى جاعاعا جاقىن،
جىلدار دا كۇنمەن شامالار جاسىن؛
انامنىڭ بەينە ۇرشىعى سىندى،
ءجىبى تولعاندا جاڭالاناتىن.

دوڭگەلەي بەرگەن دۇنيە جالعان،
بەرمەستەي قولدان كىم يە بولعان؟
اتتانىپ كەتەر ايالسىز ايلار،
جولاۋشى قۇساپ ۇيىڭە قونعان.

جاڭا عانا ەدى - اۋ، تولعاپ اق تاڭىن،
«تاۋىق جىلى» دەپ تويلاپ جاتقانىم...
بوس وتكەن كۇننىڭ ورنى تولماي،
وكىنىشى ۋداي ويعا باتقاننىڭ.

بورىشىم بولەك بەرەتىن ءالى،
پەندەلىك مۇددەم نەگە تۇرادى؟!
جەكەلىك ەمەس، جەتەدى ماعان،
كوبەيسە ەلدىڭ كەلەتىن باعى.

ءدۇلدۇل دۇنيەنى دۇبىرلەتكەنى،
جەتەدى جىرلاپ ءۇنىم جەتكەنى.
تاپ وسى عاسىر − جۇڭگو عاسىرى،
كۇلىمدەپ تۋدى كۇنى كوكتەگى.

جۇمىلسا جۇرتىم «جۇڭگو ارمانى» بوپ،
ميللياردتىڭ بۇل كۇن مۇلدە ارمانى جوق.
«ءبىر بەلدەۋ، ءبىر جول» عالامدى بەتكە اپ،
باسەكەلەستەن جۇلدە العانى كوپ.
كەزەنگەن كەكتى، كەزدىگىڭ سەستى،
كەسىردىڭ كەلتە كەندىرىن كەستى.
ەلەڭ ەتكىزدى ەرلىگىڭ دەستى،
كوشباسى كوسەم، ەل مۇڭىن شەشتى.

تارازىلانعان عارىشپەن باعاڭ،
تاۋىق جىلى دا تابىسپەن تامام.
ىرىستى ءيت جىل ىرگەڭنەن ەنسىن،
شالقىسىن شايىر، شابىت بەر ماعان.

دالا نۇرلانىپ، قالا قىرلانىپ،
قاناتىن قۇستار قاعادى ىرعالىپ.
قوشتاسقان تاۋىق قاۋىرسىنىندا،
ءبىر جاسىم ءۇنسىز بارادى ۇرلانىپ.

قوشامەتتەسىپ قۇشقان جىلى ءجۇز،
قۇزىرلى بولعان قۇتپان جىلىمىز.
جۇمىر جەر ءجۇزىن جەلپىنتە بەرسىن،
جىرتىسىن جىلدىڭ جىرتقان جىرىمىز.

جەتى قازىناڭ تورىڭە كەلسىن،
جەتىلگەن زامان ءتول ىرگەڭە ەنسىن.
ايتاعىڭ ادال، ساقتىعىن ساقتاپ،
ءيت باسىنا ىركىت توگىلە بەرسىن.

ءيت جىلىڭ ىرعىن ىرىس، قۇت كەلسىن،
«ىرىلىن» بەرمەي تىنىش - كۇش بەرسىن.
انا جەر امان تىنىشتىق بەرسىن،
ءار ۇلتقا تامام تۋىستىق بەرسىن!
ءسويتسىن!!!
قار جاۋادى
اق سۇڭگى مۇز ەرىمەي حرۋستالداي،
سۋىق سورىپ قۇر دەنەم قۇرىسقانداي.
قىس كەلگەن بە، كۇرەڭگە قيسىق ءمىنىپ،
قىڭىرايعان قىرسىعىپ قىرىس شالداي.

قىس تۇسكەندە قۇس ۇشپاي تۇرىپ الىپ،
جىلقىشى قارت شىعۋشى ەد قۇرىق الىپ؛
بيىلعى قىس جەر قاتقاق، قارا جاتىر،
تۇماۋراتقان كىسىدەي ىڭىرانىپ.
مىڭمارالدىڭ* سۋىنا مۇز قاتقاندا،
قۇرىق بويى قار جاۋىپ قۇز - قاپتالدا.
اق بوران بوپ جاتاتىن، بيىلعى قىس،
مىلقاۋ دالا مىڭقيىپ، ءمىز باقپاۋدا.

ايۋلىعا* قويىپتى قار جاۋعاندى،
قارا سۋىق قارىعان تاۋلى اڭعاردى.
كورمەگەلى ءبىز قاشان، قالعان ءبارى،
قىزىل تۇلكى قۇلپىرىپ قارعا اۋناۋدى.

كوڭىل شىركىن كورپەسىن كوتەرمەدى،
قايران سول بالا كەزگە كوشەر مە ەدى!
ومبى قاردى ورعىلاپ، ومىراۋلاپ،
قاسات قاردى كەۋدەلەپ كەشەر مە ەدى!

مىنەزىنە بەيىمدەپ العان سىرىن،
ءوز سانىمەن ەكەن عوي ءار ماۋسىمىڭ.
جەر بەتىنەن اسپان دا جەرىندى مە،
تابيعاتتىڭ كورگەن سوڭ توزعان ءتۇرىن!؟

ۇلى وتانىم وسى كۇن وزعان باعى،
قورشاعان ورتامىزدى قورعاۋعا الدى.
ورمان - توعاي وڭالىپ، قۇس ورالىپ،
قوڭىر اڭى قويشا ءوردى، قورلانبادى،
جاسالۋدا جايقالىپ قولدان ءبارى.

بار تىرشىلىك قايتادان وڭالادى،
قار جاۋادى قاپالاق، جاۋادى ءالى.
دەرت - دەربەزدى كوبىك قار كومىپ تاستاپ،
جازىلادى جەر - جاھان جارا جانى.

اسپاننىڭ اق ساندىعى اشىلادى،
اق شەكەر اق شاشۋ بوپ شاشىلادى.
اق كويلەگىن كيىپ اپ قار - حانىشا،
كۇمىس قار ارۋ تالعا اسىلادى،
سول كۇندەر قىستىڭ ءسانىن اسىرادى!
*جەر اتتارى
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ