قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

اقشا قارعا ساعىنىش

ۇلتاي قايىربەكوۆا 

2018.01.07 11:57

قىستا بارام دەپ ەدىڭ عوي، قىس كەلدى،
اق كۇمىسكە وراپ التىن تۇستەردى.
سارى كۇزدەن ساۋدىراعان ساعىنىش،
اپپاق - اپپاق ۇلپا بولىپ ءتۇستى ەندى.
تاما - تاما تامشىلارىم تاۋسىلعان،
ءمولدىر شىقتار اق قىراۋعا اينالىپ.
بۇرىمىمداي بۇراتىلعان جولدارعا،
تاعدىرىمىز قالسا دەۋشى ەم بايلانىپ.
اق كوبەلەك اق ءجۇزىڭدى ايمالاپ،
مارجاندايىن ءتۇستى قانشا تايعاناپ.
كىرپىگىڭنىڭ مۇڭىن جۇتىپ ۇزىلگەن،
اقشا قار دا اق ساعىنىشقا اينالاد.
قىلىعىمەن قىتىمىرلاۋ قىمتاعان،
سىر شەرتە مە مىناۋ تىمىق ءتۇن ساعان؟!
اق مامىق قار، سەنى ايايمىن مەن ىشتەن،
اق ءۇمىتتىڭ ۇشقىنى ما ەڭ تۇمساداي؟!
مىناۋ مەنىڭ ساعىنىشىم قىس اپپاق،
اق ارمانىمدى اداقتاعان قۇشاقتاپ.
تاعدىر اناۋ تاس تۇعىرىن تارتۋ عىپ،
قالماسا ەكەن ءور سەنىمىم ۇساقتاپ.
جانارىما جارقىن ءجۇزىڭ قوناقتاپ،
باۋىرىنا باسار ولكەم، بار اپتاپ.
كەڭ دۇنيە، سەن دە سونداي نۇرلى ما ەڭ،
اق مارالىم مەكەندەگەن جول اپپاق!...
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ