قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جاڭا جىل سۋرەتى

رازدان ايدارحان ۇلى

2018.01.01 16:49 كەلۋ قاينارى : شينجياڭ گازەتىنەن

ارقالاپ تاۋداي تابىسىن،
تاعى ءبىر جاڭا جىل كەلدى.
كوسىلە جاتقان ولكەمىز،
اق ساۋلە ءسۇيىپ تۇرلەندى.

قۇرىلتاي رۋحى اسىرىپ،
جىبەرگەن ەدى باعىمدى.
جاڭا جىل سىزىپ سۋرەتىن،
اسپانعا وتتار جاعىلدى.

وتاردا مالشى، مال سەمىز،
سەزبەيدى قىستىڭ ىزعارىن.
اقىندار جىرىن سۋىرعان،
كىرپىگىنەن قىزداردىڭ.

نۇرلانعان ءجۇزى شالداردىڭ،
سەكسەننەن اسقان جاسى باي.
بايبىشە دەيدى قۋتىڭداپ،
تاناۋلاپ اتىپ ناسىباي.

ۇسىنىپ اپپاق گۇل شوعىن،
شىعىستان اتقان تاڭ كۇلىپ.
جۇزىندە كىلەڭ جاستاردىڭ،
لاۋلاعان الاۋ نۇر تۇنىپ.

اۋىلدا دۋمان، قالادا وت،
قۇشاعى ىستىق كۇندەر - اي.
بيلەيىك، كەلشى، قۇربىجان،
تۋمايدى مۇنداي كۇندە وراي.

بيىككە شىعىپ اڭشى اعا،
توماعا تارتقان تاس قىرعا.
تۇلكىنى قاشقان ءورت قىزىل،
بۇكتەگەن بۇركىت استىنا.

تارىمدا، مىناۋ جوڭعاردا،
بۇرعىسىن تەرەڭ بويلاتىپ.
جۇمىسشى اعا جۇرمەي مە،
جەتەلەپ مۇناي ويناتىپ.

قۇرىلتاي رۋحىن ۇگىتتەپ،
كادرلار اۋىل - قىستاقتا.
دوڭگەلەك داۋلەت قۇرىلىپ،
شىعارماق ەلدى ۇشپاققا.

سۋرەتى جىلدىڭ وسىنداي،
دالانى قالىڭ قار قىمتاپ.
مۇرتىنان كۇلەد ەگىنشى،
شاتتانا ءتۇسىپ جارقىلداپ.

شولپىسى، كۇمىس سىرعاسى،
جىر توككەن سۇلۋ كەلىننىڭ.
جاڭا جىل، جاڭا جىر باسى،
قوناعى سيلى ءتورىمنىڭ.

جىل سىزىپ اسەم سۋرەتىن،
ساۋلەتىن جاتىر اسىنىپ.
شۇلعيدى اياز اتامىز،
مىنبەردەن بىزگە باس ۇرىپ.

بارىنشا بەزەپ نۇرمەنەن،
جاسادىق مۇزدان قالا ساپ.
شاڭعىمەن اققان بەتكەيدەن،
كورىنىس سول ءبىر تاماشا - اق!

قىزىقتاپ جىلدىڭ سۋرەتىن،
ماسايراپ قالاد ەركىن ەل.
كەلگەندە جاڭا جىل سولاي،
كوسىلىپ كوڭىل سەرپىلەر!
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ