قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

جاسىل ءتۇستى سۇيەمىن

(باللادا)

ءابىلقايىر اقباي

2017.09.25 16:25 كەلۋ قاينارى : شينجياڭ گازەتىنەن

جۇرەتىن كوك شالعىنىن كەشىپ بەلدەن،
جايلاۋدان كەشە عانا كوشىپ كەلگەم.
قالاعا كۇيىڭ باردا ءتۇسىپ ال دەپ،
اۋىلناي مۇقتاجىمدى شەشىپ بەرگەن.

سەكىلدى جامان ەمەس، تەگى قالاڭ،
ۇنادى، ەڭ اۋەلى، توگى ماعان.
ايتسە دە الىس قالعان جايلاۋدى ويلاپ،
جاسىرىن كوزىمنەن جاس توگىپ الام.

اتا جۇرت اينالايىن اسىل مايلى - اۋ،
سەن ەدىڭ تۇگى تورقا جاسىل جايلاۋ.
تۇبىندە قىراتىڭنىڭ گۇل بۇركەنىپ،
بالا كۇن كۇركە تىككەن تاسىم قالدى - اۋ!

جاتام با، قالاعا كەپ بوسقا قاراپ،
شاقىردى مەنى جاسىل كەشتە باۋ - باق.
ءبىر كۇنى كوشە بويلاپ كەلە جاتسام،
باسپاعا جولداۋ ءۇشىن پوچتادان حات.

بولعانمەن ءوڭ الپەتى سار كىدىرلەۋ،
كيگەنى جاسىل كويلەك ءساندى بىرەۋ.
جارقىلداپ جانىما كەپ تۇرا قالدى،
كوشەنىڭ مۇيىسىندە ءسال بۇيىرلەۋ.

كەرىلگەن ورمەكتەگى الاشاداي،
تۇردىم دا اق سىزىقتى تاماشالاي.
قارسىعا ءوتۋ ءۇشىن قادام باستىم،
الدىعا باعزور قاراپ بالاشا جاي.

جامىراپ جىلى، جۇمساق نۇر وڭىنەن،
الگى ايەل ۇستاي الىپ بىلەگىمنەن −
باعانا باسىنداعى شوقتاي جانعان،
شىراقتى مەڭزەدى ءۇنسىز يەگىمەن.

ادامعا بەرسەدە جاس عاسىر سيلاپ،
قۋ جۇرەك قۋرامايتىن اسىلسىڭ - اق −
اڭىرىپ تۇرعانىمدا الگى يەككە،
جارق ەتتى قارسى جاقتان جاسىل شىراق.

جول بەرىپ جاياۋلاعان توپقا الداعى،
موتورلى كولىك بىتكەن توقتاي قالدى.
ءسۇيىندىم وسى سۇلۋ قۇبىلىسقا،
سوكپە دوس ءسوز ەتتىڭ دەپ جوقتان - باردى.

ءبىر سەزىم بيلەدى مە دەنەنى ىرعاپ،
وسى ءسات مەن ءوزىمدى دەمەدىم - قارت.
مىڭ بولعىر الگى ايەلدىڭ جەتەگىمەن،
سىزىقتان قارسىعا ءوتتىم كەرە ادىمداپ.

العانداي جولدان تاۋىپ اسىل مەرۋەرت،
كوڭىلگە وشپەستەي ءبىر باسىلدى ورنەك.
جۇرەكتەن وسىلايشا مەكەن تەپتى،
جاسىل جەر، جاسىل شىراق، جاسىل كويلەك.

جاسىل ءتۇس − جاسىل جايلاۋ كوڭىلدى اشار،
جاسىل ءتۇس − جاسىل شىراق جولىڭدى اشار.
سۋسىعان جاپىراق قوي جاسىل كويلەك،
سيپاتى سۇلۋلىقپەن قويىنداسار.

قالانىڭ دەسەك تە ىشتە سىرى كوكەم،
باۋ - باعى...ءبار - ءبارى دە سۇلۋ ەكەن.
جۇرسەم دە ەندى قايدا مەن ماڭگىلىك،
وسىلاي جاسىل ءتۇستى ءسۇيىپ وتەم.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ