قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

مەنىڭ ەلىم

(تولعاۋ)

تىلەبالدى ابدىرەشيت ۇلى

2017.09.25 16:21 كەلۋ قاينارى : شينجياڭ گازەتىنەن

ەلىم دەسەم ەسىمە الام الىپتى،
ەڭ كەڭ شاشقان جان - جاعىنا جارىقتى،
ەرلىكپەنەن بۇزعان بۇعاۋ قالىپتى،
ەڭ اسقارعا الىپ شىققان حالىقتى،
ەڭ كەنەلتكەن كەدەيدى كەم عارىپتى،
ەڭ تەڭ كورگەن بارلىق ادام، بار ۇلتتى،
ەڭ دارىتقان باسىنا ەل باق قۇتتى،
شىن سۇيگەن ەل شىن كەمەڭگەر ناق مىقتى،
شي جينپيڭدى جاراتقان جاڭا تاريحتى.

ەلىم دەسەم ەڭ دانا ۇلى ۇيىمىم،
ەڭ داڭقتى پارتياما سيىندىم،
ەڭ ۇيتقىسى قيمىلىمنىڭ، ميىمنىڭ،
ەڭ ۇلىسى جۇڭگو جولى سيىڭنىڭ،
تامىرىنا ەل ىستىق قان بوپ قۇيىلدىڭ،
تاعدىرىنا ەل ىستىق نۇر بوپ جيىلدىڭ،
تاعى اشىلماق ءداۋىر بولگىش جيىنىڭ*
تاعى جاڭا جارناماڭا ۇيىدىم،
تاعى الامىز قيىنداردىڭ قيىنىن،
تاعى كوككە كوتەرىلدى يىعىم.

ەلىم دەسەم ەستىلەدى ەل ارمانى،
ەل داناسى العا قويعان اڭعارلى،
ەڭسەلى ەلدىڭ بەس مىڭ جىلدىق تالعامى،
ەڭ نۇرلانىپ ەرتەڭ اتار تاڭ تاعى.
بىتكەن ادام وسى جولدى تاڭدادى،
بىتكەن ارمان وسى ارمانعا جالعاندى،
بىتكەن ءۇيدىڭ جاندى جارىق شامدارى،
بىتكەن ءۇمىت وسى ارمانمەن جانداندى،
بىتكەن عالام كۇنشىعىسقا تاڭ قالدى،
ءبىزدىڭ ەلدىڭ قۇدىرەتىن اڭعاردى.

ەلىم دەسەم ەسىمە الام بەس جىلدى،
ەلدىڭ ءۇنى ەڭ بيىكتەن ەستىلدى،
ەڭ كوكسەگەن ەل كەرەگىن شەشتى ءىرى،
وزگەردى ەلىم ويلانتارداي ەستىنى،
وزگەردى ەلدىڭ كەرەگى دە كەسكىنى،
ەلگە سەنىم ەڭ كەرەمەت دەس كىردى،
وزىنە تەڭ كورمەيدى ەندى ەشكىمدى،
ويتكەنى تەڭ بەس جىلىنا بەس كۇنى.

ەسىمە السام ەڭ سۇلۋىن جىلداردىڭ،
ەڭ كەلەدى ەكپىندى ءبىر جىرلارىم،
تابىسى تاۋ، وزگەرىسى جىلدا مىڭ،
تاعى كوردىم ۇشقان قۇستان جىلدامىن،
قيىنى دا قىزىعى مول جىلدارىم،
قىزۋى اسقان ءبىر تاڭىمنان ءبىر تاڭىم،
ماعان بەرگەن ءجيى شابىت جىر دارىن،
ماحابباتىن، پاراساتىن جىرلادىم.

شىندىق عانا شىعار ءتۇيىن بۇل ەلدە،
شىنشىل ەلدىڭ شىقتى بۇگىن كۇنى ورگە،
ىسكەر كەرەك ءىس بىتىرەر ءبىر ەلگە،
ىستەمەسەڭ ىزدەمەيدى بىرەۋ دە،
ۋاقىت جوق قۇرعاق ايعاي - سۇرەنگە،
رۇقسات تا جوق ۋ - شۋ بولىپ جۇرەرگە،
تاۋ ىسىمەن اينالدى ەلىم ءىرى ەلگە،
تابىسىمەن تاۋ تۇلعالار ءجۇر وردە،
تاعى ىسىمەن تاۋسىلمايتىن جىر ەلگە.


حالىق بولدى بار شارۋانىڭ وزەگى،
قارىق بولدى قامسىز ەتىپ ءوز ەلى،
تۇرلەندى ەلدىڭ تاۋ - تاسى دا، وزەنى،
تۇگەل ءبارى باقىتتى ءوزىن سەزەدى،
بار ارمانى بايي بەرۋ تەز ەندى،
بار جاقسىنىڭ بىزگە كەلدى كەزەگى،
بار جاماننىڭ ورتەندى وت بوپ وزەگى،
باستا ءبىزدى كورگەن بوگدە بوزەگى،
باسقا ەلدىڭ قىزارادى كوزى ەندى.

رەفورما − بار وزگەرىس ارقاۋى،
ءىرى تۇلعا، ءىرى ۇنمەن جار سالدى،
يگىلىگىن كوردى حالقى قارسى الدى،
سول ارقىلى بار تۇيىنشەك تارقادى،
سول ارقىلى اتتى جەڭىس ءار تاڭى،
سوندا ەلدىڭ دامۋى مەن دارقانى،
سوندا ەردىڭ دارىنى مەن نارقى ءارى،
سونىمەنەن كوش بيىككە تارتا الدى،
سونىمەنەن ەل ايباتى ارتا الدى.

زاڭمەن ەندى ەلىم ءبارىن باسقارماق،
زاماندانعان زاڭمەن ۇلى باسقا ارنا اپ،
زاڭسىز بيلىك تازالانىپ تاستالماق،
زاڭعار تەرەڭ ءبىر توڭكەرىس باستالماق،
زاڭمەن ەلىم كەمەلدەنىپ ناق تولماق،
زاڭمەن باقىت، باياندى ىرىس باق قونباق،
زاڭ شىن قورعاپ بارلىق ءىستى باستى العا اپ،
زاڭدى، الاڭسىز، ءادىل ورتا جاتتى ورناپ،
زاڭعا ۇيىپ شىعاردى جۇرت باسبارماق.

ۇلى ىنتىماق اسقار تاۋى ءبىزدىڭ ەل،
ۇلى دوستىق داستارقانى ءبىزدىڭ ەل،
جامانداردى جاسقانتادى ءبىزدىڭ ەل،
جاقسىلارعا باس تارتادى ءبىزدىڭ ەل.
ۇعام دەسەڭ ۇلىلىقتى بىزگە كەل،
ۇلتتى كورسەڭ ۇقساس وسكەن ءبىزدى كور،
ۇلت بىرلىگى رۋحىمىز ءبىزدىڭ ءور،
ۇياسى ۇلى بەرەكەنىڭ ءبىزدىڭ جەر،
ۇلتتىڭ ءتورى ەلۋ التى ءبىزدىڭ ءتور.

الىپ كۇننەن كۇندە الىپ كۇن شۋاق،
استى ولكەمدە ورنىقتىلىق، ىنتىماق،
قورعانىستى ىشكى - سىرتقى مىقتىلاپ،
قورعانىنا اينالدىق ەل مىقتى ناق،
بۇقاراعا بەرىپ ايبات كۇش - قۋات،
بۇزىقتاردىڭ زارە - قۇتى ۇشتى ناق.
بارلىق جەردە زاڭ بويىنشا ءىس تىنباق،
باياندى ىسكە جيىپ جىلدام كۇشتى ناق،
بار كومەكتى وتىز ولكە ۇستىنە اپ،
بارلىق جەرگە جاتىر ىرىس، قۇت قۇلاپ.

جاسىل ەلىم، اسپان جاسىل، جەر جاسىل،
جاسىلدىقتى جانى كورگەن ەر اسىل،
جاسىلدىقتى جاقسى كورگەن ەل اسىل،
جاسىل ءۇشىن اققان ادام تەرى اسىل،
جاسىل كىلەم جاپقان كوركەم جەر اسىل،
جاعاسى نۋ، ايدىنى اققۋ كول اسىل،
جاسىلدىقتا جاقسىلىق كوپ مول اسىل،
جاسىلدىقتا جاڭا ءومىر جول جاتىر،
جاسىل ەلىم، جاسا سۇلۋ بول دا تۇر.

قارا تەرەڭ، بىزدەگىنىڭ ءبارى اڭىز،
قايدان كەلدىك، قايدا كەتىپ بارامىز؟
قايتا - قايتا سۇراق قويسىن بالامىز،
ۇمىتپايمىز ەرتەنى ەسكە الامىز،
ۇزاپ سوندا ۇلى ارمانعا بارامىز.

ءداستۇر ءبىزدىڭ دارا تۇلعا انامىز،
ءداۋىر ءبىزدىڭ دانا تۇلعا پانامىز،
ءبىزدىڭ بۇل ەل جاتقان جەرى بابامىز،
ءبىز ۇلى ەلدە ۇلى باقىت تابامىز،
ءبىزدىڭ بۇگىن ەرتەڭ تاريح تاعى اڭىز.

قۇدىرەتى ۇلى ويىندا ۇلى ەلدىڭ،
قۇدىرەتى سەنىمىندە تۇر ەلدىڭ،
قۇدىرەتتى ءتۇستى تۇگەل نۇرى ەلدىڭ،
قۇدىرەتىنەن قۋاتتاندى جۇرەگىم،
سوعان سەنگەن ويى وزىق ۇلى ەدىم،
سول سەنىممەن نۇرلانادى رەڭىم،
سول سەنىممەن جەڭدىم ءبارىن بىلەمىن،
سول سەنىممەن ءجۇزىم جارىق جۇرەمىن،
سول سەنىممەن سوڭىندا مەن كۇلەمىن،
سول سەنىممەن كۇندە جاڭا كۇنى ەلىم.

كۇندەي تولىپ كۇنشىعىستان تۋاتىن،
كۇللى الەمگە كورسەتتى ەلىم قۋاتىن،
«ءبىر بەلدەۋ مەن ءبىر جول» شاشىپ نۇر التىن،
بىتكەن ەلدىڭ بىرلەستىردى مۇراتىن،
ءبىز بىتىردىك جەر شارىنا تىڭ قارقىن،
ءبىزبىز جانە جاڭا جاھان قۇراتىن،
ۇستاپ ۇلى دۇنيەنى تۇراتىن،
ۇيىپ باقىت بال قايماعى تۇناتىن،
ۇرانى الەم ۇشقان ۇيام تۇراعىم،
ۇلى ەلىمدى مىڭ جىل جىرلار مىڭ اقىن.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ