قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

سالاۋاتتى ءومىر سالتىن ۇستانا ءبىلىڭىز

داۋلەت مۇباراك ۇلى

2017.09.27 18:40 كەلۋ قاينارى : شينجياڭ گازەتىنەن

  زامان دامىپ، عىلىم - تەحنيكا جەتىستىكتەرى ادامدارعا كوپتەگەن قولايلىلىق تۋدىردى. زاماناۋي جابدىقتارمەن جۇمىس ىستەۋدىڭ ونىمدىلىگى بۇرىنعىعا قاراعاندا كوپ تەزدەدى. قىزمەتكەرلەر ءوز قىزمەتتەرىنىڭ تالابىنان شىعۋ ءۇشىن كۇنىنە 8 ساعات قىزمەت ىستەۋگە تۋرا كەلەدى. ارينە، بۇل ولاردىڭ قوعامنىڭ قاجەتىنەن شىعۋ ءۇشىن اتقارۋعا ءتيىستى بورىشى سانالادى. الايدا قىزمەت قاربالاستىعى كوڭىل كۇي تەپە - تەڭدىگىنە اسەر ەتىپ، ادامداردى رۋحاني جاقتان شارشاتادى دا، ەڭ سوڭىندا ويلاماعان اۋرۋلارعا شالدىقتىرادى. ونان قالسا، قازىرگى قولدانىپ وتىرعان جابدىقتارىمىزدان شىعاتىن راديواكتيۆتىك ساۋلەلەر، زاريادتار ۇزاق ۋاقىت پايدالانۋ بارىسىندا دەنساۋلىعىمىزعا زيان جەتكىزەدى. سوندىقتان قازىر الەمدەگى كوپتەگەن ەل «سالاۋاتتى ءومىر سالتىن» ۇستانۋدى باسا دارىپتەپ وتىر. ويتكەنى كوتەرىڭكى كوڭىل كۇيدى ساقتاپ، دەنساۋلىعىمىزعا زياندى ناشار ادەتتەردەن ارىلىپ، جۇمىس پەن دەمالىستى، دەمالىس پەن سپورتتى سايكەستىرە بىلگەندە عانا، دەنساۋلىعىمىزدى قورعاپ، اقاۋسىز ءومىر كەشىرۋگە بولادى.
  ەندەشە، سالاۋاتتى ءومىر سالتىن ۇستانۋ ءۇشىن نەلەردى ىستەۋىمىز كەرەك؟
  ءبىرىنشى، اشىق − جارقىن، ادال بولۋ
  بۇل كوڭىلدى ءومىر ءسۇرۋدىڭ كەپىلى. اشىق - جارقىن ادام كوپپەن شىعىسىمدى بولادى. ادەتتە، مۇنداي ادامداردىڭ دوسى كوپ بولادى دا، جابىرقاۋ، كوڭىلسىزدەنۋ سىندى رۋحاني كۇيزەلىسى از بولادى. اشىق - جارقىن بولۋ ادال بولۋدىڭ نەگىزى. ادامنىڭ نيەتى جاقسىلىققا بەيىمدەلگەن سايىن جان سارايى تازارىپ، كۇندەرى كوڭىلدى وتەدى. كەرىسىنشە بولعاندا، كوڭىل كۇي تۇراقسىزدانىپ، كوپتەگەن مازاسىزدىق پايدا بولادى. مۇنىڭ سوڭى كوپتەگەن رۋحاني اۋرۋعا اپارىپ سوعادى. سوندىقتان كوڭىل كۇيدى اشىق كۇندەي اجارلى ۇستاۋعا داعدىلانۋ كەرەك. سوندا عانا ءسىزدىڭ رۋحاني دۇنيەڭىز ءارقانداي ءبىر قىسىمعا، قيىندىققا توتەپ بەرە الادى. اشىق - جارقىن، ادال بولۋ قوعامنىڭ جاراسىمدىلىعىن اسىرىپ، ادامداردىڭ رۋحاني ساپاسىن كوتەرۋدە ەرەكشە ماڭىز الادى.
  ەكىنشى، جالعان سويلەمەۋ
  ادامدا بولۋعا ءتيىستى باستى قاسيەتتەردىڭ ءبىرى شىنشىلدىق. شىن سويلەيتىن ادام قاشاندا كوپتىڭ قۇرمەتىنە بولەنەدى. بولماشى ىستەردە ءوز باسىڭىزدى قورعاپ، نە بىرۋەدى قورعاشتاپ وتىرىك ايتۋدىڭ ءوزى ازاماتتىعىڭىزعا سىن. ەگەر بۇل ادەتكە اينالسا ەڭ قاتەرلى نارسە سول. سوندىقتان ءارقانداي ىستە جالعان سويلەمەۋ كەرەك. قازىرگى قوعام جونىنەن العاندا، ءارقانداي ءبىر ازاماتتى سانالى دەپ ايتۋعا ابدەن بولادى. ال سانالى ازامات ەشقاشان جالعان سويلەمەس بولار. شىندىق داۋرەندەگەن ورتادا عانا شىنايى ءومىر بولماق. ونان قالسا، شىنشىل بولۋ قازىرگى زاماننىڭ باستى تالاپتارىنىڭ ءبىرى.
  ءۇشىنشى، ويىنعا كوپ بەرىلمەۋ
  قاي زاماندا، قاي داۋىردە بولسىن، ادامدار ءار ءتۇرلى ويىندار تاپقىرلاپ ءارى سول ويىندارمەن كوڭىلدەرىن كوتەرۋدى ادەتكە اينالدىرعان. الايدا زامان دامىپ بۇگىنگى كۇنگە جەتكەندە، سول ويىنداردىڭ قاتارى تىپتەن مولايىپ، الدى شەكتەن شىعىپ ادامدىق ءمورالعا جات بولا باستادى. ايتار بولساق، قۇمار ويناۋ، كوڭىل اشۋ ورىندارىنا بەتالدى بارۋ، جوقتى سىلتاۋراتىپ ءمان - ماعىناسىز باس قوسۋلاردى ۇيىمداستىرۋ. ارينە، ءوز ورتاڭا لايىقتى، ماعىنالى كوڭىل كوتەرۋ سىزگە شاتتىق باعىشتايدى. الايدا تاتىمسىز، ءمان - ماعىناسىز ويىندارعا بوي الدىرا بەرۋ ءسىزدى ەڭ سوڭىندا ويىن قۇمار، ويسىز بىرەۋگە اينالدىرىپ جىبەرەرى انىق. سوندىقتان كوڭىل كوتەرگەندە ءوز ورتاڭىزعا ساي، ءارى مادەنيەتتى، ءارى جاراسىمدى بولعانى جاقسى. مۇنداي تارتىمدى باس قوسۋلار ادام كوڭىل كۇيىن سەرپىلتىپ، رۋحاني قىسىمنان ارىلتادى. سونىمەن بىرگە، قوعامنىڭ العا باسۋىنا، جاراسىمدىلىعىنا دا پايداسىن تيگىزەدى. سوندىقتان ادامدىق ءمورالعا جات،ءمان - ماعىناسىز، تارتىمسىز ويىندارعا قۇمارتۋدان ساقتانعان ءجون. زامان قاجەتىنە ساي مادەنيەتتى، ورەلى، عىلمي ويىندارمەن كوپ اينالىسۋعا كۇش سالىڭىز. ول ءسىزدى سالاۋاتىڭىزعا ساي كەلەتىن تاماشا ومىرگە جەتەلەيدى.
  ءتورتىنشى، تەمەكىگە كوپ جولاماۋ
  اۋەلى، تەمەكى ءوز دەنساۋلىعىڭىزعا زيان. تەمەكىنىڭ قۇرامىنداعى ادام اعزاسىنا زالالدى ەلەمەنتتەر، ەڭ اۋەلى، وكپەڭىزدى كەرەكتەن شىعارادى دا، كوپتەگەن اۋرۋلارعا دۋشار قىلادى. ونان سوڭ، قاسىڭىزداعى ادامدارعا، اسىرەسە، سابيلەردىڭ اقىل - ويىنىڭ ءوسىپ - جەتىلۋىنە ەرەكشە زيان. سوندىقتان ءوزىڭىز، وتباسىلارىڭىزداعىلار ءۇشىن، جەتكىنشەكتەرىڭىزدىڭ ساۋ دەنەلى بولىپ ءوسۋى ءۇشىن تەمەكىگە كوپ جولاماعان جاقسى. ويتكەنى ءسىز وزىڭىزگە عانا ەمەس، وزگەلەردىڭ دەنساۋلىعىنا دا زيان كەلتىرىپ وتىرسىز. شىنىن ايتقاندا، بالا كورگەنىن ىستەيدى. جاقسى مەن جاماندى پارىقتامايدى. ءسىزدىڭ ولاردىڭ كوزىنشە كوك ءتۇتىندى بۇرقىلداتىپ، كوك تەمەكىنى قۇشىرلانا سورىپ جاتقانىڭىز ولارعا قىزىق سەزىلەدى. قىزىققان بالا قىزىقتاي كەلىپ، تاستاي سالعان تۇقىلىڭىزدى قاعىپ الىپ، سول ارەكەتىڭىزدى قايتالامايدى دەپ ايتا الاسىز با؟ سوندىقتان ۇيىقتاپ جاتقان سابيگە، وتىرعان بالا - شاعاعا قاراماي اياداي ءۇيدى كوك تۇتىنگە كومىپ وتىرماڭىز.ءسىزدىڭ تەمەكىنى قاي ورتادا، قانداي جەردە تارتقانىڭىزعا قاراپ - اق ءسىزدىڭ مادەني ورەڭىزدى بىلۋگە بولادى. سول ءۇشىن تەمەكىگە كوپ جولاماڭىز.
  بەسىنشى، سپورتپەن اينالىسۋ
  ساۋ دەنەلى ءومىر كەشىرۋىڭىز ءۇشىن سپورتپەن اينالىسۋ كەرەك. زامان دامىعان سايىن قىزمەت ونىمدىلىگى دە ارتادى. دەسەدە، ءار جۇمىستى دەڭگەلەك اينالدىرىپ وتىرعان قىزمەتكەرلەردىڭ ءار كۇنى 8 ساعات تاپجىلماي وتىرۋىنا تۋرا كەلەدى. كەشتە قىزمەتتەن شارشاپ قايتقان سوڭ، ۇيگە بارىپ جانتايىپ جاتىپ دەمالعىڭىز كەلەدى. ءبىراق بۇل دەمالۋ ەمەس، دەنساۋلىقتان ايرىلۋ بولماق. سوندىقتان ءار ادام قىزمەت پەن دەمالىستى ۇشتاستىرا ءبىلۋى كەرەك. اسىرەسە، رۋحاني جاقتان قاربالاستىققا تۇسۋگە استە بولمايدى. ايتپەسە، كوڭىل كۇي جاقتا كۇيزەلىپ، مازاسىزداناسىز. ەگەر وسىنداي كوڭىلسىزدىككە جولىققان بولساڭىز، سپورتپەن اينالىسىڭىز. كەشكى سالقىندا نەمەسە تاڭعى كۇننىڭ نۇرىنا مالىنىپ بوي جازۋ، جۇگىرۋ قاتارلى ارەكەتتەر ءسىزدىڭ جان دۇنيەڭىزدى جەلپىندىرەدى، رۋحىڭىزدى سەرپىلتىپ، تىڭ تەبىن سيلايدى. ۇنەمى جالعاستىرعانىڭىزدا جان دۇنيەڭىز نۇرلانىپ، دەنساۋلىعىڭىز نىعايادى. «اسا بايلىق نە كەرەك، دەن ساۋ بولسا بولعانى» دەپ بەكەر ايتپاعان بولسا كەرەك. دەنساۋلىعىڭىزعا كوڭىل بولگەنىڭىز، بەرى ايتساق وزىڭىزگە، ارى ايتساق وتباسىڭىزداعىلارعا دەگەن جاۋاپكەرشىلىگىڭىز سانالماق. سول ءۇشىن، سپورتپەن اينالىسۋ سالاۋاتتى ءومىر سالتىن ۇستانۋدا كەم بولسا بولمايدى.
  سالاۋاتتى ءومىر سالتىن ۇستانۋ ءۇشىن جوعارىداعى 5 ءتۇرلى شارتتى ورىنداۋ اسا قاجەتتى. ال ءسىزدىڭ بۇل ۇستانىمدى بويىڭىزعا دارىتقانىڭىز، ۇرپاقتارعا ونەگە بولۋمەن بىرگە، قوعامعا پايدالى. بىلايشا ايتقاندا، كۇللى دۇنيە نازاردا ۇستاپ، ۇندەۋ جاساپ وتىرعان وسى ءبىر ۇستانىمعا ەرتەرەك كەلگەنىڭىز، وزىڭىزگە بۇرىلىس جاساپ، مادەنيەتتى دارىپتەپ، قوعامعا ۇلەس قوسقانىڭىز سانالادى. دەنساۋلىعىم اقاۋسىز، كوڭىل كۇيىم كوتەرىڭكى، ءومىرىم ءمان - ماعىنالى بولسىن دەسەڭىز، بۇل ءسىزدىڭ بىردەن - ءبىر تالعامىڭىز سانالادى. اشىق - جارقىن، ادال نيەتتە بولىپ، شىن سويلەپ، شىن كۇلىپ، باسقالارمەن شىعىسىمدى بولىپ، تەمەكىگە كوپ جولاماي، سپورتپەن اينالىسىپ ورەلى ءومىر كەشۋ قانداي تاماشا! قىزىققان بولارسىز؟ ەندەشە، قاپى قالماي ەرتەرەك قامدانىڭىز!!! بۇل ءسىزدىڭ دە قولىڭىزدان كەلەدى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ