قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

بولام دەگەن بالانىڭ بەتىن قاقپا...

2017.09.27 18:38 كەلۋ قاينارى : شينجياڭ گازەتىنەن

بالا اعاتتىق وتكىزگەندە جازعىرۋ − ەل الدىندا بالانىڭ ار - نامىسىن تاپتاعاندىق
  ولاي بولسا، بالا اعاتتىق وتكىزگەندە قالاي ىستەۋ كەرەك؟
  بالا كەزىم، ءبىر كۇنى كورشىنىڭ قىزى ەكەۋىمىز شەشەلەرىمىزگە ىلەسىپ سۋ ءۇستى باقشاسىنا بارىپ وينادىق.
  سۋدا ءجۇزىپ كورمەگەن ەكەۋىمىز شەشەلەرىمىزگە بىلدىرمەي، ءجۇزۋ كولشىگىنە ءتۇسىپ كەپ قالعانىمىزدا اۋزى - مۇرنىمىزعا سۋ كىرىپ تىنىس الا الماي قالدىق. ءبىزدى قۇتقارۋ قىزمەتكەرلەرى سىرتقا الىپ شىقتى.
  قورىققاننان نە ىستەرىمدى بىلمەي تۇرعانىمدا، شەشەم جۇگىرىپ كەلىپ: الباتى جۇرمە دەگەنىم قايدا الگىندە، مۇنىڭ نە، تۇنشىعىپ قالساڭ قايتەر ەدىڭ؟ - دەپ ۇرسا جونەلدى.
  شەشەمنىڭ سوزىنەن باقىرىپ جىلاپ جىبەردىم. وسى ساتتە، كورشىنىڭ شەشەسى قىزىن جۇباتا: مىنە، مەنىڭ قۇلىنىم سۋعا جۇزە الاتىن بولىپتى، كەرەمەت! - دەپ ەكەۋى كۇلە ورىندارىنان تۇردى.
  سول كۇننەن باستاپ، كورشىنىڭ قىزى سۋعا ءجۇزۋدى ۇيرەندى، ال مەن باتىنا المادىم.
  مەن مىنە وسىنداي وتباسىندا ەرجەتتىم. قارشادايىمنان باستاپ باسقالارعا قارسى پىكىر ايتۋدان جاسقاناتىن، اكە - شەشەمنىڭ بولماشى ىسكە بولا ماعان ۇرسۋىنان قورقاتىن ەدىم. ال كورشىمىزدىڭ قىزى ۇلكەيگەن سايىن ەركىن ويلاپ، ءوز ويلاعانىن ىستەيتىن، باتىل بولىپ ەسەيدى.
  مەن ۇنەمى: ەگەر ەكەۋىمىزدىڭ شەشەمىزدى الماستىرعان بولسا، مەندە دە بالالىق شاقتان ەسكە الارلىق قىزىقتى ەستەلىكتەر بولار ەدى، - دەپ ويلايمىن.
  جازعىرۋ پايداسىز تاربيە
  كىمنىڭ بالاسى جىعىلىپ - سۇرىنبەيدى؟ كىمنىڭ بالاسى سۋعا جۇزگەندە تۇنشىقپايدى؟ كىمنىڭ بالاسى تاماق جەگەندە توگىپ - شاشپايدى دەيسىز؟
  ءسىز ەگەر بالانىڭ بىرەر ءىستى اعات ىستەۋىنە جول بەرمەيتىن اكە - شەشە بولساڭىز، وندا ءسىز اعاتتىق وتكىزگەن بالاعا نە ايتارىڭىزدى الدىن الا ويلاپ كوردىڭىز بە؟ بالكىم، سول ويلانباي ايتقان ءبىر اۋىز ءسوزىڭىز بالانىڭ مىنەز - قۇلقىنا ءومىر بويى ىقپال جاساۋى مۇمكىن.
  كوپتەگەن اتا - انالار بالاسىنىڭ بولماشى اعاتتىعىنا بولا ءتۇرلى جاعىمسىز سوزدەرمەن ياناتتاپ، ۇرسادى:
  «ساعان شىقپا دەپ ايتتىم، ەندى نە بولدى!»
  «ال ەندى جىعىلىپ قالدىڭ؟ جات سول جەردە!»
  «الدىڭا قاراپ جۇرسەڭشى!»
  «وسىنداي كىشكەنە ءىستى دە ىستەي المايسىڭ با، ەلدىڭ بالاسىنا قاراشى!»
  «ايتقاندى ۇقپاي كەتىپ ەدىڭ، شوق بالەم!» وسى تەكتەس سوزدەردى ءجيى ايتقانىمەن، ءبارى ءارقانداي اتا - انانىڭ شىن كوڭىلىنەن شىققان ءسوز ەمەس، كىم ءوز بالاسىن جاماندىققا قيسىن؟
  الايدا، وسى سوزدەر شىن كوڭىلمەن ايتىلماعان بولسا دا، كىشكەنتاي بالا مۇنى قايدان تۇسىنە السىن؟
  مەنىڭشە، وسىنداي جازعىرۋلار تاربيە بولماستان، قايتا ەل الدىندا بالانىڭ ار - نامىسىن تاپتاۋ بولماق.
  كوپتەگەن ادامدار «كىشكەنتاي بالادا نە قىلعان ار - نامىس»؟ - دەيدى، ءبىراق وسى ۇرىستاردى كوپ ەستىگەن بالا باسقالار ءوزىن مازاقتاپ، تابالاپ تۇرعانداي سەزىنەدى. سودان باستاپ بالانىڭ مىنەز - قۇلقى بىرتە - بىرتە وزگەرە باستايدى.
  ۇرىستى كوپ ەستىگەن بالا تارتىنشاق بولىپ، اعاتتىق وتكىزگەن كەزدە جاسقانشاق، قيىنشىلىققا جولىققاندا دارمەنسىز، ماسەلەگە كەرەناۋ تالداۋ جاسايتىن بولادى.
  وندا بالانىڭ بەلسەندىلىگىن ارتتىرۋ ءۇشىن قالاي ىستەۋ كەرەك؟
  الدىمەن دۇرىس جاعىن ماقتاۋ
   ەڭ قاراپايىم ءادىس ول كوپ ادام بىلەتىن «جارتى ستاكان سۋدىڭ» اڭگىمەسى. بەلسەندى اتا - انا: بىزدە تاعى جارتى ستاكان سۋ بار، - دەسە. ال كەرەناۋ اتا - انا: بىزدە تەك جارتى ستاكان سۋ قالدى، - دەيدى.
  ءسىز بالانى باس سالىپ ۇرسا جونەلسەڭىز، ول كەرەناۋ پوزيتسياعا بوي الدىرادى. سوندىقتان بالا اعاتتىق وتكىزگەن كەزدە نەمەسە قيىنشىلىققا جولىققاندا، الدىمەن جاقسى جاعىن ماداقتاپ، ودان كەيىن قاتەلىگىن كورسەتىپ بەرۋ كەرەك.
  اتا - انا ءوزى ۇلگى بولۋ كەرەك
  بالانىڭ باسقالارعا ەلىكتەيتىن تۋما قابىلەتى بولادى. ەگەر اتا - انا بولعان ادام ۇنەمى اھىلاپ - ۇھىلەپ، اشۋلانىپ جۇرەتىن بولسا، بالادا سوعان ەلىكتەپ كەرەناۋ، بويكۇيەز بولىپ، ءتىپتى، اتا - انانىڭ بار كەمشىلىگىن بويىنا جيىپ الادى.
  سوندىقتان دا كەيبىر بالالار بىرەر ىستە جۇرەكسىنىپ، اعاتتىق وتكىزۋدەن الاڭداپ، ءتىپتى، اعاتتىق وتكىزسە، ساسقالاقتاپ نە ىستەرىن بىلمەي قالادى. سوندىقتان اتا - انالار ءسوز - ارەكەتتە سىپايى بولىپ، بايسالدىلىقپەن بالانى كوبىرەك سىناپ كورۋگە جىگەرلەندىرىپ، بالانىڭ ءوزى سىناپ كورۋ بارىسىنداعى ناتيجەلەردى ءوزى ۇستىنە الۋعا تاربيەلەپ، جاۋاپكەرلىك ارقالاۋ تانىمىن جەتىلدىرۋگە مۇمكىندىك جاراتۋى ءتيىس.
  حانزۋشادان اۋدارعان: تولقىن ايتان قىزى
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ