قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

كوڭىل ايناسىن شاڭ باسپاسا، سوعان قاراپ بوي تۇزەۋگە بولادى

حۋيان

2017.09.27 18:37 كەلۋ قاينارى : شينجياڭ گازەتىنەن

  كەڭسەگە جاڭا پراكتيكانت كەلدى، 1993 - جىلى تۋعان بۇل كىشكەنتاي قىز كوپشىلىكتىڭ «قاعىلەز، پىسىق» دەگەن باعاسىنا يە بولدى. اڭگىمە ۇستىندە ءوزىنىڭ 8 جاسىندا ۇن يلەۋدى ۇيرەنىپ، قازىر ءارقانداي ءۇي شارۋاسىن ىستەي الاتىنىن ايتتى. وقۋ كەزىندە ءبىر جاعىنان، سيلىق اقشا السا، ەندى ءبىر جاعىنان، بوس ۋاقىتىنان پايدالانىپ ءوزى اقشا تاۋىپ، تۇرمىسىن قامدايدى ەكەن. مىنە وسىنداي قاعىلەز، قاجىرلىلىعىنىڭ ارقاسىندا ەلدى ەرىكسىز وزىنە ءتانتى ەتىپ، ۇنەمى باسقالاردىڭ كومەگىنە يە بولادى.
  الايدا، اۆتوردىڭ ەسىنە تاعى ءبىر بالا ءتۇستى، 1992 - جىلى تۋعان، الدىڭعى جىلى وقۋىن ءبىتىرىپ، ۇيىندە قىزمەت كۇتكەلى جارتى جىلدان اسقان. زورعا دەگەندە ءبىر قىزمەت تابادى، تابىسى ماردىمسىز بولسا دا، اقشانى كول - كوسىر جۇمساپ، اي سوڭىنا جەتپەي قۇرالاقان قالىپ، اتا - اناسىنان بارىپ اقشا سۇرايدى. ال وسى بالانىڭ وقۋشى كەزىندەگى ءتۇرلى ىستەرىنەن اۆتوردىڭ دا حابارى بار ەدى: اي سايىن 3000 يۋانعا تاياۋ تۇرمىستىق قاراجات جۇمسايدى، جۇمىس ىستەيىن دەسە قيىنشىلىقتان قورقادى، قىستىق، جازدىق دەمالىستاردا اقشانى سۋشا شاشادى. ال قازىر وسى بالانىڭ: «تاعدىر ماعان ادىلەتسىز بولدى» دەۋدەن باسقا ايتارى جوق.
  بالا بولسا اتا - انانىڭ كولەڭكەسى ىسپەتتى، 90 - جىلدان كەيىن تۋعان، ءبىر - بىرىنە مۇلدە ۇقسامايتىن بۇل 2 بالا مۇلدە وزگەشە 2 ءتۇرلى وتباسى تاربيەسىن ايگىلەدى. ءبىرىنشى بالانىڭ اتا - اناسى وعان قاتال تاربيە بەردى، كىشكەنتايىنان باستاپ ونىڭ دەربەس كۇن كورۋ قابىلەتىن جەتىلدىرىپ، شاماسى كەلەتىن ىستەردى ءوزى ىستەۋىن تالاپ ەتىپ، باس ارتىق ەركەلىكتەن تيىپ وتىرعان. بالا اقاۋسىز تۇرمىس ادەتىن قالىپتاستىراتىن بولسا، اتا - اناسى دا ەركىن جاسايتىن بولادى. 2 بالادا جالاقى الاتىن قاراپايىم وتباسىندا دۇنيەگە كەلگەن، الايدا ەكىنشى بالانىڭ اتا - اناسى ونى الاقانىنداعى اسىلىنداي ايالاپ، جۇمىس ىستەتكىزبەي، ايتقانىن ەكى ەتپەي، قولدارى قىسقا بولسا دا، بالاسى الام دەگەن نارسەسىن ساتىپ الىپ بەرەدى! ەركەلەتىپ ەركىنە جىبەرگەن بالا ەڭ سوڭىندا دەربەس ءومىر سۇرە المايتىن جاعدايعا جەتەدى. بۇل كۇندەرى، اتا - اناسى بالاسىنىڭ بوس بەلبەۋ بولىپ ەرجەتكەنىنە اشۋلانىپ، ۇنەمى بالاسىن «جەتەسىز» دەپ جازعىرادى.
  «بالاپان ۇيادان نەنى كورسە، ۇشقاندا سونى الادى». بالانىڭ وي ساناسىنا كىشكەنتايىنان باستاپ دەربەستىكتى، قاجىرلىلىقتى سىڭىرسەڭ، ەسەيە كەلە ءوزى جولىققان ءارقانداي ماسەلەنى ءوز كۇشىنە سۇيەنىپ شەشۋدى الدىمەن ويلاستىرادى، تاجىريبە قورىتا ءجۇرىپ اقىرىن - اقىرىن پىسىپ جەتىلەدى؛ قاشاندا شولجاڭداتىپ، ساناسىنا «كۇتۋ، سۇيەنۋ، الۋ» يدەيالارى سىڭگەن بالادان ۋنيۆەرسيتەت بىتىرگەننەن كەيىن ونىڭ تالانتتى بولۋىنان، ءوز جانىن ءوزى باعا الاتىن ازامات بولۋىنان قالاي ءۇمىت كۇتەمىز؟ بالانىڭ وزىندە دە كەمشىلىك بار، الايدا ماسەلەنىڭ توركىنى وتباسى تاربيەسىندە جاتىر.
  بالانى جاستان تاربيەلەۋ كەرەك. اۆتوردىڭ بالاسى ءالى كىشكەنە، بالا تاربيەسى جاعىنان ءالى اۋىز اشۋعا كەلمەيدى. الايدا اۆتور ءسابي بالاعا كەرەكسىز زاتتاردى قوقسىق ساندىعىنا لاقتىرۋدى بىرنەشە رەت قايتالاتقاننان كەيىن، بالا كەرەكسىز زاتتى قوقسىق ساندىعىنا لاقتىرۋدى ۇيرەنگەنىن؛ ۇيدەن شىعاردا اتا - اپاسىنا قوش دەپ ايتۋدى بىرنەشە رەت قايتالاتقاننان كەيىن، بالا ادەپتىلىككە جاتىلعانىن، ءتىپتى، تانىمايتىن اتا - اجەلەردى كورسەدە وزدىگىنەن قول بۇلعاپ قوشتاساتىنىن بايقايدى. اتا - انا بەينە اينا ىسپەتتى، بالالار وسى ايناعا قاراپ بوي تۇزەيدى. ءبىز اتا - انالار وسى «ايناعا» شاڭ جۇقتىرماۋعا، دەر كەزىندە تازالاپ تۇرۋعا ءوزىمىزدى قۋزاپ تۇرۋىمىز كەرەك.
  بۇل كۇندەرى كوپتەگەن اتا - انالاردا «3 جوق» دەگەن سىن ايتىلادى: ءبىلىم قورى جوق، ءبىلىمسىز؛ عىلمي ءتاسىلى جوق، امالسىز؛ بالانىڭ ەسەيىپ - ەرجەتۋىنە ىلەسە، ەڭ سوڭىندا «شاراسىز» قالعاندار. ءتىپتى «جەتەسىز بالانىڭ» ارتىندا «جەتەسىز اتا - انا» تۇرادى دەيدى. جاعدايعا كوز سالار بولساق، كەيبىر اتا - انالار بالاسىنىڭ ۇيرەنۋى عانا جاقسى بولۋىن تالاپ ەتكەندىكتەن، سوڭىندا جوعارى ءنومىرلى، تومەن قابىلەتتى بالا شىعىپ وتىر؛ كەيبىر اتا - انالار بالاسىن شولجاڭداتىپ وسىرەدى دە، سوڭىندا ۇيدە دە، تۇزدە دە ءوزى ءبي، ءوزى قوجاعا اينالىپ وتىر؛ كەيبىر اتا - انالاردىڭ مىنەز - قۇلقى جاقسى ەمەس، سوڭىندا بالادا اتا - اناسىنا قاراپ، جامان ادەتتەردى جۇقتىرادى... اينانى ۇنەمى تازالاسا، جارقىراپ تۇرادى، وتباسى تاربيەسى دە ءدال مىنە وسىنداي. ەشكىمدە ءاۋ باستان - اق تولىمدى اتا - انا بولا المايدى، ءبىز تەك وزىمىزدەگى ماسەلەلەردى ۇزدىكسىز تۇزەتىپ، بالا تاربيەلەۋگە قاتىستى بىلىمدەردى بەلسەنە ۇيرەنىپ، اتا - انالىق ساباعىمىزدى جەتكىلىكتى، ويداعىداي ازىرلەگەندە عانا، بالانى ويداعىداي تاربيەلەۋدىڭ دۇرىس جولىن ۇستاي الامىز.
  جاقىندا حاڭجوۋ قالاسى ەلىمىزدەگى ءبىرىنشى رەتكى اتا - انا كۋالىگىن تاراتتى، ونىڭ ماقساتى اتا - انالارعا وتباسى تاربيەسى بىلىمدەرى مەن تاجىريبەلەرىن ۇيرەتەتىن، پىكىر الماستىراتىن تۇعىر ازىرلەۋ، سونداي - اق وسى ارقىلى ءتىپتى كوپ تولىمدى اتا - انالاردى تاربيەلەپ شىعۋ. اتا - انا بولۋ ءبىزدىڭ ومىرلىك ءىسىمىز، قايتكەندە تولىمدى اتا - انا بولۋعا بولادى؟ بالاعا قانداي وتباسى تاربيەسىن بەرەمىز؟ مىنە بۇل ءاربىر اتا - انانىڭ تەرەڭ ويلانۋىنا، وقۋ - اعارتۋ تاراۋلارىنىڭ كوڭىل بولۋىنە تاتيدى. اتا - انالارعا ءتىپتى كوپ وسىنداي تۇعىرلار قۇرىپ، قاتىستى تاربيەلەردى ورىستەتىپ، اتا - انالار وزدەرىنىڭ ءسوز، ءىس - ارەكەتتەرى ارقىلى بالالارىنىڭ الدىنداعى «اينانى» تازا ۇستاعاندا عانا، بولاشاقتىڭ ۇزدىك ۇرپاقتارىن تاربيەلەپ شىعامىز.
   حانزۋشادان اۋدارعان: نۇربەك ماقىمەت ۇلى
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ