قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

كوكتەم سامالى وپكەن وركەنيەتتى ءوڭىر

ءتىلشىمىز گاۋ فاڭ

2017.09.25 16:14 كەلۋ قاينارى : شينجياڭ گازەتىنەن

  پارتيا 18 - قۇرىلتايىنان بەرى، رايونىمىزدىڭ مادەنيەت ىستەرى قاۋىرت دامىدى، الەۋمەتتىك مادەنيەتكە قىزمەت كورسەتۋ جۇيەسى قۇرىلىسى جاپپاي ىلگەرىلەپ، كۇن سايىن كەمەلدەندىرىلدى؛ مادەنيەت قيمىلدارىنىڭ شۇعىلالى تابىسى ايرىقشا ايشىقتالىپ، نەگىزگى ساتىداعى بۇقارا شىناي−ى يگىلىكتەندى؛ مادەنيەت سالاسىنىڭ دامۋ ارىنى تاسقىندادى؛ مادەنيەت مۇرالارىن قورعاۋ قىزمەتى تاريحي سيپاتتى تابىسقا جەتتى. رايونىمىز شينجياڭ قوعامىنىڭ ورنىقتىلىعى مەن باياندى تىنىشتىعى باس نىساناسىن تىعىز ارقاۋ ەتىپ، مادەنيەت قىزمەتىن تاباندىلىقپەن ىلگەرىلەتىپ، ىرىقتىلىقپەن دامىتىپ، رايونىمىزداعى ءار ۇلت بۇقاراسىنىڭ كۇن سايىن ارتىپ كەلە جاتقان رۋحاني مادەنيەت قاجەتىن قاناعاتتاندىرىپ، باس نىسانانى جۇزەگە اسىرۋعا قۋاتتى، مىعىم رۋحاني كۇش توپتادى.  
  كۇشتى نەگىزگى ساتى مادەنيەت قۇرىلىسىنا شوعىرلاندىردى
  30 - تامىزدا ءۇرىمجى قالاسى «ءان - جىرىمىزدى پارتياعا ارنايمىز» تاقىرىبىندا بۇقارالىق ءان ايتۋ جارىسىن وتكىزدى. قالاعا قاراستى 7 رايون، ءبىر اۋداننان كەلگەن 100دەن استام حور ۇيىرمەسىنىڭ ونەرپازدارى پارتيا 19 - قۇرىلتايىنىڭ جەڭىسپەن اشىلۋىن اسەم انىمەن قارسى الدى. رايونىمىزدا مۇنداي نەگىزگى ساتى كوركەمونەر ۇيىرمەلەرى از ەمەس. قالادان اۋىل - قىستاقتارعا دەيىن بۇقارالىق مادەنيەت الاڭدارى، سارايلارى تىڭنان سالىنىپ، قۇرىلىعىلارى جاڭالانىپ، الەۋمەتتىك مادەنيەتكە قىزمەت كورسەتۋ قامتىمى بارعان سايىن كەڭەيىپ، ءتىپتى دە كوپ نەگىزگى ساتى بۇقاراسىنا پايدا جەتكىزدى.
  2015 - جىلى قىركۇيەك ايىندا ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق شۋجيچۋدىڭ شۋجيى، ورتالىق كوميتەت ۇگىت ءبولىمىنىڭ باستىعى ليۋ چيباۋ شينجياڭعا قىزمەت تەكسەرە كەلگەندە، شينجياڭنىڭ نەگىزگى ساتى مادەنيەت قۇرىلىسىنداعى 6 ءتۇيىندى نىساندى دەمەۋدى ورتاعا قويعان بولاتىن. مادەنيەت باقشاسىن ولشەمدەستىرۋ قۇرىلىسى نىسانى، بازارلارداعى ۇگىت - تاربيە ۇلگى كورسەتۋ ءتۇيىنى قۇرىلىس نىسانى، ايماق، اۋداندارداعى پارتكوم ۇگىت بولىمدەرىنىڭ كەڭسە جابدىقتارىن تولىقتاۋ نىسانى، بيڭتۋاننىڭ ديۆيزيا، پولك ۇگىت بولىمدەرى كەڭسەسىنىڭ جابدىقتارى نىسانى، اۋدان دارەجەلى سيفرلى كينوحانالار قۇرىلىسى نىسانى، سونداي - اق وڭتۇستىك شينجياڭداعى 3 ايماق، وبلىستاعى قىستاق مادەنيەت ۇيلەرىن جابدىقتاۋ نىساندارىن قامتيتىن بۇل ءتۇيىندى نىساندارعا 89 ميلليون 720 مىڭ يۋان قارجى سالىندى.
  رايونىمىز مادەنيەت ارقىلى حالىققا تيىمدىلىك جەتكىزۋ شاراسىن ءبىر - بىرلەپ اتقارىپ، قالادان اۋىل - قىستاققا دەيىن مۇمكىن بار ءاربىر ادامعا دەيىن جەتكىزۋگە كۇش سالدى. الەۋمەتتىك مادەنيەتكە قىزمەت كورسەتۋ شارالارى بىركەلكى دامىتىلىپ، قالا، اۋىلداردى تۇگەل قامتىعان وسى زامانعى الەمەۋتتىك مادەنيەتكە قىزمەت كورسەتۋ جۇيەسى قالىپتاسىپ ۇلگەردى. وڭتۇستىك شينجياڭداعى 3 ايماق، وبلىستاعى قىستاق دارەجەلى مادەنيەت ۇيلەرىنىڭ قۇرىلعى جابدىقتارىن، 7 - توپتاعى قالا، ءمالى، الەۋمەتتىك اۋماقتارداعى مادەنيەت ۇيلەرىنىڭ قۇرىلعى جابدىقتارىن، اۆتونوميالى رايون دارەجەلى كەدەي قىستاقتارداعى مادەنيەت قيمىل ۇيلەرىنىڭ قۇرىلعى جابدىقتارىن تولىقتاۋ قىزمەتى جاپپاي اقىرلاستى. ەلەكتروندى كىتاپ وقۋ الەۋمەتتىك ءۇيى مەن شەكارا وڭىرلەردەگى 10مىڭ شاقىرىمدىق سيفرلى مادەنيەت ءدالىزى قۇرىلىسى ساتىمەن ىلگەرىلەتىلۋدە. وتە - موتە، 2014 - جىلى مادەنيەت - كوركەمونەر قىزمەتى جونىندەگى اڭگىمە ءماجىلىسى اشىلعاننان بەرى، ءتىپتى دە كوپ مادەنيەت - كوركەمونەر قىزمەتكەرلەرى تۇرمىسقا ىشكەرىلەي ارالاسىپ، نەگىزگى ساتىدا تامىر تارتىپ، بۇقاراعا «مادەنيەت جەتكىزىپ»، نەگىزگى ساتىعا مادەنيەت تاراتتى.
  ءبىر - بىرلەپ اتقارىلعان مادەنيەت ارقىلى حالىققا تيىمدىلىك جاساۋ شارالارى سوتسياليستىك وزەكتى قۇن كوزقاراسىنىڭ ادامدار جۇرەگىندە تامىر تارتىپ، ءار ۇلت حالقىنىڭ مادەنيەت ورەسى مەن قۇن جونىندە تۇجىرىم جاساۋ قابىلەتىن جوعارىلاتتى، ءار ۇلت حالىق بۇقاراسىنىڭ اقيقاتقا، كەمەلدىلىككە، كوركەمدىككە تالپىنۋ تالعامى مەن كوركەم بولاشاق تۇرمىسقا دەگەن ىنتالى ءۇمىتىن لاۋلاتتى.
  تاڭداۋلى مادەنيەت قيمىلدار شينجياڭدى نۇرلاندىردى
  رايونىمىز جۇڭگو شينجياڭ حالىقارالىق ۇلتتىق ءبي فەستيۆالى، جۇڭگو − ازيا - ەۆروپا كورمەسىنىڭ «جۇڭگو - شەتەل مادەنيەت كورمەسى اپتالىعى»، جۇڭگو شينجياڭ حالىقارالىق كوركەمونەر قوس جىلدىق كورمەسى سياقتى ءبىر قىدىرۋ تاڭداۋلى مادەنيەت قيمىلدارىن وتكىزىپ، رايونىمىزدىڭ «ۇلتتارى تاتۋ - ءتاتتى، كوركەمونەرى وركەندەگەن، مادەنيەتى اشىق» بولۋداي ينفورماتسيانى دۇنيە ءجۇزىنىڭ جەر - جەرىنە جەتكىزدى.
  سوڭعى جىلدارى رايونىمىزدىڭ كوركەمونەر قىزمەتكەرلەرى بەلسەنە ءۇن قوسىپ، كوپ ۇلتتىڭ ءداستۇرلى مادەنيەتىندەگى ۇزدىك تۋىندىلاردان ءنار الىپ، باس نىسانانى توڭىرەكتەي وتىرىپ، «ءبىر بەلدەۋ، ءبىر جولدىڭ» داۋىرلىك تاريحي استارىمەن بىرلەستىرىپ، «ءان - ءبي مەكەنى» اتانعان شينجياڭنىڭ ۋاكىلدىك سيپاتتى ويىن نومىرلەرى جاسامپازدىعىن مىقتى ۇستاپ، ءبىر قىدىرۋ تاڭداۋلى كوركەمونەر تۋىندىلارىن دۇنيەگە اكەلدى.ءان - ءبي تەاترى «تيانشانعا ماحاببات»، كولەمدى مۋزيكا، ءبي، ولەڭ، سۋرەتپەن ارلەنگەن «مۇقام اسەرى» مەملەكەتتىك 5 - كەزەكتى از ۇلتتار ادەبيەت - كوركەمونەر كونسەرتىندە ۇزدىك ناتيجەگە قول جەتكىزدى. اۆتونوميالى رايونعا توتە قاراستى تەاتر ۇيىرمەلەرى مەن ءارقايسى ايماق، وبلىستارداعى ادەبيەت - كوركەمونەر مەكەمەلەرى ءبىر ءبولىم تاڭداۋلى ساحنالىق قويىلىمدارىن جاڭادان جاساپ، جۇرتپەن جۇزدەستىردى.
  مادەنيەت شارۋاشىلىعىنان كوپتەگەن جاڭالىقتار جارىققا شىقتى
  13 - كەزەكتى جۇڭگو (شىنجىن) حالىقارالىق مادەنيەت شارۋاشىلىعى كورمەسى ساۋدا ايىرباس جينالىسى بيىل 11 - مامىردان 15 - مامىرعا دەيىن شىنجىن كورمە ورتالىعىندا ءوتتى. وسى كورمەدە شينجياڭنىڭ كورمە توپتارى كەلىسىم سوماسى 12 ميلليارد 658 ميلليون يۋاندى قۇرايتىن كەلىسىمگە قول قويىسىپ، تاريحتاعى جاڭا ورەنى جاراتتى.
  2016 - جىلى تامىز ايىندا «اۆتونوميالى رايوننىڭ مادەنيەت شارۋاشىلىعىن دامىتۋ جونىندەگى ارناۋلى جوسپارى» جاسالدى. بۇل جوسپار رايونىمىزدىڭ مادەنيەت بايلىق قاينارى وڭىرىنەن مادەنيەتى وركەندەگەن وڭىرگە اينالۋ اياق الىسىن تەزدەتىپ، رايونىمىزدى «جىبەك جولى مادەنيەت اۋىس - كۇيىسىندەگى وزەكتى رايون»، «كوپ نەگىزدى مادەنيەتتى توعىستىرۋداعى كوش باسشى رايون» جانە «ەرەكشە مادەنيەتتى قورعاۋ جانە وعان مۇراگەرلىك ەتۋدەگى ۇلگىلى رايون» ەتىپ قۇرىپ شىعۋعا تۇرتكىلىك رول اتقارۋدا.
  قازىر رايونىمىزدا مەملەكەت دارەجەلى مادەنيەت شارۋاشىلىعىنان ۇلگى كورسەتۋ بازاسىنان التاۋى، اۆتونوميالى رايون دارەجەلى ۇلگى كورسەتۋ بازاسىنان 100ى، مەملەكەت جاعىنان مويىندالعان مولتفيلم جاساۋ كاسىپورنىنان 11ى بار، بۇل كوركەمونەر، مادەنيەت كوڭىل اشۋ، ويىنشىق، مادەنيەت ساياحاتى، قولونەر، كوركەمونەر، اسەمونەر، مولتفيلم، جاسپامپازدىق جوبالاۋ، ينتەرنەت مادەنيەتى، سيفرلى مادەنيەت قىزمەت كورسەتۋ سالالارىنىڭ مادەنيەت شارۋاشىلىعىن دامىتۋ جۇيەسىن نەگىزگى جاقتان قالىپتاستىردى.
  مادەنيەت مۇرالارىن قورعاۋ جانە دامىتۋعا قاتار ءمان بەرىلدى
  18 - شىلدەدە «شەبەر ساۋساقتان توگىلگەن كوركەمونەر قۇدىرەتى − شينجياڭنىڭ مادەنيەت مۇرالارىن جوندەپ قالپىنا كەلتىرۋدىڭ تابىستارى كورمەسى» 18 - شىلدەدە اۆتونوميالى رايوندىق مۇراجايدا شىمىلدىعىن اشتى. جوندەلىپ قالپىنا كەلتىرىلگەن جانە قورعالعان 100دەن استام مادەنيەت مۇراسى جۋىق جىلداردان بەرگى رايونىمىزدىڭ مادەنيەت مۇرالارىن قالپىنا كەلتىرۋ، قورعاۋداعى ماڭىزدى ناتيجەلەرىن شوعىرلى تۇردە ايگىلەدى.
  2014 - جىلى ماۋسىم ايىندا «جىبەك جولى: چاڭان − تيانشان ءدالىزى جول سورابى» نىسانى دۇنيە جۇزىلىك مادەنيەت مۇراسى تىزىمىنە ەنگىزىلدى. يدىقۇت بايىرعى قالاسى، يارعول بايىرعى قالاسى، بەسبالىق بايىرعى قالا جۇرتى، قىزىلقارعا ۇرانوتى، قىزىل تاس ۇڭگىرى، سۇباش بۇتحانا جۇرتى سياقتى 6 بايىرعى جۇرت شينجياڭنان تۇڭعىش توپتا دۇنيە جۇزىلىك مادەنيەت مۇرالار قاتارىنا تىركەلدى.
  سوڭعى جىلدارى اۆتونوميالى رايوندىق پارتكوم جىبەك جولى ەكونوميكالىق بەلدەۋىندەگى وزەكتى رايون مادەنيەت، عىلىم - تەحنيكا، وقۋ - اعارتۋ ورتالىعىن قۇرۋ نىساناسىن ورتاعا قويىپ، رايونىمىزدىڭ ماتەريالدىق ەمەس مادەنيەت مۇرالارىن اشۋ، قورعاۋ، مۇراگەرلىك ەتۋ ىستەرىنە وڭايلىقپەن قولعا كەلمەيتىن تاريحي سيپاتتى وراي مەن كەڭ كەڭىستىك سيلادى.
  پارتيا 18 - قۇرىلتايىنان بەرى، ورتالىق پەن اۆتونوميالى رايوندىق قازىنا ماتەريالدىق ەمەس مادەنيەت مۇرالارىنا جيىنى 152 ميلليون 600 مىڭ يۋان ارناۋلى جاردەماقى تاراتتى.
  مۇنان سىرت، ماتەريالدىق ەمەس مادەنيەت مۇرا مۇراگەرلەرىن تاربيەلەۋدە رايونىمىزدىڭ بەيزاتتىق مادەنيەت مۇرالارىن قورعاۋ قىزمەتىن تىڭ ناتيجەگە جەتكىزدى. ياچاڭ كوركەمونەر ورتالىعى، چيڭحۋا ۋنيۆەرسيتەتى كوركەمونەر ينستيتۋتىنىڭ قۇمىل قالاسىنداعى ءداستۇرلى تەحنولوگيا قىزمەتى پۋنكتى 2016 - جىلدىڭ وزىندە 1800دەن استام ادام - رەت تاربيەلەدى، ىشكەرىدەگى جوعارى مەكتەپتەرگە اپارىپ تاربيەلەۋگە ۇيىمداستىردى، 400دەن استام ءونىمدى جوبالاپ، زەرتتەپ اشتى. 5000نان استام قولونەرشى تاپسىرىستىق وندىرىسكە ارالاسىپ، جان باسىندىق ايلىق كىرىسى شامامەن 1200 يۋاننان اينالدى. سونىمەن قاتار، موري قازاق كەستەسىن ءوندىرىس سيپاتىندىق قورعاۋ قىزمەتى دە بەلسەنە ىلگەرىلەتىلىپ، اۋدان 128 مۇراگەردى ۇيىمداستىرىپ، ولاردىڭ كەستە تىگۋ ادىستەرىن، شەبەرلىكتەرىن سىناۋ ارقىلى مۇراگەرلەردىڭ شەبەرلىگىن ۇشتادى.
  كوكتەم سامالى وپكەن شينجياڭنىڭ مادەنيەت - كوركەمونەر بايشەشەكتەرى جارىسا شەشەك اتىپ، ءبىزدىڭ تۇرمىسىمىزدى ونان ارى نۇرلاندىرا ءتۇستى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ