قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

ءتوراعا ماۋ زىدۇڭنىڭ تۋعان اۋىلىنا ساپار(1)

ءشادات ءسىلام قىزى

2017.09.18 16:45 كەلۋ قاينارى : شينجياڭ گازەتىنەن

  2017 - جىلى 10 - ماۋسىم، پارتيا مەن ۇكىمەتتىڭ شەكسىز مەيىر - شاپاعاتىنا دەگەن العىسىمىزدى ءبىلدىرۋ ءۇشىن، رايونىمىزدان ىنتىماق - بەرەكەسى جاراسقان ءار ۇلت ايەلدەرىنەن 108 مەيىربان انا وزدىگىنەن ۇيىمداسىپ، ءوز قارجىلارىمەن پويەزبەن حۋنان ولكەسىنە ساياحاتتاۋ ساپارىنا اتتاندى. بۇل اۆتونوميالى رايوندىق ايەلدەر بىرلەستىگىنىڭ رۇقساتى جانە جول كورسەتۋىمەن، شينجياڭ مەيىربان انالار سەلبەستىك قوعامىنىڭ باستىعى يان يۋەپيڭنىڭ قاتىستى ورىندارمەن الدىن الا بايلانىس جاساپ، قولداۋىنا يە بولۋىمەن جۇيەلى ورنالاستىرىلعان ۇلكەن كوللەكتيۆ ساپار ەدى. جەر - جەردەن كەلگەن ءار ۇلت مەيىربان انالار ءۇرىمجى پويەز ۆوكزالىندا باس قوسىپ، كەۋدەمىزگە «شينجياڭدىق مەيىربان انالار» دەگەن جازۋى بار قىزىل لەنتانى قيالاي اسىنىپ، اسقاق اۋەنمەن «جۇڭحۋا تۇلەكتەرى وتاندى قىزۋ سۇيەمىز»، «ءار ۇلت اپەكە - سىڭلىلەر بەرەكەنى سۇيەمىز»، «شينجياڭدىق انالار وتاندى، وتباسىن سۇيەمىز» دەگەن بىركەلكى ۇنمەن ساپ تۇزەپ، ايبىندى كورىنىس قالىپتاستىرىپ تۇردىق.
  شينجياڭ مەيىربان انالار سەلبەستىك قوعامى، بايىنعولين موڭعۇل اۆتونوميالى وبلىستىق مەيىربان انالار سەلبەستىك قوعامى، حوتان ايماعىنىڭ قاراقاش، لوپ، شەريا، كەريا، نيە اۋداندارىنىڭ مەيىربان انالار سەلبەستىك قوعامى قاتارلى ورىنداردان ۇيىمداسقان ۇيىرمە يان يۋەپيڭ اپايدىڭ جەتەكشىلىگىندە، ىزگى ماقساتپەن يگىلىكتى ءىس تىندىرۋ ءۇشىن، حۋنان ولكەسىنە قاراي جولعا شىقتىق. ۇيىرمەدەگى مەيىربان انالاردىڭ الدى 70تەن اسقان، كوپ ساندىسى 55 − 65 جاس ارالىعىندا ەدى. ماقساتىمىز تۇتاس شينجياڭداعى 500 مىڭنان استام ءار ۇلت مەيىربان اناعا ۋاكىل بولىپ، شينجياڭداعى مەيىربان انالاردىڭ پارتيامىزدىڭ ابزال ساياساتىنىڭ نۇر شۇعىلاسىندا، باي - باقىتتى تۇرمىس كەشىرىپ جاتقاندىعىن ايگىلەۋ جانە قازىر جالاقىمىزدىڭ ۇزدىكسىز ءوسىپ جاتقاندىعىنا؛ اۋىل - قىستاقتارداعى ەگىنشى - مالشىلاردىڭ جاپپاي بەيقۇت ۇيلەرگە كوشىپ كىرگەندىگىنە؛ تۇتاس حالىقتىڭ دەنساۋلىعىنىڭ جالپى بەتتىك تەگىن تەكسەرىلىپ، كوپتەگەن ادامداردىڭ ناۋقاستارىن ەمدەتۋ ورايىنا يە بولعاندىعىنا؛ ۇلكەن قالالارداعى جاسى 65كە تولعان قارتتار كوشە اۆتوبۋزدارىنا تەگىن وتىراتىندىعىنا؛ 15 جىلدىق تەگىن وقىتۋ ءتۇزىمى اتقارىلعاندىعىنا العىس ايتۋ.
  پويەزبەن 2 تاۋلىك ءجۇرىپ، 12 - ماۋسىم كۇنى تۇستەن بۇرىن حۋنان ولكەسىنىڭ چاڭشا قالاسىنا جەتتىك. ساياحات مەكەمەسى دايىنداعان 3 اۆتوكولىككە وتىرىپ، كورىنىسى كوز سۇرىندىرەتىن ساياحات ءتۇيىنى جاڭجياجيەگە بەت الدىق. جول باستاۋشى ۇعىنىقتى ورتاق تىلدە جەر جاعدايىن، ساياحات ورىندارىن جاپپاي تانىستىرىپ كەلەدى. چاڭشا قالاسىنىڭ كوركىنە كورىك قوسقان، ۇلكەن گۇل اشاتىن باييۇيلان اعاشى كوشەگە ەرەك ءسان بەرىپ تۇر. اۆتوكولىك اسفالت جولدا جۇيتكىپ كەلەدى. چاڭجياڭ ۇلكەن كوپىرى ءتىپتى دە ايباتتى ەكەن. «كوز كورىم جەردەگى اناۋ تاۋ ءىشى تولعان ماندارين اعاشى، كۇزدە بۇكىل القاپتا مانداريننىڭ جۇپار ءيىسى اڭقىپ، جولاۋشىلاردى تامساندىرادى. حۋناننان ءتوراعا ماۋ زىدۇڭ قاتارلى مەملەكەت باسشىلارى جانە ەلىمىز ازاتتىعىنا وشپەس ۇلەس قوسقان حى لۇڭ قاتارلى گەنەرال - مارشالدار شىققان. حۋنان تۇلەكتەرىنىڭ ىشىندە ەلىمىزگە، حالىقاراعا تانىلمالى ءان شولپاندارى دا بار»، - دەپ تانىستىرىپ كەلەدى ءوزىن امەي دەپ اتاعان جول باستاۋشى بيكەش. كوركەم دە سۇلۋ تابيعاتقا ەلىتكەن مەيىربان انالار سەرگىپ الىپتى، تابيعاتتى تاماشالاپ وتىرىپ جاڭجياجيەگە جەتكەنىمىزدى دە سەزبەي قالىپپىز.
  اسپانمەن تىلدەسكەن بيىك شوقىلاردى ءبىر - بىرىنە تۇتاستىرعان اسپالى اينەك كوپىرمەن ءجۇرىپ، تيانمىنشان تاۋىنىڭ كوركەم كورىنىسىن تاماشالادىق. اسپانعا بوي سوزعان تىپ - تىك قۇزار شىڭعا ورلەي - ورلەي بۇلتتىڭ ۇستىنە شىعىپ كەتكەندەي بولدىق، بيىكتەن ۇرەيلەنەتىندەر كوزدەرىن جۇمىپ الىپتى، اينالاسى 20 مينۋتتا بيىك شىڭنىڭ باسىنا جەتتىك. «ەل اۋزىنداعى سىرلى دا ۇرەيلى اينەك كوپىر وسى»، - دەدى جول باستاۋشى امەي. اينەك كوپىردىڭ استى اپ - انىق كورىنىپ تۇر، جۇرەكسىنگەن ادام شىنىندا قۇلاپ كەتەتىندەي سەزىمدە بولادى ەكەن. بۇل اينەك كوپىردى ساياحاتشىلاردى قىزىققا باتىرۋ ءۇشىن، جوعارى عىلىم - تەحنيكانىڭ كۇشىمەن ادەيى تىلسىمدەندىرىلىپ جاسالعانى كورىنىپ تۇر. بيىكتىگى 60 مەتر، 12 اينالما باسپالداقپەن ءتۇسىپ، تيانمىنشاننىڭ الدىنا كەلدىك، تابيعاتتىڭ حيكمەتتىگى سونشا، ەكى بيىك شىڭنىڭ ورتاسىندا كۇن ساۋلەسى جارقىراپ ءتۇسىپ تۇرعان ءبىر تەرەزە قالىپتاسقان، مۇنى تيانمىن (ءتاڭىر ەسىگى دەگەن ماعىنادا) دەپ اتايدى ەكەن. وسىدان كەيىن شاعىن اۆتوكولىكپەن 99 اينالمالى جول باسىپ، كوزەۋلى جەرگە جەتتىك. بۇل كۇنگى ساپارىمىز وسىمەن اياقتاپ، كەشتە جاڭجياجيە قالاسىنداعى 5 جۇلدىزدى مەيمانسارايدا قوندىق.
  13 - ماۋسىم حى لۇڭ مارشالدىڭ مەكەنى ۋلۇڭيۋانعا كەلىپ ساياحاتتى جالعاستىردىق. تابيعاتتىڭ عاجاپتىعى، جاراسىمدىلىعى سونشا، بيىك شوقىلار اسپانمەن تىلدەسەدى، جالاما جارتاستار جاسىل ورمانمەن كومكەرىلگەن، جاڭبىر توقتاۋسىز جاۋىپ تۇر، ساياحاتشىلار ءيىن تىرەسەدى. ءبارى دە جۇيەلى، ءتارتىپتى، جول باستاۋشىلار كىشى پەيىلدىكپەن، جاۋاپكەرشىلىكپەن قىزمەت كورسەتۋدە. جول جاعاسىندا مايمىلدار ءورىپ ءجۇر، ادامنان سەسكەنەر ءتۇرى جوق، اۋەلى، قيمىلىڭدى باعىپ، نە بەرەر ەكەن دەپ دامەتەدى، كەيبىرەۋى يىعىڭا قارعىپ شىعادى. جول باستاۋشى امەي بيكەش: حۋاڭلۇڭدۇڭ عاجايىپ تەرەڭ ۇڭگىر، كوپتەگەن باسپالداقتان ءتۇسىپ - شىعامىز، جاسى ۇلكەندەر، دەنساۋلىعىندا اقاۋ بارلار كىرمەگەنى ءجون، - دەدى. اسقار تاۋدىڭ ءبىر بۇيىرىنەن سول تەرەڭ ۇڭگىرگە كىردىك، تابيعاتتىڭ جارالمىشىنا قايران قالاسىڭ، ۇڭگىردىڭ ىشىندە ايدىن كول بار ەكەن، قايىققا وتىرىپ كولدى اينالىپ شىقتىق، بيىك ءارى كەڭ ۇڭگىردىڭ ءىشى شىراقتىڭ نۇرىمەن كۇندىزگىدەي جايناپ تۇر. ۇڭگىردىڭ ىشىندەگى نەشە عاسىرلاردان بەرگى سۋ تامشىلارىنان پايدا بولعان كريستال دىڭگەك سۇڭگىلەر جاپىراقسىز وسكەن سيقىرلى دا سىرلى ورمانعا ۇقسايدى. تابيعي قالىپتاسقان بۇل ۇڭگىردى «سارى ايداعار ۇڭگىرى» دەپ اتايدى ەكەن. ونى قازىرگى عىلىم - تەحنيكانىڭ كومەگىمەن ءتىپتى دە اجارلاندىرا، جانداندىرا بەزەندىرىپ، ەرتەگىلەردە ايتىلاتىن قيال - عاجايىپ تۇسكە ەنگىزىپتى.
  14 - ماۋسىم كۇنگى نىسانامىز تاۋيۋان ۇيعۇر - حۇيزۋ جاڭا قىستاعى ەدى، كوزدەگەن جەرگە ءتۇس الەتىندە جەتتىك. قىستاق تۇرعىندارى مەن قاتىستى باسشىلار بەينە ۇزاق جىل كورىسپەگەن جاقىن تۋىستارى كەلگەندەي جامىراي الدىمىزدان شىقتى. ولارمەن قۇشاق جايا قاۋىشتىق. بۇل جەردەگى ۇيعۇرلار 1600 - جىلدارى وسىندا كەلىپ قونىستانعان ۇيعۇرلاردىڭ ۇرپاعى ەكەن. ءبىز الدىن الا ازىرلەنگەن زال ىشىنە جايعاستىق، تاۋيۋان قىستاعىنىڭ باستىعى، تاۋيۋان قىستاعىنىڭ ايەلدەر قىزمەتىنە جاۋاپتى باسشىسى قاتارلى كىسىلەر قارسى الۋ ءسوزىن سويلەپ، ىستىق ءىلتيپاتىن ءبىلدىردى. ءبىزدىڭ ۇيىرمەمىز اتىنان شينجياڭ مەيىربان انالار سەلبەستىك قوعامىنىڭ باستىعى يان يۋەپيڭ ءسوز سويلەدى، ءبىزدىڭ مەيىر باعىشتاۋ قيمىلىمىز وسى جەردەن باستالدى. قيمىلدى شينجياڭ مەيىربان انالار سەلبەستىك قوعامىنىڭ ورىنباسار جەتەكشىسى، شينجياڭ اسكەري رايونىنىڭ مەملەكەتتىك 1 - دارەجەلى ءانشىسى گۇلشان جۇرگىزدى. ونىڭ جاندى دا جالىندى قيمىلى، ءسوزى، ءانى ورتانى دۋمانعا بولەدى. قيمىلدىڭ سوڭى شينجياڭنان الا كەلگەن سالەمدەمەنى تاراتۋعا ۇلاستى، مەيىربان انالار دۇركىن - دۇركىن ساحناعا شىعىپ سالەمدەمەنى سول جەردەگى قارت انالارعا، قيىنشىلىعى بار انالارعا تارتۋ ەتكەندە، ولار تەبىرەنىستەرىن تەجەي الماي كوزدەرىنە ىستىق جاس الدى. ءبىز وڭىرلىك ەرەكشەلىگى جانە ۇلتتىق ءتۇسى قويۋ كونسەرت قويدىق. ول جەردەن اتتانعاندا، بەينە ءوز تۋىستارىمىزدان ايىرىلعانداي بولدىق. سودان سوڭ اۆتوكولىكپەن 4 ساعات جول باسىپ، ءتوراعا ماۋ زىدۇڭنىڭ تۋعان جەرى شاۋشان قالاسىنا قاس قارايا جەتتىك.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ