قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

ەكى ۇرپاققا جالعاسقان كورشىلىك سۇيىسپەنشىلىك (2)

گازەتىمىزدىڭ اقسۋداعى تىلشىلىك پۋنكتىنەن ليۋ لي

2017.09.08 17:44 كەلۋ قاينارى : شينجياڭ گازەتىنەن

  ۋاڭ جينحۋ كۇشار اۋدانىنا تۇراقتاعان سوڭ كىرەكولىگىن جۇرگىزدى. باستاپتا كىرە تارتۋعا اسىققان جوق، ەڭ العاشقى كۇنى قىستاققا بارىپ قۇرباندى جانە ونىڭ شەشەسىن اۋدانعا الىپ كەلىپ قىدىرتتى، ولاردى ءوز ۇيىنەن تاماقتاندىردى. «مەن اۋداندى ارالاپ كورمەگەن جانمىن، ۋاڭ جينحۋ كىرە كولىگىن الا سالىپ اۋداندى ارالاتتى، قاتتى قۋاندىم، تالاي تاماشا جەرلەرگە اپاردى، سول كورىنىستەر ءالى كوز الدىمدا»، - دەيدى ءرايانام ءاشىم.
  2010 - جىلى ۋاڭ جينحۋ قىستاقتا جاڭا ءۇي سالدى، الايدا قۇرىلىستى كوتەرمەگە العاندار جۇمىستى بىتىرمەي كەتىپ قالدى. شالا سالىنعان ۇيگە ۋاڭ جينحۋدىڭ باسى قاتتى. قۇربان بۇل جاعدايدى بىلگەننەن سوڭ قۇرىلىسشىلارمەن بايلانىس جاسادى. سويتسە، قۇرىلىسشىلاردىڭ كوبى حانزۋ ءتىلىن جەتىك بىلمەيتىن از ۇلت بولعاندىقتان قۇرىلىس قاراجاتىنان الاڭداعان ەكەن. جاي - جاپساردى بىلگەننەن سوڭ، قۇربان قۇرىلىسشىلارعا كەۋدەسىن قاعىپ ۋادە بەرىپ: جينحۋ اعامنىڭ ادامگەرشىلىگى بار، قۇرىلىس قاراجاتىن كەشىكتىرمەيدى، مەن وعان كەپىلدىك ەتە الامىن، - دەدى. اقىرىندا ۋاڭ جينحۋدىڭ ءۇيى ۋاعىندا ءبىتتى. سوندا ۋاڭ جينحۋ: ەگەر قۇربان بولماعان بولسا، ءۇيىم بىتپەۋشى ەدى، - دەدى.
  قۇرباننىڭ سوزىمەن ايتقاندا بۇل اعايىندىلاردىڭ ءوزارا كومەكتەسكەن ىستەرى «جۇلدىزدان دا كوپ» دەۋگە بولادى، «ءبىز ۇلتقا بولمەيمىز، الا قويدى بولە قىرىقپايمىز».
  اپتا سايىن قۇرباننىڭ اۋلاسىندا مەملەكەت تۋى كەڭىستىككە كوتەرىلەدى. ايبىندى مەملەكەت تۋىنا بارلىق ادام قۇرمەت بىلدىرەدى. وسى مەملەكەت تۋىنىڭ قىستاققا قالاي كەلگەنىن اڭگىمە ەتكەندە، قىستاق تۇرعىندارى قۇربان مەن ۋاڭ جينحۋعا العىس جاۋدىرادى.
  وسىنىڭ الدىندا، گرۋپپاداعى قىستاق تۇرعىندارى مەملەكەت تۋىن شىعارۋ سالتىنا قاتىناسۋ ءۇشىن قىستاق تۇرعىندار كوميتەتىنىڭ اۋلاسىنا باراتىن. جول ۇزاق، گرۋپپاداعى تۇرعىنداردىڭ دەنى ورتا جاستاعى جانە قارتتار بولعاندىقتان قىستاق تۇرعىندار كوميتەتىنە بارۋ قولايسىز ەدى. قۇربان مەن ۋاڭ جينحۋ قىستاق تۇرعىندار كوميتەتىنە گرۋپپادا ءبىر تۋ شىعارۋ ورنىن بەلگىلەۋدى ءوتىنىش ەتەدى، بۇل ءوتىنىشتى قىستاق تۇرعىندار كوميتەتى بەكىتىپ بەردى.
  بەكىتۋدى العان سوڭ، ەكەۋى قاربالاستىققا ءتۇستى. الدىمەن، تازا ارشىلعان ءبىر ۇزىن اعاشتى اكەلىپ تۋ شىعارۋ باعاناسى ەتتى، ودان سوڭ، تۋ شىعارۋعا قاجەتتى جابدىقتاردى ساتىپ الدى، تۋ شىعارۋ باعاناسىن قۇرباننىڭ ءجۇزىم سورەسىنىڭ قاسىنا ورناتتى. ۋاڭ جينحۋ: قۇربان ەكەۋىمىز اقشا جيناعان سوڭ مەملەكەت تۋىن شىعاراتىن تۇعىر جاساتىپ، تاتتانبايتىن بولاتتان تۋ شىعارۋ باعاناسىن ورناتامىز، - دەدى كۇلىپ تۇرىپ.
  ول ەكەۋىنىڭ بىرلەسىپ قىستاق ءۇشىن جاقسى ءىس ىستەۋى ءبىرىنشى رەت ەمەس. بۇرىن كوپىر جوق بولعانى سەبەپتى قىستاقتاعى ادامدار ارلى - بەرلى جۇرگەندە وزەندى كەشىپ وتەتىن. 1991 - جىلعى قىستا ۋاڭ جينحۋدىڭ تۇرمىسى جاقسارا باستاعان سوڭ گرۋپپاعا ءبىر تراكتور الىپ بەردى. كوپشىلىكتىڭ ءجۇرىس - تۇرىسىنىڭ قولايسىزدىعىن ويلاستىرعان ەكەۋى قاراجات شىعارىپ، تراكتورمەن تاس، قۇبىر سياقتى ماتەريالدار تاسىپ، 4 كۇن ىشىندە كوپىردى سالىپ بولدى. 2000 - جىلى ولار تاعى دا قىستاق تۇرعىندارىن ۇيىمداستىرىپ كوپىردىڭ توڭىرەگىندەگى جولداردى تەگىستەدى. سوندا قۇربان: بۇل كوپىر قىستاق تۇرعىندارى مەن اعايىندى ەكەۋىمىزدىڭ جۇرەگىمىزدى جالعاستىرىپ تۇر، - دەدى.
  كوكتەم مەرەكەسى، قۇربان ايت سياقتى ۇلكەن مەرەكەلەردە گرۋپپا تۇرعىندارى ءبىر - ءبىرىنىڭ ۇيىنە قىدىرادى. كىمنىڭ ۇيىندە قيىنشىلىق بولسا، سوعان ءوز ەركىمەن كومەك بەرەدى.
  «ۋاڭ جينحۋ مەن قۇرباننىڭ باستاماشىلدىعىندا گرۋپپاداعى ۇيعۇرلار مەن حانزۋلار ءبىر ءۇيلى جانداي تاتۋ - ءتاتتى ءوتىپ كەلە جاتىر»، - دەيدى 62 جاستاعى كورشىسى ديڭ ساييۋان.
  اۋدارعان: پراكتيكانت قاراقات توقتارقوجا قىزى
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ