قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

ەكى ۇرپاققا جالعاسقان كورشىلىك سۇيىسپەنشىلىك (1)

گازەتىمىزدىڭ اقسۋداعى تىلشىلىك پۋنكتىنەن ليۋ لي

2017.09.08 17:44 كەلۋ قاينارى : شينجياڭ گازەتىنەن

  كۇشار اۋدانى الاقار قالاشىعى بوز قىستاعى 9 - گرۋپپاسىنداعى ءجۇزىم سورەسىنىڭ استىندا ۋاڭ جينحۋ مەن قۇربان امەت ەكى - ۇشتەن توپتاسىپ وتىرعان قىستاق تۇرعىندارىنا قاربىز ءتىلىپ بەردى. كوپشىلىك وسى ەكى وتباسىنىڭ دوستىعىنا تامساندى. ۋاڭ جينحۋ اكەلى - بالالى امەت موللامەن جانە قۇربان امەتپەن 38 جىل بويى بال جالاسقان اعا - ىنىدەي وتكەن، ولار تۋىس بولماعانىمەن تۋىستان ارتىق سيلاسقان.
  ۋاڭ جينحۋ مەن قۇربان امەتتىڭ سۇيىسپەنشىلىگى قۇرباننىڭ اكەسى امەت موللادان باستالعان.
  1976 - جىلى 19 جاستاعى ۋاڭ جينحۋ جەزدە اعاسىمەن بىرگە شانشيدەن شينجياڭعا كەلەدى. جەزدە اعاسى ونى شايار اۋدانىنا بارىپ ەگىن ەگۋگە ورنالاستىرادى، ەگىس جۇمىسىنان ماندىمدى ءونىم الا الماعان سوڭ، 1979 - جىلى ول جاقىن ماڭداعى كۇشار اۋدانىنداعى بۇرىنعى جيناپ الۋ ەگىس الاڭىنا (قازىرگى الاقارعا قالاشىعىنىڭ بوز قىستاعى) بارىپ، امەت موللامەن كورشى بولادى.
  ەكى ءۇيدىڭ ارالىعى 200 مەترگە جەتپەيتىن، ەگىستىك جەرلەرى دە ىرگەلەس، كەزىككەن سايىن امەت موللا ونىمەن ىستىق ىقىلاستى امانداساتىن. «باستاپتا مەندە جالاقى جوق بولعاندىقتان امەت ماعان قيىنشىلىعىڭ بولسا ايت دەپ قاداعالايتىن ءارى ءدامدى تاعام جاساعان سايىن تاماققا شاقىراتىن»، - دەيدى ۋاڭ جينحۋ. امەتتىڭ كومەگىندە، ول سول اراعا بىرتىندەپ ورنىعىپ وتىرىپ قالدى.
  1981 - جىلى ۋاڭ جينحۋ سول ەگىنشىلىك الاڭىنا رەسمي قىزمەتكەر بولىپ، تۇراقتى ەڭبەكاقى الىپ، تۇرمىس جاعدايى جاقسارا ءتۇستى. سول جىلى ۇيلەنەدى. 2 جىلدان كەيىن، ەگىنشىلىك الاڭىندا ءونىمدى وتباسىنا كوتەرمەگە بەرۋ ءتۇزىمى وتباسىلارىنا تياناقتاندىرىلدى، سودان كەيىن ەرلى - زايىپتى ەكەۋى 30 مۋ جەرگە ماقتا ەگۋدى كوتەرمەگە الدى. ول ەكەۋى ەڭبەكشىل دە جاپاكەش ەدى، ونىڭ ۇستىنە ەگىمشىلىك تەحنيكاسىنان شەبەر پايدالانعاندىقتان كىرىسى جىل سايىن ارتتى، امەت ۇنەمى ۋاڭ جينحۋدان ماقتا ەگۋ تەحنيكاسىن ۇيرەنەدى. «ءبىز حانزۋشا ءارىپ تانىمايمىز - عوي، قازىرگە دەيىن ەگىس دارىلەرىن ساتىپ العاندا ۋاڭ جينحۋدى ىزدەيمىز»، - دەيدى امەتتىڭ ايەلى ءرايانام ءاشىم.
  1995 - جىلى ۋاڭ جينحۋدىڭ ۇيىنە دوسى جۇڭ يۇي كەلدى، ۋاڭ جينحۋدىڭ ءۇيى جالعىز بولمەلى بولعاندىقتان جۇڭ يۇي جاتار ورىننان قينالدى، امەت جاعدايدى بىلگەننەن كەيىن ءوز ءۇيىنىڭ ءبىر بولمەسىن بوساتىپ بەردى. جۇڭ يۇي امەتتىڭ ۇيىندە ەكى جارىم جىل تۇردى، امەت ودان اقى العان جوق. «دوستار اراسىندا بۇنداي كىشكەنە ىستەر تۇككە دە تۇرمايدى، ءۇي بوس تۇرسا دا تۇرادى عوي»، - دەيدى امەت.
  2001 - جىلى امەت دۇنيەدەن ءوتتى، ءبىراق وعان بولا ەكى وتباسىنىڭ قاتىناسى ۇزىلگەن جوق، امەتتىڭ بالاسى قۇربان امەت وزىنەن 16 جاس ۇلكەن ۋاڭ جينحۋدى اكەسىندەي سيلاپ، دوستىق سۇيىسپەنشىلىكتى جالعاستىردى.
  قۇربان قاربىز ەگەدى، قاربىز ساۋداسى كۇسەت كەزدە ۋاڭ جينحۋ جەمىس - جيدەكتى تولايىم ساتاتىن تيجاراتشى دوستارىمەن بايلانىس جاساپ قۇرباننىڭ قاربىزىن ساتىسادى. قۇربان «جينحۋ اعا وتە جاقسى، قانداي ءىس بولسا دا ءبىزدى الدىمەن ويلاستىرادى»، - دەيدى.
  ۋاڭ جينحۋ: سەنىكى، مەنىكى دەپ جاتپايمىز، ەكى وتباسىمىزدىڭ جەرىن بىرگە باسقارامىز، بىرگە ەگەمىز، مەندە تراكتور بار بولعاندىقتان ەگىنشىلىك جۇمىستارىنان ونشا قينالمايمىز، - دەيدى.
  2003 - جىلى ۋاڭ جينحۋ وتباسى كۇشار اۋدانىنا كوشىپ بارىپ، ەگىستىك جەرىن باسقالارعا كوتەرمەگە بەردى. قورا - جايىن، مالىن قارايتىن ادام جوق بولعاندىقتان بارلىعىن قۇربانعا تاپسىردى. كەيبىر كەزدە قۇربان دا سىرتقا جۇمىسقا كەتكەندە ءۇيىن جانە مالىن ۋاڭ جينحۋعا تاپسىراتىن. قۇربان كۇلىپ: ءبىر - ءبىرىمىزدىڭ ۇيىمىزگە قارايلاسىپ تۇرعاندىقتان ءوز ءۇيىمىز سياقتى بولىپ كەتكەن، - دەيدى.

جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ