قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

باقايگۇلدىڭ 11 «اكە - شەشەسى» بار

ءتىلشىمىز بارشا تەگىس قىزى، ەرىكتى ءتىلشى دۋان سۋسۋ

2017.09.08 17:40 كەلۋ قاينارى : شينجياڭ گازەتىنەن

  جۋىقتا ءتىلشى جەمسارى اۋدانىندا ليۋ گۇيحۋاعا كەزدەسەدى، وعان باقايگۇل تۋرالى اڭگىمە ايتقاندا، ول باسپارماعىن كوتەرىپ: ول مەنىڭ وپالى قىزىم، - دەدى.
  «گۇلي مەنىڭ تۋعان قىزىم سياقتى، ەگەر ونىڭ كومەگى بولماعاندا، وسىنشا جىلداردان بەرى قايتىپ تىرشىلىك ەتەتىن ەدىم»، - جالعىز بالاسىنان ايرىلعان ليۋ گۇيحۋا قارت تەبىرەنىستى كوڭىل كۇيمەن قىستىعىپ كەتتى، ونىڭ گۇلي دەپ وتىرعانى جەمسارى اۋدانى جەمسارى قالاشىعى مانچىڭ جولى الەۋمەتتىك اۋماعىنداعى تاتار ۇلتىنان شىققان حالىق ىستەرى قىزمەتشىسى باقايگۇل نىعىمەت بولاتىن.
  17 جىلدىڭ الدىندا، ليۋ گۇيحۋا وتباسى جالعىز بالاسىنان ايرىلدى، سودان باستاپ 2 قارت كۇندەرىن كوز جاستارىن كولدەتۋمەن وتكىزەدى. ومىردەن ءتۇڭىلىپ ءولىپ العىلارى كەلگەن كەزدەر دە بولدى. ءبىراق سول جالعىز ۇلى توي جاساعان كەزدە العان 50 مىڭ يۋان قارىزدارىن قايتارماعان ەدى، سول قارىزدى قايتارۋ ءۇشىن قوقسىق تەرىپ، جاراقسىز زاتتاردى ساتىپ تىرشىلىكتەرىن باستادى.
  الەۋمەتتىك اۋماققا العاش قىزمەتكە شىققان باقايگۇل وتباسىلارىن ارالادى. ليۋ گۇيحۋانىڭ ۇيىنە تۇڭعىش رەت بارعاندا، قارتتىڭ جۇپىنى تىرشىلىكتەرىن كورىپ، ەت جۇرەكتى ەزەتىن كەشىرمەلەرىن ەستىپ قاتتى قامىعىپ، ول كىسىنىڭ قولىنان ۇستاپ ەگىلدى. سودان باستاپ، وسى ۇيدەن باقايگۇل كوپ كورىنەتىن بولدى. قارتتىڭ يىعىنىڭ رەۆماتيزمى اۋىر بولعاندىقتان، يىعى كوتەرتپەيتىن، باقايگۇل ۇنەمى بارىپ ولاردىڭ كىرىن جۋىپ، ۇيلەرىن تازالاپ بەرەدى، اۋەلى، قارتتى جۋىندىرادى، كۇن سۋىتقان كەزدە كومىر ءتۇسىرىپ بەرەدى. باقايگۇلدىڭ ۇزاققا جالعاسقان كومەگىنىڭ ارقاسىندا قارتتىڭ كوڭىلى كوتەرىلىپ، جۇزىنە كۇلكى ۇيىرىلەدى.
  75 جاستاعى حۇيزۋ قارت ما كىميڭ دا جالعىزىلىك بولاتىن، ەشقانداي كىرىس كوزى جوق ەدى. باقايگۇل وتباسىلارىن ارالاعان كەزدە وسى جاعدايدى بايقاعان سوڭ، جوعارى - تومەن شاپقىلاپ ءجۇرىپ قارتتى ەڭ تومەنگى تۇرمىستى قامتاماسىزداندىرۋعا كىرگىزىپ، بەيقۇت ۇيگە ءوتىنىش بەرگىزىپ، جىلى دا جانعا جايلى ۇيگە كىرگىزەدى. حۇيزۋ «اكەسىن» اۋىزعا العاندا باقايگۇل: مەن العاش كەزدەسكەندە ول كىسىنىڭ تۇرمىسى وتە ناشار ەكەن. ەگەر مەن كوكونىس ساتىپ الىپ بارىپ، تاماق جاساپ بەرمەسەم، قاراسۋعا نان شىلاپ جەپ كۇنەلتەدى، - دەيدى. ما كىميڭ تاماق جاساي المايتىندىقتان، ول كىسىنىڭ ۇيىنە بارىپ تاماق جاساپ بەرۋگە مۇرساسى تيمەگەندە باقايگۇل ءوز ۇيىندە جاساعان تاماعىنان اپارىپ بەرەدى، تاماق اپارۋعا ءوزىنىڭ قولى تيمەگەندە ۇلى ەلشاتتى جۇمسايدى.
  ۇيعۇر تۇرعىن رىزۋانگۇلدىڭ جۇبايى 2013 - جىلى راك اۋرۋىنان قايتىس بولدى، ول 2 بالاسىن باعۋدان سىرت، ميى سالدانعان 24 جاستاعى ءسىڭلىسى ميرادىنگە قارايلاساتىن. باقايگۇل رىزۋانگۇلدىڭ قيىنشىلىعىن جەڭىلدەتۋگە بارىنشا قۇلشىنىپ، ەكى جەردەن وتباسى جۇمىستارىنا كومەكتەسەتىن جۇمىس تاۋىپ بەردى. باقايگۇل اقشا جيىپ ميرادىنگە كومپيۋتەر ساتىپ الىپ بەرىپ، ۋاقىت شىعارىپ وعان ءارىپ باسۋدى ۇيرەتتى، كومپيۋتەردى ۇيرەنگەن سوڭ ميرادىن بىرتىندەپ سايتتاردا باسقالارمەن شۇيىركەلەسىپ، ينتەرنەت ساۋداسىن ىستەدى. كىرىس كوزىن تاپقاننان كەيىن، ول وتباسىنداعىلاردىڭ تۇرمىسى جاقسارا باستادى.
  قايسى وتباسى كومەككە مۇقتاج، كىمنىڭ ءۇيىنىڭ توبەسىنەن جاۋىن وتەدى، كىم جۇمىس تابا الماي ءجۇر دەگەن سياقتى ىستەردى كوكەيىندە بەرىك ساقتاعان باقايگۇل شارۋالاردىڭ عيماراتىنداعى وسى سياقتى ماسەلەلەر شەشىم تاپپاسا جايلانىپ ۇيىقتاي المايتىن. الەۋمەتتىك اۋماقتاعى حالىقتىڭ جۇمىسى باقايگۇلدىڭ ءوز جۇمىسىنداي بولىپ كەتكەن. الەۋمەتتىك اۋماقتا 17 جىل حالىق ىستەرى قىزمەتىن ىستەگەن باقايگۇلدىڭ ليۋ گۇيحۋا وتباسىنان تىس، حانزۋ، حۇيزۋ، ۇيعۇر، قازاق سىندى ءار ۇلتتان قارايلاسقان كەدەي «اكە - شەشەسى» 11گە جەتكەن.
  بيىل ءساۋىر ايىندا جەمسارى اۋدانى باقايگۇلگە «باقايگۇل قىزمەت كەڭسەسىن» قۇرىپ بەرىپ، كەدەي بۇقارالار، ەرىكتىلەر، الەۋمەتتىك يگىلىككە مەيىر باعىشتايتىن ازاماتتار ءوزارا بايلانىس جاسايتىن، ءوزارا كومەك كورسەتەتىن، ءوزارا يگىلىكتەنەتىن، بارىس - كەلىس جاسايتىن تۇعىر ورناتىپ، كەدەيلەردىڭ، كومەككە مۇقتاج ادامداردىڭ ورىندى تۇردە كومەك سۇراۋىنا جانە قايىرىمدى جانداردىڭ قولىنان كەلگەنىنشە كومەكتەسۋىنە مۇمكىندىك جاراتتى.
  باقايگۇل قازىرگە دەيىن 11 كەدەي «اكە - شەشەسىنەن» سىرت، قىزمەت كەڭسەسى ارقىلى قاراستى اۋماقتاعى ءار ۇلت تۇرعىندارىنان 60 وتباسىن، تاۋلى وڭىرلەردەگى كەدەي انالار، مۇمكىندىگى شەكتەۋلى جاندار سياقتىلاردان 30 ادامدى سۇيەمەلدەدى. جوعارى مەكتەپتەگى، ورتا مەكتەپتەگى، باستاۋىش مەكتەپتەگى تۇرمىسىندا قيىنشىلىق بار 20 نەشە وقۋشىعا قارجىلاي كومەك كورسەتتى. قاشقار ايماعى قارايانتاق قىستاعىنداعى كەدەي بۇقاراعا 198 پار كيىم تاراتقان. باقايگۇل ءوزى سۇيەمەلدەگەن، كومەكتەسكەن ادامدارىنا بەرگەن زاتىنىڭ قۇنى 100 مىڭ يۋاننان اسقان.
  باقايگۇل: بار ىنتا - پەيىلىمەن حالىق ءۇشىن قىزمەت ەتۋ − پارتيا مۇشەلەرىنىڭ نەگىزگى ماقساتى، سونداي - اق الەۋمەتتىك اۋماقتاعى كادرلاردىڭ جاۋاپكەرلىگى مەن بورىشى. ءبىز تەك پاك تە ءتارتىپتى بولعاندا، كوپتىڭ قامىن جەگەندە عانا بۇقارا بىزگە سەنەدى. قازىر قىزمەت كەڭسەسى بولعان سوڭ، ءبىز ءار ۇلت بۇقاراسىنا مەيىر جەتكىزۋگە تاباندى بولىپ، نەگىزگى ساتى قىزمەتىن جاقسى ىستەۋگە قۇلشىنامىز، - دەدى.
  باقايگۇل ءوزىنىڭ شىنايى سۇيىسپەنشىلىگى ارقىلى الەۋمەتتىك اۋماقتاعى كادر - بۇقارانىڭ القاۋىنا بولەندى، تالاي جىلداردان بەرى ول ءوزىنىڭ شىنايى ماحابباتىمەن «اكە - شەشەلەرىنە» سەرىك، كەدەي وتباسىلارىنا سۇيەۋ بولدى. ءوزىنىڭ شىنايى سۇيىسپەنشىلىگى ارقىلى پارتيا مۇشەسىنىڭ حالىق ءۇشىن قالتقىسىز قىزمەت ەتۋ قاسيەتىن ايگىلەدى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ