Mongolئۇيغۇرچە中文
شاعانتوعاي: جايلىم ەكولوگياسىن قورعاۋ سيلىق قاراجاتىن تاراتتى   ساۋان: جاساندى سەرىك ارقىلى تەلە سيگنالىن قابىلداۋ جابدىعىن ورناتتى    شاعانتوعاي: سۋلياۋ پلاستيماسالى دەنە تاربيە الاڭى سالىندى   بۋرىلتوعاي: نەگىزگى ساتى كادرلارىنىڭ ەلەۋلى ەڭبەگى   شىڭگىل: اۋىل شارۋاشىلىق ماشينالارىنا بەرىلەتىن قوسىمشا قاراجات شارۋالارعا ءتيىمدى بولدى   باركول: وڭىرلىك ەرەكشەلىك ساياحاتشىلاردى باۋرادى  

جاڭ چۇنشيان

<<
  جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى

نۇر باكىر

<<
  نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى

شەڭگەلدەرءان سالادى (1)

(اڭگىمە)

سەرىك ءسالىمجان ۇلى

2013.12.25 23:22     كەلۋ قاينارى : شينجياڭ گازەتى

  ول كۇلگەندە جەل دە دەمىن ىشىنە تارتا قالاتىن، ول كۇلگەندە بۇلبۇل ەكەش بۇلبۇل دا سايراعانىن توقتاتاتىن، ول كۇلگەندە ىزىڭ - قايىڭ دۇنيە سىلتىدەي تىنا قالار ەدى. ونىڭ كۇلكىسىندە انە سونداي قۇدىرەت بار بولاتىن.
  ءبىرتالايدان بەرى اۋىل ادامدارى الدەبىر اسىل زاتىنان قاپيادا ايرىلعانداي، الدەبىر جەرگە ۇمىت قالدىرعانداي كۇيدە قالدى. شارۋاعا دا پەيىلسىز، استىڭ دا ءدامى كەلمەگەندەي، ايتەۋىر، نە نارسەگە زاۋىقسىز. بۇل عاجاپقا العاشىندا ءبارىنىڭ اقىلى جەتپەدى.
* * *
  سول كۇنى ول تاڭ سىزعانشا كىرپىك ايقاستىرعان جوق. قورجىن تامنىڭ قارسى بولمەسىندە جاتسا دا اكە - شەشەسىنىڭ اندا - ساندا قاتتىراق شىعىپ كەتكەن داۋىستارىنان الدەنەگە كەلىسپەي قالعاندارىن سەزدى. جوق، ول سەزىپ ەمەس، ءبارىن دە ءبىلىپ جاتىر ەدى. الدەن ۋاقىتتا اكەسى بۇل جاتقان ۇيگە كەلىپ، كەرەۋەتتىڭ جانىندا تىزەرلەپ ۇزاق وتىردى. سوسىن مۇنىڭ ماڭدايىنان قۇشىرلانا يىسكەپ، دالان ءۇيدىڭ ەسىگىن تارس ەتكىزىپ شىعىپ كەتتى. اراق مۇڭكىپ تۇرسا دا ول اكەسىنىڭ ءتول ءيىسىن اينىتپاي تاۋىپ الاتىن. قاشاننان بەرى ءسىڭىستى بولعان ءيىس. اكەسى شىعىپ كەتكەننەن كەيىن دە تاناۋىنىڭ الدىندا كىلكىپ قالعان سول ءيىستى كوپكە دەيىن يىسكەپ جاتتى. اكەسى سودان بەرى قاراسىن كورسەتكەن جوق.
  اكە - شەشەسىنىڭ ءدۇزدوڭبەگى جاراسپاعالى كوپ ۋاقىت بولعان. اپىرىپ - جاپىرىپ ەڭبەك ەتىپ، ءبىر ءۇيدىڭ تىرلىگىن دوڭگەلەك اينالدىرىپ كەلگەن اكەسى بەرتىن «جۇرىسىنەن» جاڭىلا باستادى. زاھارلى سۋدى تاتپ−ايتىن الپامساداي ازامات ءجيى - ءجيى ءىشىپ كەلەتىندى شىعاردى. باستابىندا قاي ۋاقىتتا كەلسە دە بۇنى قۇشاقتاپ ۇيقىعا كەتەتىن. كەيىن كەلە ەسىكتەن اتتاسىمەن ونى - مۇنى سىلتاۋ قىلىپ، شەشەسىمەن شارماياقتاساتىندى تاپتى. بارىنە سەبەپ ءوزى. اناۋ ءبىر جولى تاعى دا قىزىپ كەلىپ، شەشەسىمەن ۇرسىسقاندا قۇلاعى شالعان، بۇل اپىل - تاپىل باسىپ، بالدۇر - بۇلدىر ءتىلى شىعىپ كەلە جاتقان كەزىندە شەشەسى كوتەرىپ ءجۇرىپ قولىنان ءتۇسىرىپ الىپتى. سودان باستاپ بۇل ءتىلسىز قالدى. ءبىراق ول كۇلە ءبىلۋشى ەدى. ول كۇلگەندە...
  مىنە بيىل جەتى جاستان اسىپ بارادى، وزىمەن قۇرالىپتاس بالالار مەكتەپ اۋلاسىندا اسىر سالىپ جۇرسە، بۇل ءالى بالا باقشاعا دا كىرە العان جوق. بەس جاسقا شىققانىندا كورشىنىڭ تەنتەك ۇلى ويناپ ءجۇرىپ بەتى بۇعان، كوزى اسپانعا قاراپ تۇرىپ «قۋ ساقاۋ» دەپ تىلدەگەنى جۇرەگىنە بەرىش بولىپ ۇيىپ قالدى. سونادايدا، كوشە شەتىندە اكەسىمەن بىرگە تەمەكىسىن بۇرقىراتىپ، قىسىر - كەڭەس قۇرىپ تۇرعان تەنتەك ۇلدىڭ كوكەسى ۇلىن كوگالا قويداي ەتىپ سويىپ سالعان. سودان كەيىن بۇنى كەمسىتەتىندەر بولعان ەمەس. ءبىراق قاتتى اقاۋ تۇسكەن ءسابي جۇرەك سول دەرتىنەن ايىعا الماي - اق قويدى. ءتىپتى، بالالارمەن ويناعاندى دا توقتاتتى. جالعىز دوسى اكەسىنىڭ ناعاشىسى اكەلىپ بەرگەن اق بوتا.
  ۇزاقتان - ۇزاققا سوزىلىپ جاتقان، تاۋسىلىپ بەرمەس قوجىر تاۋدىڭ بوكتەرى سۋسىعان اق قۇم. زاۋرەش (ونىڭ اتى زاۋرەش ەدى) ءىشى پىسقاندا اق بوتاسىن ەرتىپ سول سۋسىما اق قۇمعا باراتىن. قۇم دا ونىڭ جاقسى دوسى. قۇم ونىڭ كوكوراي شالعىن كوك بەلىندەي ەدى. اپپاق مايدا تۇيىرشىكتەر اياعىن ايمالاعانداي جىپ - جىلى، جۇمساق تيەتىن. كىشكەنتاي باشپايلارىن قىتىقتاپ وينايتىن. قۇم توبەسىندە شەڭگەلدەن وزگە وسىمدىك اتاۋلى جوق. ءبىراق قۇمدا جان بار ەدى. ول دا جەل جاپىرعان شالعىنداي جەلبىرەي الادى، قۇم ءتىپتى كەيدە سىڭسىتىپ ءان سالادى. زاۋرەش اق بوتاسىمەن اق قۇم ۇستىندە جارىسادى. ءبىرازدان سوڭ - اق ول مالتىعىپ قۇلاپ تۇسەدى. تۇلىمشاعىنداعى اق لەنتاسى سەلتەڭ ەتەدى. ءيىر موينىنا زاۋرەشتىكىندەي اق لەنتا بايلاعان اق بوتا تاپىراقتاپ ۇزاق جۇگىرەدى، بوتانىڭ سيراقتارى ۇزىن ەدى، قۇم كەدەرگى بولا المايدى. «مەنى تاستاپ كەتكەنىڭ بە؟» دەپ ايعايلاعىسى كەلەدى وكپەلەپ. ءبىراق ءتىل جوق. زاۋرەش اۋزىن باسا قويادى. كوزدەرىنەن تامشىلار دومالايدى. اق بوتا قايتىپ كەلگەنشە ول ەندى شەڭگەلدەرمەن سىرلاسادى. شەڭگەلدىڭ تىكەنى ءزارلى، ءوزى سيىقسىز بولعانىمەن، وسى شەڭگەلدەن اۋەندى، مۇڭلى وسىمدىك جوق. اسىرەسە، كۇز كەلگەن شاقتا شارشاعان جەلمەن قوسىلىپ، تاۋسىلماس ساعىنىشتى سازعا باسادى. شەڭگەل ءۇنى بالا قولدى - اياققا توقتاماي جىلاعاندا سونىڭ الىستان تالىپ ەستىلگەن داۋىسىنداي. شوككەن كۇيى ىرعالىپ ءسابي داۋىسىنا تەبىرەنىپ جاتقانداي، تۇستىكتە بۇلدىراپ كوكباي تاۋى كولبەڭدەيدى. شۇبار كوكەك جالباڭداپ ۇشادى. الاقانات ساۋىسقان شىقىلىقتاپ سوناۋ قۇم جيەگىندەگى جىڭعىلدارعا قاراي قانات قاعادى.
  شەڭگەل زاۋرەشكە تىكەنىن قادامايدى. تىكەندەرىنىڭ جۇمساق تۇكتى سىرتىمەن ونىڭ بالتىرلارىن سيپاپ، مۇڭلى، ءبىراق سونشالىق ءتاتتى ءان سالادى. زاۋرەش ءوزى ءان ايتىپ وتىرعانداي تەبىرەنەدى. ءسابي جۇرەگىنە بايلانعان دەرت مۇلدەم جىبىگەندەي بار نارسەنى ۇمىتىپ، راقات كۇي كەشەدى. تاپىراقتاپ قۇم جيەگىنە قاراي ۇزاپ كەتكەن اق بوتا ەندى ءيىر موينىن بۇرىپ ارتىنا قارايدى. زاۋرەشتىڭ جوق ەكەنىن بىلگەن سوڭ، باق ەتىپ داۋىس شىعارادى دا كەيىن جۇگىرەدى.

جاۋاپتى رەداكتورى : قۇلقايتەكتى نۇرلان جانايقان ۇلى