قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

وقۋ - اعارتۋ ىستەرىن قايتكەندە الدىمەن دامىتۋعا بولادى

حالىق گازەتىنىڭ تىلشىلەرى جاۋ ى - نا، جاڭ شۋو، ديڭ يايۇڭ

2018.01.09 18:08 كەلۋ قاينارى : شينجياڭ گازەتىنەن

       بەت اشار
  باس شۋجي شي جينپيڭ مىنالاردى باسا دارىپتەدى: حالىقتىڭ تاماشا تۇرمىسقا دەگەن تالپىنىسى ءبىزدىڭ كۇرەس نىسانامىز ەكەنىن ەستە بەرىك ساقتاۋىمىز، ادامدى وزەك ەتكەن دامۋ يدەياسىنان جازباۋىمىز، حالىق تۇرمىسىن قامتاماسىز ەتەتىن جانە جاقسارتاتىن قىزمەتتەردى مىقتى ۇستاۋعا قۇلشىنىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، جالپى حالىقتىڭ ورتاق بايۋىن ۇزدىكسىز ىلگەرىلەتۋىمىز كەرەك.

  پارتيا 19 - قۇرىلتايى بايانداماسىندا حالىق تۇرمىسىن دامۋ بارىسىندا قامتاماسىز ەتۋگە جانە جاقسارتۋعا تاباندى بولۋ كەرەكتىگى ورتاعا قويىلدى. بالالارعا تاربيە بەرۋ، وقيتىن مەكتەبى بولۋ، ەڭبەكتىڭ جەمىسى بولۋ، ەمدەلەتىن شيپاحانا بولۋ، قارتايعاندا كۇتىمدەلەتىن ورىن بولۋ، تۇراتىن باسپانا بولۋ، كومەككە ءزارۋ جانداردىڭ سۇيەنىشى بولۋ جاقتارىندا ۇزدىكسىز تىڭ جەتىستىكتەرگە قول جەتتى.
  پارتيا 19 - قۇرىلتايى بايانداماسىندا: وقۋ - اعارتۋ ىستەرىن الدىمەن دامىتۋ. وقۋ - اعارتۋدا قۇدىرەتتى ەل قۇرۋ − جۇڭحۋا ۇلتى ۇلى گۇلدەنۋىنىڭ نەگىزدىك ينجەنەرياسى، وقۋ - اعارتۋ ىستەرىن، ءسوز جوق، ماڭداي الدى ورىنعا قويىپ، وقۋ - اعارتۋدىڭ وسىزاماندانۋىن جەدەلدەتىپ، وقۋ - اعارتۋدى حالىق رازى بولاتىنداي ەتىپ جاقسى باسقارۋ كەرەك، - دەپ اتاپ كورسەتىلدى.
  قالا مەن اۋىلداردا مىندەتتى وقۋ - اعارتۋدىڭ ءبىر تۇلعالانىپ دامۋىن قايتكەندە ىلگەرىلەتۋگە بولادى؟ الدىڭعى قاتارداعى جوعارى مەكتەپتەر جانە بىرەگەي ءپان قۇرىلىسىن جەدەلدەتىپ، جوعارى دارەجەلى وقۋ - اعارتۋدىڭ مايەكتى دامۋىن جۇزەگە اسىرۋدىڭ تەتىگى نەدە؟ وقۋشىلارعا قارجىلاي كومەكتەسۋ ءتۇزىمىن قايتكەندە كەمەلدەندىرۋگە بولادى؟ ءتىلشى قاتىستى تاراۋلار مەن مامانداردان وسى سۇراقتاردىڭ جاۋابىن ىزدەدى.
  قالا مەن اۋىلدارداعى مىندەتتى وقۋ - اعارتۋدىڭ ءبىر تۇلعالانىپ دامۋىن قايتكەندە ىلگەرىلەتۋگە بولادى؟
  ءتىلشى: 19 - قۇرىلتاي بايانداماسىندا «قالا مەن اۋىلداردا مىندەتتى وقۋ - اعارتۋدىڭ ءبىر تۇلعالانا دامۋىن ىلگەرىلەتىپ، اۋىل - قىستاقتارداعى مىندەتتى وقۋ - اعارتۋعا وسكەلەڭ ءمان بەرىپ، وقۋ جاسىنا دەيىنگى تاربيەنى، ەرەكشە وقىتۋدى جانە تورمەن وقىتۋدى ويداعىداي جۇرگىزىپ، ورتا مەكتەپ ساتىسىنداعى وقىتۋدى جالپىلاستىرىپ، ءاربىر بالانى ءادىل دە ساپالى ءبىلىم الۋ مۇمكىندىگىنە يە ەتۋگە قۇلشىنۋ كەرەك» دەپ اتاپ كورسەتىلدى. وقۋ - اعارتۋدىڭ ءبىر تۇلعالانا دامۋىن ىلگەرىلەتۋدە قانداي ماسەلەلەردى ءتۇيىندى شەشۋ كەرەك؟
  وقۋ - اعارتۋ مينيسترلىگى نەگىزدىك وقۋ - اعارتۋ مەكەمەسىنىڭ باستىعى لۇي يۇيگاڭ: قالا مەن اۋىلدارداعى مىندەتتى وقۋ - اعارتۋدىڭ ءبىر تۇلعالانا دامۋىن ىلگەرىلەتۋدە، ەڭ ماڭىزدىسى، «اۋىل - قىستاقتىڭ ءالسىز بولۋى، قالا - قالاشىقتا وقۋشىلار سانىنىڭ كوپ بولۋى» سىندى كورنەكتى ماسەلەنى شەشۋ كەرەك.
  ەڭ ماڭىزدىسى، «ءتورتتىڭ بىركەلكى بولۋ» ولشەمىن تياناقتاندىرۋ. ءبىر تۇتاس «ورتا، باستاۋىش مەكتەپ قۇرىلىسى ولشەمىنە» وزگەرىس جاساپ، جاريالاپ، مەكتەپتەردىڭ ولشەمدى قۇرىلىسىن ىلگەرىلەتۋ؛ قالا، اۋىل وقىتۋشىلارىنىڭ بىرلىككە كەلگەن شتات ولشەمىن تياناقتاندىرۋ، شتات باسقارۋ جانە ءبىر تۇتاس باسقارۋ، جايعاستىرۋ مەحانيزمىن اقاۋسىزداندىرۋ؛ وقۋشى باسىنا تۋرا كەلەتىن الەۋمەتتىك قارجى ولشەمىن تياناقتاندىرىپ، جەرگىلىكتى ورىنداردى الەۋمەتتىك قارجى ولشەمىن جوعارىلاتۋعا شابىتتاندىرۋ؛ مەكتەپتىڭ نەگىزدىك جابدىق ولشەمىنىڭ ءبىرىڭعاي بولۋىن اقاۋسىزداندىرىپ، جابدىقتىڭ قولدانىلۋ ورەسىن جوعارىلاتۋ. سونىمەن بىرگە، جەر - جەردىڭ كلاسقا شەكتەن تىس بالا قابىلداۋدى كۇشىنەن قالدىرۋ جوسپارىنا مۇقيات قۋزاۋشىلىق ەتۋ كەرەك. 2018 - جىلعا بارعاندا كلاسقا ەرەكشە شەكتەن تىس بالا قابىلداۋدى نەگىزىنەن كۇشىنەن قالدىرۋ، 2020 - جىلعا جەتكەندە كلاسقا شەكتەن تىس بالا قابىلداۋدى نەگىزىنەن كۇشىنەن قالدىرۋ كەرەك.
  ولقىلىقتاردى ىشكەرىلەي تولىقتاپ، ءالسىز بۋىنداردى كۇشەيتۋ كەرەك. اۋىل - قىستاقتارداعى شاعىن كولەمدى مەكتەپتەر مەن اۋىل - قالاشىقتارداعى جاتاقتى مەكتەپتەردىڭ قۇرىلىسىن ءبىر تۇتاس جوسپارلاپ، كۇشەيتىپ، جاقىن ماڭدا وقۋعا كىرۋدىڭ جانە جاتاققا ۇيلەسىمدى ورنالاستىرۋدىڭ، ساپاعا كەپىلدىك ەتۋدىڭ اراسىنداعى بايلانىسقا نازار اۋدارىپ، ونى دۇرىس ءبىر جاقتى ەتىپ، ءبىر تۇتاس ورنالاستىرىپ، جوبالاپ، مەكتەپ شارت - جاعدايىن، وقىتۋشىلار قوسىنىن، قارجىلىق قامتاماسىز ەتۋدى، وقىتۋ - تاربيەسى جاقتاردان تۇبەگەيلى قامال الىپ، اۋىل - قىستاقتارداعى مەكتەپتەردىڭ شارت - جاعدايىن جاپپاي جوعارىلاتۋ كەرەك.
  مۇنان سىرت، تولىق ورتا ساتىسىنداعى وقىتۋدىڭ وڭىرلىك دامۋى بىركەلكىسىز، ادەتتەگى تاربيە مەن كاسىپتىك تاربيەنىڭ قۇرىلىمى ۇيلەسىمسىز جانە قامتاماسىز ەتۋ شارت - جاعدايى جەتكىلىكسىز بولۋداي ماسەلەلەر ءومىر ءسۇرىپ وتىر. ورتالىق قامال الۋ نىساندارىن ۇزدىكسىز اتقارادى، جەرگىلىكتى ۇكىمەتتەر نىسان ارحيۆتەرىن ويداعىداي جاساپ، ۋاقىتتى مىقتى يگەرىپ، مەكتەپتەردەن ءبىر توبىن جاڭادان نەمەسە وزگەرتىپ سالىپ، ادەتتەگى تولىق ورتا مەكتەپتەردىڭ كلاسقا شەكتەن تىس بالا قابىلداۋىن نەگىزىنەن كۇشىنەن قالدىرۋ كەرەك. قامتاماسىزداندىرۋدى كۇشەيتىپ، كۇشتى شوعىرلاندىرا وتىرىپ، نەگىزدى قامتاماسىز ەتىپ، ولقىلىقتاردى تولىقتاپ، ادىلدىكتى جەبەپ، جەر - جەر ادەتتەگى تولىق ورتا مەكتەپ وقۋشىلارىنىڭ كىسى باسىنا تاراتىلاتىن قارجى نەمەسە كىسى باسىنا تاراتىلاتىن الەۋمەتتىك قارجى ولشەمىن ورناتىپ، وزىندىك قۇندى ۇيلەسىمدى ءبولىسۋ مەحانيزمىن ورناتۋ كەرەك. باسقارۋدى مىقتى ۇستاپ، ادەتتەگى، كاسىپتىك وقۋشى قابىلداۋ كولەمىن ءبىر ارنادا ۇستاپ، وقۋشى قابىلداۋ ارەكەتىن كۇش سالا ارناعا ءتۇسىرىپ، مەملەكەت يەلىگىندەگى ادەتتەگى تولىق ورتا مەكتەپتەردىڭ ەرەجەگە قايشىلىق جاساپ، رايون اتتاپ، جوسپاردان تىس نەمەسە ءوز بىلگەنىنشە الدىن الا وقۋشى قابىلداۋىن، سارالاپ قابىلداۋىنا قاتاڭ تيىم سالۋ كەرەك.
  جوعارى دارەجەلى وقۋ - اعارتۋدىڭ مايەكتى دامۋىن قالاي جۇزەگە اسىرۋعا بولادى؟
  ءتىلشى: 19 - قۇرىلتايى بايانداماسىندا بىرەگەي ۋنيۆەرسيتەتتەر مەن بىرەگەي ءپان قۇرىلىسىن جەدەلدەتىپ، جوعارى دارەجەلى وقۋ - اعارتۋدىڭ مايەكتى دامۋىن جۇزەگە اسىرۋ باسا دارىپتەلدى. الدىڭعى قاتارداعى ۋنيۆەرسيتەتتەر مەن بىرەگەي ءپان قۇرىلىسىندا نەلەرگە كوڭىل ءبولۋ كەرەك؟ جوعارى دارەجەلى وقۋ - اعارتۋدىڭ مايەكتى دامۋىن قالاي جۇزەگە اسىرۋعا بولادى؟
  مەملەكەتتىك وقۋ - اعارتۋ كەڭەس سۇراۋ كوميتەتىنىڭ مۇشەسى چۇي جىنيۋان: تەز قارقىنمەن دامۋ بارىسىندا، ءبىز كولەمدى ارتۋ نەگىز ەتىلگەنىن، وقۋ - اعارتۋدىڭ كولەمىن جانە دامۋ قارقىنىن اناعۇرلىم باسا دارىپتەگەنىن كورە ءبىلۋىمىز كەرەك. بۇل كۇندەرى بولاشاقتى بەتكە الۋ بارىسىندا ساپاعا ءتىپتى ءمان بەرىپ، ساپانىڭ اناعۇرلىم جوعارىلاۋىنا، قۇرىلىمنىڭ اناعۇرلىم ۇيلەسىمدى بولۋ ساتىسىنا قادام تاستالدى. وتە - موتە، جوعارى دارەجەلى وقۋ - اعارتۋدا شىعىس جاقتىڭ مىقتى، باتىس جاقتىڭ ءالسىز بولۋى سىندى بىركەلكى بولماۋ ماسەلەسى ءالى دە ورىن تەۋىپ وتىر، بۇل قۇرىلىمدىق جاقتا رەتتەۋ جۇرگىزۋدى قاجەت ەتەدى، وسىنىڭ بارلىعى مايەكتى دامۋدىڭ قاجەتتىلىگى مەن كوكەي تەستىلىگىن بەينەلەيدى.
  ساپانى جوعارىلاتۋدى نەگىزگى تاقىرىپ، قۇرىلىمدى رەتتەۋدى نەگىزگى جەلى ەتكەن مايەكتى دامۋدىڭ تىڭ ساتىسىندا، مىناداي بىرنەشە رەفورمانى مىقتى ۇستاۋ كەرەك: دارىندىلاردى باۋلۋ ءتۇزىمى رەفورماسى، عىلمي زەرتتەۋ ءتۇزىلىس مەحانيزمى رەفورماسى، كادرلار ءتۇزىمى رەفورماسى جانە جوعارى مەكتەپتەردىڭ قوعاممەن بايلانىس مەحانيزمى رەفورماسى.
  ۋنيۆەرسيتەتتەردىڭ تابان تىرەر تياناعى − ءمورال ارقىلى ادام تاربيەلەۋ. ماڭداي الدى دارىندى تاربيەلەپ شىققان ۋنيۆەرسيتەتتەر عانا دۇنيە جۇزىندەگى الدىڭعى قاتارداعى ۋنيۆەرسيتەتتەر قاتارىنا كىرە الادى. ەلىمىزدىڭ ۋنيۆەرسيتەتتەرىن ويداعىداي باسقارىپ، دۇنيە جۇزىندەگى الدىڭعى قاتارداعى ۋنيۆەرسيتەتتەر قۇرىپ شىعۋدا «دارىندىلاردى تاربيەلەۋ قابىلەتىن جاپپاي جوعارىلاتۋ» سىندى وسى وزەكتى مىقتاپ يگەرۋ ءارى وسى ارقىلى ۋنيۆەرسيتەتتەردىڭ باسقا دا قىزمەتتەرىن ىلگەرىلەتۋ كەرەك. سونىمەن بىرگە عىلىم - تەحنيكادا جاڭالىق اشۋ ادامزات قوعامىنىڭ العا باسۋىنداعى قۇدىرەتتى قوزعاۋشى كۇشكە اينالدى. الدىڭعى قاتارداعى ۋنيۆەرسيتەتتەر مەن بىرەگەي ءپان قۇرىلىسى عىلىم - تەحنيكادا جاڭالىق اشۋ سىندى ماڭىزدى بورىشتى ارقالاپ وتىر. بۇدان تىس، الىمدى ۇستازدار ۋنيۆەرسيتەتتەردىڭ نەگىزى. قىزمەت ورنىن ورنالاستىرۋ، تۇرگە ءبولىپ باسقارۋ، تەكسەرۋ - باعالاۋ، ەڭبەكاقى ءبولىسى، دارىندىلاردى كىرگىزۋ، تاربيەلەۋ، ۇيلەسىمدى اينالىسقا سالۋ سياقتى بۋىنداردى جۇيەلى رەتتەپ، وقىتۋشىلار قوسىنىنىڭ دامۋىن شەكتەيتىن تۇزىمدىك كەدەرگىلەردى الاستاپ، الدىڭعى قاتارداعى ۋنيۆەرسيتەتتەر مەن بىرەگەي ءپان قۇرىلىسىنا ساي كەلەتىن وقىتۋشىلار قوسىنىن ۇيىستىرۋ كەرەك. سونىمەن بىرگە، ەسىكتى تارس جاۋىپ وقىتاتىن كونە سۇردەكتى جويىپ، ءتارتىپسىز ەسىك اشاتىن جاڭا ماسەلەلەردى جەڭىپ، ۋنيۆەرسيتەتتەر مەن قوعامنىڭ ورگانيكالى، ءتارتىپتى بايلانىس جاڭا مەحانيزمىن قۇرۋ، جاڭا ءتارتىبىن ورناتۋ كەرەك.
  شيامىن ۋنيۆەرسيتەتى پارتكومىنىڭ شۋجيى جاڭ يان: 19 - قۇرىلتايى بايانداماسىندا الدىڭعى قاتارداعى ۋنيۆەرسيتەتتەر مەن بىرەگەي ءپان قۇرىلىسىن جەدەلدەتىپ، جوعارى دارەجەلى وقۋ - اعارتۋدىڭ مايەكتى دامۋىن جۇزەگە اسىرۋ باسا دارىپتەلدى. بۇل پارتيا ورتالىق كوميتەتىنىڭ جوعارى دارەجەلى مەكتەپتەردى قامتىعان وقۋ - اعارتۋ ىستەرىنە وسكەلەڭ ءمان بەرگەندىگىن تولىق بەينەلەدى. قاتىستى بايانداۋلار مەن تالاپتار ءبىزدىڭ قازىرگى جۇرگىزىپ وتىرعان كەشەندى رەفورمالارىمىزدا، الدىڭعى قاتارداعى ۋنيۆەرسيتەتتەر جانە بىرەگەي ءپان قۇرىلىسىندا، سونداي - اق جوعارى مەكتەپتەردىڭ يدەيا - ساياسي قىزمەتى جونىندەگى مەملەكەتتىك ءماجىلىسىنىڭ رۋحىن ىشكەرىلەي دايەكتىلەندىرۋدە، تياناقتاندىرۋدا، جوعارى مەكتەپتەردىڭ پارتيا قۇرىلىسىن جانە يدەيا - ساياسي قىزمەتىن كۇشەيتۋدە توتەنشە ماڭىزدى جەتەكشىلىك مانگە يە.
  كۇنميڭ مەديتسينا ۋنيۆەرسيتەتىنىڭ پروفەسسورى، «وقۋ وقىتىپ، ادام تاربيەلەۋدىڭ بۇكىل مەملەكەتتىك ۇلگىسى» حى لي: كەزەكتە، وقۋ - اعارتۋ بايلىعىنان يگىلىكتەنۋ، وتە - موتە، جوعارى دارەجەلى وقۋ - اعارتۋ بايلىعىنان يگىلىكتەنۋ جاقتارىندا ءالى دە بىركەلكىسىزدىك جايت ورىن تەبۋدە. بۇدان كەيىن وقۋ - اعارتۋ ۇسىنىلىمى جاعىندا ەلىمىزدىڭ باتىس بولىگىندەگى دامۋى كەنجە قالعان رايوندارعا بارىنشا قامقورلىق جاساپ، اناعۇرلىم كوپ جوعارى مەكتەپتەردىڭ مايەكتى دامۋىن جۇزەگە اسىرۋىنا وراي جاساۋ كەرەك.
  وقۋشىلارعا قارجىلاي كومەك كورسەتۋ ءتۇزىمىن قايتكەندە اقاۋسىزداندىرۋعا بولادى؟
  ءتىلشى: 19 - قۇرىلتايى بايانداماسىندا وقۋشىلارعا قارجىلاي كومەكتەسۋ ءتۇزىمىن اقاۋسىزداندىرۋ ورتاعا قويىلدى. بولاشاقتا وقۋشىلارعا قارجىلاي كومەكتەسۋ ءتۇزىمىن قايسى جاقتاردان كەمەلدەندىرۋ، اقاۋسىزداندىرۋ قاجەت؟ قالاي جۇزەگە اسىرۋعا بولادى؟
  مەملەكەتتىك وقۋشىلارعا قارجىلاي كومەكتەسۋ ىستەرىن باسقارۋ ورتالىعىنىڭ قاتىستى جاۋاپتىسى: جاڭا داۋىرگە وتكەندە، وقۋشىلارعا قارجىلاي كومەكتەسۋ قىزمەتى پارتيا 19 - قۇرىلتايىنىڭ رۋحىن جاپپاي دايەكتىلەندىرۋ، تياناقتاندىرۋدى مىقتاپ ارقاۋ ەتىپ، ءىشىنارا جەرلەردە ورىن تەۋىپ وتىرعان بىركەلكىسىزدىك، جەتكىلىكسىزدىك ماسەلەسىن كۇش سالا شەشىپ، «ەڭ تومەنگى شەكتى ساقتاۋ، ءتۇيىندى كورنەكتىلەندىرۋ، ءتۇزىمدى كەمەلدەندىرۋ، جوسپارلى جەتەكشىلىك ەتۋ» پرينسي−بىنە ساي، كۇش - قۋاتتى سارقا جۇمساپ، وقۋشىلارعا قارجىلاي كومەكتەسۋ ءتۇزىمىن ىشكەرىلەي اقاۋسىزداندىرىپ، وتباسىندا ەكونوميكالىق قيىنشىلىعى بار وقۋشىلارعا قارجىلاي كومەكتەسۋدى جاپپاي قامىتۋدى جۇزەگە اسىرۋ كەرەك.
  بولاشاقتا مىناداي 3 باستى قىزمەت ىستەلەدى: حالىقتى وزەك ەتكەن دامۋ يدەياسىن ويداعىداي تياناقتاندىرىپ، باقىلاۋ - باسقارۋ قىزمەتىن كۇشەيتىپ، وقۋشىلارعا قارجىلاي كومەكتەسۋ سىندى حالىققا ءتيىمدى ساياساتتىڭ تياناقتانۋىن ىلگەرىلەتىپ، حالىق بۇقاراسىنىڭ تابىس سەزىمىن كۇشەيتۋ؛ ولقىلىقتاردى تولىقتاۋ، ءالسىز جاقتى كۇشەيتۋ سىندى باستى تالاپتى ويداعىداي تياناقتاندىرىپ، ساياساتتى مىقتى ۇستاۋ ارقىلى، قازىرگى اتقارىلىپ وتىرعان ساياساتتاعى جاپپاي قامىتۋدىڭ كەمىستىكتەرىن تولىقتاپ، كەمەلدەندىرۋ؛ وقۋ - اعارتۋدىڭ ادىلدىگىن ىلگەرىلەتۋ تالابىن ويداعىداي تياناقتاندىرىپ، دالمە - دالدىكتى مىقتى ۇستاپ، كومەك قاراجاتىنىڭ جۇمسالۋ ونىمدىلىگىن شىنايى جوعارىلاتۋ؛ ءمورال ارقىلى ادام تاربيەلەۋ سىندى ءتۇبىرلى مىندەتتى ويداعىداي تياناقتاندىرىپ، قارجىلاي كومەك بەرىپ، وقۋشىلاردىڭ ەسەيىپ - ەرجەتۋىن جەبەۋ.
  باقىلاۋ - باسقارۋ تەبىنىن اناعۇرلىم كۇشەيتىپ، باسقارۋ ءتۇزىمىن، باقىلاۋ - باسقارۋ جاۋاپكەرلىگىن، قارجى باسقارۋدى، ينفورماتسيا باسقارۋدى، قۇرىلىم قوسىنى قۇرىلىسىن ارناعا ءتۇسىرۋ ارقىلى اتقارۋدىڭ فورماعا اينالۋى سياقتى ماسەلەلەردى اداقتاپ، ءتۇرلى قارجىلاي كومەكتەسۋ ساياساتتارىنىڭ جاپپاي تياناقتانۋىنا كەپىلدىك ەتۋ كەرەك. سونىمەن بىرگە جەر - جەرلەردى، مەكتەپتەردى وتباسىندا قيىنشىلىعى بار وقۋشىلاردى بەلگىلەۋدە قولدانىلمالى، كوپتىڭ قۇپتاۋىنا يە بولعان ءادىس جاساۋعا قۋزاپ، مەكتەپ، كەدەيلەردى سۇيەمەلدەۋ، حالىق ىستەرى سياقتى تاراۋلارمەن ينفورماتسيانى ورتاقتاسۋدى ىلگەرىلەتىپ، قارجىلاي كومەك كورسەتۋدىڭ وبيەكتىن دالمە - ءدال تاۋىپ، وقۋشىنىڭ قيىنشىلىق دارەجەسىنە قاراي كومەكتەسۋ ولشەمىن بەلگىلەۋ، وقۋشىلار كومەككە ءزارۋ بولعاندا، كومەك قاراجاتتى دەر كەزىندە تابىس ەتۋ كەرەك. قارجىسىن بولگەندە ورتا - باتىس رايوندارعا، اۋىل - قىستاقتارعا، بايىرعى، از ۇلت، شەكارا، كەدەي، ارال وڭىرلەردەگى جانە وتباسىندا قيىنشىلىعى بار وقۋشىلار شوعىرلانعان مەكتەپتەرگە قاراي ۇيلەسىمدى بەيىمدەلۋى كەرەك.
  ونان دا ماڭىزدىسى، «ءمورال ارقىلى ادام تاربيەلەۋ» تۋىن بيىك ۇستاپ، «قيىنشىلىعى بارلارعا قارجىلاي كومەك كورسەتۋ، ءمورال ارقىلى ادام تاربيەلەۋ، جۇڭگو ارمانىنا ات سالىسۋ» سىندى ەرەكشەلىككە يە جول ۇستانىپ، وقۋشىلاردىڭ جان - جاقتىلى دامۋىن ىلگەرىلەتىپ، وقۋشىلاردى دەربەس، ءوزىن الۋەتتەندىرۋگە، كۇتكەن ۇمىتتەن شىعۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ۇلى ىستەرىنە بەلسەنە ات سالىسۋعا جەتەكشىلىك ەتۋ كەرەك.


جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ