قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ج ك پ ورتالىق كوميتەتى ساياسي بيۋروسىنىڭ مۇشەسى، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي
  • 20 - قازاندا التاي قالالىق پارتكوم ۇگىت ءبولىمىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا وسى قالانىڭ مەملەكەت يەلىگىندەگى 1 - مال فەرماسى توسشى بولىمشە الاڭىندا تۇراتىن قىزمەت اترەتىنىڭ مۇشەسى (وڭنان 1 - ) توسشى بولىمشە الاڭىنداعى جۇمىسشى - قىزمەتشىلەرمەن بىرگە 19 - قۇرىلتاي بايانداماسىن ۇيرەندى.
 سۋرەتتى ليۋ شىحى تۇسىرگەن
  • 20 - قازاندا پارتيا 19 - قۇرىلتايىنا قاتىناسقان شينجياڭ ۋاكىلدەر ۇيىرمەسى 19 - قۇرىلتاي بايانداماسىن دەن قويا تالقىلادى. سۋرەتتە: ۋاكىل وبۇلقاسىم ءماتتۇرسىن ءسوز سويلەۋدە. 
 سۋرەتتى ءتىلشىمىز سۇي جىجيان تۇسىرگەن
  • 22 - قازاندا پارتيا 19 - قۇرىلتايى اقپارات ورتالىعى مەديا ورتالىعىنىڭ 2 - قاباتىنداعى اقپار جاريالاۋ زالىندا توپتىق تىلشىلىك سۇحبات وتكىزىپ، وقۋ - اعارتۋ سالاسىنداعى ۋاكىلدەردى ۇسىنىس ەتىپ، «وقۋ - اعارتۋ جالپىلىق رەفورماسى» جونىندە سۇحبات بەردى. سۋرەتتە: پارتيا 19 - قۇرىلتايى شينجياڭ ۋاكىلدەر ۇيىرمەسىنىڭ ۋاكىلى، شينجياڭ قۇمىل كاسىپتىك - تەحنيكالىق ينستيتۋتىنىڭ ورىنباسار باستىعى ليۋ جىحۋاي (سولدان 3 - ) تىلشىلەردىڭ سۇراعىنا جاۋاپ قايتاردى. سۋرەتتى ءتىلشىمىز سۇي جىجيان تۇسىرگەن

سۇيىسپەنشىلىكپەن كوڭىلدىڭ كۇيىن شەرتىپ، اقىل - پاراساتىمەن سابيلەردى جەتەكتەدى

اراسان اۋدانى تاشيۋ اۋىلى سەنترلى باستاۋىش مەكتەبىنىڭ وقىتۋشىسى پۋ جيالياڭ جونىندە 

ءتىلشىمىز بارشا تەگىس قىزى

2017.10.28 12:51 كەلۋ قاينارى : شينجياڭ گازەتىنەن

  ول 28 جىل بويى اۋىل - قىستاقتا تابان تىرەپ، وقىتۋدىڭ الدىڭعى شەبىندە مىزعىماي تاباندى تۇردى، ونىڭ تۇرمىسى ساباقحانامەن، وقۋشىلارمەن بىتە قايناسقان بولاتىن. بوران - شاشىن وعان توسقاۋىل بولا المادى، مەكتەپتى ءوز ۇيىندەي كورىپ، پارتيانىڭ وقۋ - اعارتۋ ىسىنە بار ىنتا - پەيىلىمەن كىرىستى، قىزمەت جاۋاپكەرلىگىن تولىق ادا ەتىپ، ءۇنسىز عانا ۇلەستەر قوستى.
  ول بولسا اراسان اۋدانى تاشيۋ اۋىلى سەنترلى باستاۋىش مەكتەبىنىڭ وقىتۋشىسى پۋ جيالياڭ ەدى.
  پۋ جيالياڭ بىلاي دەدى: وقۋ - اعارتۋدىڭ مىندەتى ادام تاربيەلەۋ، ادام تاربيەلەۋدىڭ تەتىگى «جۇرەكتى ءجىبىتۋ». ءبىلىم بەرىپ، ادام تاربيەلەگەندە سۇيىسپەنشىلىك بولماسا بولمايدى، شىنايى سۇيىسپەنشىلىككە قارا تاس تا ءجىبيدى.
  وقىتۋشىلىق قىزمەتى جاسامپازدىق ەڭبەك، سۇيىسپەنشىلىك پەن اقىل - پاراسات قاتار ءومىر سۇرگەن كوركەمونەر ارقىلى پۋ جيالياڭ وقۋشىلارعا تەرەڭ ىقپال جاسادى.
  وتتاي لاۋلاعان سۇيىسپەنشىلىك
  ءبىر موڭعۇل قىز وقۋشى 3 جاس كەزىندە شەشەسى قايتىس بولادى، 2009 - جىلى باستاۋىشتى بىتىرەر الدىندا اكەسى دە قايتىس بولىپ، جەتىم قالادى. پۋ جيالياڭ ونىڭ تۇرمىسىنا ءبىر جاعىنان قارجىلاي كومەك بەرىپ، ەندى ءبىر جاعىنان ونى ەڭ تومەنگى تۇرمىستى قامتاماسىزداندىرۋعا كومەكتەسىپ ءوتىنىش بەرەدى ءارى وقۋشى - وقىتۋشىلاردى اقشا، كيىم اتاۋعا اتتانىسقا كەلتىرىپ، ونىڭ ساباقتاستارىمەن بىرگە باستاۋىش مەكتەپ ساتىسىنداعى ەڭ سوڭعى «1 - ماۋسىم» بالالار مەرەكەسىن تويلاۋىنا مۇمكىندىك جاسادى.
  2011 - جىلى ماۋسىمدا يۇنناننان مەكتەپ اۋىستىرىپ كەلگەن شارۋا - جۇمىسكەردىڭ بالاسى ياڭ ليڭنىڭ اكە - شەشەسى تاشيۋ اۋىلىنداعى كەرپىش زاۆودىندا جۇمىس ىستەيدى. مايلاپ وتىرعان كونە ۇيلەرىنىڭ توك جولى كونەرىپ، ءورت اپاتى تۋىلىپ ءۇيى ورتەنىپ كەتەدى. پۋ جيالياڭ وعان وقۋ ماتەريالدارىن، جاتتىعۋ داپتەرىن اكەلىپ بەرىپ، ءوزى باستاپ جىلۋ اتايدى، كلاستاعى باسقا ساباقتاستاردى وعان وقۋ ماتەريالدارىن بەرۋگە اتتانىسقا كەلتىرىپ، ونىڭ الاڭسىز وقۋىنا مۇمكىندىك جاسادى.
  قىستىڭ قاقاعان ايازىندا، پۋ جيالياڭ ءار كۇنى كلاسقا ەڭ الدىمەن بارىپ مەشكە وت جاعادى، وقۋشىلار كلاسقا كىرگەندە ۇيىنە كەلگەندەي سەزىنەتىن. پۋ جيالياڭنىڭ بار ىنتا - پەيىلىمەن وقۋشىلارعا كومەكتەسەتىن، وقۋشىلاردى ءوز بالاسىنداي كورەتىن تاڭداۋلى ءمورالى اتا - انالاردى الاڭسىز ەتىپ، وقۋشىلاردى مەيىرگە بولەدى.
  پۋ جيالياڭ ىقىلاستى تۇردە بىلاي دەدى: ءبىر كلاس بەينە ءبىر وتباسى سياقتى، كلاس جەتەكشىسى اتا - انا سياقتى. مەن وقۋشىلاردىڭ بارلىعىن جاقسى كورەمىن، ولاردىڭ ءوز - ءوزىنىڭ ارتىقشىلىق، كەمشىلىكتەرى بار. مەن ولاردىڭ ارتىقشىلىقتارىن اسىرىپ، العا جەتەلەپ، كەمشىلىكتەرىن تۇزەتۋگە تىرىسامىن.
  كلاستى باسقارۋى ايتارلىقتاي بولعاندىقتان، 2011 - جىلى جەلتوقساندا پۋ جيالياڭ اۆتونوميالى رايونداعى 100 ۇزدىك كلاس جەتەكشىسىنىڭ ءبىرى، 7 - كەزەكتى مەملەكەتتىك تاڭداۋلى كلاس جەتەكشىسى بولىپ ماراپاتتالادى.
  2010 - جىلدىڭ كوكتەمىنەن بەرى، پۋ جيالياڭ كلاستا «ءمورال بانكەسىن»، «ءمورال جۇلدىزىن» باعالاۋ تۇعىرىن قۇرادى. ول قىزمەتتى جاڭالىق اشا ورىستەتىپ، وقۋشىلاردىڭ وقۋ ناتيجەسى، تازالىعى، ەڭبەك ىستەۋ بەينەسى، مادەنيەت، ءجون - جوسىنى، كلاستاعى بەينەسى سياقتىلاردى جالپىلىق باعالاۋعا ەنگىزىپ، وقۋشىلاردىڭ «ءمورال جۇلدىزى» بولۋ قىزعىندىلىعىن ارتتىردى.
  اتا - انالار بىلاي دەستى: پۋ مۇعالىمنىڭ جاۋاپكەرلىگى كۇشتى، بالانى ول كىسىگە تاپسىرساق ءبىز الاڭسىز بولامىز.
  قاجىرلىلىقپەن ۇڭىلە زەرتتەپ، ايتارلىقتاي ناتيجە جاراتتى
  «پۋ مۇعالىم ءوزى دە شوگەلدىلىكپەن ۇيرەنىپ، قاجىرلىلىقپەن زەرتتەيدى، ول كىسى قانداي ءىس ىستەسەدە توتەنشە مۇقيات. پۋ مۇعالىمنىڭ بار كۇشپەن دەمەۋىندە، مەن تومەنگى جىلدىقتاعى وقۋشىلارعا مەملەكەت ءتىل ساباعىن وتە الاتىن بولدىم»، - دەدى موڭعۇل ۇلتىنان شىققان وقىتۋشى بالۋما. بىرنەشە جىلدىڭ الدىندا، پۋ جيالياڭ ىرىقتى تۇردە بالۋمامەن جۇپ قۇراپ، تۋىس بولادى ءارى ونىڭ قىزمەت قابىلەتىن جوعارىلاتۋىنا، وقۋ ماتەريالدارىن زەرتتەپ، ۇيرەنۋىنە، ماڭىزدى، قيىن تۇيىندەردى يگەرۋىنە، كۇندەلىكتى ساباق وتۋىنە كومەكتەسەدى.
  ءار وقۋ ماۋسىمى باستالار الدىندا، پۋ جيالياڭ بۇكىل مەكتەپتەگى وقىتۋشىلارعا جەتەكشىلىك ساباعىن، ۇلگى ساباعىن ءوتىپ، جاڭا ۇستانىمداردى، جاڭا وقىتۋ ادىستەرىن، جاڭا ۇيرەنۋ ادىستەرىن، جاڭا باعالاۋ ادىستەرىن ۇيرەتەدى. ول وقىتۋدى زەرتتەۋ گرۋپپاسىنىڭ قيمىل ۋاقىتىنان ۇتىمدى پايدالانىپ، ارنايى تاقىرىپتاعى لەكسيالاردى ۇيىمداستىرادى، مەكتەپتە ساباق تىڭداۋ، باعالاۋ قيمىلدارىنداعى ۇلگىلىك، جەتەكشىلىك رولىن تولىق ساۋلەلەندىردى.
  پۋ جيالياڭ 2010 - جىلدان 2011 - جىلعا دەيىن وبلىس دارەجەلى «باستاۋىش مەكتەپ وقۋشىلارىنىڭ وزدىگىنەن وقۋ تاماشا ادەتىن جەتىلدىرۋ جونىندەگى زەرتتەۋ» تاقىرىبىنىڭ جەتەكشىسى؛ 2012 - جىلدان 2013 - جىلعا دەيىن، اۆتونوميالى رايون دارەجەلى «كىتاپپاز مەكتەپ اۋلاسىن قۇرۋ جانە ونىڭ امالياتى جونىندەگى زەرتتەۋ» تاقىرىبىنا قاتىناستى؛ 2013 - جىلدان 2014 - جىلعا دەيىن، ول تاشيۋ اۋىلدىق سەنترلى باستاۋىش مەكتەبىندەگى ساباققا رەفورما جاساۋ گرۋپپاسىنداعى وقىتۋشىلاردى باستاپ، وبلىس دارەجەلى «باستاۋىش مەكتەپ ادەبيەت وقىتۋ امالياتىنا جاڭالىق ەنگىزۋ تاكتيكاسىن زەرتتەۋ» تاقىرىبىنا، اۆتونوميالى رايون دارەجەلى «ەگىمشىلىك، مالشىلىق رايوندارىنداعى باستاۋىش مەكتەپتەرىندە ءونىمدى وقىتۋ ءتاسىلى جونىندە زەرتتەۋ» تاقىرىبىنا قاتىناستى؛ 2013 - جىلى اۆتونوميالى رايوندىق وقۋ - اعارتۋ عىلمي قوعامىنىڭ ورنالاستىرعان تاقىرىبى «اۆتونوميالى رايوننىڭ مىندەتتى وقۋ - اعارتۋ ساتىسىنداعى ساباقحانا وقىتۋىن باقىلاۋ جانە باعالاۋ جونىندەگى زەرتتەۋگە» قاتىناستى.
  پۋ جيالياڭنىڭ جازعان «ساپا وقۋ - اعارتۋىنىڭ ساباقحاناعا كىرۋىنە مۇمكىندىك جاسايىق»، «ساپا وقۋ - اعارتۋى بالالاردى ۇيرەنۋدىڭ قوجاسى بولۋعا شاقىرادى» اتتى ماقالالارى مەملەكەتتىك 1 - دارەجەلى سيلىققا، «وقۋشىلاردى لايىقتى كولەمدە شابىتتاندىرىپ، ماداقتاپ، ولاردى عىلمي باعالايىق» اتتى ماقالاسى اۆتونوميالى رايون بويىنشا 1 - دارەجەلى سيلىققا، «لۋديڭچياۋدى تارتىپ الۋ» اتتى وقىتۋ جوباسى مەملەكەتتىك 1 - دارەجەلى سيلىققا يە بولدى. ول «اۋىل كوركى»، «حاۋىپسىز وقۋ - اعارتۋ» سياقتى وقۋلىقتاردى قۇراستىرۋعا قاتىناسادى. 2017 - جىلى مامىردا اۆتونوميالى رايون جاعىنان «تاڭداۋلى اۋىل - قىستاق وقىتۋشىسى» بولىپ باعالانادى.
  پۋ جيالياڭ وقۋشىلاردىڭ جان - جاقتىلى جەتىلۋىنە باسا ءمان بەردى، ول جەتەكشىلىك ەتكەن وقۋشىلار حاتكەرلىك، فوتوسۋرەت بايقاۋلارىنا قاتىناسىپ، اۆتونوميالى رايون بويىنشا 2 - دارەجەلى سيلىقتى ەنشىلەسە، زاڭ بىلىمدەرى زەيىن سىناۋ جارىسىندا اۆتونوميالى رايون بويىنشا 3 - دارەجەلى سيلىقتى قانجىعالايدى.
  ساباق رەفورماسىنىڭ كوشباسشىسى
  تاشيۋ اۋىلدىق سەنترلى باستاۋىش مەكتەپتىڭ مەكتەپ باستىعى تۇڭ يانتاۋ بىلاي دەدى: سول كەزدە ساباق رەفورماسىن جۇرگىزۋ اسا قيىنعا سوقتى، وقىتۋشىلار وزگەشە كوزقاراستا جانە باسقاشا تانىمدا بولدى، سول ساتتە وسى سايىسقا پۋ مۇعالىم ىرىقتىلىقپەن دايىندالدى. جاڭا ساباق رەفورماسى ءۇشىن پۋ جيالياڭ ءار كۇنى ساباق دايىنداپ، ۇزدىكسىز ىزدەنىس جاسادى.
  2011 - جىلى ناۋرىزدا پۋ جيالياڭ مەكتەپتىڭ ساباق رەفورماسى مىندەتىن ۇستىنە الادى. ساباق رەفورماسىن جاساۋ، جاسى 50گە جاقىنداعان، 20 جىلدىق ءداستۇرلى وقىتۋ تاجىريبەسى بار وقىتۋشى جونىنەن العاندا، توتەنشە ۇلكەن سايىس دەۋگە بولادى. ءوزىنىڭ وقۋ - وقىتۋ قىزمەتىنە دەگەن قاجىماس رۋحىنىڭ ارقاسىندا، پۋ جيالياڭ وقۋشىلاردىڭ وقۋعا دەگەن قىزعىندىلىعىن ارتتىراتىن، ۇيرەنۋ ادەتىن جەتىلدىرەتىن، ادەبيەت ساپاسىن جوعارىلاتاتىن «شۇعىلالى ساباقحانا» وقىتۋ ءتاسىلىن ويلاپ تابادى. 2017 - جىلى تامىزدا پۋ جيالياڭ «ساباق رەفورماسىنداعى مەملەكەتتىك 2 - كەزەكتى تاڭداۋلى وقىتۋشى» بولىپ ماراپاتتالادى. پۋ جيالياڭ 2013 - جىلدان 2015 - جىلعا دەيىن مەملەكەت تىلىندەگى وقىتۋ ماتەريالى (ءتورتىنشى جىلدىق ءبىرىنشى ماۋسىمى) ءبىرىنشى تاراۋى، ەمتيحان قاعازى، شينجياڭ باستاۋىش مەكتەپ ادەبيەتى «عىلمي جەتەكشى پىكىرى» سياقتىلاردى وزگەرتىپ قۇراستىرۋعا قاتىناسادى. 2 رەت ۇسىنىس بويىنشا شينجياڭداعى باستاۋىش مەكتەپ ادەبيەت وقىتۋشىلارىنا ينتەرنەتتە ءتورتىنشى جىلدىق ءبىرىنشى ماۋسىم ءبىرىنشى تاراۋىنداعى «وقىتۋ ماتەريالدارىنا تالداۋ جاساۋ جانە وقىتۋ جونىندەگى ۇسىنىس» ساباعىن سويلەيدى، بۇكىل شينجياڭداعى ءبىرىنشى جىلدىق وقىتۋشىلارىنا «شۇعىلالى ساباقحانا» وقىتۋ ءتاسىلىن تانىستىرادى.
  «وقىتۋ مەنىڭ ومىرلىك ىزدەنىسىم، بارلىعى بالالاردىڭ ەرتەڭى ءۇشىن، مەن ەشقاشان وكىنبەيمىن!». پۋ جيالياڭ قاراپايىم عانا ساباق ۇستەلىندە تاسقىنداعان رۋح، قاجىماس قايراتپەن ۇمتىلا ىزدەنىپ، وسكەلەڭ جاۋاپكەرلىگىمەن بالالاردىڭ نۇرلى بولاشاعى ءۇشىن بارىن ارنادى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ