قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

تيانشان الابىنا شۇلەن شۇعىلاسىن شاشتى(1)

ءتىلشىمىز جاۋ شييا

2017.10.06 13:11 كەلۋ قاينارى : شينجياڭ گازەتىنەن

  بيىلعى كۇزگى وقۋ ماۋسىمى باستالعاندا، اۋىل - قىستاقتارداعى مەكتەپكە دەيىنگى 3 جىلدىق وقۋعا جاسى تولعان ءبىر ميلليون 176 مىڭ 200 بالا بالاباقشاعا كىردى، رايونىمىزدىڭ اۋىل - قىستاق بالاباقشالارىنىڭ «سالىنۋعا تيىستىلەرىن سالۋ»، وقۋ جاسىنداعى بالالاردىڭ «وقۋعا تۇسۋگە تيىستىلەرىن وقۋعا ءتۇسىرۋ» نىساناسى جاپپاي جۇزەگە اسىپ، مەكتەپكە دەيىنگى وقىتۋ تاريحي سيپاتتى ناتيجەگە قول جەتكىزىپ، مەملەكەتتە ورتاق قولدانىلاتىن ءتىل - جازۋ وقۋ - اعارتۋى نىق قادام باستى.
اۆتونوميالى رايوننىڭ حالىققا تيىمدىلىك جاساۋ ماڭىزدى ينجەنەرياسى رەتىندە، اۋىل - قىستاقتارداعى مەكتەپكە دەيىنگى 3 جىلدىق تەگىن قوس ءتىل وقىتۋى نىساناسىنىڭ جۇزەگە اسۋى اۆتونوميالى رايوندىق پارتكومنىڭ، حالىق ۇكىمەتىنىڭ حالىقتى رازى ەتەتىن وقۋ - اعارتۋدى تىڭعىلىقتى جۇرگىزۋدەگى بەكىمى مەن سەنىمىن ايگىلەدى. پارتيا 18 - قۇرىلتايىنان بەرى، اۆتونوميالى رايوندىق پارتكوم وقۋ - اعارتۋدىڭ دامۋىن تۇتاس شينجياڭنىڭ كۇشىن ۇيىستىرا ىلگەرىلەتىپ، وقۋ - اعارتۋدىڭ دامۋىنا تۇساۋ بولعان ءتۇبىرلى، ۇزاق ۋاقىتتىق، نەگىزدىك ماسەلەلەردى كۇش سالا شەشىپ، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋعا بەرىك نەگىز قالادى.

  وقۋ - اعارتۋدى الدىمەن دامىتىلاتىن ورىنعا قويدى
  قىركۇيەكتىڭ باسى. اقسۋ ايماقتىق ورتا دارەجەلى كاسىپتىك تەحنيكۋمعا كىرە قالساڭىز، بيىك عيماراتتار كوزىڭىزگە بىردەن شالىعادى. جاسىل الاڭنىڭ انا جەر، مىنا جەرىندە وقۋشىلار كىتاپ وقىپ نەمەسە ءان تىڭداپ وتىر؛ باسكەتبول الاڭىندا جارىس ءدۇبىرى. مەكتەپ اۋلاسىندا وقىتۋ - پراكتيكا رايونى، اكىمشىلىك جۇمىس رايونى، دەنە تاربيە، سپورت رايونى، ءتۇيىندى كورىنىس رايونى سياقتىلاردىڭ ءبارى بار. مەكتەپ قۇرىلىسىنىڭ جالپى اۋدانى 114 مىڭ 600 شارشى مەتر، جيىنى 200 ميلليون يۋان قارجى قوسىلعان بۇل مەكتەپتە ەلەكتر تەحنيكاسىن قولدانۋ، ماشينا - ەلەكتر جابدىقتارىن قۇراستىرۋ جانە جوندەۋ، توقىماشىلىق تەحنيكاسى جانە ساۋدا - ساتتىق سياقتى 10 نەشە ماماندىق اشىلعان.
  اقسۋ ايماقتىق ورتا دارەجەلى كاسىپتىك تەحنيكۋمنىڭ شىت جاڭا بەت - بەينەسى رايونىمىزدىڭ وقۋ - اعارتۋدى الدىمەن دامىتۋىنىڭ جاندى كورىنىسى. پارتيا 18 - قۇرىلتايىنان بەرى، اۆتونوميالى رايوندىق پارتكوم وقۋ - اعارتۋدى الدىمەن دامىتۋ ستراتەگيالىق تۇرعىسىنان جازباي، وقۋ - اعارتۋ ارقىلى حالىققا تيىمدىلىك جاساۋ ساياساتىن بار كۇشپەن اتقاردى، 2012 - جىلدان 2016 - جىلعا دەيىن اۆتونوميالى رايون بويىنشا قازىنادان وقۋ - اعارتۋعا جيىنى 287 ميلليارد 50 ميلليون يۋان قارجى قوسىلدى، تەك 2016 - جىلدىڭ وزىندە 67 ميلليارد 380 ميلليون يۋان قارجى قوسىلىپ، 2012 - جىلعىدان %42.9 ارتتى.
  ج ك پ اۆتونوميالى رايوندىق 9 - قۇرىلتايى «وقۋ - اعارتۋ ارقىلى حالىققا تيىمدىلىك جاساۋدى» حالىق تۇرمىسىنا ءتيىمدى 9 ءىرى ينجەنەريانىڭ ءبىرى ەتىپ بەلگىلەپ، وقۋ - اعارتۋ قىزمەتىن تۇتاس رايوننىڭ رەفورما جاساۋ، دامۋ، ورنىقتىلىق جالپى جاعدايىنا ساياتىن ماڭىزدى ورىنعا قويدى. اۆتونوميالى رايونىمىز «ءتورتتى الدىمەن ويلاستىرۋعا» (مەكتەپكە دەيىنگى 3 جىلدىق بالا تاربيەسىن جالپىلاستىرۋدى الدىمەن ويلاستىرۋ، وڭتۇستىك شينجياڭداعى 3 ايماق، ءبىر وبلىستى الدىمەن ويلاستىرۋ، قوس ءتىل وقۋ - اعارتۋىن الدىمەن ويلاستىرۋ، كەدەيلەردى الدىمەن ويلاستىرۋ) دەن قويدى، 2016 - جىلى قازاندا اۆتونوميالى رايون «اۆتونوميالى رايوننىڭ اۋىل - قىستاقتارىنداعى مەكتەپكە دەيىنگى قوس ءتىل وقۋ - اعارتۋىن ىلگەرىلەتۋ جونىندەگى پىكىرىن»، «قوس ءتىل وقۋ - اعارتۋى قىزمەتىن بەلسەنە ىلگەرىلەتۋ جونىندەگى پىكىردى»، «15 جىلدىق تەگىن وقۋ - اعارتۋدى جۇرگىزۋ جونىندەگى پىكىردى»، «كاسىپتىك وقۋ - اعارتۋدى شىنايى مىقتى ۇستاۋ جونىندەگى پىكىردى»، «وڭتۇستىك شينجياڭدا مەكتەپكە دەيىنگى قوس ءتىل وقۋ - اعارتۋ كادرلارىنىڭ وقىتۋعا كومەكتەسۋ قىزمەت جوباسى» سياقتى ءبىر قىدىرۋ ساياسات - شارالاردى ىركەس - تىركەس شىعارىپ، وقۋ - اعارتۋ ارقىلى حالىققا تيىمدىلىك جاساۋدىڭ جوعارى دەڭگەيدەگى جوباسىن كەمەلدەندىردى.
  سونىمەن بىرگە، اۆتونوميالى رايوننىڭ حالىق شارۋاشىلىعىن دامىتۋ مەن وقۋ - اعارتۋدى دامىتۋدىڭ «13 - بەسجىلدىق» جوباسى بويىنشا، «اۆتونوميالى رايونىمىزدا 15 جىلدىق مىندەتتى وقۋ - اعارتۋدى بىرتىندەپ جۇزەگە اسىرۋ» سىندى وقۋ - اعارتۋدى دامىتۋ ستراتەگيالىق نىساناسى العا قويىلىپ، «ەكى قادام بويىنشا ءجۇرۋ» ستراتەگياسى تۇراقتاندىرىلدى، ياعني 2017 - جىلى تۇتاس رايوندا 12 جىلدىق مىندەتتى وقۋ - اعارتۋدى نەگىزىنەن جۇزەگە اسىرىپ، وڭتۇستىك شينجياڭدا 15 جىلدىق تەگىن مىندەتتى وقۋ - اعارتۋدى ورىنداۋ؛ 2018 - جىلى 15 جىلدىق تەگىن وقۋ - اعارتۋدى تۇتاس اۆتونوميالى رايون بويىنشا جۇزەگە اسىرۋ. ءبىرسىپىرا ساياسات - شارالاردىڭ العا قويىلۋى مەن اتقارىلۋىنا بايلانىستى، اۆتونوميالى رايونىمىزدىڭ وقۋ - اعارتۋ ىستەرى ورنىقتى ىلگەرىلەپ، ومىرشەڭ بەينە جارىققا شىقتى.
  5 جىلدان بەرى، اۆتونوميالى رايونىمىزدىڭ وقۋ - اعارتۋى تەز قارقىنمەن دامىدى، تۇتاس رايوندا 828 مەكتەپ تىڭنان قوسىلىپ، مەكتەپتە وقيتىن وقۋشى سانى تىڭنان 596 مىڭ 100 ادام، وقىتۋشى تىڭنان 35 مىڭ 400 ادام كوبەيدى. اۋىل - قىستاقتاردا مەكتەپكە دەيىنگى 3 جىلدىق بالاباقشاعا ءتۇسۋ سالىستىرماسى جالپى جاقتان %100كە جەتتى، ورتالاۋ مەكتەپتەن ورتا مەكتەپكە ءتۇسۋ سالىستىرماسى %92.15كە، جوعارى مەكتەپتەرگە ءتۇسۋ سالىستىرماسى جالپى جاقتان %35.32كە جەتىپ، 2012 - جىلداعىدان %30.84، % 14.26، % 8.03 ارتىپ، شينجياڭ ەرەكشەلىگىنە يە كەمەلدى وقۋ - اعارتۋ جۇيەسى قالىپتاسىپ، ءار دارەجەلى، ءار ءتۇرلى مەكتەپتەر ورنىقتىلىقتى باياندى ساقتادى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ