قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   ناراتتاعى نار جىگىت   «كىتاپ وقىعىڭ كەلسە ومىربەكتى ىزدە»  
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

DNA سىزىقتى شيفر تەحنيكاسى − تۇرلەردىڭ تەگىن ايىرۋداعى «تەلەسكوپ»

يۋە رانران، باي چيڭلي  \  جۇڭگو عىلىم - تەحنيكا گازەتىنەن اۋدارعان: مەرۋان ساعدان قىزى 

2016.04.19 19:18 كەلۋ قاينارى : شينجياڭ گازەتىنەن

  اق - قارا سىزىق ارالاسقان سىزىقتى شيفرعا كوپشىلىكتىڭ ءبارى قانىق. ەرەن بازارداعى اقشا الۋ تەكشەسىندە اقشا جيناۋشى قىزمەتكەر تاۋارداعى سىزىقتى شيفردى جايمالاۋىش ارقىلى جايمالاسا بولعانى، قانداي زات الساڭىز دا بىردەن بىلەدى. ال ءسىز DNA سىزىقتى شيفرىن ەستىپ كورىپ پە ەدىڭىز؟
  14 جىلدىڭ الدىندا عالىمدار ورگانيزمدەردىڭ سىزىقتى شيفرىن تاپقىرلادى، بۇل دا ونىڭ سالاۋاتىن انىقتايدى، ءبىراق بۇل سىزىقتى شيفر جانۋارلار مەن وسىمدىكتەردىڭ دەنەسىندە ساقتالادى. جۇڭگو عۇمىر سىزىقتى شيفر وڭتۇستىك ورتالىعىنىڭ ورىنباسار مەڭگەرۋشىسى ۋاڭ ۋىنجىنىڭ تانىستىرۋىنشا، DNA سىزىقتى شيفرى ارنايى بەلگىلەنگەن DNA ءۇزىندى تىزبەگى، جەتكىلىكتى وزگەرگىشتىگى ارقىلى ورگانيزم ءتۇرىنىڭ سالاۋاتىن تۇراقتاندىرادى.
  ۋاڭ ۋىنجى: ءبىر اۋىز سوزبەن ايتقاندا، DNA سىزىقتى شيفرى ورگانيزم تۇرلەرىنىڭ ازاماتتىق كۋالىگى ەسەپتى، ونىڭ قانداي ءتۇر ەكەنىن تولىق دالەلدەي الادى. تانۋعا بولمايتىن نەمەسە ورگانيزم دەنەسىنىڭ ءبىر بولىگى بايقالعاندا زەرتتەۋشىلەر DNA سىزىقتى شيفرىن جايمالاعاننان كەيىن، حالىقارالىق ساندى مالىمەت قامباسىنداعى سىزىقتى شيفرمەن سالىستىرسا بولعانى، «سالاۋاتىن» انىقتاۋعا بولادى، − دەدى.
  اناعۇرلىم كوپ سالادا DNA سىزىقتى شيفر ارقىلى تۇراقتاندىرۋدان پايدالانۋ قاجەتى تۋىپ وتىر. كەدەن تاسىمالىندا حايۋاناتتاردىڭ تەرىسى بايقالسا، ونىڭ الدەبىر ەرەكشە قورعالاتىن اڭ تەرىسى ەكەنىن قايتكەندە دەرەۋ پارىقتاۋعا بولادى؟ قىلقالام ساتىپ العاندا شىن قىلقالام ەكەنىن قالاي تۇراقتاندىرامىز؟ كوپشىلىك جەپ جۇرگەن جاپونشا تاعام − سۋشيدىڭ ىشىنە ورالعانى شىنىمەن قىزىل بالىقتىڭ ەتى مە؟...... ۋاڭ ۋىنجى: ءبىز تەك از مولشەردەگى ورگانيزم دەنەسىنىڭ قارنىن، ەتىن نەمەسە ءجۇنىن الىپ، DNA سىزىقتى شيفرى تەحنيكاسى ارقىلى تۇراقتاندىرساق، تەز ارادا جاۋاپقا يە بولامىز، − دەدى.
  DNA سىزىقتى شيفرى تەحنيكاسىنىڭ دامۋى مەن قولدانىلۋىن ىلگەرىلەتۋ ءۇشىن حالىقارالىق عۇمىر شيفرى جوباسى 2011 - جىلدان باستالدى. بۇل ورگانيزم كوپ تۇرلىلىگى سيپاتىنداعى زەرتتەۋ جوبالارىنىڭ دۇنيە ءجۇزى بويىنشا ەڭ ءىرىسى، قازىر 1 - مەزگىلدەگى مىندەت − 500 مىڭ ءتۇر، 500 مىڭ ۇلگى نۇسقاسىنىڭ DNA سىزىقتى شيفرىن ولشەۋ، رەتكە تۇرعىزۋ قىزمەتى الدەقاشان اياقتالدى. ەلىمىز ىلگەرىندى - كەيىندى عۇمىر سىزىقتى شيفرى وڭتۇستىك ورتالىعىن، سولتۇستىك ورتالىعىن قۇرىپ، زور كولەمدەگى DNA سىزىقتى شيفرى ساندى مالىمەتىن جيناۋعا ات سالىسىپ، ءبىلىم جانە تەحنيكا جاعىندا باسقا ەلدەردەگى ورتالىقتارمەن مالىمەت ورتاقتاستى.
  2016 - جىلى اعىلشىن تىلىندەگى «جۇڭگو عىلىمى C جيناعىنىڭ» 1 - سانىندا «DNA سىزىقتى شيفرى تەحنيكاسى ارقىلى جۇڭگو بازارىندا ساتىلعان جالعان قوداس ەتى انىقتالدى» دەگەن ماقالا باسىلدى، وندا ەلىمىز بازارىنداعى %70 قوداس ەتىنىڭ تۇگەلدەي جالعان ەكەنى انىقتالدى.
  ۋاڭ ۋىنجى وسى ماقالا اۆتورلارىنىڭ ءبىرى. ول تىلشىگە بىلاي دەدى: 2011 - جىلى عۇمىر سىزىقتى شيفرى وڭتۇستىك ورتالىعى يۇننان، سىچۋان، چيڭحاي، شيزاڭ سياقتى بازارلارداعى قوداس ەتىنە تەكسەرۋ جۇرگىزدى. 16S جانە COI ەكى بەلگىنى حالىقارالىق عۇمىر سىزىقتى شيفر ساندى مالىمەت جۇيەسىنە بىرلەستىرۋ ارقىلى قوداس ەتتەرىنىڭ جالعاندىق سالىستىرماسى %70كە جەتەتىندىگىن بايقادىق.
  ۋاڭ ۋىنجى تىلشىگە جالعان قوداس ەتىنىڭ سۋ سيىر ەتى، سيىر جانە دوڭىز ەتى، اۋەلى، تىشقان ەتىنەن دە جاسالاتىنىن ايتتى.
  ۋاڭ ۋىنجى: DNA سىزىقتى شيفرى تەحنيكاسى ناعىز تەلەسكوپ، ورگانيزم تەگىن بىردەن انىقتايدى. DNA نىڭ ازىق - تۇلىك قاينارى نەگىزىنەن ورگانيزمنەن الىنادى، سوندىقتان قانداي جولمەن جاسالعان جالعان زات بولسا دا DNA كورسەتكەن ورگانيزمنىڭ تەگى وزگەرمەيدى. امالياتتا دالەلدەنۋىنشە، DNA سىزىقتى شيفرى تەحنيكاسى ازىق - تۇلىك قاينارىن، اسىرەسە، ەتتەن جاسالعان ونىمدەردىڭ كەلۋ قاينارى حاۋىپسىزدىگىن قاتاڭ مەڭگەرە الادى، − دەدى.
  DNA نىڭ وزگەشەلىگى مەن ءبىر ماندىلىگى سەبەبىنەن DNA سىزىقتى شيفرى تەحنيكاسىن كوپ سالادا كەڭىنەن قولدانۋعا بولادى. ازىق - تۇلىك قاينارىنان تىس زاڭدىق ساراپتاۋ، كەدەن، شەكارا، شەكارادان كىرىپ - شىعۋداعى تەكسەرۋ، جابايى حايۋاناتتاردى، وسىمدىكتەردى قورعاۋ، ورگانيزمنىڭ كوپ تۇرلىلىگىن قورعاۋ جانە باعالاۋ سياقتى سالالاردا ءوز قۇدىرەتىن ايگىلەيدى. قۋراعان، شىرىگەن نەمەسە دەنەسى كەم ۇلگى بولسا دا DNA سىزىقتى شيفرى ارقىلى تەگىن تەكسەرىپ انىقتاۋعا بولادى.
  2015 - جىلى ءبىر مەزەت جۇرتتىڭ نازارىن اۋدارعان يۇننانداعى مىسىق ايۋ اۋلاۋ دەلوسىندا «مىسىق ايۋ سالاۋاتىن» عۇمىر سىزىقتى شيفرى وڭتۇستىك ورتالىعى تەكسەرىپ انىقتاعان. ۋاڭ ۋىنجى تىلشىگە: سول كەزدە قوعام حاۋىپسىزدىگى مەكەمەسى قارا ايۋ ەتى مە دەپ كۇماندانىپ ءبىر كەسەك توڭازىتىلعان ەتتى ساراپتاۋعا الىپ كەلدى، ساراپتاعاننان كەيىن مىسىق ايۋدىڭ ەتى ەكەنىن بايقادىق. بارلىعىمىز قاتتى تاڭ قالدىق، يۇنناندا ەجەلدەن مىسىق ايۋ بايقالماعان. ارتىنان سۇيەگىن ساراپتاۋ ارقىلى مىسىق ايۋدىڭ سۇيەگى ەكەنىن انىقتادىق. ءبىزدىڭ ساراپتاۋ ناتيجەمىز دەلونى انىقتاۋدا ماڭىزدى رول اتقاردى، - دەدى.
  جۇڭگو عىلىم - تەحنيكا گازەتىنەن اۋدارعان: مەرۋان ساعدان قىزى
جاۋاپتى رەداكتورى : قۇلقايتەكتى نۇرلان جانايقان ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ