قالماقشاۇيعۇرشاحانزۋشا
شينجياڭ رۋحى
شاعانتوعاي: جايلىم ەكولوگياسىن قورعاۋ سيلىق قاراجاتىن تاراتتى   ساۋان: جاساندى سەرىك ارقىلى تەلە سيگنالىن قابىلداۋ جابدىعىن ورناتتى    شاعانتوعاي: سۋلياۋ پلاستيماسالى دەنە تاربيە الاڭى سالىندى   بۋرىلتوعاي: نەگىزگى ساتى كادرلارىنىڭ ەلەۋلى ەڭبەگى   شىڭگىل: اۋىل شارۋاشىلىق ماشينالارىنا بەرىلەتىن قوسىمشا قاراجات شارۋالارعا ءتيىمدى بولدى   باركول: وڭىرلىك ەرەكشەلىك ساياحاتشىلاردى باۋرادى  

جاڭ چۇنشيان

<<
  جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، ش ۇ ا ر پارتكومنىڭ شۋجيى جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، ش ۇ ا ر پارتكومنىڭ شۋجيى

شوكىرات زاكىر

<<
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسىشوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى

جازدىق ءبيدايدان مول ءونىم الۋدىڭ ءبىر كەپىلى − تۇقىمدى توڭعا سۇيەپ ەگۋ تەحنيكاسى تۋرالى

ءسادىقان بايتۋلاق ۇلى

2015.05.25 17:51     كەلۋ قاينارى : شينجياڭ گازەتىنەن

  ءبيداي − تومەن تەمپەراتۋراعا، قۇرعاقشىلىققا شىدامدى بيولوگيالىق ەرەكشەلىككە يە استىق داقىلى. ول ەلىمىزدەگى استىق داقىلدارىنىڭ ەگىلۋ اۋماعى جاعىنان العاندا، كۇرىشتەن قالسا 2 - ورىندا تۇرادى.
  جازدىق ءبيداي تومەن تەمپەراتۋرالى ناشار كليماتقا جولىعىپ جاپىراعى ۇسىگەنمەن، توپىراق استىنداعى تامىر جۇيەسى سۋىققا ءتوزىمدى بولادى، سوندىقتان جازدىق ءبيدايدىڭ تۇقىمىن اتىزعا مۇمكىندىكتىڭ بارىنشا ەرتەرەك سىڭىرگەندە، مول ءونىم الۋدىڭ نەگىزىن قالاۋعا بولادى. سەبەبى، جازدىق ءبيداي مايسا مەزگىلىن سالقىن اۋا تەمپەراتۋراسىندا وتكىزۋدى قالايدى. ەگەردە كەشىگىپ ەگىلسە، مايسا مەزگىلىندەگى اۋا تەمپەراتۋراسىنىڭ جوعارى بولۋ سالدارىنان مايسانىڭ ماساقتى قالىپتاستىرۋ باسقىشى قىسقارادى دا، ماساقتىڭ ءدان سانى از، جەبەسى قىسقا بولىپ، مول ءونىم الۋ ورايى قولدان كەتەدى. جازدىق ءبيداي تەڭىز دەڭگەيىنەن ءبىرشاما بيىك ءۇستىرتتى وڭىرلەرگە ەگىلەتىندىكتەن، بۇنداي ورىنداردا كوكتەمدە قاردىڭ ەرۋى، جەر توڭىنىڭ ءجىبۋى، اتىز توپىراعىنىڭ ىلعالدىعىنىڭ پارلانۋى، ارينە، باياۋ بولادى. بۇل فاكتورلار جازدىق ءبيداي تۇقىمىن اتىزعا ەرتەرەك سىڭىرۋگە كەسە - كولدەنەڭ بولادى. ولاي بولسا، جازدىق ءبيدايدىڭ تۇقىمىن اتىزعا قايتكەندە ەرتە سىڭىرۋگە بولادى؟
  تومەندە ءبىز جازدىق ءبيداي تۇقىمىن اتىزعا ەرتەرەك ءسىڭىرۋدىڭ ءونىمدى ءبىر جولى − جازدىق ءبيداي تۇقىمىن توڭعا سۇيەپ ەگۋ تەحنيكاسى جونىندە توقتالامىز.
  جازدىق ءبيداي تۇقىمىن توڭعا سۇيەپ ەگۋ دەگەنىمىز كوكتەمدە جەر بەتىنىڭ توڭى 4 − 6 سانتيمەتر جىبىگەندە، تۇقىمدى 3 − 4 سانتيمەتر تەرەڭدىكتە عانا ءسىڭىرىپ، تومەن تەمپەراتۋرادا ءوت جارعىزىپ مايسالاندىرۋ دەگەن ءسوز. بۇل ءادىستى قولدانعاندا، تۇقىم ءسىڭىرۋ ۋاقىتىن ادەتتەگى قاراپايىم ادىستەن 20 − 30 كۇن بۇرىن جۇرگىزۋگە، جازدىق ءبيداي ءونىمىن %20 −15 ارتتىرۋعا بولادى. سەبەبى، تەمپەراتۋرانىڭ بىرتىندەپ ورلەۋىنە سايكەس، جازدىق ءبيداي مايساسىنىڭ تامىر جۇيەسى توپىراقتىڭ ىلعالدىعىنان پايدالانىپ مينەرال زاتتاردى جەتەرلىك ءسىمىرىپ، بوس توپىراقتا تەرەڭگە بويلاپ ءوسۋدىڭ تاماشا ورايىنا يە بولادى. تامىر جۇيەسىنىڭ تارالۋ اۋماعىنىڭ كەڭ نەمەسە تار بولۋى داقىلداردىڭ بىرلىك ءونىمىنىڭ جوعارى - تومەندىگىن بەلگىلەۋشى باستى فاكتور. سونىمەن بىرگە، جازدىق ءبيداي تۇقىمى ەرتە سىڭىرىلسە، مايسا مەزگىلىندەگى اۋا تەمپەراتۋراسى سالقىن بولعاندىقتان، مايسانىڭ ماساقتى قالىپتاستىرۋ باسقىشى ۇزارىپ، ماساقتىڭ ءدان سانى كوبەيەدى، جەبەسى ۇزارادى.
  جازدىق ءبيداي تۇقىمىن توڭعا سۇيەپ ەگۋدىڭ تەحنيكالىق ادىستەرى تۋرالى توقتالار بولساق، بىرىنشىدەن، توڭعا سۇيەپ ەگىلەتىن اتىز كۇزدە جىرتىلىپ ازىرلەنەدى. كوكتەمدە جازدىق ءبيداي تۇقىمىن توڭعا سۇيەپ ەگەتىن مەزگىلدە ەگىستىك جەردىڭ 5 سانتيمەتردەن تومەنگى قاباتىنىڭ توڭى ەرىمەگەندىكتەن، جەر جىرتۋ مۇمكىندىگى بولمايدى. سول سەبەپتى كۇزدە الدىڭعى داقىلدىڭ ءونىمى جيىپ الىنعان سوڭ، جازدىق ءبيدايعا اجىراتىلعان جەردى قاندىرىپ سۋعارىپ، ءار مۋ جەرگە ساپالى ورگانيكالىق تىڭايتقىشتان 2 − 3 توننا، اسقىن فوسفور قىشقىل كالتسيدەن (20-30 钙酸磷过( كيلوگرام، ۆەرادان (素尿 15-20) كيلوگرامدى شاشىپ، جەردى 25 سانتيمەتر تەرەڭ اۋدارادى. وسىنداي بولعاندا، تىڭايتقىشتى توپىراق قاباتىنا تەگىس ارالاستىرىپ، ونىڭ قۇرامىنىڭ پارلانىپ كەتۋىنىڭ الدى الىنسا، ەندى ءبىر جاقتان، ءبيداي شاشپا تامىرىنىڭ تىڭايتقىشتان ءونىمدى پايدالانۋىنا مۇمكىندىك جاراتىلادى. ەگەردە كۇزدە جەر جىرتۋعا ۇلگىرە الماعان بولسا، كوكتەمدە جەر بەتى توڭى جىبىگەندە دەسكەلى بارانانى جۇرگىزىپ، ەگستىك جەردىڭ 10 سانتيمەتر قاباتىن جۇمسارتىپ، ءار مۋ جەرگە 15 − 20 كيلوگرامنان ازوت، فوسفور، كالي سىندى 3 قوسپا حيميالىق تىڭايتقىشتى 10 سانتيمەتر توپىراق قاباتىنا شوگەرىپ بەرىپ، سوڭىنان جازدىق ءبيداي تۇقىمىن سىڭىرسە دە بولادى.
  جازدىق ءبيدايدى توڭعا سۇيەپ ەگۋدە كوكتەمدە ەگىستىك جەردىڭ قارى كەتىپ، جەر بەتىنىڭ 3 − 5 سانتيمەتر قاباتىنىڭ توڭى جىبىگەن، سۋعا تۇندە قابىرشاقتى مۇز قاتىپ، كۇندىز ەرىگەن مەزگىل جازدىق ءبيداي تۇقىمىن توڭعا سۇيەپ ەگۋدىڭ ەڭ ۇيلەسىمدى مەزگىلى ەسەپتەلىنەدى. بۇندا ەسكەرتەر ءبىر جايت، تۇقىم ءسىڭىرۋ سەيالكاسىنىڭ اتىزدا باتپاقتاماي جۇمىس ىستەۋ مۇمكىندىگى بولۋى شارت.
  تۇقىم ءسىڭىرۋ الدىندا اتىزداعى ىركىلگەن سۋلاردى اتىز سىرتىنا ارىق قازىپ ىعىستىرىپ شىعارۋ، كۇزدە جىرتىلعان جەرگە دەسكەلى بارانا نەمەسە تىڭايتقىش بەرىپ سەيالكا جۇرگىزۋ ارقىلى قاردى تولىق ەرىتۋ، توپىراقتى جۇمسارتۋ، جەر بەتىن تەگىستەۋ، ىلعالدىقتى پارلاندىرىپ، توپىراق تەمپەراتۋراسىن جوعارىلاتۋدى قولعا كەلتىرۋگە بولادى. جەر بەتى تەگىس بولعاندا عانا، سەيالكانىڭ تۇقىم ءسىڭىرۋ تەرەڭدىگى بىركەلكى بولادى. توپىراق مايدا، جۇمساق، بوس بولعاندا، مايسا تامىرىنىڭ ءوسۋى قۋاتتى ءارى تەرەڭگە بويلاپ ءوسىپ، ازىقتىقتى مولىنان ءسىمىرپ، مول ءونىم الۋعا بەرىك نەگىز قالانادى.
جاۋاپتى رەداكتورى : قۇلقايتەكتى نۇرلان جانايقان ۇلى