قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

شينجياڭنىڭ قار - مۇز ساياحاتى تىڭ ورلەۋگە كوتەرىلدى

ءتىلشىمىز جيا چۇنشيا 

2018.01.11 16:43 كەلۋ قاينارى : شينجياڭ گازەتىنەن

  «تۇنىق سۋ، جاسىل تاۋ − باعالى بايلىق، قار - مۇز دا باعالى بايلىق». قازىر شينجياڭ اق قار قىمتاپ، كوك سۇڭگى مۇز قۇرساعان مەزگىلگە كىرىپ، جەر - جەردەگى قار شاڭعى الاڭدارى قارا ءنوپىر ادامعا تولدى. شينجياڭ جاڭا سپورت تۇرلەرىن، مادەنيەت جاڭا ونىمدەرىن ۇزدىكسىز العا قويىپ، قار - مۇز سپورتىنىڭ جاڭا اعىمىن باستادى. قاقاعان قىستا شينجياڭنىڭ قار - مۇز ساياحاتى قىزا ءتۇستى.
  «قار شاڭعى تەبۋ+» قار - مۇز ساياحاتىنىڭ جاڭا اعىمىنا اينالدى
  جىل باسىنان بەرى جىبەك جولى حالىقارالىق ساياحات سەيىل - سەرۋەن ورنى جەكەلىك اۆتوكولىككە تولدى، بەلەت ساتۋ تەرەزەسىنىڭ الدىندا ادامدار ۇزىننان - ۇزاق كەزەككە تۇردى، قار شاڭعى الاڭىن سىرعاناق تەپكەن ادامداردىڭ شاتتىق ءۇنى كەرنەدى...
  1 - قاڭتار كۇنى جىبەك جولى حالىقارالىق ساياحات سەيىل - سەرۋەن ورنىنا ۇرىمجىدەن كەلگەن باستاۋىش مەكتەپ وقۋشىسى لي تاۋيۇي: بۇگىن اكە - شەشەم مەنى وسىندا ەرتىپ كەلدى، شاڭعى تەبۋدى ۇيرەنىپ الدىم، ءدامدى تاعامدار دا جەدىم، اراسانعا دا ءتۇستىم، بيىلعى جاڭا جىلدى وتە ماعىنالى وتكىزدىم! - دەدى اسەرلى سەزىممەن
  جىبەك جولى حالىقارالىق ساياحات سەيىل - سەرۋەن ورنى قار شاڭعىدان سىرت، ارقان سىرعىما، قالقىما شاتىر سياقتى كوپ ءتۇرلى ويىن تۇرلەرىن ورىستەتتى جانە جاپونيا ۇلگىسىندەگى اراساندى دا ىسكە قوستى، ال 1200 شارشى مەترلىك كوفەحانا، سەيىل - سەرۋەن تۇعىرى جانە تاۋ باسىنداعى 6000 شارشى مەترلىك ەكولوگيالىق اسحانانى ساياحاتشىلار ىركىلىسسىىز ارالاۋمەن بىرگە، شينجياڭنىڭ ءتىل ۇيىرەتىن ءدامدى تاعامدارىنان دا ءدام تاتۋىنا بولادى.
  قىس تۇسكەننەن بەرى موڭعۇلكۇرە اۋدانى قار - مۇز ساياحاتى مەن قىسقى كوكبار تارتۋ قاتارلى قيمىلداردى ورگانيكالى بىرلەستىردى. ءار 3 تە 5 كۇندە ءبىر رەت اۋدانداعى 3 قار شاڭعى الاڭىندا كوكبار تارتۋ نەمەسە ات بايگەسى قيمىلىن وتكىزىپ، ساياحاتشىلارعا ۇلتتىق سالت - سانا باسەكەلىك قيمىلىن سەزىندىردى.
  جۇڭگوداعى بىردەن - ءبىر تىك ۇشاق شاڭعى بازاسى رەتىندە، التاي تاۋى قارلى دالا باقشاسى 21 - قازاننان باستاپ رەسمي اشىلدى، تىك ۇشاقپەن بارىپ قار شاڭعى تەبۋ، قارلى دالادا موتوتسيكلمەن جۇيتكۋ، قاردا سىرعاناۋ سياقتى تۇرلەرمەن قار شاڭعى اۋەسكەرلەرىنىڭ تەڭىز دەڭگەيىنەن بيىكتىگى 2000 مەتردەن اساتىن قارلى دالا باقشاسىندا تاۋدا شاڭعى تەبۋىنە مۇمكىندىك جاسادى.
  قار شاڭعى تەبۋدەن سىرت، ساياحاتشىلار تاعى تازا اۋا مەن دالالىق سپورتتىڭ ءتىلسىم كۇشىن سەزىنە الادى. باييۇن حالىقارالىق قار شاڭعى الاڭىنىڭ باس ديرەكتورى چىن ليانشىڭ: بيىل جولاۋشىلار شوعىرى بىلتىرعى سول تۇستاعىمەن سالىستىرعاندا ءبىر ەسە ارتىپ، تەڭ جارىمىنان كوپ ساياحاتشىلار شاڭعىعا اۋەس وتباسىنداعىلارمەن بىرگە قار شاڭعى الاڭىنا كەلىپ، قىسقى كۇننىڭ شۋاعىنان ءنار الىپ، تاماشا تاعامداردان ءدام تاتىپ، قارلى دالادا جاياۋ سەيىلدەدى، - دەدى.
  كەزەكتە شينجياڭدا S دارەجەلىدەن جوعارى 37 قار شاڭعى الاڭى بار، حيلۇڭجياڭنان قالسا، قار شاڭعى الاڭىنىڭ جالپى سانى مەملەكەتتەگىنىڭ وننان ءبىرىن ۇستايدى. قار شاڭعى الاڭىنىڭ سانى كوپ بولىپ قالماستان، بۇكىل شينجياڭدى دەرلىكتەي قامتىعان، ونىڭ ۇستىنە قار شاڭعى الاڭدارى اناعۇرلىم كوپ كوڭىل اشۋ نىساندارىن قوستى، «قار شاڭعى تەبۋ+» ادىسىمەن جارىققا شىعارعان دەنە تاربيە، مادەنيەت جاڭا ونىمدەرى، جاڭا كاسىپتەر بىرتىندەپ قار - مۇز ساياحاتىنىڭ اعىمىنا اينالدى.
  قاتتى - جۇمساق بولشەكتىڭ دارەجەسىن جوعارىلاتتى
  شينجياڭ قار - مۇز ساياحات بازارىنىڭ جىل سايىن كەڭەيۋىمەن، ءىرى قار شاڭعى الاڭدارى جابدىقتارىن ارت - ارتىنان جاڭالاپ، قار شاڭعى جابدىقتارىنىڭ دارەجەسىن جوعارىلاتتى، تيىمدىلىك جاسايتىن قيمىلداردى ورتاعا قويىپ، ساياحاتشىلار ءۇشىن ءتىپتى دە كوپ قىزمەت كورسەتتى. جاڭا جىل دەمالىسىنىڭ ءبىرىنشى كۇنى شينجياڭداعى تۇڭعىش قار شاڭعى تەبۋدى تاماشالايتىن قارقىندى ارقاندى شىعىر جىبەك جولى حالىقارالىق ساياحات سەيىل - سەرۋەن ورنىندا رەسمي پايدالانۋعا بەرىلدى، ارقاندى شىعىر جولىنىڭ جالپى ارالىعى1210 مەتر، ءتۇسۋ پارقى 175 مەتر، ەڭ جوعارى تاسىمالداۋ قارقىنى سەكۋندىنا 5 مەتر، باس بەكەتتەن شىعىپ 4 مينۋتقا جەتەر - جەتپەس ۋاقىتتا اسپالى جولدىڭ اقىرعى بەكەتىنە جەتەدى.
  جىبەك جولى حالىقارالىق ساياحات سەيىل - سەرۋەن ورنىنىڭ ورىنباسار ديرەكتورى حۋاڭ حى بىزگە: قارقىندى ارقاندى شىعىردان سىرت، بيىل جىبەك جولى حالىقارالىق ساياحات سەيىل - سەرۋەن ورنى تاعى 3 شاڭعى جولىن كوبەيتىپ، شاڭعى تەبۋ سەكىرمەسىن قوستى، ساياحاتشىلار ورتالىعى مەن جابدىقتار زالىنا دا وزگەرىس ەنگىزىپ، تاسىمال جابدىقتارى مەن ورتاسىنان تارتىپ جالپى بەتتىك دارەجەسىن كوتەرىپ، ءار كۇنى 10 مىڭ ساياحاتشى قابىلداي الادى، - دەدى.
  قازىر التاي ايماعىنىڭ گەنەرال تاۋى قار شاڭعى الاڭى دا قارقىندى ارقاندى شىعىر ەنگىزىپ سىناق مەزگىلىندە تۇر، جۋىقتا پايدالانۋعا بەرىلەدى. قار شاڭعى الاڭىنىڭ جاۋاپتىسى لياۋ جيڭنىڭ تانىستىرۋىنشا، بۇل ارقاندى شىعىرمەن تاۋ باسىنا جەتكەننەن كەيىن 6 شاڭعى جولىمەن سىرعاناۋعا بولادى، ونىڭ ۇستىنە ساياحاتشىلار ارقاندى شىعىرعا وتىراتىن ۋاقىت بۇرىنعى 20 مينۋتتان 6 مينۋتقا قىسقارىپتى.
  ەلىمىز ءىشى - سىرتىنان كەلەتىن قار شاڭعى اۋەسكەرلەرى مولايدى
  بىلتىردان باستاپ، شينجياڭنىڭ كەيبىر ساياحات كووپەراتيۆتەرى قىسقى ساياحات، سەيىلدەۋ جەلىسى تۇرلەرىنىڭ قۇرامىنا قار شاڭعىنى قوسىپ، ىشكى ولكەلەردەن كەلگەن ساياحاتشىلاردىڭ القاۋىنا يە بولدى. بيىل ءىرى ساياحات كووپەراتيۆتەرى ارت - ارتىنان قار شاڭعى تەبۋ ساياحاتىن قىسقى ساياحات جەلىسى تۇرىنە ەنگىزىپ، قار شاڭعى تەبۋدىڭ بىر كۇندىك ساياحات قيمىلىن جالپىلاستىردى. چىڭدۋلىق قار شاڭعى اۋەسكەرى ۋاڭ باۋ - ىر مەن دوسى شاڭعىلارىن كوتەرىپ سۋرەتكە ءتۇسىپ تۇرىپ بىزگە: بۇگىن جاڭا جىل، دوسىمىز ەكەۋىمىز شينجياڭعا شاڭعى تەبۋگە ۇشىپ كەلدىك، جىبەك جولى حالىقارالىق ساياحات سەيىل - سەرۋەن ورنىنىڭ قارى قالىڭ، كۇن شۇلەن شۇعىلاسىن توككەن ەڭ جىلى قار شاڭعى الاڭى، وتە كەرەمەت ەكەن، - دەدى.
  سوڭعى جىلدارى شينجياڭنىڭ قار - مۇز ساياحاتىنىڭ اتاعى اسپاندادى، كوپتەگەن ادامدار شينجياڭنىڭ قار - مۇز بايلعىنىڭ حيكىمەتىنە ءتانتى بولدى. ارنايى كەلگەن شاڭعى تەبۋشىلەردەن سىرت، كوپتەگەن ساياحاتشىلار شينجياڭعا قىس مەزگىلىندە ساياحاتتاي كەلىپ، قار - مۇز سپورتىنىڭ قىزىعىنا شوماتىن بولدى.
  تيانشان بوعدا حالىقارالىق قار شاڭعى الاڭى بازار ءبولىمىنىڭ جاۋاپتىسى تانىستىرىپ: وتكەن بىرنەشە جىلعا ۇقسامايتىن بيىلعى ەڭ كورنەكتى وزگەرىس ىشكى ولكەلەردەن بىرلەسىپ كەلگەن ساياحاتشىلاردىڭ سانى كورنەكتى ارتتى، بەيجيڭ، گۋاڭجوۋ، فۋجيان، سىچۋان، شاڭحاي قاتارلى ىشكى ولكە، قالالاردان كەلگەن ساياحاتشىلار %10 اينالاسىندا، - دەدى. شينجياڭنىڭ اق قارى ىشكى ولكەلەردەگى ساياحاتشىلاردى باۋراپ عانا قالماستان، تاعى شەتەلدەگى كوپتەگەن قار شاڭعى اۋەسكەرلەرىن دە وسىندا كەلۋگە باۋرادى. جىبەك جولى حالىقارالىق ساياحات سەيىل - سەرۋەن ورنىنا كەلگەن تانزانيالىق وقۋشى سۋلينا: بۇل جەردىڭ قار - مۇز بايلىعى جانە قار - مۇز ويىنى وتە جاقسى ەكەن، مەن ايرىقشا كوڭىلدى بولدىم، - دەدى.
  اۋدارعان: قۇرمەت سارسەنباي قىزى (پراكتيكانت)
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ