قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

قارتتار ساياحاتىنىڭ ءسانى بولەك(2)

2017.09.11 13:31 كەلۋ قاينارى : شينجياڭ گازەتىنەن

  5) ساياحات تاۋارلارىن ساتىپ العان كەزدە سول تاۋاردىڭ باعاسىنا عانا ءمان بەرىپ، ساپاسىنا نەمقۇرايدى قاراۋدان اباي بولىڭىز، تومەن باعاداعى زاتتاردىڭ ادەتتە ءوتىمى جوعارى بولادى، زات ساتىپ العان كەزدەردە وزدەرىڭىزدىڭ زاڭدى ۇقىق - مۇددەلەرىڭىزگە سۇعاناقتىق جاسالۋدان، الدانىپ قالۋدان ساقتانعانىڭىز ءجون.
  6) ساياحات سەرىكتەستىكتەرى مەن سەرۋەن باسىلارىنىڭ ساپار بارىسىندا سىزگە قالاي قىزمەت كورسەتىپ جاتقانىنا قاداعالاي ءمان بەرۋىڭىز كەرەك.
  ءدارياش: قارتتاردى ساياحاتقا الىپ شىعاتىن ساياحات سەرىكتەستىكەرىنىڭ قىزمەتكەرلەرى قارتتارعا ساياحات بارىسىندا قالاي قىزمەت كورسەتكەنى ءجون؟ نەلەرگە كوڭىل ءبولىپ، قارتتارىمىزدىڭ الاڭسىز ساياحاتتاۋىنا سەپتىگىن تيگىزۋلەرى كەرەك؟
  جاينار: ءبىرىنشى، توقتامعا قول قويۋدان بۇرىن، ساياحات سەرىكتەستىگىنىڭ قىزمەتكەرلەرى الدىن الا قارتتاردىڭ جاعدايلارىن ەگجەي - تەگجەيلى ۇعىسۋى، قارتتاردىڭ جاس شاماسى قانشالىق، وسى ساياحات بارىسىندا قارتتارعا ىلەسىپ باراتىن تۋىس - تۋعانى بار ما؟ دەنساۋلىق جاعدايى بۇل جولعى ساياحاتقا شىعۋعا جار بەرە مە، جوق پا؟ سونىڭ انىق - قانىعىن ءبىلىپ الۋ كەرەك.
  ەكىنشى، ساياحات سەرىكتەستىگى قارتتارعا ۇيلەسىمدى ساياحات جەلىسىن تاڭداپ بەرۋ، قۇلاما شىڭعا شىعۋ، سۋعا سەكىرۋ، سۋعا سۇڭگۋ، پاروچودتان سەكىرۋ، تولقىن جارۋ قاتارلى حاۋىپ - قاتەرى جوعارى بولعان ويىن تۇرلەرى بار ساياحات جەلىلەرىن نەگىزىنەن قارتتارعا تانىسىترماعانى ءجون. ەگەر قارتتاردىڭ ىشىندە كەيبىر ساياحاتشىلارىمىز ءوز ەركىمەن سونداي قيمىلدارعا قاتىناساتىن بولسا نەمەسە ءوز دەنساۋلىق جاعدايىنا سەنىمدى بولسا، مىندەتتى تۇردە سول ساياحاتشى جازباشا توقتام جازىپ، حاۋىپسىزدىك جاۋاپكەرشىلىگىن ءوز ۇستىنە الۋ كەرەك.
  ءۇشىنشى، قارتتاردىڭ جاعدايى ادەتتە باسقا ساياحاتشىلارعا قاراعاندا وزگەشە بولاتىندىقتان، قوعامدىق ساقتاندىرۋ باستى ورىندى ۇستايدى، ساياحات سەرىكتەستىگى بۇل تۋرالى جان - جاقتى ويلانىپ، قارتتارمەن ناقتى توقتام جاساسىپ، ويلاماعان جاعدايلار، توسىن ۋاقيعالار تۋىلۋدىڭ الدىن الۋ كەرەك.
  ءتورتىنشى، قارتتاردىڭ دەنساۋلىق ەرەكشەلىگىن باستى ورىندا ۇستاي وتىرىپ، ساياحات جەلىسىنىڭ قيمىلدىق كولەمى كۇردەلى ەمەس، وسى گرۋپپاعا قاتىناسقان ساياحاتشىلار سانى از بولۋى، ونان سوڭ تاجىريبەسى مول، قارتتاردىڭ جاعدايىن جان - جاقتى تۇسىنە الاتىن سەرۋەن باسىن قارتتار ساياحات گرۋپپاسىنا قوسىپ بەرۋ كەرەك. قارتتاردىڭ ساياحاتى ويداعىداي بولۋ ءۇشىن، ولارعا رۋحاني جاقتان كوڭىلدىلىك سيلاپ، اۋىر جۇكتەرىن كوتەرىسىپ دەگەندەي جانە ولاردىڭ جاتىن ورىندارى جايلى، تاماقتارى ۋاعىندا ورنالاستىرىلۋى كەرەك، جاسى ۇلكەن بولعاندىقتان ولار كۇن بويى سەرۋەندەگەن سوڭ تەز شارشاپ قالادى. وسىلاردىڭ بارلىعىنا مىقتى سەرۋەن باسى جاۋاپتى بولۋ كەرەك.
  بەسىنشى، قارتتار ساياحاتى كەزىندە ۇيىمداستىرۋشى ساياحات اگەنتتىكتەرى قارتتارعا ارناۋلى تۇردە كاسىپتىك تاجىريبەسى مول مىقتى دارىگەرلەر قوسىپ بەرەتىن بولادى. دارىگەر ءار كۇنى قارتتاردىڭ قان قىسىمىن، جۇرەك سوعۋىن، دەنساۋلىق احۋالدارىن تەكسەرىپ رەتتەپ وتىراتىن بولادى.
  التىنشى، سەرۋەن باسىلار ۋاق - ۋاق قارتتارىمىزدىڭ جاعدايىن سۇراپ، كورسەتىلگەن قىزمەتتەردىڭ قايسى تۇرىنە، قاي مازمۇندارعا، قانداي ىستەرگە كوڭىلى تولماعاندىعىن سۇراستىرىپ، دەر كەزىندە ءبىر جاقتى ەتىپ وتىرۋى، ولارعا جىلى دا جايلى، تۇسىنىكتى قىزمەت كورسەتۋى، تۇسىنبەگەن جەرلەرى بولسا بايىپتىلىقپەن ءتۇسىندىرىپ، قامقور بولۋلارى كەرەك.
  جەتىنشى، كەيبىر تاماقتار قارتتارعا الەرگيا بەرۋى مۇمكىن، سوندىقتان تاماق ورنالاستىرۋ كەزىندە قارتتاردان قانداي تاماق، قانداي ازىق - تۇلىكتەرگە تابەتىنىڭ تارتاتىن - تارتپايتىنىن انىقتاپ سۇراپ، ولارعا ۇيلەسەتىن، اسقازانعا جىلى - جۇمساق تاعامداردى ازىرلەۋ كەرەك.
  سەگىزىنشى، ساياحات بارىسىندا كەيبىر قارتتارىمىز بارعان جەرلەرىن جەرسىنبەۋ سەبەبىنەن باسى اينالىپ، جۇرەگى اينيتىن جاعدايلار بولۋى مۇمكىن، وندايدا سەرۋەن باسىلار ولاردىڭ كوڭىلدەرىن اۋلاپ، ولاردىڭ كوڭىلدى ساياحات جاساۋىنا سايكەسۋ كەرەك، ياعني ساياحاتتى ۇيىمداستىرعان سەرىكتەستىك پەن قارتتارىمىزدى باستاپ جۇرگەن سەرۋەن باسى وسىنداي جان - جاقتى قىزمەت كورسەتۋگە كوڭىل بولگەندە عانا، قارت ساياحاتشىلارىمىز ساياحات كۇندەرىن ەش الاڭسىز، كوڭىلدى دە ماعىنالى وتكىزەتىن بولادى.
  ءدارياش: قارتتاردىڭ ساياحاتتاۋى قارتتار ومىرىنە قانداي ءمان قوسادى؟ دەنساۋلىققا قانداي پايداسى بار؟
  جاينار: تۇرمىس ورەسىنىڭ جوعارىلۋىنا ساي، ساياحات قارجىسى كوپتەگەن جاسى ۇلعايعان ادامداردىڭ ءبولىپ شىعارماسا بولمايتىن قارجىسىنا اينالدى. بۇل دەگەنىمىز قارتتارىمىز قازىر ساياحاتتاۋعا ارناۋلى قاراجات ازىرلەيتىن بولدى دەگەندى مەڭزەيدى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ