قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

قارتتار ساياحاتىنىڭ ءسانى بولەك(1)

2017.09.11 13:31 كەلۋ قاينارى : شينجياڭ گازەتىنەن

  بۇگىنگى تاڭدا، ادامداردىڭ ارمانداعان الىس مەكەندەرگە قادام تاستاۋىنا تىڭ جول اشار ۇلكەن كاسىپ سالاسىنىڭ ءبىرى ساياحات كاسىبى بولىپ وتىر. قازىر ساياحات سالاسى تىڭنان گۇلدەنگەن، اياسى كەڭ كاسىپ سالاسىنا اينالىپ، الەم حالقى ساياحاتتىڭ سان قىرىمەن، تاڭعاجايىپ ولكەلەردىڭ تاماشاسىمەن تانىسۋىنا وراي، ساياحات مادەنيەتى، ساياحات زاڭى، ساياحاتتا كوڭىل بولەتىن تۇيىندەر، ت. ب جايلى ىزدەنىستەر جاسالىپ، ساياحاتشىلاردىڭ الاڭىن ازايتاتىن شارالار مولايدى. قازىرگى كەزدەگى ساياحاتشىلار شوعىرىنىڭ ىشىندە تۇرمىس جاعدايىنا قاراي قاربالاس جاستاردان گورى زەينەتكە شىققان وتباسىنداعى قارتتارىمىزدىڭ سانى مول. ەندەشە، قارتتار ساياحاتىنىڭ ءسانى نە، قارتتار ساياحاتى قانداي مازمۇنداردى قامتيدى؟ بۇل جونىندە ءدارياش شايمۇرات قىزىنىڭ ءۇيسىن حالىقارالىق ساياحات سەرىكتەستىگى قازاق ءبولىمىنىڭ جاۋاپتىسى جاينار اۋەلقان قىزىمەن وتكىزگەن سۇحباتىنا نازار سالىڭىز:
  ءدارياش: سالەمەتسىز بە! تۇرمىس جاقسارىپ، تۇرمىس قامتاماسىزداندىرىلعان قازىرگى قوعامدا، زەينەتكە شىققان قولى بوس قارتتارىمىز كوپتەپ ساياحاتقا شىعىپ كوڭىل كوتەرىپ، ەلدى، جەردى ارالايتىن بولدى، بۇل، ارينە، قارتتارىمىز جونىنەن العاندا، ءوزىن شىڭاپ، رۋحاني جان دۇنيەسىن سەرگىتەتىن تاماشا وراي، ەندەشە، قارتتار ساياحاتقا شىققاندا نەلەرگە كوڭىل بولسە بولادى؟
  جاينار: قازىر ساياحات كاسىبىنىڭ وركەندەۋىنە ساي، ساياحاتتىڭ دا تۇرلەرى مولايىپ، ساياحات مازمۇندارى كەمەلدەنە ءتۇستى. كەرەك دەسەڭىز، جاس شاماسىنا قاراي ارناۋلى ساياحات ۇيىمداستىرىلاتىن بولدى. مىسالى، قارتتارعا ارنالعان قارتتار ساياحاتى، جازدىق دەمالىس كەزىندەگى وقۋشىلارعا ارنالعان جازعى لاگەر ساياحاتى، جاستارعا ارنالعان جاستار ساياحاتى، جەكەلەرگە ارنالعان ەرىكتى ساياحات، تاماشالاۋ ساياحاتى، دەمالىس ساياحاتى سياقتىلار. ال بۇگىن تىلىمىزگە تيەك بولىپ وتىرعانى قارتتار ساياحاتى جونىندە. قازىر قارتتار ساياحاتى بازارىنىڭ كولەمى كەڭەيىپ، قارتتاردىڭ ساياحاتقا دەگەن ساناسى ويانىپ، كوزقاراستارى جاڭالانىپ، ولاردىڭ ساياحاتقا شىعۋ سالىستىرماسى دا جوعارىلاپ كەلەدى. ولاي بولسا، وسى ساياحاتتاۋ بارىسىندا قارتتارىمىز نەلەرگە كوڭىل ءبولۋى كەرەك دەگەن ماسەلەگە جاۋاپ بەرۋدەن بۇرىن، ءبىز ەڭ الدىمەن ساياحاتقا شىعۋدىڭ الدىندا نەلەرگە كوڭىل ءبولۋ كەرەك دەگەندى ويلاستىرعانىمىز دۇرىس بولاتىن سياقتى.
  1) قارتتارىمىز ءۇشىن، ەڭ اۋەلى، دەنساۋلىق ماسەلەسى باستى ورىندا. قارتتار ساياحاتقا تىزىمگە الدىرۋدىڭ الدىندا شيپاحانالارعا بارىپ، ساياحاتقا شىعۋعا قاتىستى بولعان دەنساۋلىق ساراپتاماسىنان وتۋلەرى كەرەك. دەنساۋلىق ساراپتاماسى تولىمدى بولعاندا عانا الاڭسىز ساياحاتقا شىعۋىنا بولادى.
  2) شەكارادان شىعىپ ساياحاتتايتىن ساياحاتشىلار ساياحات باسقارۋ ورگاندارى جاعىنان زاڭدى تەكسەرۋدەن وتكەن، زاڭدىق كۇشكە يە تيجارات كۋالىگى، شەكارادان شىعىپ ساياحاتتاتۋ تولىمدىلىعى بار ساياحات سەرىكتەستىكتەرىنە بارىپ تىزىمدەلگەنى ءجون.
  3) ءوز دەنساۋلىق جاعدايىڭىزعا، ءوز جاس شاماڭىزعا ۇيلەسەتىن ساياحات جەلىسىن تاڭداپ ورنالاستىرۋىڭىز كەرەك.
  4) ساياحات ۇيىرمەسىنە قاتىسۋدىڭ الدىندا ساياحات سەرىكتەستىگىمەن ساياحات توقتامىنا قول قوياتىن كەزدە، ساياحات قاراجاتىنىڭ ىشىندە قامتىلاتىن مازمۇندار، ياعني قوناقجاي دارەجەسى، تاماق ولشەمى، ساياحات قيمىلدارىنا قانداي مازمۇندار قامتىلعان؟ ساقتاندىرۋى بار ما، جوق پا؟ وسىلاردىڭ بارلىعىن انىق تۇسىنگەننەن كەيىن قول قويساڭىز بولادى. ال ەندى ساياحاتقا دايىندالۋ باسقىشى بىتكەننەن كەيىن ساياحاتتاۋ بارىسىندا نەلەرگە كوڭىل ءبولۋ كەرەك دەگەن باسقىشقا كەلسەك:
  1) ساياحاتتاپ بارعان جەرلەردىڭ زاڭ - ەرەجە تۇزىمدەرىنە بويسۇنىپ، سالت - داستۇرىنە قۇرمەت ەتۋ كارى - جاسقا بولىنبەيتىن، ءسوزسىز، كوڭىل بولۋگە ءتيىستى ماڭىزدى ءتۇيىن.
  2) ساياحات بارىسىندا پاسپورت، ازاماتتىق كۋالىك سياقتى قاتىستى حۇجاتتارىڭىزدى جوعالتىپ الۋدان ساقتانىپ، مىقتى جەرگە ساقتاڭىز.
  3) تاعى دا سول دەنساۋلىق ماسەلەسى جايىندا، ياعني ءوزىڭىز كۇندەلىكتى تۇتىناتىن نەمەسە ۇزاق ۋاقىتتان بەرگى تۇتىنىپ جۇرگەن ءدارى - دارمەكتەرىڭىزدى الا ءجۇرىڭىز.
  4) ساياحات گرۋپپاسىنىڭ نەمەسە سەرۋەن باسىنىڭ ورنالاستىرۋىنان اسىپ ەشقايدا ءوز بەتىڭىزبەن كەتپەڭىز، قانداي ماسەلەگە جولىقساڭىز ولارعا ايتىپ، اقىلداسىپ ءبىر جاقتى ەتسەڭىز بولادى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ