قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

ءبىلىم مەنشىگى ۇقىعىنا قاتىستى كوشپەلى سوت ساۋدا سارايىندا اشىلدى

2018.04.28 22:02 كەلۋ قاينارى : شينجياڭ گازەتىنەن

  ءتىلشىمىز ياڭ شۋحان 4 - ايدىڭ 24 - كۇنى ۇرىمجىدەن حابارلايدى. 4 - ايدىڭ 24 - كۇنى تۇستەن بۇرىن ءۇرىمجى قالالىق ورتا حالىق سوتى مەكەمەسى ماركا ۇقىعىنا سۇعاناقتىق جاساۋ دەلوسىنا كوشپەلى سوت اشۋ بايلانىسىمەن تۇڭعىش رەت ءۇرىمجى قالاسىنداعى گوماۋ ساۋدا سارايىنا باردى، مادەني بۇيىمدار ساۋداسىمەن اينالىساتىن 100گە جۋىق ادام دەلونىڭ قارالۋ بارىسىن سىرتتاي تىڭدادى.
  سوت اشىلعاننان كەيىن، سوتتىڭ تەكسەرۋى بارىسىندا داۋگەردىڭ وكىلەتشىسى بىلاي دەپ باياندادى: داۋگەر لاۋفىڭشياڭ سەرىكتەستىگى − «جۇڭحۋا» سياقتى جەلىلەس ماركالاردىڭ ماركا ۇقىعى يەسى، داۋگەر گوماۋ ساۋدا سارايىنىڭ مادەنيەت، دەنە تاربيە بۇيىمدارى ورتالىعىنداعى ءمالىم ءبىر ساۋداگەردىڭ ساتقان قارىنداشتارىنىڭ جالعان «جۇڭحۋا» ماركالى قارىنداش ەكەنىن بايقاپ، ساۋدا ۇقىعىن قورعاۋ جونىندە ارىز - شاعىم بەردى. داۋگەردىڭ وكىلەتشىسى سوتتا ماركا ۇقىعىنا قاتىستى جازباشا دالەل كورسەتتى، سونداي - اق سول كەزدە العان جانە الەۋمەتتىك كۋالاندىرۋدان وتكىزگەن «جۇڭحۋا» ماركالى 2 بۋدا جالعان قارىنداشتى دالەل رەتىندە الىپ شىعىپ كورسەتتى.
  ايىپكەردىڭ وكىلەتشىسى دالەلدى تەكسەرىپ كورگەننەن كەيىن، ساتىلعان قارىنداشتىڭ، راسىندا، جالعان ءونىم ەكەنىن سوتتا مويىندادى، الايدا، ول بىلاي دەپ اقتالدى: 10 نەشە جىل كەڭسە مادەني بۇيىمدارى ساۋداسىمەن اينالىسقان ساۋداگەرمىز، ءبىراق دۇكەنىمىزدە قارىنداش كوپ ساتىلمايتىن، سول كەزدە قارىنداشتى باسقا ءبىر دۇكەننەن اكەلىپ ساتتىق، تاۋاردىڭ شىن - جالعان ەكەنىن پارىقتاي المادىق. سول كەزدە ساتقان قارىنداشتاردى كەيىن تەكسەرگەندە، ءبىر قوراپتاعىسى شىن، قالعان 2 بۋداسى «جۇڭحۋا» ماركالى جالعان قارىنداش بولىپ شىقتى، نەبارى 10 نەشە يۋاندىق تاۋارعا 10 مىڭ يۋان ايىپ تولەۋگە ءتيىستى بولىپ وتىرمىز، مۇنى، راسىندا، قابىلداي المايمىز. داۋگەردىڭ وكىلەتشىسى سوتتىڭ قۋزاۋىندا، تولەم اقىنى 8000 يۋانعا تومەندەتۋگە قوسىلدى، ءبىراق ەكى جاقتىڭ داۋگەرلەرى ەڭ سوڭىندا تولەم مولشەرىندەگى پارىق سەبەبىنەن سوتتا كەلىسىمگە كەلە المادى، سوت باسقا كۇنى ۇكىم شىعاراتىن بولدى.
  4 - ايدىڭ 26 - كۇنى حالىقارالىق ءبىلىم مەنشىگى ۇقىعى كۇنى، 2017 - جىلى ءۇرىمجى قالاسىنداعى ەكى دارەجەلى حالىق سوتى مەكەمەلەرى العاشقى تەرگەۋ، 2 - تەرگەۋ، قايتالاي تەرگەۋ سياقتى تارتىپتەر ارقىلى ءبىلىم مەنشىگى ۇقىعى دەلوسىنان 237 مىڭ 242 دەلو قابىلداپ، 225 مىڭ 678 دەلونى اياقتاتتى (بۇرىننان قالعان دەلونى قامتيدى)، بۇل 2016 - جىلعىدان جەكە - جەكە %33.50 جانە %31.41 ارتقان.
  سوت تەرگەۋىنەن كەيىن، ءۇرىمجى قالالىق ورتا حالىق سوتى مەكەمەسى «ءبىلىم مەنشىگى ۇقىعىن قورعاۋدى قالاي كۇشەيتۋ جانە ءبىلىم مەنشىگى ۇقىعىنا سۇعاناقتىق جاساۋدان قالاي ساقتانۋ» جونىندە زاڭدىق ۇگىت - لەكسيا جاسادى. «سوتتى گوماۋ ساۋدا سارايىنا ورنالاستىرعانىمىز وسىنداي دەلولاردى قاراۋ جولدارى ارقىلى زاڭدى دەلو مىسالدارىمەن ءتۇسىندىرىپ، ساۋداگەرلەردىڭ ءبىلىم مەنشىگى ۇقىعىن قورعاۋ تانىمىن ورناتۋىنا جانە ونى جوعارىلاتۋىنا مۇمكىندىك جاساۋ بولىپ تابىلادى. ساۋداگەرلەر تيجاراتتى ادال جۇرگىزۋى، تاۋارلاردى زاڭدى جولمەن كىرگىزۋى جانە كۋالىكتەرىن ساقتاۋى، ءبىلىم مەنشىگى ۇقىعىنا سۇعاناقتىق جاساۋدان ساقتانۋى، سول ارقىلى ارىز - شاعىم تۋىلعان كەزدە ەكونوميكالىق تولەم تولەۋدەن ساقتانۋى كەرەك»، - دەدى ءۇرىمجى قالالىق ورتا حالىق سوتى مەكەمەسى ازاماتتىق ىستەر 3 - سوتىنىڭ سۋدياسى لۋ مين.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ