قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

  اۆتونوميالى رايونىمىزداعى حالىق سوتى مەكەمەلەرى ءبىلىم مەنشىگى ۇقىعىنا قاتىستى دەلولاردى تەرگەۋ ۇلگىسىن كۇش سالا كەمەلدەندىردى

2018.04.28 21:58 كەلۋ قاينارى : شينجياڭ گازەتىنەن

  ءتىلشىمىز ياڭ شۋحان 4 - ايدىڭ 24 - كۇنى ۇرىمجىدەن حابارلايدى. 4 - ايدىڭ 24 - كۇنى وتكىزىلگەن 2017 - جىلعى بۇكىل رايونىمىزداعى حالىق سوتى مەكەمەلەرىنىڭ ءبىلىم مەنشىگى ۇقىعىن ءادىليالىق قورعاۋ قىزمەتى جونىندەگى اقپار جاريالاۋ ماجىلىسىندە، اۆتونوميالى رايوندىق جوعارى حالىق سوتى مەكەمەسىنىڭ اقپارات مالىمدەمەشىسى ۋاڭ حايچين بىلاي دەدى: رايونىمىزداعى حالىق سوتى مەكەمەلەرى ءبىلىم مەنشىگى ۇقىعىنا قاتىستى ازاماتتىق ىستەر، اكىمشىلىك ىستەر جانە قىلمىستىق ىستەر دەلولارىن بىرىكتىرىپ تەرگەۋدى تۇيىندەردە سىناق ەتۋ قىزمەتىن ورنىقتى ىلگەرىلەتىپ، ءبىلىم مەنشىگى ۇقىعىنا قاتىستى دەلولاردى تەرگەۋ ۇلگىسىن كۇش سالا بىرتىندەپ كەمەلدەندىرەدى.
  2017 - جىلى بۇكىل رايونىمىزداعى حالىق سوتى مەكەمەلەرى 1 - تەرگەۋدە ءبىلىم مەنشىگى ۇقىعىنا ساياتىن ازاماتتىق ىستەر دەلوسىنان 682سىن تەرگەسە، 2 - تەرگەۋدە ءبىلىم مەنشىگى ۇقىعىنا ساياتىن ازاماتتىق ىستەر دەلوسىنان 100ىن تەرگەدى، جاڭادان قابىلداعان دەلولار سانى 2016 - جىلداعىدان انتەك مولايدى. قازىر رايونىمىزداعى حالىق سوتى مەكەمەلەرى قاراعان ءبىلىم مەنشىگى ۇقىعىنا قاتىستى ازاماتتىق ىستەر دەلولارى ءداستۇرلى پاتەنت، ماركا، اۆتورلىق ۇقىق سياقتى داۋ - شارلارعا شوعىرلانعان، مۇنىڭ ىشىندە ماركا داۋ - شارى ەڭ كوپ، ونان قالسا، اۆتورلىق ۇقىق پەن پاتەنت ۇقىعى داۋ - شارلارى ەكەن.
  2017 - جىلى رايونىمىزداعى حالىق سوتى مەكەمەلەرى ايگىلى ماركا سياقتى بەلگى ۇقىعىن ءادىليالىق قورعاۋدى كۇشەيتىپ، ۇقىققا قاساقانا سۇعاناقتىق جاساۋدى، ۇقىققا قايتالاي سۇعاناقتىق جاساۋدى، كولەمدى تۇردە سۇعاناقتىق جاساۋدى جانە توقتامدى ادەيى بۇزۋدى جازالاۋ تەبىنىن ارتتىردى. مادەنيەت جاسامپازدىعىنا، ينتەرنەت، كومپيۋتەر جۇمساق بولشەكتەرى سياقتى ستراتەگيالىق جاڭادان گۇلدەنگەن مادەنيەت كاسىپتەرىنىڭ اۆتورلىق ۇقىعىن قورعاۋعا ايرىقشا ءمان بەرىپ، KTVعا، ەمتيحان ماتەريالدارىنا ساياتىن اۆتورلىق ۇقىق داۋ - شارلارى سياقتى كوپتەگەن دەلولاردى تەكسەرۋ ارقىلى مادەنيەت جاسامپازدىعىمەن شۇعىلدانۋشىلاردىڭ زاڭدى ۇقىق - مۇددەسىن قورعاپ، ۇرلاپ باسۋ سياقتى زاڭعا قايشى ارەكەتتەرگە سوققى بەرۋدى كۇشەيتتى. جاڭالىق اشۋ دەڭگەيى جوعارى تاپقىرلىق تابىستارىن كۇش سالا قورعاپ، جوعارى، جاڭا تەحنيكا كاسىپتەرىنىڭ دامۋىن جەبەدى، كاسىپورىننىڭ وزەكتى باسەكەلىك قۋاتىن قورعادى.
  ءبىلىم مەنشىگى ۇقىعىنا ساياتىن ازاماتتىق ىستەر، اكىمشىلىك ىستەر جانە قىلمىستىق ىستەر دەلولارىن تەكسەرۋدەگى «ءۇشتى بىرىكتىرۋ» ءبىلىم مەنشىگى ۇقىعىن قورعاۋعا ساياتىن دەلولاردى تەرگەۋ سوتىنىڭ ءبىلىم مەنشىگى ۇقىعىنا ساياتىن ازاماتتىق ىستەر، اكىمشىلىك ىستەر جانە قىلمىستىق ىستەر دەلولارىن ءبىر تۇتاس تەكسەرۋىن مەڭزەيدى. ۇعىسۋعا قاراعاندا، 2017 - جىلى رايونىمىز تۇيىندە سىناق ەتۋ قىزمەتىن ورىستەتىپ، «3 دارەجەنى سايكەستىرۋ، 3 تەرگەۋدى بىرىكتىرۋ، ءۇشتى ءبىر تۇلعالاندىرۋ» سىندى ءبىلىم مەنشىگى ۇقىعىنا ساياتىن دەلولاردى تەرگەۋ ۇلگىسىن ورناتقان.


جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ