قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

اۆتونوميالى رايونىمىز ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساعان 5 تيپتىك ماسەلەنى اشىق جاريالادى

2018.04.28 21:54 كەلۋ قاينارى : شينجياڭ گازەتىنەن

  ءوز حابارىمىز. تيپتىك دەلولار ارقىلى ەسكەرتۋ، سەس كورسەتۋ رولىن ساۋلەلەندىرۋ ءۇشىن، جۋىقتا اۆتونوميالى رايوندىق ءتارتىپ تەكسەرۋ كوميتەتى ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساعان 5 تيپتىك ماسەلەنى حابارلاندىردى، بۇل 5 تيپتىك دەلو مىنالار:
  1. باركول قازاق اۆتونوميالى اۋداندىق مادەنيەت سارايىنىڭ بۇرىنعى باستىعى نيۋ شۇنچيڭنىڭ ۇكىمەت قاراجاتىمەن تارتۋ - تارالعى ۇسىنۋ، بەلگىلەمەگە قايشىلىق جاساپ، قوسىمشا قاراجات، تولىقتاما قاراجات تاراتۋ ماسەلەسى. 2013 - جىلى 1 - ايدان 2017 - جىلى 6 - ايعا دەيىن نيۋ شۇنچيڭ كوپ رەت ۇكىمەت اقشاسىنان جيىنى 63 مىڭ 400 يۋان جۇمساپ جەرگىلىكتى ءونىم، ەرەكشە ءونىم ساتىپ الىپ، تارتۋ - تارالعىعا ىستەتكەن؛ جۇمىسقا تولىق شىعۋ سيلىعى دەگەن اتپەن بەلگىلەمەگە قايشىلىق جاساپ، مەكەمەدەگى كادرلار مەن قىزمەتكەرلەرگە 63 مىڭ 800 يۋان قوسىمشا قاراجات، تولىقتاما قاراجات تاراتىپ، ءوزى مۇنان 2400 يۋان العان. مۇنان سىرت، نيۋ شۇنچيڭنىڭ تارتىپكە قايشى باسقا دا ماسەلەسى بار. 2018 - جىلى 2 - ايدا نيۋ شۇنچيڭگە پارتيادا قالدىرىپ، 2 جىل سىناپ كورۋ، قىزمەت دارەجەسىن تومەندەتۋ جازاسى بەرىلدى.
  2. كوكتوعاي اۋدانى قاراتۇڭكە قالاشىعى تاستاق قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى لان شياۋچيننىڭ بەلگىلەمەگە قايشىلىق جاساپ، جاڭا قونىسقا كوشۋ بايلانىسىمەن قوناق شاقىرۋ ماسەلەسى. 2017 - جىلى 2 - ايدا لان شياۋچين جاڭا قونىسقا كوشۋدى جەلەۋ ەتىپ، دوس - جاراندارى مەن قىستاق تۇرعىندارىنان 160 نەشە ادامدى شاقىرىپ قوناعاسى وتكىزىپ، قۇنى 17 مىڭ 300 يۋان كەلەتىن تارتۋ - تارالعى، اقشا قابىلداپ، ناشار قوعامدىق ىقپال تۋدىرعان. 2017 - جىلى 12 - ايدا لان شياۋچينگە پارتيا ىشىندە قاتاڭ ەسكەرتۋ جازاسى بەرىلدى.
  3. قورعاس قالاسى تۇرعىن ءۇي جانە قالا، اۋىل قۇرىلىسى مەكەمەسىنىڭ كادرلارى تۇڭ بايسۇڭنىڭ، ليۋ ۋيدىڭ بەلگىلەمەگە قايشىلىق جاساپ، باسقارۋ، قىزمەت كورسەتۋ وبيەكتىلەرىنىڭ قوناعاسىنا بارۋى ماسەلەسى. 2018 - جىلى 1 - ايدا تۇڭ بايسۇڭ، ليۋ ۋي بەلگىلەمەگە قايشىلىق جاساپ، ءمالىم قورا - جاي سەرىكتەستىگى ۇيىمداستىرعان قوناعاسى، كوڭىل اشۋ قيمىلىنا قاتىناسىپ، ناشار قوعامدىق ىقپال تۋدىرعان. 2018 - جىلى 2 - ايدا تۇڭ بايسۇڭعا پارتيا ىشىندە قاتاڭ ەسكەرتۋ، قىزمەت دارەجەسىن تومەندەتۋ جازاسى، ليۋ ۋيعا اكىمشىلىك اۋىر كۇنا جازۋ جازاسى بەرىلدى.
  4. اۆتونوميالى رايوندىق ساۋدا مەڭگەرمەسىنىڭ ورگان قىزمەت كورسەتۋ ورتالىعى پارتكومىنىڭ بۇرىنعى ورىنباسار شۋجيى ياڭ شياۋحۋانىڭ بەلگىلەمەگە قايشىلىق جاساپ، ۇكىمەت اۆتوكولىگىن پايدالانۋى ماسەلەسى. 2016 - جىلى 8 - ايدان 2017 - جىلى 2 - ايعا دەيىن ياڭ شياۋحۋا بەلگىلەمەگە كوپ رەت قايشىلىق جاساپ ۇكىمەت اۆتوكولىگىن زات تاسۋعا، جەكە جۇمىسىن بىتىرۋگە، ءۇي ىشىندەگىلەردى اپارىپ - اكەلۋگە، تۋىس - تۋعاندارىنىڭ ءۇيىن كوشىرۋىنە پايدالانعان. مۇنان سىرت، ونىڭ تارتىپكە قايشى باسقا دا ماسەلەسى بار. 2018 - جىلى 1 - ايدا ياڭ شياۋحۋاعا پارتيا ىشىندەگى مىندەتىنەن الىپ تاستاۋ، اكىمشىلىك دارەجەسىن تومەندەتۋ جازاسى بەرىلدى.
  5. مارالباسى اۋدانى شامال اۋىلدىق پارتكومنىڭ ورىنباسار شۋجيى، اۋىل باستىعى ءومار ءيۇسىپتىڭ قىزمەت كەڭسەسىن ولشەمنەن اسىرىپ پايدالانۋ ماسەلەسى. 2017 - جىلى 11 - ايدا ءومار ءيۇسىپ بەلگىلەمەگە قايشىلىق جاساپ، جالپى اۋدانى 41.1 شارشىمەتر كەلەتىن 3 كەڭسەنى جەكە - جەكە كەڭسە، قوناق قابىلداۋ بولمەسى، دەمالىس ءۇيى ەتىپ پايدالانعان. 2018 - جىلى 2 - ايدا ءومار يۇسىپكە پارتيا ىشىندە ەسكەرتۋ جازاسى بەرىلدى.
  جوعارىداعى 5 تيپتىك ماسەلە اۆتونوميالى رايونعا توتە قاراستى ورگاندارداعى پارتيا مۇشەلەرى مەن كادرلارعا ءارى نەگىزگى ساتىداعى پارتيا مۇشەلەرى مەن كادرلارعا دا سايادى، مۇنىڭ ىشىندە ەكەۋى پارتيا 19 - قۇرىلتايىنان كەيىن ورىن تەپكەن، بۇل «4 ءتۇرلى بۇرىس ستيل» ماسەلەسىنىڭ كۇردەلى، قايتالامالى، قايتا تۋىنداۋ كومەسكى حاۋىپىنە نەمقۇرايدى قاراۋعا بولمايتىندىعىن تاعى ءبىر رەت دالەلدەدى.
  2018 - جىلى «1 - مامىر» حالىقارالىق ەڭبەكشىلەر مەرەكەسى قارساڭىندا، بۇكىل رايونىمىزداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار تەرەڭ تاجىريبە - ساباق الىپ، ۇساق ىستەردەن، ۇساق بۋىننان ساياسيدى، وبرازدى ايگىلەپ، پارتياعا ابسوليۋتتى ادال بولۋدى ناقتى ارەكەتتەرىندە تياناقتاندىرۋلارى، ورتالىقتىڭ «8 ءتۇرلى بەلگىلەمەسىنىڭ» رۋحىمەن وزدەرىن سانالى تەجەۋلەرى، ارەكەتتەرىن جۇيەگە تۇسىرۋلەرى كەرەك. وزدەرى بۇعان ارالاسۋلارى، يدەيالارىنا مىقتاپ سىڭىرۋلەرى، باستان - اياق «كادرلاردىڭ ستيلىنىڭ شىنايى بولماۋ ماسەلەسى − شينجياڭداعى ەڭ ۇلكەن جاۋ» سىندى وسى عىلمي تۇجىرىمدى ەستەرىندە بەرىك ساقتاپ، «4 ءتۇرلى بۇرىس ستيلدى»، «4 تەرىس نىسايدى» وڭاۋدى پارتيالىلىقتى شىڭاۋداعى، ساياسي ءمورالدى جەتىلدىرۋدەگى مىندەتتى ساباق، تيىم سالعاننان تيىلۋداعى، ساياسي ءتارتىپ پەن ساياسي قاعيداعا قاتاڭ بويسۇنۋداعى ولشەم ەتۋلەرى كەرەك. بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ءونىمدى شارا قولدانىپ، باقىلاۋ - تەكسەرۋ تەبىنىن كۇشەيتىپ، مەرەكە كەزىندەگى بەلەڭ بەرۋ مۇمكىندىگى كوپ بولعان بەلگىلەمەگە قايشىلىق جاساپ ۇكىمەت قاراجاتىمەن ءىشىپ - جەۋ، ۇكىمەت اۆتوكولىگىن جەكە شارۋاسىنا پايدالانۋ، ۇكىمەت قاراجاتىمەن ساياحاتتاۋ سياقتى «4 ءتۇرلى بۇرىس ستيل» ماسەلەسىن ءجىتى قاداعالاپ، قىلپى بايقالسا قىرقىپ، ءتارتىپتى اتقارۋدى بارعان سايىن قاتايتىپ، ستيل قۇرىلىسىن باتىل پوزيتسيامەن، قاتاڭ شارامەن ۇزدىكسىز كۇشەيتۋ كەرەك.  
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ