قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جاراستىرۋشى «جاڭ حانىمنىڭ» جالىندى ءومىرى

ءتىلشىمىز سۇي يۇنيان

2018.02.05 16:01 كەلۋ قاينارى : شينجياڭ گازەتىنەن

 5 جىلدان بەرى، ءۇرىمجى قالاسى ەكونوميكالىق - تەحنيكالىق اشۋ رايونى (توۋتۇنحى) ۋاڭجياگۋ ءمالىسى شينيۋان الەۋمەتتىك اۋماعىنىڭ جاراستىرۋشىسى جاڭ شينپيڭ تۇرعىندارمەن ەتەنە ارالاسىپ، كوپشىلىكتىڭ قيىنشىلىقتارىن شەشىپ، داۋ - شارىن جاراستىردى، ونىڭ شىنايلى شىرايى تۇرعىنداردىڭ سەنىمىنە يە بولىپ، العىسىنا بولەندى. كوپشىلىك ونى «جاڭ حانىم» دەپ اتاسىپ، ونىڭ سۇلۋ جان دۇنيەسىنە ءتانتى بولدى.
  تۇرعىندار ونى «جاڭ حانىم» دەستى
  2017 - جىلى 5 - جەلتوقساندا ءتىلشى ءۇرىمجى قالاسى ەكونوميكالىق - تەحنيكالىق اشۋ رايونى (توۋتۇنحى) ۋاڭجياگۋ ءمالىسى شينيۋان الەۋمەتتىك اۋماعىنا جاڭ شينپيڭمەن سۇحباتتاسۋعا باردى، جۇمىس بىتىرەتىن زالدا بىرەۋ: جاڭ حانىم، ءسىزدى بىرەۋ ىزدەيدى، - دەدى، داۋىسىن كوتەرە.
  43 جاستاعى جاڭ شينپيڭ شينيۋان الەۋمەتتىك اۋماعىنىڭ ورىنباسار مەڭگەرۋشىسى، حالىقتىق جاراستىرۋ كوميتسياسىنىڭ جاراستىرۋشىسى، بۇل ارادا كوپشىلىك ونىڭ اۋەلگى اتىن ۇمىتىپ، ونى «جاڭ حانىم» دەپ اتايدى. «جاڭ شينپيڭنىڭ مىنەزى ءبيازى، جۇزىنەن كۇلكى ەسىپ تۇرادى، وتە تارتىمدى كىسى، وسى جىلداردا شىنايى سەزىم، ىستىق سۇيىسپەنشىلىكپەن تالاي قايشىلىقتاردى ءبىر جاقتى ەتتى، سودان كوپشىلىك ول كىسىگە وسىنداي ات قويىپ الدى»، - دەدى، ۋاڭجياگۋ ءمالىسى سوت بولىمشەسىنىڭ جاۋاپتىسى ياۋ سۋجين تىلشىگە.
  2006 - جىلى جاڭ شينپيڭ ەكونوميكالىق - تەحنيكالىق اشۋ رايونى (توۋتۇنحى) ۋاڭجياگۋ ءمالىسى شينيۋان الەۋمەتتىك اۋماعىندا الەۋمەتتىك يگىلىك ورنىندا ىستەيدى. «سول كەزدە مەن قوعامدىق قامتاماسىزداندىرۋ قىزمەتىنە جاۋاپتى بولدىم، جاراستىرۋ قىزمەتىن دە قوسىمشا ىستەپ، ەڭبەك قامتاماسىزداندىرۋ داۋ - شارىن جاراستىرۋ جۇمىسىمەن اينالىستىم، 2009 - جىلى رەسمي جاراستىرۋشى بولدىم»، - دەدى جاڭ شينپيڭ. ول 2012 - جىلى شينيۋان الەۋمەتتىك اۋماعىنا كەلىپ، جاراستىرۋشى بولادى، 5 جىلدان بەرى، الەۋمەتتىك اۋماقتاعى تۇرعىندارمەن ەتەنە ارالاسىپ، كوپشىلىكتىڭ داۋ - شارىن ءبىر جاقتى ەتىپ، قيىنشىلىقتارىن شەشىپ، تۇرعىنداردىڭ اياۋلى «جاڭ حانىمىنا» اينالدى.
  جاڭ شينپيڭ العاش رەت جۇمىس ۇستىندە جارالانۋ دەلوسىن جاراستىرادى. قاراستىلىعىنداعى ءمالىم ءبىر جەكەلەر باسقارۋىنداعى كاسىپورىننىڭ جۇمىسشىسى جۇمىس ۇستىندە قولىن جارالاپ الادى، ۇقىعىن قالاي قورعاۋدى بىلمەگەن جۇمىسشى جاڭ شينپيڭدى ىزدەپ كەلەدى. جاڭ شينپيڭ دەرەۋ كاسىپورىننىڭ جاۋاپتىسىمەن بايلانىس جاساپ، وعان كاسىپورىننىڭ اتقارۋعا ءتيىستى جاۋاپكەرلىگى جايىندا ءجون - جوسىندى تۇسىندىرەدى، وسىنىڭ ارقاسىندا كاسىپورىن تولەم تولەۋگە قوسىلادى. جاڭ شينپيڭ بۇل دەلونى دۇرىس ءبىر جاقتى ەتسەدە، كوڭىلىندە ءبىر تالاي وكىنىشتەر بار ەكەن. جاڭ شينپيڭ بىلاي دەدى: جارالانعان بۇل جۇمىسشى جازىلعاننان كەيىن بالا - شاعاسىن ەرتىپ ىشكى ولكەگە قايتىپ كەتتى، سول كەزدە مەندە قايتادان بارىپ سۇراستىرۋ دەگەن تانىم بولمادى، ونىڭ بايلانىس جاساۋ ءتاسىلىن دە الىپ قالماپپىن، ونىڭ تۇرمىس جاعدايى قازىر قانداي ەكەن دەشى.
  قىزمەت تاجىريبەسىنىڭ كوبەيۋىنە بايلانىستى، جاڭ شينپيڭنىڭ جاراستىرۋ قىزمەتى دە بارعان سايىن ارناعا ءتۇسىپ، قىزمەتكە ىسىلا باستادى، تۇرعىندار ماسەلەگە جولىقسا بولدى ەستەرىنە جاڭ شينپيڭ تۇسەدى، شينيۋان الەۋمەتتىك اۋماعىنا كەلگەن 5 جىلدان بەرى، ول نەشە ءجۇز داۋ - شاردى ءبىر جاقتى ەتتى.
  «ماسەلەنى باسقالاردىڭ تۇرعىسىندا تۇرىپ ويلاپ، تۇرعىنداردىڭ قيىنشىلىعىن ءوزىمنىڭ قيىنشىلىعىم دەپ ءبىلىپ، شىنايى ىستەسەڭ، ونىڭ دا قارىمجىسى قايتادى»، - دەدى جاڭ شينپيڭ. 2016 - جىلى شىلدە ايىندا الەۋمەتتىك اۋماقتاعى ءبىر كاسىپورىننىڭ قىزمەتكەرىن ەلەكترموتو سوعىپ كەتەدى، ەمدەلۋ اقىسىنا كەلىسە الماعاندىقتان، جارالانۋشىنىڭ قىزى الەۋمەتتىك اۋماققا كەلىپ، جاڭ شينپيڭنىڭ شەشىپ بەرۋىن تالاپ ەتەدى.
  جاڭ شينپيڭ شيپاحاناعا بارىپ جارالانۋشىعا امانداسادى ءارى ونىڭ ۇرىمجىگە سىرتتان جۇمىس ىستەۋگە كەلگەنىن، وتباسىندا قيىنشىلىق بار ەكەنىن، ەشقانداي جيناعان اقشاسىنىڭ جوق ەكەنىن بىلەدى. ول وقيعا تۋدىرۋشىنى تاۋىپ، وعان ەگەر سەن جارالانىپ، وتباسىنداعىلار كۇن كورە الماي قالسا، قانداي بولار، وپەراتسيا جاساتقان كەزدەگى جان ازابىن اقشامەن ولشەۋگە بولا ما دەگەندەردى ايتىپ، ونىمەن اقتارىلا سىرلاسادى. ونىڭ سوزىنە مويىنسال بولعان وقيعا تۋدىرۋشى 18 مىڭ يۋاندىق ەمدەۋ اقىسىنا قوسا ءدارى - دارمەك اقىسى جانە قالپىنا كەلۋ مەزگىلىندەگى تولەم اقى بولىپ جالپى 30 مىڭ يۋان تولەۋگە قوسىلادى، بۇل داۋ - شار مىنە وسىلاي دۇرىس شەشىمىن تابادى.
  شاش الۋ قۇرال - جابدىقتارىن كوتەرىپ، وتباسىلارىن ارالادى
  «كوپشىلىك مەنىڭ ايتقانىمدى تىڭدايدى» مىنە بۇل جاڭ شينپيڭنىڭ تىلشىگە ۇنەمى ايتاتىن ءبىر اۋىز ءسوزى. ول جايشىلىقتا بۇقارالىق قىزمەتتى جىڭىشكەلىكپەن، دەن قويا ىستەيدى، كوپشىلىككە شىنايى كومەكتەسەدى، سوندىقتان كوپشىلىك داۋ - شارعا جولىقسا ونىڭ اقىلىن تىڭدايدى.
  ياۋ سۋجين بىلاي دەدى: جاڭ شينپيڭ تۇرعىندارمەن بىرگە بولعاندى ۇناتادى، جايشىلىقتا كەڭسەسىندە ۇزاق ۋاقىت وتىرمايدى، قولى بوساي قالسا بولدى ەل ارالاپ، جاعداي ۇعىسادى. بۇل اۋماقتا 1200دەن استام تۇرعىن بار، ونىڭ 860سى تۇراقتى نوپوس، ولاردىڭ بارلىعى جاڭ شينپيڭدى تانيدى، ونىڭ جىلى ءجۇزدى بەينەسى تۇرعىندارعا وتە تانىس.
  جاڭ شينپيڭنىڭ بۇقارالىق قىزمەت ىستەۋدە وزىنە ءتان ەرەكشەلىگى بار ەكەن. «مەن الەۋمەتتىك اۋماققا كەلەردەن بۇرىن شاش الۋدى ۇيرەنگەنمىن، تۇرعىنداردىڭ ۇيىنە ءجيى بارامىن، وسى ارتىقشىلىعىمدى ساۋلەلەندىرىپ، كوپشىلىكتىڭ شاشىن الىپ بەرۋدى ويلادىم»، - دەدى، ول تىلشىگە كۇلىمسىرەي. 2012 - جىلى الەۋمەتتىك اۋماق وعان ارنايى شاش الۋ قۇرال ساندىعىن بەرەدى، ساندىقتىڭ ىشىندە شاش الۋ ماشيناسى، قايشى، تاراق، شالعىش، شوتكى سياقتىلاردىڭ ءبارى تولىق ەكەن. ول قولى بوساي قالسا ساندىعىن كوتەرىپ وتباسىلارىن ارالاپ، تۇرعىنداردىڭ شاشىن تەگىن الىپ بەرەدى، ەندى ءبىر جاعىنان، سىرلاسىپ، بايقالعان ماسەلەلەردى دە شەشە جۇرەدى ەكەن.
  «شاش العان كەزدە، كوپشىلىكتىڭ كوڭىلدەرى ورنىعىپ، ماعان قيىنشىلىقتارىن ايتادى، بۇقارانىڭ ۇساق ىستەرى كوپ، ۇلكەن ىستەرى از، ەگەر ۇساق ىستەردى دەر كەزىندە ءبىر جاقتى ەتپەسەك، ول ۇلكەن ىسكە اينالىپ كەتۋى مۇمكىن، مەن بار كۇشىمدى سالىپ، كوپشىلىكتىڭ ماسەلەسىن شەشۋدى ويلايمىن»، - دەدى ول.
  الەۋمەتتىك اۋماقتا قيمىل وتكىزگەن سايىن ساندىعىن كوتەرە بارادى، تۇرعىندار دا سانالى تۇردە كەزەككە تۇرىپ، شاشتارىن الدىرادى. ول داۋ - شارلاردى شەشىپ قانا قالماستان، كاسىپورىندارعا بارىپ شاش العان كەزدە، پارتيانىڭ حالىققا ءتيىمدى ساياساتتارىن، زاڭ بىلىمدەرىن ۇگىتتەدى. جاڭ شينپيڭ «قاراستىلىعىمىزداعى اۋماقتا كاسىپورىن ءبىرشاما كوپ، جۇمىسشىلاردىڭ دا سانى مول، مەن كوپشىلىككە كاسىپورىنداردىڭ جۇمىسشى - قىزمەتكەرلەرگە جۇمىس ۇستىندە جارالانۋ قامسىزداندىرۋىن ساتىپ الۋ جانە ەڭبەك توقتامىنا قول قويۋ جاۋاپكەرلىگى بار ەكەنىن ۇگىتتەيمىن، ۇگىت كىتاپشاسىن بىرگە الا بارامىن، كەزىككەندەردىڭ بارىنە تاراتامىن»، - دەدى.
  الەۋمەتتىك اۋماقتىڭ قىزمەتى جاپالى، ەرتە شىعىپ، كەش قايتۋ جاڭ شينپيڭنىڭ كۇندەلىكتى داعدىسىنا اينالدى، 2017 - جىلى قىركۇيەكتە ۇيىم وعان جەڭىل قىزمەت ورنالاستىرۋدى ويلاستىرادى، ول ءار كۇنى ۇيىنە ۋاعىندا قايتۋىنا بولاتىن ەدى، الايدا ول بۇعان قوسىلمادى. ول: مەن تىنىش وتىرا المايتىن اداممىن، تۇرعىندارمەن بىرگە بولعان ۋاقىتىم ۇزارعان سايىن، سۇيىسپەنشىلىگىمىزدە تەرەڭدەي ءتۇستى، مەن تۇرعىندارمەن كۇندە جۇزدەسىپ، اڭگىمەلەسىپ تۇرعاندى جاقسى كورەمىن، ولار قۋانسا، مەندە جادىراپ قالامىن، - دەدى.
  بۇقاراعا جىلۋلىق پەن قامقورلىق باعىشتادى
  شينيۋان الەۋمەتتىك اۋماعىندا ءبىر مەملەكەتتىك قامتاماسىزداندىرۋ سيپاتتى تۇرعىن ءۇي عيماراتى بار بولاتىن، وندا تۇراتىن ەڭ تومەنگى تۇرمىسى قامتاماسىزداندىرىلاتىن وتباسىلارىندا اۋرۋ - سىرقاۋ، مۇمكىندىگى شەكتەۋلى جاندار تەڭ جارىمىنان استامىن ۇستايتىن. «ولاردىڭ تۇرمىسى ءبىرشاما قيىن، كورشىلەر قاقتىعىسى، نەكە، وتباسى داۋ - شارلارى ءجيى كەزدەسەدى، ولاردىڭ بارلىعى ءبىزدىڭ كومەگىمىزدى قاجەت ەتەدى. جاڭ شينپيڭ كۇندەلىكتى تۇرمىس بارىسىندا كوپشىلىككە مەيىر باعىشتايدى»، - دەدى ياۋ سۋجين.
  ءتىلشى بۇقاراعا سۇحبات جاساۋ بارىسىندا، جاڭ شينپيڭنىڭ داۋ - شارلاردى شەشىپ قانا قالماستان، بۇقاراعا كوپتەگەن ناقتى ىستەر ىستەپ بەرگەنىن ۇعىستى. تۇرعىن xxتىڭ وتباسىندا، xxتىڭ شەشەسى جاڭ شينپيڭدى كورە سالا، ونىڭ قولىنان ۇستاپ: «جاڭ حانىم» كەلگەنىڭىز جاقسى بولدى، مەنىڭ مىنا ۇلىما قىزمەتىڭدى جاقسى ىستە» دەپ كوبىرەك تاربيە ايتىپ قويىڭىزشى. 28 جاستاعى xx اراق ءىشىپ، كوپ رەت ءىس تۋدىرادى، ايەلى اجىراسىپ كەتكەن، قىزمەتكە دە زاۋقى سوقپايدى، كۇنى بويى ۇيىندە ومالىپ، اكە - شەشەسىنىڭ، اپەكەسىنىڭ مازاسىن الادى. xxتىڭ جۇمىستانۋ ماسەلەسىن شەشۋ ءۇشىن جاڭ شينپيڭ تالاي ورىنعا بارادى، بىرنەشە جىلدا وعان بىرنەشە قىزمەت تاۋىپ بەرگەن، الايدا xx ۇنەمى اراققا سالىنعاندىقتان قىزمەتتەن ايدالىپ كەتەدى. جاڭ شينپيڭ xxتەن ءۇمىتىن ۇزبەيدى، جاقىندا وعان كىرە كولىگىن دە ايداتقىزادى، الايدا ول ءبىراز ۋاقىت ىستەپ ودان دا باس تارتادى. «وسى بىرنەشە جىلدان بەرى، جاڭ حانىمنىڭ كومەگىندە ول ساباسىنا ءتۇسىپ قالدى، بىزبەن دە ءسوز تالاستىرمايتىن، كورشىلەرمەن دە تاتۋ - ءتاتتى وتەتىن بولدى، تەك وسى جالقاۋلىعىن وزگەرتسە بولعانى»، - دەدى، xx تىڭ شەشەسى تىلشىگە.
  شياۋمي رۋحاني اۋرۋعا كىرىپتار بولعان، اكە - شەشەسىمەن بىرگە قالت - قۇلت ەتىپ كۇندەرىن كورەتىن. «جاڭ حانىم بىزگە توتەنشە كوڭىل بولەدى، اياق كيىم جوق بولسا اياق كيىم، ماقتالى شاپان جوق بولسا ماقتالى شاپان اكەلىپ بەرەدى، ۇنەمى ۇيگە كەلىپ اكەلى - بالالى ەكەۋىمىزدىڭ شاشىمىزدى دا الىپ بەرەدى»، - دەدى لاۋمي تىلشىگە تەبىرەنە. قانتتى نەسەپ اۋرۋى بار ۇلى ۇنەمى قانت قۇرامى بار سۋسىندىقتاردى ىشەدى، قانشا رەت اقىل ايتسادا كونبەيدى، باسى قاتقان لاۋمي امالسىز جاڭ شينپيڭدى ىزدەپ بارادى. جاڭ شينپيڭنىڭ اقىل ايتۋىندا شياۋمي ءتاتتى جەمەكتىكتەردى جەمەۋگە قوسىلادى ءارى سوزىندە تۇرادى، بۇنى كورىپ لاۋمي قاتتى قۋانادى.
  تۇرعىنداردىڭ تۇرمىسىنداعى كەلەڭسىز جاعدايلاردى كورىپ جۇرسەدە، جاڭ شينپيڭ قاشاندا اشىق - جارقىن، كوڭىلدى جۇرەدى. «مەن تۇرعىندار مەن ەتەنە بولۋدى قالايمىن، ولار وسى ارادان كوڭىلدەرىنە جۇبانىش تاۋىپ، قايعىدان ارىلسا، ءومىرىمنىڭ ءمانى بولعانداي سەزىنەمىن»، - دەدى جاڭ شينپيڭ.
  جاڭ شينپيڭ بىلاي دەدى: بۇقارانىڭ بارلىق قيىنشىلىعىن شەشە الماسامدا، بار كۇشىمدى سالامىن، ولارعا اقىل ايتىپ، كوڭىلدەرىن جۇباتسام بولدى. مەن باسقالاردىڭ تۇرعىسىندا ويلانۋدى ۇناتامىن.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ